Tapas Brew (Mikiki)

營業中

休息中

某 eatxxx apps 推出正價menu 下午3：00 時段半價優惠，正當以為終於可以一試西班牙菜的時候，估不到連半價都感不值。西班牙飯太咸，急凍海鮮煮完後舖上飯面，飯没有海鮮味； 慢煮八爪魚跟擦子膠如出一轍； 反而配菜薯仔更為可口....................意想不到的是芒果吞拿魚前菜是最出色一道，酸酸甜甜也很開胃。總結是食過最差的一頓西班牙菜@@@@@@@@@@@@@@@@@@@@@@@@@@@@

點了烤乳豬，西班牙烤肉排和海鮮飯，烤乳豬黑過我屋企個鑊底，西班牙烤肉排乾過豬肉乾仲有孜然粉新疆風味，海鮮飯淋到好似食BB糊仔咁，真係我食過最惡心嘅西班牙菜，超失望

好似🧐全新蒲崗得一間🇪🇸西班牙餐廳，就係喺 Mikiki 嘅 Tapas Brew 😂。呢度冇啲好 fancy 嘅 tapas，餐牌上大部分都係一般嘅🇪🇸西班牙菜式，但就有勁多款🍺啤酒任君選擇，而且仲有🎈 Happy Hour 優惠👍。西班牙臘肉腸炒蛋配脆馬鈴薯絲：炒蛋🍳好香滑，底部薯仔🥔絲勁幼勁香脆，配埋臘肉腸嘅鹹香🇪🇸風味十足。呢個炸🦑魷魚圈粉漿勁厚🙈，脆皮仲有啲分離😅，不過點埋個醬都ok嘅😂。乳豬🐖個皮都OK脆，肉質算幾嫩滑唔會鞋口🤤，份量都算足。個香菇🍄鴨肉🦆燴飯🍚個人覺得偏鹹咗啲，冇乜香菇味，同埋可能因為太鹹冚晒啲鴨肉味🙈。附近冇其他西班牙菜選擇，偶然食下都ok~

🍻 香港的西班牙餐廳，選擇唔算，新蒲崗mikiki有一間，環境唔錯，尤其是露天的座位，好似坐在星光帳篷下，好有氣氛，好浪漫，不單止合適二人世界 ，一大班人都好高興 。就算喺室內，都好有氣氛，有個大電視 ，我估計係播放西班牙的時代流行曲 MTV ，好好聽 好特別 啲畫面仲好大膽添🍖 晚上有set dinner (只限星期五六日9pm後 及 星期一至四4pm後) ，幾抵食 $498 有三度菜。🥘 來到西班牙餐廳梗係要點 🐷 德國咸豬手 同西班牙海鮮飯喇，德國咸豬手配上酸菜及沙律，豬手砌好一件一件，食起來不用這麼論盡，又唔使吃力去切，酸菜味道剛剛好 ，不會太酸。

我就好少去新蒲崗個頭，因為我唔係，係個邊返工同埋住，不過前排朋友就係新蒲崗個到見工，之後都一直係個頭返工，咁岩見到有間西班牙菜，就話想去食，咁我就搵左晚收工，過黎搵佢食晚飯入到餐廳已經感覺到西班牙既異國風情，牆上壁畫設計，滿滿既酒櫃，仲有植物裝飾，加上除左有木椅子外，仲配有梳化，坐得舒服之餘，心情仲令人放鬆青蘋果風乾火腿混合生菜芥苿油醋$148生菜食落爽口，配上火腿，味道唔會單一，而且清新，醬汁就會有少少酸酸甜甜，混合一齊食，味道更中和白酒煮籃青口$138份量都唔少，酒味唔算太濃，青口鮮甜西班牙海鮮焗飯$188(2人份)焗飯好香口惹味，吸哂所有海鮮味道，蝦肉彈牙，魚肉嫩滑，魷魚唔會過硬，蜆肉冇沙，十分滿意

在Mikiki 商場行街買嘢，順便食埋飯，商場向景福街方向的餐廳全部有露天及室內位置，好有外國feel，空氣特別流通。呢間餐廳主打西班牙菜式，主菜款式8至10款，雖然唔算多但款款都係西班牙特色菜。先來一個二人份量西班牙海鮮飯，海鮮款式及份量充足，夠兩個人食有餘，有蝦、青口、蜆、魷魚仔、魚等，飯味道有少少鹹，加埋檸檬汁，味道有特色。德國鹹豬手配酸菜及薯仔沙律，好少食豬手食到咁他條，佢哋將所有肉同埋皮已經起出嚟，再擺番個豬手形狀上枱，食嘅時候好方便，豬手肉質嫩滑，唔會太乾身，又唔會太肥，味道只有小小咸，更能食到豬手嘅原味道。食鹹豬手咁要揀啲酒一齊，叫咗一杯朱古力啤酒（Samuel Smith Chocolate Stout)，朱古力及酒味濃，味道配搭幾好。

香港作為美食之都，有好多黎自五同地方的菜式可以食，今次就同朋友去左新蒲崗食西班牙菜，之前有朋友推介今次終於有啲時間嚟試吓啦_西班牙海鮮炒飯 $188@2嚟到西班牙餐廳又點可以唔食呢度嘅招牌，炒飯底非常入味，飯粒分明，另外仲有各種海鮮包括有青口、蜆肉、蝦，材料都非常豐富，二人份量充足足夠兩個人食_本身諗住試吓呢度嘅芝士火鍋見到人哋食覺得好吸引，不過因為本身唔係太肚餓所以就叫咗一隻西班牙特色烤乳豬$188 ，味道都唔錯，乳豬外皮香脆，配上特色醬汁十分入味，多人咪食嘅話都可以叫黎試試_除咗特色西班牙菜之外呢度都有各式各樣嘅小息同意粉選擇，最近疫情期間就算外賣都好方便💜仲有幾款甜品選擇😌😌下次會再試其他東西

西班牙菜，你諗起啲咩？一定係西班牙海鮮飯啦！我對西班牙菜嘅認識唔多，上網搵想食西班牙菜就搵到呢間，一於嚟擴闊我對西班牙菜嘅認識先。餐廳內外出面有幾張吧檯，疫情下黎講，都算多人飯酒吹水。食物選擇野食黎講，Menu 唔算多選擇，如果揀唔岩，都有二人餐提供。西班牙辣肉腸炒蛋配脆馬鈴薯絲 $88炒蛋算嫩，西班牙辣肉腸算多，但就唔算辣，顏色偏向深色，而馬鈴薯絲就好脆身，但個餸就無乜汁，要靠個滑蛋去支撐番濕潤度。西班牙海鮮飯 $188(2人份)海鮮好多種類，有蝦，硯，青口，墨魚仔。但係個飯，面身因為焗過，所以比較乾身，而個飯就唔算好濃味。Tapas Brew 特色烤乳豬 $188兩件，thx ! 兩件乳豬個皮都焗到好脆，然後有蘋果蓉醬伴碟點綴，有個肉汁跟埋，皮焗到脆卜卜，乳豬唔韌，兩件好啱兩個人食，唔怕食到好滯。叫咗三款嘢食，但同女朋友都食到好滿足，估唔到新蒲崗都可以食到西班牙菜。

喺香港呢個寸金尺土之地,可以搵到有質素嘅西餐廳實在唔多。而這間餐廳特別之處,你竟然保留到地中海西班牙海鮮炒飯嘅特色。這是我夢寐以求的感覺。西班牙海鮮炒飯,首先裏邊有唔同嘅海鮮例如魷魚,魚塊，以及加上獨有嘅西班牙海鮮汁。第一啖入口煙韌無比，佢哋餐廳以工成本採用意大利獨有嘅risotto, 意大利文即獨有嘅小米飯，煙韌鬆脆。其他地方唔輕易食到。佢接媽咪最鍾意就係佢哋嘅黑松露配薯條。試想想這麼美味的薯條裏面滲著黑松露嘅淡淡味道。實在令人流連忘返。簡直大滿足。😘😚

同屋企人去屋企附近食晚餐，我地揀左一間食西班牙菜既餐廳食晚餐，呢間餐廳既環境唔錯，而且有好多西班牙菜選擇，唔錯！仲有好多啤酒可以揀啊！我地點左慢煮原條八爪魚腳，八爪魚腳好有咬口，配埋入味既青醬，唔錯！仲有幾種蔬菜做配菜， 好豐富！另外，我地仲點左迷你漢堡配黑松露醬，食迷你漢堡都幾方便，細細個好易食，平時食漢堡有時會食到好狼狽，配埋香脆既薯條，正！食西班牙菜當然就要配埋啤酒啦，我點左Hoegaarden Rosee,粉紅色既啤酒，又靚又易入口，岩哂女仔飲！仲有奇異果汁。

朋友約我到Mikiki 食西班牙菜，來到Tapas Brew，有我喜歡的室内，室外用餐區，天氣比較熱，我哋都係揀室内好，超靚的佈置同好搶眼，熱情的色彩，猶如來到西班牙，漫步於小城中，食吓tapas，飲番2杯。嗌咗慢煮原條八爪魚腳，好大一條八爪魚腳，好難想像條八爪魚有幾大先可以有咁大隻腳，雖然咁大條，但因慢煮之故，一啲都唔會韌，好易入口，再加埋翠肉爪，蘿蔔，車厘茄及微酸的sauce，完全係西班牙style。另嗌咗迷你漢堡配黑松露醬，total有3個mini 漢堡，食起來不會咁『論盡』，仲配有香脆薯條及黑松露醬，將漢堡提高了一個層次。而Hoegarrden rosee桑莓味生啤顔色係粉紅，吸引了同行美少女的眼光，佢話呢隻生啤清爽甜美帶有少少酸澀味，甚少苦味，好飲。而另一杯Kiwi果汁亦唔錯吖。

對上一次食西班牙菜好似已經係好耐之前，印象中可能都三四年前，今次嚟到新蒲崗Mikiki ，就入咗呢間餐廳食久違嘅西班牙菜。環境喺Mikiki外圍嘅位置，餐廳有戶外位置，而室內位置唔算太大，不過都有花心思設計過，一眼望過去有一牌酒櫃。西班牙辣肉腸炒蛋配脆馬鈴薯絲 $88首先打頭陣嘅有小食，嗌咗款比較香口嘅脆馬鈴薯絲，上面就有西班牙辣肉腸炒蛋覆蓋着。炒蛋都幾滑身，配上辣肉腸鹹鹹地味道冇咁寡，脆馬鈴薯先唔會好油，增加脆口感。Tapas Brew 特色烤乳豬 $188烤乳豬係以西班牙其中一款特色菜，當然要是！呢度係¼隻，層皮烤到十分之脆，肉質唔想去唔太油膩，一咬落去層皮果然夠晒脆，乳豬肉質正常，配上醬汁會惹味好多。西班牙海鮮飯 $188 for 2必不可少當然係西班牙海鮮飯，呢個份量絕對夠晒兩個人食，海鮮都唔少，有青口、蜆、蝦、魚塊及墨魚仔。飯偏乾身，唔夠濕潤，不過味道就足夠，加入左橄欖調味，雖然我平時唔太鍾意食橄欖，不過呢度嘅調味中和到橄欖平時不太討好嘅味道，我食落都覺得幾好味。總括而言，比較少嚟新蒲崗搵嘢食，因為附近都係工廠或商業區，不過其實都有好多餐廳嘅選擇。附：餐牌參考

今日第一次同同事去呢間食lunch，因為疫情問題，都無咩人去食，我嗌咗個豬鞍，食落無咩味加上超級”鞋”，真係好難食，配菜都一樣唔好食，重點係有3個同事叫咗個湯-西蘭花菜湯，係要加15蚊嘅，上到嚟，已經聞到陣燶味，然後一試，係真係煲燶咗嘅味，咁就同個侍應講啦，佢咩都無做過就話係咁味，我哋就話你試咗先講啦，然後佢先入廚房同師傅講，到個師傅岀嚟話無燶，係咁嘅味，我哋咪話係當我哋傻㗎，有咩理由係咁味，你唔使我錢我就話算啫，呢個係要另加㗎喎，然後我叫個侍應自己試下再同我哋講，佢試完話係鹹咗啲啫，我哋叫佢嗌個話得事嘅岀嚟，過咗唔夠1分鐘然後就同我哋講取消，仲要好似益咗我哋咁，一句唔好意思都無，呢間一定無下次！

新蒲崗本來已經沒有什麼好的酒吧跟住去到Mikiki有一間西班牙及一間德國餐廳, 然後問職員有沒有happy hour? 佢哋話一律生啤48蚊杯, 然之後叫同事一行8人, 分別有Guiness Stella 1664. 每一杯酒的味道跟原味好大分別, 基本上同溝水沒有分別, 當一個人覺得有問題嘅時候本來都是懷疑, 但每一位同事都開始覺得有問題, 再諗一諗48蚊一杯根本唔合理, 結果全部都沒有飲完杯嘢。結論是以後不會來幫襯, 人神共憤

前幾日難得約朋友出去放風，選擇咗喺一個大家都方便嘅地方，因為有朋友試過上OpenRice啲人又講到好似OK，所以我哋就嚟咗呢間Tapas Brew。我哋六點幾嚟到，入去坐住等，我哋坐咗半個鐘，是應一杯水都冇俾我哋，嘗試叫佢哋拎水同埋問嘢，佢哋掛住自己傾偈。我哋四個人點左五道菜：首先嚟咗個吞拿魚芒果莎莎，一上枱就見到啲吞拿魚太熟，直情有啲熱，同下面啲凍嘅芒果唔係太夾！我哋重點左個Tapas, 諗住呢你都冇死，點知佢剩係得面頭幾粒八爪魚，下面擺左勁多好生嘅洋蔥來薦底，失敗！西班牙炒飯，係我哋食過最難食嘅西班牙炒飯！啲魚已經好鹹！成碟飯更加係極級鹹！真係失敗之中嘅失敗！我哋食唔晒又唔想浪費，所以有朋友拎晒啲食剩嘅飯返屋企自己加工！西班牙燒乳豬，係比較好食嘅一碟，因為新鮮滾熱辣放上枱，所以外皮鬆脆，肉亦夠軟淋！張相可以比較到，雖然個乳豬味道唔錯，但係份量偏少，所以有點貴！最後點左個好難失敗嘅闊條麵，忌廉芝士味重，正常味道！我哋食咗大概個零鐘，全程冇人主動浸水，冇人歡迎同講拜拜。我哋上網訂枱，本身有折，未點送已經講咗，佢哋仲提我地套餐冇節，到埋單嘅時候佢哋漏咗，我哋提返，佢哋竟然質疑係我哋冇講過