影片
港鐵香港站 B2 出口, 步行約8分鐘
繼續閱讀
電話號碼
63355572
營業時間
今日營業
12:00 - 15:00
17:00 - 21:00
星期一至五
12:00 - 15:00
17:00 - 21:00
星期六至日
16:00 - 21:00
公眾假期
16:00 - 21:00
以上資料只供參考, 請與餐廳確認詳情
51 瀏覽
幾位豬朋狗友三十大壽話想食泰國菜，做大佬嘅小肥即應友人推介一試碼頭餐廳「Thai Q」！中環六號碼頭唔難搵。只係啲豬隊友個個都唔識行上樓梯再穿過鐵閘。店子門外可見大大張餐牌，非常清晰。為怕壯男牛一飯局唔夠野食，XO仔早就同店主訂定咗啲招牌菜。開揚通風嘅用餐大堂並非密封設計，冬天凍時會加用暖爐，夏天熱時則用上大風扇。女友們最興奮就係見到獨角獸同情侶韆鞦，就連佢地親手插出嘅狗仔花花都只能輪為配角，打卡位果然煞食。班細嘅一向都冇乜時間觀念，所以同佢地食飯嘅規則係先到有得先飲酒，且無功者飯餸不留！場內貼有溫馨提示，告知客人不可自攜酒水，眼見西班牙氣酒$180/枝絕對抵玩，幾口子結果幫人清埋倉，係咪好勁呢？！每位席上都擺有自用嘅餐具，餐碟花紋好有熱帶風情，又真係幾Q喎！燒鮮雞皮（$38/串）：其實同老闆文哥哥以短訊溝通時，佢已經解釋過雞皮要用餐嗰朝早先知買唔買到貨，同可以整到幾多串，嘻嘻，得知只有三條當然係要哂佢啦！新鮮燒出嘅雞皮串香脆尤甚，送酒一流！泰式生蝦（$128/半打）：必先預訂嘅生蝦刺身爽潤彈牙，沾上秘汁更覺鮮美。潮式凍花甲（$108）：凍食嘅花甲細細粒，容易食，每隻均鮮嫩多汁，而且完全冇沙，爆！泰式無骨鳳爪（$136）：已預先去哂骨嘅鳳爪厚皮得黎脆卜卜，同港式點心嘅鳳爪完全唔同，酸辣開胃都幾得意。泰式炸蝦餅（$68）：黃金脆面嘅泰式蝦餅外層酥脆鬆化，蝦餅爽厚且富彈性，十分香口。秘製燒豬頸肉（$68）：豬頸肉肥瘦均勻，超級爽彈，加點微辣嘅秘醬已夠惹味！美國頂級肉眼扒（$288）：切成長條形嘅美國靚牛粉嫩軟潤，肉香而不膩口。泰式無骨雞（$88/半隻）：形態激似鳳凰座聖衣嘅招牌泰式無骨雞皮光肉白滑，絕對稱得上樣靚身材正！柔軟潤滑嘅雞皮下近乎零脂肪，𠝹到好似聖衣對翼咁型嘅雞胸肉質感軟熟，毫不乾嚡，正雞冇得頂呀！蜆肉意粉（$68）：長壽意粉麵條煙韌有嚼勁，量足嘅蜆肉鮮濃肥美，蒜香亦恰到好處，簡單可口。中環碼頭餐廳「Thai Q」小本經營，兩位年輕嘅老闆男主外、女「煮」內，合拍有幹勁且友善周到。店子環境衛生企理，格調輕鬆，潮派中泰料理高質美味，價格合理，性價比絕對有驚喜！
繼續閱讀
又去試新餐廳Thai Q, 先來杯日本生啤，試了三道菜：前菜先點了燒牛肉沙律，廚師選用特選牛板腱部位，肉質細嫩，醬汁配搭，開胃醒神，選了微辣，辣味剛好 第二道泰式燒雞，自己至愛的，先試雞胸，鬆軟口感，其他部位不用再說，有底味，火候足夠，配上香料鹽，十分惹味，重頭戲咖哩蟹，老闆特意安排，泰式咖哩做得非常好，味香蟹鮮，不知吃了幾片簿餅，還打包咖哩汁回家，最後送上班蘭糕和鮮芒果，完美演繹，結束了一頓期望口味.温馨提示：全日都有套餐飯麵，都係$68起，十分經濟，記得試下招牌 泰式雞飯地址；中環六號碼頭，1樓UA舖去梅窩碼頭裝修風格頂部一片片秋葉，很有詩情劃意，有去了渡假感覺，老闆很熱情招呼，食得十分開心
繼續閱讀
呢間泰菜餐廳新開幕，喺中環碼頭樓上。一踏入餐廳，映入眼簾嘅裝潢散發濃濃異國情調,天花板上鋪滿了金黃色的細密植被,營造出一種如同置身於大自然森林中的感覺。🌳🌾整體展現出一種溫暖、自然和夢幻般的氛圍。今晚食嘅菜式全部都好好食。感受到老闆對每一道菜式都下足心思,悉心炮製,力求呈現出最正宗地道嘅風味。「潮式蜆」,🐚鮮甜彈牙嘅蜆肉,浸泡喺特製嘅醬汁中,入口即溶,令人難忘。另一道出色嘅菜式係「日漬煮鮑魚」,🐚鮑魚肉質細嫩,浸泡喺日式醬汁中,散發出濃郁嘅香氣。「紅燒乳鴿」🕊️亦別具特色,乳鴿酥脆又鮮嫩多汁,紅燒汁香濃可口。至於必試嘅泰式經典,非「咖哩蟹」莫屬,🍛🦀蟹肉肥美鮮甜,配埋濃稠香醇嘅黃咖哩,叫人難以抗拒。最後推介嘅係「泰式汁肉眼扒」,🥩🐮厚切嘅肉眼牛扒,火候掌握得宜,肉質鮮嫩多汁,淋上泰式特製醬汁,別有一番滋味。老闆透露菜單會因應季節性食材和飲食趨勢而定期更換。期待下次再嚟會試到唔同嘅菜式✨值得一讚係老闆同員工都親切有禮，尤其是老闆靚仔又幽默😂👍🏻雖然餐廳位於室外冇冷氣，但係悠悠海風吹過嚟都覺得好舒服。
繼續閱讀