餐廳在戶外，掛滿燈串，好有大自然氣息，好feel! 用餐有室外和室內，地方寬敞，張張枱都好大，坐得好舒服，加埋輕快嘅音樂，心情都輕鬆晒！
有套餐和單點，二人套餐 （$498）樣樣有得揀，先是老闆，仲唔駛諗咁多。
小食揀了泰式魚餅，熱辣辣，好彈牙，香辣惹味，點啲泰式甜酸醬仲正。
湯二選一，當然要火辣辣的冬陰功湯，湯底好香濃，酸酸辣辣，好味!用料豐富，最吸引係兩隻大蝦，啲肉彈牙，滋味！
青咖喱牛肉 味道香濃，辣度中等，加入不少配菜， 有大量豆角、泰式茄子、紅椒，當然仲有腍嫩啲牛肉，沾滿咖喱醬汁，越吃越滋味，用嚟撈飯就正！
主食就要菠蘿海鮮炒飯 （+$18），炒得乾身，唔油膩，不錯!加咗三色豆、雞蛋碎 、菠蘿粒 、泰式臘腸、蝦仁、魷魚、青口、提子乾同炒, 旁邊仲有豬肉鬆、腰果，同埋甜美多汁嘅鮮菠， 好豐富。
泰式瑪莎曼咖喱牛
整體環境寬敞闊落，餐廳店員都好親切友善。
餐廳環境清靜舒適，望到成片藍天。我地喺玻璃屋入面食野，真係好放鬆。
我地點咗二人餐，包括泰式魚餅、椰汁雞湯、牛肉黃咖哩、菠蘿海鮮炒飯同埋椰汁西米糕。
食物都好快就上，首先飲雞湯，雞湯酸酸地好開胃，啱哂餐前飲。
前盤係泰式魚餅，魚餅頗厚身，混入唔同既香料，咬落啖啖肉，作為前菜好合適。
自己好鍾意牛肉黃咖哩，因為黃咖哩口味溫和，食落甜中帶有椰香，好鍾意用佢嚟送飯。
朋友就比較喜愛菠蘿海鮮炒飯，海鮮款式唔少，有蝦、青口、魷魚等，非常豐富！而且菠蘿香甜，米飯粒粒分明，我地最後食清光😆
晚飯以椰汁西米糕作結，每次見到個斑蘭盒，都覺得充滿泰式風情。面層既椰汁糕又香又滑，下層係西米，中間加咗一片芋頭，食落口感更豐富。
影片
