Simplylife Bread & Wine (已結業)

好中意去太古城嗰間，知道Canteen執左之後會開呢間好興奮，但裝修要成半年有啲誇張。我去過好多次，但次次都係外賣三文治，次次都係Mixed Green Vegetable，好好食，我可以日日食，記住叫佢整熱（但你記住提佢地，因試過有次個waitress唔記得整燶左要掉，另一次佢好似發緊夢，我提佢先記起好在無燶，琴日嗰次好似有個人專登負責睇住啲要番熱的包），返到上公司個包仲係暖，但最重要係好脆，未食過咁脆嘅包。今日早餐又去幫襯左個Cinnamon Croissant $14，幾好味，但唔夠Pret咁好

開張第二日就幫襯，外賣係open kitchen感覺良好, 但dine-in係無reception area, 好在waitor態度親切, 同同事各叫坐個pasta, 稍嫌多sauce, 餐飲選擇唔多, waitress推介自家特飲x，唔太記得叫乜，係green tea mix iced tea 之類，唔錯，味道好清新，又唔會太甜, 餐湯要左pumpkin soup, 好香濃, 無敵海景同開揚氣氛, ifc除左各個快餐廳外應該最平係佢有幾個面海自閉位，就算一個人食都應該會幾開心

將完本既Canteen 改成都係其下集團既 Simplylife後, 有D失望.我叫左兩份sandwich, 分別係 Backon & egg 同埋 Chicken & Mushroom. 但個顆計無主動問使唔使heat 番佢. 咁我主動叫佢heat la, 俾我既時候都係得三分熱. 番到樓上公司就凍晒la.俾錢仲好笑, 佢找錢找左三次俾我先岩數. 應該找番$16, 佢第一次找得$4, 之後我話應該係$16, 佢就再俾多個$10 我, 我話得$14 咋喎, 先再俾$2 我..... 跟住俾個包我又唔俾個袋我入住佢.... 話晒我都買左兩份, 一路行一路lor 住都有D核突.食物方便: 個包有D硬, 咬好耐先吞到, 整體覺得麻....$42 一份凍 sandwich, 唔抵食~

初一去 好多人在排隊 所以我都去試下個餐館好有特色 但好亂+好無秗序 我想果日可能係第一日: pre-open day?!好外國自助式，有點像以前住dorm去canteen食飯咁 （回味）講到食，其實個food service係唔錯，但我覺得這是中國人地方，見到中國人如果可以主動問要唔要把食物heat返熱就最好啦。 （我有叫人幫我heat熱個pizza，但最終到返我手時都係凍。如果可以改善個pizza地方係keep住熱就最好啦。我想無邊個會喜歡食凍的pizza。） - 因為凍所以唔好食論飲料，我要了Hot Chocolate + Latte， 兩杯都好甜論環境: 坐得好舒服，但好亂論service: 個bar係好多人做野，但無秗序囉。等果個又唔知點等，因為cashier無話你知barista會點叫你，個manager又只係企係度，唔識得教D員工疏導人流，所以一堆人哄住個bar搞到塞滿人。utensil supplement area 很難找+無叉用 （個pizza幫我cut開一舊舊，但有唔比叉我點食wor）

一月三十日(星期五)今日經過IFC,同老公過來看看simplylife開了沒有,早於xmas前已經開始裝修,知道是simplyife,有點開心,因為可以吃個好味道牛角包!之前吃過置地的那間出名的,都覺得不錯,simplylife的比較特別,有杏仁,面有白色的粉,味道甜甜的,而landmark的比較香牛油味,各有特色是日來到應該是開業的第二日,中午時後當然人比較多,店子也相當嘈雜!比起又一城的氣氛完全不同!也許此店是sell bread 同wine多數是吃包,salad的,比較輕型!我們買了牛角包以及salmon danish 回公司作tea我們都在3時左右吃了牛角包同又一城的水準差不多!很鬆化!老公的salmon danish都好吃,包內有三文魚碎的!下次再試試別的包!不過價錢當然是走高檔路線!十多元一個包

正月初四‧大風這裡前址是Canteen，現在卻換上了間高級一點的麵包店子。初四返工，勝香園未開，就試試這間新店子如何？似乎這裡也是第一天營業，因為眼見無論買的賣的都好像不大知道怎麼運作。原來是先選麵包，比了錢又再拿單子過去咖啡那邊等，再去找位子坐，全程自助形式。就要了件coffee danish，另外一杯泡沫咖啡。坐在餐廳的一邊的疏化椅位，硬硬的不算好坐，比starbucks及pacific coffee and co那邊的差得遠。Coffee danish焗得太乾，吃起來得個脆口，裡面是毫無口感，還可以更好；咖啡更一般，沒有什麼香味，連鎖店水準。埋單44蚊，與其全程要help ourselves的，建議找間坐得舒服一點的。