Tanuki Innovation

營業中

休息中

上星期發現咗尖沙咀誠品有一間以狸貓為主題既望海景Cafe，裝修以黃灰色為主～野食唔錯，啲職員亦都好友善仲有啲搞笑😂🦐大蝦蕃茄扁意粉 $128用新鮮蕃茄整成茄膏，al dente既意粉每一條都沾滿酸酸地既茄汁。大蝦都彈牙，如果去埋蝦殼會仲方便食用。🐟招牌英式炸魚薯條 $168好似好普通既一道菜，但條魚炸得好脆口，魚肉嫩得黎亦無腥味。連沙律醬都有2款，分別係甘筍沙律醬同松露沙律醬。2個醬都好味～🥒青瓜湯力咖啡 $62夏天飲呢個夠曬refreshing。可以試左青瓜tonic之後再慢慢加espresso。☕️提拉米蘇卡布奇諾 $58上面果層濃濃既tiramisu foam好正，係出邊少可會試到既咖啡～🍨香濃咖啡提拉米蘇配雲呢拿雪糕 $118呢個上枱果陣係訓低左既，咁都俾佢諗到😂成杯其實就好似係tiramisu + affogato，係食得又影得既一道甜品～

喺尖東做完嘢，記得朋友提過193間cafe幾好食，仲搬咗去誠品，就試一試。 本身店員安排坐店內中間位，但見有海景位，就問可唔可以坐嗰邊，店員都好友善咁安排到。 參考食評，就叫咗個日式明太子帶子扁意粉($138)，另加杯熱americano($38)咖啡係誠意之作，非常香濃，出色！ 意粉一嚟到，吓咗聲，咁細份嘅，4啖就食完。食量係譚仔扣底，而呢一個份量係完全唔飽。味道亦好麻麻，食唔出有明太子，3粒帶子亦有啲overcooked，唯一好係煎得夠香脆。基於食唔飽，叫多件slice cake 鮮打老奶奶檸檬蛋糕($78)，結論係唔應該叫。件slice cake比正常size細件，味道亦非常普通，檸檬味好淡，勝在係少甜。衰啲講，質素仲差過連鎖店求其一件餅。 全部連加一，埋單$279。 有海景嘅餐廳，K11 musea、海港城、文化中心都有，價錢都係差唔多，但食物整體質素一定好過呢餐。入餐廳時已知價錢，接受先坐低，好可惜食物味道同質素係令我失望。唯一好係杯啡，否則會畀劣評。值得為咗杯啡而幫襯 / 經尖東特登上去買杯啡！埋單時見到人哋份甜品幾吸引，但我要儲下勇氣先再試，再失望而回，我驚會對呢間嘢負分

原來193嘅cafe Tanuki Innovation喺尖沙咀誠品生活開咗啊✨新店呢邊感覺開揚 最正係有個窗邊位可以望海㗎🌊裝修設計型格 都係以黃色做亮點 當然唔少得狸貓啦ꕥ 韓式烤五花腩泡菜溫泉蛋卡邦尼烏冬食物選擇好似比之前仲多咗 呢個韓式卡邦尼烏冬好啱口味🍝烏冬滿有口感 配上creamy嘅醬汁夠惹味 而且好掛麵 識食一定係篤穿隻溫泉蛋 撈埋蛋汁一齊食🥚五花腩肥瘦均勻 質地軟稔唔油膩ꕥ 日式明太子帶子扁意粉對明太子零抗拒力嘅我 又點會唔叫呢個😆明太子入口粒粒分明 帶有獨特醎香 香煎過嘅帶子表面有微微焦香 中間則保持鮮嫩🍴ꕥ 香濃咖啡提拉米蘇配雲呢拿雪糕IGable!! 本身以為就咁一件tiramisu上面放球雪糕 原來好有心思設計過擺盤🫶🏻蛋糕同雪糕放啲玻璃杯 再斜放喺放滿咖啡豆嘅小餐盤上 旁邊一酌expresso 比客人因應自己口味倒入杯中 有種同時享受咗tiramisu同affogato嘅感覺☕️另外點咗兩杯咖啡 挪威起司拿鐵賣相超靚✨挪威製嘅芝士由一種羊奶同牛奶混合而成 比市面上嘅芝士多咗種微甜🧀而Ice Mocha都好對味啊

尖沙咀星光行誠品生活中開了一間新店「Tanuki Innovation」，以韓式清簡設計為主調，配以無敵海景，帶來了一個全新的用餐體驗！而且這裡更是193主理的時裝品牌LILABOC亦會同時進駐，真係要一同參觀一下。提拉米蘇卡布奇諾口感濕潤綿密，層次豐富，甜而不膩。抹茶椰子雲霧以日式抹茶和泰式椰子組合而成，清新香味相得益彰，給人一種雲朵般的柔軟感，細膩甜美。全日早餐當中先有香甜軟糯日本南瓜、濃郁鹹香香腸、綿密牛油果、白菌、車厘茄、炒蛋、沙律菜、最後還有酥脆松軟的牛角包窩夫，口感層次豐富，味道多元化。韓式烤五花腩泡桑溫泉蛋卡邦尼烏冬卡邦尼烏冬都沾滿了韓式醬汁，而且更有半熟溫泉蛋和肥嫩多汁的五花肉，兩者完美融合，微微香辣，非常惹味。香濃咖啡提拉米蘇配雲呢拿雪糕賣相甚有心思的提拉米蘇雪糕，濃郁香醇的咖啡可自由添加上提拉米蘇內，令雲呢拿雪糕多了咖啡香，口感特別，為這餐畫上完美的句號。

Error 193的 coffee shop #TanukiInnovation殺入海港城誠品 空曠海景日光寫意☀️Menu選擇唔少 salad pasta rice 甜品仲有唔少飲品選擇試左個帶子明太子意粉 吉列豬扒飯 仲試左招牌tiramisu意粉creamy 啖啖明太子 吉列豬扒份量大又酥脆飲品推介Norway Cheese Latte & Tiramisu LatteClassic latte上灑滿Norway Cheese 鹹香得黎唔會甜#tiramisu latte就帶微甜 少酒香 入口幼滑甜品食埋fancy tiramisu 1 shot espresso倒落去更濃郁整體水準不錯 地理位置都好方便👍🏻📍Tanuki Innovation @tanukiinnovation尖沙咀梳士巴利道星光行誠品生活2樓L201-203號舖🌎#iam尖沙咀foodaholic

193人氣咖啡店原來進駐咗尖沙咀誠品生活店！想當初喺土瓜灣開店嘅時候我都特登去朝聖食過，宜家先知道原來土瓜灣分店已經結業，直接喺尖沙咀啱啱新開張😱誠品分店環境都好舒服，窗口位可以望到海景。以吧檯座位及開放式廚房設計，仲可以睇到美食製作過程，仲有多隻招牌狸貓吉祥物擺設🐱👓韓式烤五花腩泡菜溫泉蛋卡邦尼烏冬 $138五花腩薄薄的煎乾咗好脆口，烏冬好滑軟度剛好又掛到汁，忌廉醬汁配泡菜酸酸地少少辣平衡返又特別。配料仲有菇同紫菜碎、溫泉蛋依個fusion主菜值得一試！👓招牌英式炸魚薯條 $168一開始覺得有啲奇怪，竟然Cafe食炸魚薯條，但見隔離幾枱都叫所以就試試😂條魚大大條炸得好靚，上碟嘅賣相好似條魚游緊水🐟炸皮好薄又脆，魚肉好飽滿又滑又嫩，食得出唔係渣嘅魚柳，係好味！配菜有粗薯條，都係炸得好香脆，有沙律菜配柚子汁好清新，平衡返炸物咁飽。👓Matcha Coconut $58攪拌均勻後飲，估唔到椰子水味咁突出，好香!配埋抹茶味好夾好清新，呢個組合啱晒唔飲咖啡嘅人。老實講佢嘅抹茶味唔算好明顯，但勝在完全唔甜🤙🏻👓Tiramisu Cappuccino $58未攪勻前飲好有層次感，面有朱古力粉加奶泡

朋友是人氣組合成員193的粉絲，今個星期相約筆者到尖沙咀逛街，順道request必須要來誠品內的「Tanuki Innovation」。這是筆者第二次到訪藝人開設的餐廳。「Tanuki Innovation」門口就已經有大大個打卡位，有193所畫的插畫公仔立牌。當天大約下午5時多抵達，餐牌上好幾款item已經售罄，可以選擇的不多。扁意粉配上蕃茄醬汁，麵條頗為掛汁，入口味道酸甜，食得開胃。大蝦有3隻，口感彈牙。另外也附有菇菌等配菜。鰻魚塗上蒲燒汁，味道很香。鰻魚肉質厚身鮮甜，做了去骨處理令進食更方便。配上珍珠米飯同吃，可說是完美組合！米飯上還蓋有一層滑蛋，不過個人感覺似是普通的滑蛋，多於餐牌上寫的厚燒玉子。主食加$25可配一杯飲品，質素都可以。

尖沙咀誠品原來除咗有手搖店之外仲有餐廳喔！呢間cafe仲要望正海景夠晒chill❤️-🔸蒲燒鰻魚配滑蛋蓋飯（$128）鰻魚肥美厚身入口魚脂香配搭鰻魚甜醬汁同炒蛋幾惹味呀！值得欣賞嘅係白飯採用日本米飯粒口應煙韌有米香喔😋🔸大蝦蕃茄意粉（$128）意粉掛滿蕃茄醬汁酸甜開胃非常適夏日悶熱嘅天氣食呀！大蝦有3隻爽彈鮮甜，幾高質👍🏻唯一係略嫌意粉份量少咁🔸香濃咖啡提拉米蘇配雲呢拿雪糕（$118）擺盤放滿咖啡豆幾有特色, 加分💯比起平時食嘅Tiramisu無太重酒味！反而咖啡味好濃郁而底層嘅忌廉芝士非常香滑配搭雲呢拿雪糕更帶出香濃咖啡味喔！🔸Mocha ($43)朱古力同咖啡味均衡味道唔太甜亦唔太苦🔸Tiramisu Cappuccino ($58)咖啡香濃順滑兼有奶香面頭撤滿可可粉賣相唔錯！

最近行尖沙咀誠品發現咗呢間由土瓜環搬過嚟嘅Cafe，原來193仲要係主理人之一，知佢咩料啦😎 餐廳裝修行水泥風，以黃色灰色作為主調，坐擁180度維港景色非常寫意🌊🥢韓式烤五花腩泡菜溫泉蛋卡邦尼烏冬 ($138) 非常creamy，烏冬口感煙韌，除咗烤五花腩之外，仲有泡菜同菇做配菜，好惹味😋🍗韓式火山炸雞蓋飯 ($98) 炸雞係冇骨啖啖肉😍 每件嘅size剛好唔會難咬，份量都幾慷慨，加上沙律醬同紫菜作為調味～🥐🧇挪威Brunost芝士Croffle ($118) Croffle外脆肉軟，配上挪威Brunost芝士，係一種羊奶同牛奶混合而成嘅芝士，入面仲加咗焦糖食落甜甜地，幾特別🧀 或配上鮮製忌廉同雲呢拿雪糕食，冰火交融好正～🥒青瓜湯力咖啡 ($62)完全冇青瓜嗰浸草青味，加咗tonic有氣得嚟好refreshing！🧀挪威起司拿鐵 ($53) 就係latte帶有少少芝士香，2款咖啡都幾特別🙌🏻整體嚟講，佢哋嘅飲品食品種類都幾多，質素都幾不錯😋 重點係有個無敵大海景，喺度睇下書食下嘢真係好chill😆

趁多拉A夢無人機表演，到新開的Cafe試試。早前在土瓜灣的分店試過，很不錯。這店開在誠品內，更添咖啡店的氣質。幸運地被安排在窗側，看著遊人擺甫士，靠海拍照，看著眾生百態，無聊一番也甚寫意。價錢適中，在尖沙咀來說，也沒投訴了。很適合來閑座。勝在不限時。試了飲品Espresso Tonic, Latte, Lemonade, 有個好似係cheese latte。食品試了雞翼，薯條，卡邦尼意粉，士多啤梨西多士。樣樣食品都滿意。推介試試。

本來想等晴天先到訪呢間新Cafe☀️但一直睇天氣預報都未見太陽伯伯個頭像🥲「落雨，又有乜好怕喎」呀嘛🌧️～好啦，Go go go~唔知狸貓先生係咪中咗六合彩😄💰由土瓜灣一搬就搬咗去尖沙咀仲要有超級無敵維港、天星小輪景🌊唔止咁、狸貓先生嘅飲食品味仲升哂Le大家睇吓佢吧檯同個書架🍶全部都變哂洋酒、日本酒呢🍸食品方面除左有輕小食、西多士之外🍟亦供應一系列和風沙律、丼飯同意粉🍝🔖 泡菜溫泉蛋卡邦尼烏冬素食之選🌱菇類同泡菜份量落得慷慨烏冬亦非常滑辣度啱啱好、好惹味好開胃😋從來未試過喺Cafe 食得哂一碟Pasta 嘅小妹🍝今次三扒兩撥就KO哂成碟！😎🔖 Tropical Lemonade 🍹最近嘅悶熱天氣實在好想要杯清新凍飲平衡吓🧊玫瑰特飲原來無賣Lu🥲🌹嚟杯果汁四合一味道都唔錯喔🥭🍊🍋🍑

行到咁上下攰 又未夠鐘食晚餐入去食左個甜品地方大 望海景 亦有啲二人枱喺梳發坐得舒服因為新開有部分甜品未有 所以試左呢兩個提拉米蘇好好食 不過酒味有少少濃唔太啱小朋友食 青蘋果法式西多士 好清新 唔太甜

因為要物理治療，過左尖沙咀，因為知會好痛所以忍口，做完先食野，驚真係痛到嘔正如所料，結果係痛到作嘔。入正題，搵野食期間經左誠品，諗坐再散咁啲痛楚先食Brunch，亂行下見到呢間望到海景既cafe/餐廳，一查之下係新開既，再睇睇下原來係某位我都覺得佢高既藝人開既餐廳（本人180cm），咁就入去食。本身睇中厚切豚肉滑蛋飯，可惜無晒，橫掂都係就轉最貴既和牛三文魚籽飯啦，另外加杯抹茶椰子雲霧。估唔到平時三文魚籽凍食，佢因為舖滿飯面所以暖暖地，又幾好食，雖然唔係果種一粒粒爆開，但係真係幾配合飯。飯就軟硬適中，不過飯味唔太夠。和牛有3件，係大件份量足既，味道亦係肉味都夠（和牛唔好期望牛味好濃），調味適中，熟度就因為和牛較油膩所以熟啲都ok，大約7到8成左右，但係甘香油脆既（係youtuber到學呢個字）。抹茶椰子雲霧：都ok既，就係椰子水加抹茶咁，甜度岩岩好，抹茶味都濃既。新開係值得一試，見唔見到明星就睇你運氣，不過呢到服務態度唔錯，環境都幾好既