Thai Farmer Restaurant (已結業)

下午係Thai Farmer食lunch，$50一客午餐不需加一，價錢OK。先來餐湯一碗，味道清清的，用粟米煲成，再放點蓮藕粒入內，頗適合炎熱的天氣。主食青咖喱雞飯，青咖喱汁味道幾香，甜辣度合適，不過雞肉就只是普通貨式。同行同事的海南雞飯則賣相麻麻。午餐附送小甜品及餐飲。正當我們開始喝餐飲之際，走來一服務員說：「你地有冇嘢加？無嘅話出面有人等緊！」午市生意繁忙番枱要快可以理解，但我諗很少人會咁直接同嗰客咁講！再者，我們還是剛剛開始飲嘢咋！

Quick friday night dinner before the bars, place half full at 9.00pm.Good beef satay which had really good beef taste and was very yummy. The peanut sauce was very peanuty and served in a lovely bowl. The pad thai totally dominated by tomato paste so there was no other flavour to this dish, just tomato paste. It was not very yummy and I did not like it.I will not go again..With 2 Singha beer bill was $184.

食泰菜通常都去9龍城既,小去灣仔...但係哩度d泰菜真係幾好味,我都去過幾次,起初幾驚架,咁多鬼佬起入面,英文差丫嘛,..點知d侍應識唔識講中文姐,但係原來係識架,haha~最愛 冬陰公, d酸味同出面果d冬陰公有d唔同,有d清新既味,入面d蝦都好新鮮,ps.唔食得辣果d記住叫小辣,有次辣到我一啖冬陰公,一啖龍眼冰,小心小心小食拼盤: 勝在乜都有d,可以樣樣都試下,其中個 蝦餅 幾好食,夠彈牙~青咖喱雞: 正~!!! d青咖喱汁撈飯or點蒜蓉包一流生蝦剌身: 肉質爽脆,不過好難食到d難食架喇,除非唔新鮮架姐青木瓜沙律: 夠清,可能其他野個味係偏濃,所以顯得特別清,降一降d辣味,值得一試三味魚: 其實哩個係叫錯左,不過都幾好味,酸酸甜甜咁,有d似咕嚕肉味黃咖喱蟹: 除左冬陰公,我就最愛哩個,叫得哩個,你一定要叫個白飯~~因為真係好好味,愛蟹人士必食芒果粫米飯: d糯米...我食到有一舊偏硬,可能我食左煲底個位總括黎講,真係幾好味,今日一行8個女仔,每人大約$150,不過略嫌間舖細左d,所以人多既時候會迫d,同埋個toilet位好細,轉身有困難...服務都唔錯,雖然唔係個個笑晒,不過起碼見

是日來到已全場爆滿﹐這裡鋪位不大﹐所以顧客坐得密密麻麻。整間食店只有兩位說泰文的仕應﹐所以服務未免會受少許影響。餐湯當日是沒有半點酸味的羅宋湯。湯料都算什多﹕有紅蘿蔔粒﹐薯仔粒&洋蔥﹐不太能吃辣的朋友可用此湯與辣辣食物一齊吃﹐可沖掉那刺辣的味道。是日要了泰式香草豬肉炒河 $50 – 肉類可選擇牛﹐豬﹐雞。 點菜時以為這些肉類是一片片的肉片﹐但來到才知道是免治豬肉。當日吃這炒粉時時要簡晒這些免治豬肉出來﹐因為味道實在鹹得不能吃下。所以最終只吃掉河粉﹐料就放下沒食。最後要用其餐飲(青檸水)與雜果涼粉來解喝和解熱氣。如不太喜歡嘗濃味或太鹹的朋友﹐建議叫乾炒泰式炒河比較合式。

來過幾次，都好像不用錢般多人，是日經過，一見有位，就立即來幫襯。而我來只有一個目的，就是這裡的海南雞飯。塞在四人檯的一角，這裡的檯擺得很密，坐得很迫澀。先來的是冬瓜粒湯，清清的，也有蔥花及芫茜的味道，感覺上是有一點點的味精，但情況不嚴重，可以接受。雞飯沒有什麼雞汁的味道，也完全沒有油香，只有一點香茅的味道。唯一好處是夠乾身又夠硬，合我胃口；雞肉是全拆骨的，吃起來不滑，可幸也不韌，普普通通。還有兩件雞紅，這個就幾有特色，挽回一點分數。用來點的沾醬是泰式辣醬，幾辣的，也冶味。最後的青檸水，只有甜味，青檸只得一片，可以怎樣？論雞肉來說，比起最好的，差班半；論雞飯，則差幾班。忽忽吃完，放下48蚊，相信如果下次再來，也不會是為海南雞飯，會是船河吧！

1行7人HAPPY HOUR 後到此醫肚,因我最愛辣生蝦當然生蝦是我每次必食的前菜, 但不食辣的請不要想,因此餐廳的生蝦是我一生人試過最辣的, 但也是最足料好味的.香茅蝦沙律 - 蝦本身唔大隻，但係有好多香料。加埋一齊好香，口感好豐富非常地道肉碎沙律生菜包 -比我想象中辣，但略嫌太乾。和生菜一齊食就好D冬蔭公湯 - 味道不錯，不會太酸很重香料和蝦味青咖喱雞 - 偏甜但椰汁味重送飯一流中和其他辣菜式燒豬頸肉- 不過不失糯米雞翼 - 糯米飯略濕，雞翼炸得略乾炒金邊粉- 蝦很大隻，好好味，D金邊粉好煙 un。好似在泰國食一樣炒通菜 - 味道不錯　約$90 一個人, 普遍菜式很有泰菜風味，味濃，用很多香料廚師和員工都係泰國人，好有泰feel

價錢合理﹐3個人大約$370。頭盆-雞腳沙律﹐木瓜沙律及生蝦沙律都好味﹐份量都合理。豬頸肉幾好﹐只係份量少了點。海南雞的醬唔錯﹐不過雞就好差﹐用雪藏白毛雞﹐肉質霉﹐無口感。青檸蘇打只係一般﹐其他泰國餐廳的青檸水做得比距好。侍應服務還算不錯﹐今日行大運﹐並無黑口黑面。原以為只有九龍城某幾間泰國餐廳好﹐但試過呢間後﹐係灣仔黎講算唔錯﹐可以一試。最差係廁所無勾﹐女士用時要自己諗諗點抱住個袋!最失敗係只受現金﹐食餐晚飯閒閒地都過百﹐呢樣應該要改啦。

睇過呢度的食評，好似幾好食咁，就同女友去試下啦。點知遇著個班識變臉既侍應，所以呢度點都只黎一次，以後都唔會再去！事情係咁既，入到鋪仔，坐低好耐都唔比食牌同水，就問侍應拎啦，點知得到黑面對待，好似欠佢咁。之後選好食咩，想落單，舉高手叫人來，鋪仔細成咁，都唔知點解都係無人理。點知有幾個睇黎係熟客仔既坐低我地隔離桌，幾個黑面侍應即刻奴僕咁撲埋去招呼，有講有笑，人地落單佢地寫都寫唔切。終於到我地落單，想問下佢有無邊樣食物最推介，侍應又回復黑面，話你睇餐牌就ｏｋ啦。是但落左幾樣，隔離班熟客的食物黎哂，侍應仲幫佢盛湯！我同女友呢，等左超耐，人地熟客仔成桌食物差唔多食哂，我地先來一樣，仲要三樣食物隔好耐先耐，好似去飲咁。期間催食物，黑面侍應仲好唔耐煩咁答你，都唔知咩態度。食埋其實唔錯既，算中上質素，但有ｄ咁既侍應，希望佢老闆都應該正視下，唔係遲早趕客，咁細間鋪頭仔，都唔知頂得幾耐。

依間餐廳好細, 又唔起眼, 重要係紅燈區, 如果唔係男朋友帶我黎食, 我係點都唔會入去食. 第一次黎食叫左綠咖喱雞飯同泰式乾炒河:綠咖喱雞飯---非常之好味, 唔會太辣, 好清香, 好醒胃. d汁非常之好餸飯. 泰式乾炒河---炒河炒得好香, 係真係好香. 雖然油左少少, 但可能唔咁油又無咁香呢(予盾...). 香芒黑糯米---可能主菜太好味, 反而對於甜品無咩印象, 不過不失啦, 都好味o既椰汁冰---好大杯, 好正常o既椰汁冰, 無咩特別食完第一次已經愛上左依間餐廳, 時不時都會想黎食. 雖然食物細碟左d, 但咁o既質素, 我覺得依個價錢算合理. 每次黎基本上都係食綠咖喱同乾炒河. 食極都唔覺得厭!

打羽毛球前快快趕吃的一頓晚飯，沒有多想就揀了這裡。兩個人又不太肚，點了一個泰式雞肉河粉及炒貴刁。貴刁炒得幾有鑊氣，鹹淡適宜，貴刁滑滑的，湯河粉也是寬而薄的滑滑的粉，湯底有味精，但不算過分。

今日第一次來到這家餐廳食lunch, $40 的set lunch有5,6個選擇: 海南雞飯, 綠咖哩(豬/牛/雞), 泰式炒飯(豬/牛/雞), 泰式炒金邊粉....等等, not bad ^_^. 我點了綠咖哩雞, 朋友要了炒金邊粉.先來了綠咖哩雞,份量不多(大吃的朋友要注意了), 但看到裡頭放了很多香葉,額外的椰漿上碟時才混和,impressive! 咖哩的味道真的不錯, 有綠咖哩應有的"椰"但不過份,很清香. 雞是去皮的雞胸肉(很正宗,那理港人不喜歡! =P.), 但不"鞋",好! 至於炒金邊粉,我雖然沒有試但朋友也說不錯.$40 的set lunch 跟湯,特飲和糖水其實不貴(但就不明為何會是中湯和八寶粥...). 值得一提是特飲,點了杯清檸水,雖不是梳打,但很有清檸味,不太甜而且還放了些鹽,誠意之作!離開時見到很多人order海南雞飯,外表吸引,下次一定會再試. ^_^ 順帶一提,中午食完飯到現在也不太覺得口喝,難怪走時才一點左右門外已企滿了人.

沒有吃午餐，到了四點幾五點有點肚餓，回家前得吃點東西，突然想吃泰式粉麵，走過駱克道的這店，想起上回那個難吃的泰式濕炒河粉，心裡猶有餘悸，但也該給她多一次機會吧。這店跟隔離的Chili Club一樣，做洋人生意居多，不過此店店員更不諳廣東話。不要緊，只是吃個泰式雞肉湯粉吧。金邊粉立體感非常，比較正宗的金邊粉，湯底很重味，再加辣椒、糖及辣椒粉吃更過癮，雞肉絲鞋鞋地，但也不要緊。$30無加一，吃完一身汗出走車水馬龍的駱克道，有說不出的滿足。

上星期五來呢到食飯，地方小而且茶餐廳格局，不過都係乾淨。同朋友2個人，叫咗pad thai同鴨碎salad。pad thai抄得好煙un，蝦亦很新鮮，食過咁多pad thai同係BANKGOK食到既比較，呢到都幾正宗。鴨碎salad夾生菜食，好辣吓，唔係咁食得既就唔好叫，但係食得辛辣既又會覺得好好味，好香口。夾住生菜食唔覺得好多肉。不過雖然係茶餐廳既格局，但係就唔係好平，加埋兩杯Lime soda都要160蚊，不過以食物質素來講都唔算貴。

上次試過lunch, 今日老公來找我吃夜飯, 見面時已11:30pm, 幸好駱克道一帶是不夜天, 粥、麵、燒味、咖哩、漢堡、Kebab...乜都有. 就同佢去食我上次食過回味的泰式海南雞飯.Order:海南雞飯- 油飯一流, 而且咁夜都係收$40, 想點~ 泰式炒金邊河- 酸酸甜甜. 其實, 又係返我上次食果2味, 只係與唔同人一齊食. 我認我念舊.石榴子冰- 普通, 唔夠凍, 早知叫泰國啤.燒豬頸肉- 見d豬頸肉唔多熟, 我唔敢食, 但老公就食哂. -_-夜市都好旺, 有6成坐滿. 埋單$180.

今日行過, 見午餐又平又多選擇, 約埋同事一齊來幫襯.原本諗過2個人share一個炒河, 但見對面d人食緊, 份量頗小, 女仔食哂就岩岩飽, 男仔應該會唔飽, 於是order 2個sets, 包例湯及甜品, 飲品唔包.泰式粉金邊粉- "料"款式不多, 我反而鍾意, 最怕有理冇理一大堆冇味冷藏海鮮夾硬加上去. 有好多雞柳, 有少少蝦乾及蛋花, 味帶少許酸甜, 炒得夠乾身, 好開胃.海南雞飯- 拆哂骨, 有雞味, 又唔鞋, 加埋泰式辣汁夠惹味, 雞油飯夠乾身, 好正!甜品就普通, 有糯米太淋.