Sick Burger (MOSTown新港城中心(5期))

營業中

休息中

Sick! Burger $68牛肉漢堡扒用smash手法煎，有肉汁之餘，令漢堡扒邊邊位煎得更香脆，但略嫌舊肉冇咩牛肉味。配料有生菜、酸瓜、洋蔥等，幾fresh，可以中和漢堡扒嘅油膩感。Sick! Pork $68Sick! Pork係豬肉漢堡扒加上慢煮嘅BBQ手撕豬，BBQ醬味濃郁，偏甜。配料有生菜、酸瓜、漬物同芝士，食落都唔會太膩。〰️〰️〰️〰️〰餐廳係用心經營嘅小店，堂食座位得3個，上一次買外賣返到屋企，個漢堡焗到淋哂，所以今次見到有位就試下堂食，堂食好好多嘅，不過都要盡快食，因為個包好快又會濕變淋，係太熱定太多醬？😅 餐廳係同區嚟講，算比較少有而且質素唔差，係可以再回訪嘅，但如果唔係住附近，我覺得就冇專登過嚟食嘅必要😗〰️〰️〰️〰️〰️食物: 4/5性價比: 4/5 環境: 3/5服務: 3/5Revisit: Yes

放左工本來諗住同男朋友去食老爹，但沿途行去老爹既時候，經過sick burger 既burger 味好香俾佢吸引左，鋪唔算大但都可以容納到兩三個人堂食。我地叫左兩個burger set, 有burger, 小食，湯/飲品。我同男朋友叫左個洋蔥圈，沙律，beef burger, double beef burger, 洋蔥湯同可樂。洋蔥湯有驚喜，都幾清甜不過帶小小油，但洋蔥圈就唔得啦，我未食咁難食既洋蔥圈，佢炸得超差，炸得太耐啦之後到主角burgers , 同出面cafe 食既burger 冇得比，料唔夠多，beef唔夠香，呢個價錢我同男朋友都覺得m記好食過佢，真係食過一次就算

其實自己都幾鍾意食漢堡包不過馬鞍山都冇一啲有質素嘅漢堡包可以食之前開咗一間mos，不過嗰間價錢貴得來份量，亦都比較細，而且相比起食連鎖店，我始終都鍾情於食小店服務：店員同老闆都親切友善，我叫完個漢堡包坐低之後個店員仲好震驚咁問我你坐低食㗎？笑死我食物：有啲趕時間，而且又得我一支公，所以淨係叫咗一個牛肉漢堡，當我第一次黎試左d 基本野先啦。見到佢拎個漢堡扒響鐵板上面煎嘅時候，果陣牛香味簡直衝出黎咁，口水直流。到上檯，麵包軟熟，芝士，配菜汁醬等都配合得好好，雖說唔係驚為天人，但漢堡來說響馬鞍山就應該無乜對手，而塊漢堡扒仲要煎到有d 脆邊，食果陣唔好咁快吞，舊肉都要停響口幾耐d 味先發出黎，頭兩淡食果陣仲好好奇點解煎果陣咁香食落無乜味會再返去食埋其他款式再寫食評總括而言，呢間舖頭值得我再幫襯完

一路而黎喺馬鞍山想食burger就只有快餐店嘅選擇Sick burger開咗就好似漆黑中嘅螢火蟲咁每次行過都香氣撲鼻 食指大動☝🏼👋🏻成日夜返都見到入面有人準備食材/研究新食譜或者就播歌吹水 好青春🥂入面舖位得幾個吧枱位 所以幫襯幾次都係買外賣大約要等十至十五分鐘就有啦signature sick beef burger 🍔牛肉用左smashed 方法整所以薄身 個邊會脆脆地😋包帶有牛油香🧈上面紫洋蔥帶返啲甜味加埋個醬 一口食哂幾種口味層次朋友點嘅係魚堡 🐠🍔炸魚好厚！好moist不過啲青芒果relish就唔係好啱我哋口味個堡酸味材料較多用嘅醬都唔係平時嘅他他醬叫咗combo 配薯條同蕃薯條🍟🍠佢哋啲薯條好好食重薯味 (認真mode)粗過m記 但幼過fish and chips個種不過好飽 食唔哂要留返下午茶🤪係到同sick burger嘅員工講返句：新年快樂呀🥰

呢間主打burger嘅餐廳最近喺馬鞍山都好紅🥰 馬鞍山果然多咗好多好食嘅餐廳🧚‍♀️ 佢哋係主打外賣嘅~ 所以鋪面好細~ 主要都係用咗來做廚房, 出邊只係有幾張bar枱位! 不過今次就係堂食嘅! 後尾試過一次外賣, 就覺得真係堂食好食好多🥹 因為佢有好多都係炸嘢~ 如果外賣嘅話, 唔單止冇咁脆~ 仲會令食物好多濕氣🥲 最近因為有好多媒體都有報道過呢間餐廳~ 所以當日去到雖然即刻有得坐低~ 但都要等多個30分鐘先有嘢食~ 睇得出佢哋已經好盡力去整burger🥹 不過因為有好多單排緊隊, 所以有好多客都有啲不滿~ 希望之後去食嘅話大家都會俾啲體諒佢哋!! 💪🏻 因為佢哋都係即叫即整而且人手都唔係好夠~ 佢哋嘅食物質素真係好高!! 食得出好有誠意🥹 雖然款式唔多, 但就可以更專注去做好每一款食物🥰 menu主要都係Burger同炸物小食! 另外比較特別嘅係佢哋跟餐飲品有kombucha🥰 果次試咗荔枝玫瑰紅茶☺️ 真係好好飲!!🤍SICK! FISH 魚柳漢堡 $68魚柳漢堡係最有驚喜🥹 一上菜已經見到嗰個魚柳嘅厚度🥰 雖然成個burger都好厚身! 但食嘅時候一啲都唔會麻煩! 魚柳炸到外脆

雙層牛肉漢堡睇落顏色豐富，生菜翠綠又新鮮，漢堡層次分明，線條玲瓏浮凸。店面細細，等緊ge時候已經聞到陣香煎牛肉漢堡ge香味，十分吸引！可能期望太高，入口覺得味道係好食ge，但係無期望中會wow一聲咁勁好味，而且漢堡有d油，加上類似牛角包ge包就會油上加油，略嫌油膩。但係牛肉係juicy，醬汁調配就差少少🤏，可能我個人鍾意濃味多d，同埋如果酸瓜可以多少少就好喇，可以幫助減低油膩感，整體黎講都係中上的。貪心叫左雙層牛肉，最後食唔曬，建議女仔都係食翻單層好喇。

今日早收工，於是又去漢堡包小店試食。之前食過佢最基本嘅牛肉漢堡，亦試過佢今期嘅signature蟹肉漢堡，味道都相當不俗。今日試食佢嘅雞肉漢堡，原來雞肉漢堡嘅餡料，係咖哩味嘅脆雞，入口有咖哩嘅辣味，而雞肉則外脆內嫩，味道果真有驚喜！除咗食漢堡包之外，今日亦試咗佢嘅黑啤炸洋蔥圈，同埋鹹蛋黃薯條。洋蔥圈表面嘅顏色稍深，食落除咗脆口之外，無甚特別，反而佢嘅鹹蛋黃薯條有驚喜，外貌看似平平無奇，跟一般薯條無甚分別，但食落有好濃郁嘅鹹蛋黃味。我好奇問老闆點樣可以整到咁有鹹蛋黃味，佢話佢哋嘅做法跟其他店鋪唔同，佢哋會先顏碎啲鹹蛋黃，然後再加牛油去調製，所以先至有咁濃嘅鹹蛋黃味。

評分係比個services，唔關食物事本來聽人講唔差諗住叫個外賣試下🙃去到見無乜人應該好快，但因為即叫即整都要啲時間，所以坐喺cashier 前面等然後愈來愈多人，就廢事吹佢。結果一等就等半個鐘，直到我見到幾個外賣遲黎先上岸走左我先問下，原來佢地係整完放係到唔叫號碼，同埋就算我坐係佢前面、佢又知個餐係我的都好，都係唔知叫你🙃由得你9坐係到直到你問佢，原來係要係咁吹先得的，唔可以見佢忙唔問佢。咁的服務真係無下次

睇過好多網上食評都讚好，今日滿懷希望去試，點左漢堡、薯條同沙律。漢堡：包算軟熟但係塊肉唔係咁有肉味，芝士有加熱整溶但係唔算香薯條：薯條係即炸但係薯味唔係咁濃沙律：普通Caesar Salad無乜特別整體感覺：所有食物係即叫即整夠新鮮，但係明顯食材用料一般，如果同Five Guys比係有啲距離，portion亦算細，估計都係成本考慮，當支持本地小店可以，但真心講性價比唔高。

早前睇完X紙介紹馬鞍山美食, 趁放假練車就即刻去試試🚗💨店面不大, 只有一張長枱可供4個人坐低食, 以🥡外賣為主🍔漢堡選擇✔️牛豬雞魚, 另可加$轉套餐(小食🍟＋飲品🥤)🔸Sick! Burger 牛肉漢堡🍔 $68 7/10安格斯牛肉堡｜生菜｜番茄🍅｜車打芝士🧀｜洋蔥🧅｜酸瓜｜沙律醬➕另外也可根據個人喜好再加extra配料~牛肉juicy, 煎得唔乾有肉汁~😋包都幾鬆軟, 仲用🧈牛油煎香過🤩整體配搭👌🏻口感豐富😽當日單量都多, 要等約30分鐘如果踩單車🚴‍♀️過開嚟馬鞍山, sick burger 都係一個唔錯的充饑選擇

在自己Sick之前再來Sick Burger, 意頭一般, 但能夠品嚐到其招牌炸蟹餅漢堡, 真的夠高興. 蟹餅外表酥香, 就算有大量蔬菜, 水果和醬料, 也沒影響其脆度. 內裡蟹肉份量十足, 不會以其他餡料濫竽充數, 價錢不便宜, 但吃完會覺得物有所值. 洋蔥圈件頭夠大, 同樣外脆內爽, 原件厚洋蔥吃起來微辛, 如果炸皮可以再薄一點, 就更完美.雖然炸蟹餅和炸洋蔥圈相當熱氣, 但漢堡包內裏充足的菠菜和西柚中和其肥膩, Brioche吸收當中的水份和醬汁, 底部相當濕潤, 但不至於糊化, 依然保持牛油酥香, 表面依然乾爽而光滑, 沒因菠果而破壞整個包的結構. Top-Up了海膽作為漢堡包的配菜, 當然夠Luxurious, 海膽沒有臭味, 咸鮮味ok, 只是質感比較稀, 有點像附加了的醬料, 可能在漢堡包的配料上, 特別是蔬果上的份量作調整, 更能突出這Signature Burger.The deep fried crab cake burger at Sick Burger is nice. With the excellent quality of crab cake that i

馬鞍山美食沙漠的地位, 應該要被油塘取代, 至少特式小店比起油塘多得多, 例如今次介紹的Sick Burger, 無論是用的麵包, 漢堡扒和醬料也相當不錯. 這裏最出名的是炸蟹餅漢堡, 連新鮮海膽也可以用來做配料, 這種Luxurious的程度可以媲美Burger Room及Electric Ave. 主理人Chef Lai之前在澳門的Robuchon, 倫敦的Tom Aikens及芝加哥的Alinea等米芝連星級食肆工作過, 吸收了大量Fine Dining的經驗, 除了令其CV更豐富外, 事實上也令他的漢堡包更美味.以我吃的雙層牛肉漢堡為例, 麵包是加了洋蔥碎的brioche, 以brioche為漢堡包的麵包並非第一次品嚐, 但這裏的牛油香配合洋蔥香, 和漢堡扒的肉香有化學作用. 麵包外酥內軟熟, 吃起來不會成口粉, 是我喜歡的質感. 漢堡扒是安格斯牛肉, 肉香肉汁豐富之餘, 加上脂粒和軟骨粒令其更香, 口感層次更豐富. 醬汁更起了令整個漢堡包畫龍點睛的作用, 包圍着漢堡扒的柚子醬中和其肥膩之除, 其果酸和甘香令漢堡扒更吸引, 再在外面的布冧果醬不但沒有破壞整體的味道, 更令味蕾在

如果想食burger, 一定會揀呢間小店外賣馬鞍山小店勁有人情味😍收工撘巴士打電話去叫定,一落車就攞得完全講個信字🥰 叫咗一個牛肉漢堡 另外加錢加配煙肉,蘑菇,芝士😋 另一個雞扒漢堡兩個都係套餐有小食同埋飲品 !!小食叫咗炸雞翼同埋炸番薯條💕呢兩個小食都係我至愛! 每次都必叫 特別想講一講雞扒漢堡個炸雞扒好出色!多汁肉質嫩滑,食得出佢用咗咖哩粉去炸,所以有少少咖哩香😍 另外炸雞翼都係佢哋自家醃製嘅所以好好味😋😋真係十分推介！！！

行過突然發現馬鞍山有新開burger店，行過都已經聞到好香，講真馬鞍山又好似真係冇淨係食burger嘅店，咁就試吓新嘅burger小店啦。真係小店因為入面只得一張長枱4張凳可以坐低食，店面都好細。漢堡主要就牛豬雞魚，可以加套餐有小食同飲品，仲有炸魚薯條同其他小食。入面冇人，我哋揀坐低食。都好快，5分鐘左右就有得食。第一次試，叫咗牛肉漢堡，入面已經有芝士酸瓜，再可以根據個人喜好再加配料。牛肉都幾香，啲汁有啲酸，個包都ok軟熟加咗炸薯條套餐炸薯條好食，好脆又好薯飲品，揀青檸梳打都唔洗錢店員塞左舊青檸落罐梳打度

朋友仔呢排間唔中會去馬鞍山返工，當晚就約好係馬鞍山食飯。呢排keep住落大雨，呢間burger店鋪面細細，只有一張窄長嘅bar檯，最多夠坐三個人。以做外賣為主，我地食嘢期間外賣order完全係停過，人氣十分旺。我地叫咗兩個set，每份都係一個漢堡+一份小食+飲品。單層sick burger(牛肉）牛肉漢堡煎到超級香，麵包胚鬆軟，搭配pickle、cheese同埋少少沙律菜，簡單又滋味。炸魚漢堡雖然炸魚本體同平時食到嘅漢堡差唔多，但個sauce就有驚喜！類似青木瓜沙律嘅醬汁，中和炸魚嘅熱氣油膩，食到真係想叫佢多醬阿洋蔥圈及蕃薯條洋蔥圈份量唔多，味道正常反而蕃薯條望落去平平無奇，但炸得有少少焦香，反而愈食愈香口！Staff都好有禮貌好nice,如果有機會都想再黎食過