Tapas Brew (Mikiki)

營業中

休息中

上個星期日，難得同屋企人去咗新蒲崗行吓，去到Mikiki，發覺嗰度開咗好多chilly嘅餐廳，重有得坐露天位添，不過嗰日都幾大風，所以最後都係坐咗喺餐廳入邊。餐廳設計都幾簡約，座位都幾寬躺，不過可惜嘅係唔會有水提供㗎，職員話要支裝咁買，保持衛生。有少少唔慣！我哋跟住店員嘅推介，叫咗西班牙海鮮燴飯、乳豬同八爪魚沙律，另外仲叫咗南瓜湯、蒜蓉橄欖油蝦。先來嘅南瓜湯，雖然係三至四人份量，但其實我覺得實際有更加多，六個人飲都可能OK，作為開胃湯，味道幾濃厚。之後嚟嘅係八爪魚沙律，同平時食嘅有啲唔同，比較少沙律醬，主要都係用意大利黑醋去點綴。至於主菜西班牙海鮮燴飯，分量十足，海鮮種類繁多：有鱈魚、海蝦、魷魚、青口等等，飯粒都吸滿左咗海鮮嘅鮮味。不過其實食到呢度，已經有少少飽。乳豬份量唔多，勝在夠正宗，有雪梨末做點綴，令到濃而不膩，加上外皮非常香脆。唔錯唔錯！總的來說，係一間幾好嘅餐廳。

平日好少去新蒲崗，碰巧今日去Mikiki逛商場，在疫情期間，想搵間乾乾淨淨、舒舒服服嘅餐廳食一個午餐，途經見到商場樓下, 有一間西班牙餐廳，風格雅調，就心思思想去試一下！裝廳原來設有室外及室內雅座，室外嘅風格，就好似係歐洲享用午餐，配合暖暖嘅陽光，但怕曬驚出雀斑嘅我，當然就要搵餐廳入邊嘅雅座了😜餐廳設有set lunch，但見Menu有signature推介，特色烤乳豬，心想西班牙最馳名的就是烤乳豬了，點可以唔試一下呢，即刻點了一個，再加上一個burger，再點過凍飲。先來過烤乳豬，熱辣辣，正是皮脆肉嫩，而且皮下脂肪比例恰到好處，脆卜卜嘅乳豬皮，下面配上嫩嫩滑滑嘅肉質，呢個就係考功夫之處，係必食推介！跟住就上漢堡啦，呢個喺迷你漢堡配黑松露醬，食落好有肉汁，慢慢感覺出黑松露嘅配味，再加上薯條，飽飽了！好滿足的一個午餐！

西班牙餐真係令人懷念。 想唔到Mikiki有間咁有水準既西班牙菜。天氣好, 下午坐底都係好有係西班牙既感覺, 非常舒服。坐底同朋友就想嘆下佢既燒乳豬, 仲有西班牙式既海鮮, 我地簡左鹽燒炸石班魚塊。即叫即做既菜最值得等。 其實都好快上菜。首先黎就係鹽燒炸石班塊。 上枱已經好香, 等相機食完, 都仲係好熱。熱到有煙之餘, 仲要係真石班。 因為肉質真係好堅實, 唔會一切就散, 亦唔會有雪味，腥臭味。 薄薄既炸粉, 唔會搶晒魚肉既位置。 仲有佢個醬汁超好食, 唔係求其沙律醬。算大塊，好正。最期待既乳豬脾。 雖然豬脾，但2個人食好足夠。外皮鬆脆唔韌，亦呀會一切就碎。 即係新鮮煮啦。 入面肉質鮮嫩, 仲要好白滑。 食落真係比酒樓既乳豬好味得多。 諗諗下都真係好耐冇去酒樓食乳豬tim啦。今餐真係食得好chill, 好滿足。

前幾日收工去咗新蒲崗搵野食，行下行下，行左去mikiki見到間西班牙餐廳，舖頭仲有露天座位比顧客選擇隔離放左個大型酒櫃，幾襯入邊裝修咁因為都疫情關係，舖頭都做咗好多廣告既間板 個menu都好吸引，隔離仲有圖片俾大家參考參考好快我地就揀咗d特色菜，醫下肚仔呢間舖頭嘅特色燒乳豬好特別，同中式感覺差好遠，食落香脆可口，啖啖肉而且唔會乾爭爭同好鞋，一路咬一路d汁 bit緊出黎😂😂😂，加上油香味好豐富，有一種可以食好多既感覺，唔知仲伴有d果醬，食落比較微酸微甜，同燒乳豬好夾我哋仲叫咗羅馬生菜包小排肉，塊排唔錯，唔會出玩overcock 既情況，加上肉汁豐富，再用生菜包住黎食，別有一番風味，第二口我嘗試佢俾既秘製辣醬，佢嘅醬料唔係好辣，但係好香口

開頭唔信邪見到勁多負評照食，一食就出事了，成世人未食過咁難食嘅西班牙炒飯，完全係怪味！完全中式炒飯咁樣樣，啲海鮮勁唔新鮮，係每一款海鮮都係！價錢又貴，超級差的體驗

新蒲崗附近多數餐廳都係較平民嘅食店，今日同老婆出街拍拖，想搵一間坐得舒服啲嘅，就去咗MiKiki商場地下食西班牙菜。餐廳有一塊大嘅落地玻璃窗，透光感十足。旁邊有一個大型酒櫃陳列着好多唔同嘅紅酒，份外有格調。店內裝修及環境舒適。老婆唔鍾意飲凍野，我地叫咗個花茶一齊飲呢個餐前小食嘅八爪魚新鮮彈牙，配上橄欖油及陳醋等，非常有歐式風味。二人份嘅西班牙海鮮飯分量十足，貝殼類海產如蜆及青口等，都食得厚肉肥美及食材新鮮。

今日嚟到新蒲崗MiKiki食西班牙菜因為疫情關係餐廳都放咗好多隔板去分隔啲座位亦都好巧妙咁睇上面落咗好多廣告Menu望落去好吸引，圖文並茂但有少少遺憾就係原來佢哋冬天係唔會提供Smooth,唯有夏天再過嚟試吓最後我哋叫咗三樣嘢食羅馬生菜包牛小扒肉質非常之好食火候控制得好好食落去好嫩口加上秘製嘅辣醬，配埋清新嘅生菜入口一啲都唔覺得肥膩烤吞拿魚拌芒果莎莎食落令到你大開胃口酸酸地嘅芒果配上鹹鹹地嘅烤吞拿魚係另一個味蕾嘅衝擊值得一試特色烤乳豬可謂係舖頭嘅招牌菜外皮燒得非常之香脆而肉質亦都承諾比我想像中嫩口得好多充滿肉汁加埋蘋果蓉同埋配汁食落去嘅味道相當之夾而呢一類即叫即整嘅餸菜亦都要預留返20分鐘左右黎order最後叫咗杯燒棉花糖熱朱古力，為呢一餐咁豐富嘅西班牙餐畫起一個完美嘅句號

因為疫情關係，少了出街食飯，難得有朋友話有間西班牙菜好食，要去試下。去到餐廳門口已經感覺好舒服，因為今天天氣非常好，陽光普照，而餐廳外面的坐位正正感受到西班牙風情一樣👍🏻👍🏻。可惜因為太舒服已經俾人坐滿晒啦😭，不過室內坐近窗邊都好舒服😌。先黎個是日餐湯，忌廉洋蔥湯+蒜蓉包暖暖個胃先，再來個小食傳統醃八爪魚配香檳醋甜椒，都係開胃野，來主菜啦，朋友就係想食呢個特色烤乳豬，外皮脆卜卜，內裏肉質好juice👍🏻，最緊要係配個蘋果醬，好夾😋，再來個西班牙海鮮飯，去食西班牙菜唔可以唔叫呢個😆，海鮮正，飯好入味，無得輸。滿足。下次再來一定要坐室外☺️☺️

新蒲崗原來都好方便，有好多來往九龍東巴士會經過。今日嚟到miKiki行陣，過10分鐘就去到啟德地鐵站，站附近有超過10個屋苑，再加20個地盤。將來應該好旺同新市區。mikiki旁有幾間餐廳，好多室外嘅座位。食下西班牙tapas, lunch set 都幾抵，有意粉，豬扒，肉眼扒。加$30有draught beer too. Tried suckling pig for lunch and it is very juicy with apple sauce on the side. 

因為想食比較特別嘅西餐, 所以搵左呢一間西班牙餐廳，我喺鑽石山地鐵站行過去大約15分鐘～ 佢係一個大型商場miKiki入面，都有好多巴士過嚟，重點係有露天位選擇，呢個天氣坐出面都好chill ! 餐廳唔太大但係氣氛好放鬆^^餐牌上面嘅菜同平時西餐都幾唔同餐湯叫左甘筍忌廉湯配蒜蓉包，佢好貼心，可以揀一人份量或者三至四人份量，我叫咗一人份量28蚊，都幾大碗，料好足，入口甘筍味好甜，忌廉好滑身得來又有少少甘筍嘅口感同顆粒感，滿足香濃，但又唔會覺得有甘筍嘅草青味！蒜蓉包略嫌唔夠脆身，但係蒜蓉好香，配甘筍忌廉湯啱啱好，就咁一個湯已經令我有少少期待跟住落嚟嘅食物啦！前菜叫左西班牙辣肉腸炒蛋配脆馬鈴薯絲，我覺得係我食過最好食嘅炒蛋！因為口感真係好特別，西班牙辣肉腸味道有少少似莎樂美腸，咸香味好回甘！但係佢又好似中式臘腸咁樣切得好厚身，食落好有質感！炒蛋方面係滑蛋，生熟到啱啱好，有少少似日本咖喱飯上面嘅蛋,再配埋一個炸到非常之酥脆嘅馬鈴薯絲，一齊食又香脆又滑蛋又有肉腸嘅口感，成件事真係好夾好夾！呢一道菜相對就比較重口味，因為辣肉腸都偏鹹，但係配埋馬鈴薯絲就感覺啱啱好，好似食緊一個主菜咁，成件事好有層次

同表妹在新蒲崗 Mikki 商場購物後，又係時候搵地方食午餐，在商場外圍行了一圈，見到有間裝潢設計都很有異國風情的西班牙餐廳，有室內及室外區域可供選擇西班牙海鮮飯永遠都係我的首選，海鮮飯主要嘅配料有大蝦、魚柳、魷魚、青口和蜆肉加上茄紅色的意大利飯，單看賣相已經吸引大蝦肉質鮮甜魚柳又厚又大件，咬落好有質感蜆肉充滿了海水味青口很肥美，加點檸檬汁令海鮮更滋味，飯粒軟硬適中，D飯索晒香濃嘅蕃茄味同獨特既香料味，口感很豐富食飽之後大家都想試下西班牙甜品🍰呢件希臘酸乳酪覆盆子蛋糕，味道清甜，感覺清新Movenpick 瑞士🇨🇭品牌既雪糕亦係我們的最愛，一口氣叫了三盒，特別喜歡特濃咖啡雪糕同紅桑子意大利奶凍雪糕，香甜軟滑，好滿足😋

第一次食西班牙餐廳！覺得樣樣食物都好特別，係平時未食過嘅配搭🤣🤣🤣 餐碟每一隻都唔同款式，好有特色好靚！環境方面卡位坐得好舒服，出邊仲有露天位添！我見出邊有人飲紅酒同食雪茄，仲有小狗係側邊，成個氣氛好放鬆！我見佢餐牌主打有乳豬同埋西班牙海鮮飯，因為想食意粉🍝，所以就叫咗乳豬！平時西餐好少有乳豬食🤣🤣🤣意粉叫左個fettuccine with spanish ham n mushroom , 西班牙🇪🇸黑毛豬風乾火腿野菌闊條面！一上台係超濃郁嘅芝士味！！！十分之驚喜！醬汁水準好高，偏向濃郁芝士咸香感，唔係忌廉個一種～ 意粉嘅硬度啱啱好，質地好似手工意粉，唔係平時出邊食開嘅質感，好特別，偏向有咬口粗身，所以吸到好多醬汁🤣 食落係濃郁嘅感覺，蘑菇都切到大大粒，有幾種唔同嘅菇類，我覺得口感好有層次！西班牙火腿份量雖然唔算多，但係豬肉味、鹹香味好濃郁，所以成個意粉相對都比較重口味，好好食推薦！到重頭戲乳豬！tapas brew roasted suckling pig 🐖 超級脆卜卜個皮！個皮表面色澤均勻金黃，火候控制得好好，全塊都脆卜卜，高溫燒形成壓力，塊皮仲有個位脹到好似個波波咁，好正🤣 入

之前去過一間叫做「德國餐廳」嘅餐廳度食飯，覺得嗰度嘅鹹豬手同埋德國腸都好吸引好好味，今日經過新蒲崗mikiki見到原來仲有一間「西班牙餐廳」，我哋就即刻決定咗要食！睇返餐牌，款式選擇多而且價錢都好合理，所以都唔會話就住就住咁樣嗌講起西班牙菜第一時候就諗起西班牙海鮮炒飯，我哋叫咗一個二人份量嘅炒飯，不過佢嘅份量都係偏多，所以建議如果會試埋其他菜式嘅朋友可以三四個人夾份食呢個炒飯都得～個炒飯來講，炒得粒粒分明，而且每粒飯都有新鮮嘅海鮮味，再加上面頭唔同種類嘅海鮮，真係覺得超值！雖然西班牙海鮮炒飯已經有青口，不過熱愛海鮮嘅我哋都係再叫咗半公斤青口，配埋忌廉嘅青口又係另一番風味😝一餐飯入邊點都要有啲小食先至夠滋味嘅，所以我哋都叫咗個熔岩芝士麵包薯條，估唔到都幾有驚喜，芝士香濃德里又唔會覺得漏，而且估唔到除咗平時食開嘅薯條之外，原來麵包同芝士呢個配搭都幾好，而且麵包切到細細塊，唔會有太飽肚嘅感覺，符合小食嘅資格🤣marshmallow chocolate都係一個打卡之選🤪

之前去大埔食omakase，見到有間德國餐廳，原來同集團仲有呢間，見到有乳豬！好想食！但由於有下場，所以只係叫咗3款，餐湯、生菜包牛小排同埋點少得招牌嘅西班牙乳豬！當日7點幾都接近全full，加上有戶外位，都有食客帶埋狗仔食飯。先上餐湯，當日係蘑菇湯，份量都唔少！兩個人飲極都仲有，但麵包就相對普通，睇落金黃，但食落無咩味。生菜包牛小排睇相好粉嫩，但當日overcook左，除左見到好熟外，表面都燒到燶左啲，入口有點苦。但好彩唔會un，連埋豆瓣醬同生菜食都好食，但成件事好韓國😂😂西班牙乳豬其實我未食過，唔知同中式有咩分別。呢舊一切就feel到有幾脆！切開發現中間仲有肉汁！先食一舊原味，調味相對淡，但皮脆肉嫩。配左兩個醬；一個係蘋果蓉，清甜解膩；另一個似燒汁？帶點黑松露味。相比下蘋果蓉夾d，可惜份量太少，唔夠點。不過個碟太細，好難切，餐廳考慮下換個大少少既碟就好了。其實餐廳有set menu，叫餐會抵啲，可惜當日食唔到咗多。如果送酒食，應該幾chill。

前幾日經過新蒲崗Mikiki 見到有間西班牙餐廳好有外國情調除左室內仲有露天座 仲可以帶埋寵物 一齊食野 雖然餐廳唔算大 但裝修好精美 同座位唔會太逼入面有好大個酒櫃 有好多唔同口味既酒同手工啤比客人選擇.食得西班牙菜一定要叫個西班牙海鮮飯黎食下, 講下呢個飯先 飯煮得好入味, 飯既硬度軟硬適中 口感好好! 醬汁偏向濃 海鮮飯入面亦有大量既海鮮, 有青口、大蝦、大蜆、魚柳同墨魚 , 全部海鮮都冇乜雪味 唔錯.另外仲叫左溶岩芝士麵包同迷你漢堡配黑松露醬, 溶岩芝士麵包舖滿哂麵包同薯條 食個陣d芝士仲會拉絲, 好正! 另外個迷你漢堡食落好有肉汁味 不過黑松露味就唔係好出,不過都唔錯.如果想輕輕鬆鬆食一餐西班牙餐可以黎試下 環境真係好舒服 仲唔會吹客走! 另外仲可以一次過試埋隔黎個間德國菜 唔錯!