The BASE (已結業)

星期日官塘工貿樓早場晚餐，都好多人下！餐牌款式不太多，SIGNATURE 菜式 SET DINNER 已經 COVER。爆炸熱帶雨果：賣相一流，仲有爆炸糖聲！沙冰可以，但整體偏甜少少。大蒜洋蔥忌廉湯配牛油法包多士：香濃，配料多。多士有質素！芝士焗蕃茄莎莎大啡菇：好JUCIY，不過上碟不太熱。。。松露蟲草花雜菌米型粉配63度温泉蛋：好特別，松露蟲草花雜菌味道不太多，米型意粉，risotto 感覺濃！幾得意，可以！慢煮澳洲草飼和牛M2-3西冷扒：好多蔬菜判碟，主菜和牛多根。。。失望。鬚花鬚骨，但性價比嚴重不足！

一間位於觀塘工業大樓的樓上 cafe。入到 cafe 裡面，完全無工廠大樓感覺，加上食客大多後生仔女，而且坐等舒服。3個人叫了3個餐，各有不用。 其中，韓式牛肩肉烘中東包配嘅，係番薯條，味道好特別，唔洗次次都食 普通薯仔條澳洲草飼牛肉漢堡配薯仔格， 牛肉好有肉汁，一流呀。香烤松露雙重流心芝士火腿吐司， 樣子平平無奇，但就非常好味。 雙層流心芝士又唔會太 heavy，直得推介。所有都係套餐跟咗杯嘢飲，其中叫一杯蜂蜜蘆薈梳打，雖然少了一些蜜糖味，有很多蘆薈粒，都算不錯。

約埋朋友去試新嘢，覺得價錢合理， 環境舒適 地點方便 而且嘢食好好味 非常推薦大家過 來試， 之前見過陳展鵬 帶埋女友單文柔 過來The base食嘢的新聞， 相片一定是 the base 的位置是在工業大廈比較隱蔽， 但係坐地鐵去觀塘站行三分鐘便到達其實非常方便

<< The Base >>Happy Friday ，所以同同事去食餐好。今次已經第二次食The Base !!因為都幾受歡迎，所以最好book 位。The base 食物質素一向都好高水準，而且環境好chill ,好有美國優閒餐廳的感覺。黑松露雜菌菠菜米形粉$78第一次食呢款米形粉，唔講以為自己食緊意大利飯，因為同米一樣樣。黑松露味好突出，所以有d似risotto 澳洲草飼牛肉肉醬漢堡配薯格$88呢個漢堡超級飽，因為塊牛肉有成尺厚！薯格又係即炸，所以好好味。“未來”素食漢堡芝士燒烤菇牛油果配薯格$95 好特別的一款漢堡，係為素食人士設計。雖然只係得素食，但味覺好多樣化。燒烤茹好重味，牛油果又好match 個茹，所以好難忘。Must try !!!

The base 門口在這層的角落位置餐廳環境走簡約風枱面面積較細，而且枱與枱嘅距離唔算好大不過都叫做坐得舒服、乾淨仲有一個户外嘅地方，可以出去抖下氣menu用咗木板做底板我哋叫咗兩款主菜，好似幾特別咁珍寶大海蝦海邊孖辮粉味道有少少似食緊泰國野有好多香料製成入面竟然有軟殻蟹而呢隻軟殻蟹係我食過最好食嘅！因為仲有少少膏喺入面，而且炸粉唔厚呢隻粉食落唔蝦人，因為唔會好似長通粉咁大條，而且呢隻粉細細條好容易吸曬啲汁另一個叫咗嘅係魷魚釀墨汁意大利飯好得意咁用魷魚圈包住啲餡個汁用咗好多蔬菜整成可以同店員講想要水，就有個文青水樽出現比你一路傾計，一路飲就咁睇價錢好似好貴，但係食物嘅質素係絕對對得住架！呢度除咗野食，咖啡都好多款式，可惜今次太飽冇試到～偶爾享受吓美食都係一種樂趣

The Base, 是友人選擇首次來到，被呢這環境深深吸引！我很喜歡坐在角落，外面陽光灑進室內，暖洋洋的，很舒服。友人大遲到，唯有飲薄荷茶？水解悶星期六午餐以brunch為主，男生可能會覺得不太飽肚，但我卻很喜歡這種剛剛好的份量及選擇這回未有機會試特色飲品我的full day breakfast $108色香味俱全，有茄汁豆、腸仔（豬肉腸應感覺高級些）、烤蕃茄（頗鮮甜）、薯仔、柚子沙律（非常清新好吃）、煙肉、大啡菇及菠菜溫泉蛋（兩者夾埋一齊食是絕配）、鵝肝雞肉批（1啖就冇）、牛角飽等。份量剛剛好，不多也不少。味道中上，$108是合理。澳洲牛肉漢堡配薯格$92牛肉漢堡厚身又吸引，似足鋸扒，也是邪惡的組合如果靜靜地兩個人聊天，這裡是幾好的選擇！

觀塘近幾年都多左好多上樓既西餐店，真係要逐一試試望落去環境都ok，有得坐户外，同埋方便煙民望一望餐牌，lunch來講都唔算平，連基本餐湯都無包，另外好多嘢都要加錢每日都會有是日特飲，今日係"香草博士茶" ，淨係聽個名都唔知係咩來+ $10餐湯忘記影相最後叫左個香煎日本刺身帶子配海鮮墨汁意大利飯味道偏淡，份量都偏少，我係女仔，食完都唔會覺得好飽同事們説那個慢煮椒麻雞幾好食的，同埋肯定夠飽先，下次可以試試

同朋友下午去食tea。我同朋友首先落單，嘢食飲品（係一個個餐）唔夠五分鐘來左。朋友遲五分鐘到，遲10分鐘落單，等左足足45分鐘，我地都食完，碟三文治🥪都未到。期間追過兩次單，第一次20分鐘左右，侍應話整緊。已經語氣係唔好催廚房一樣。第二次我地坐左一個鐘，再唔上菜就唔夠時間食要走，再催，同侍應講我地真係等左好耐，waiter話「我知。」—》呢句其實有咩幫助呢？除左令人覺得你駁緊我之外，又等人我覺得你好似唔理咁⋯⋯得意的是，跟住侍應話：要唔要幫我地 cancel個order⋯⋯我地全部人打左個突。其實我地無想過取消，只係想追碟嘢食。我朋友杯咖啡飲左一大半都凍曬了，餓住肚等你碟三文治⋯⋯你話唔出？真係咁唔憂做？（我地見到起碼5-6個人排緊隊等檯⋯⋯嘢食出得咁慢啦已經，仲可以唔做人生意⋯⋯）同埋，點解處理方法唔係幫我地再問廚房要幾耐？？而係選擇要我朋友咩都無食走人？咁咖啡係唔係要單計？要我地買貴杯野飲？當然我地去到呢個位有啲唔係咁鍾意，但係都無西口西面⋯⋯之後我地再問五分鐘內出唔出到，出唔到就算了。（我地都算係咁啦⋯⋯）之後⋯⋯侍應開始對我地西口西面🙄🙄 其實其他檯都有追單⋯⋯我去埋單的時候，

12:30到達餐廳，當時7成滿，職員問幾位後要我一人搭枱，當時有2張吉台，帶眼鏡男職員唔肯調，話有人book。叫左個牛脥肉飯，上菜好慢，等左30分鐘，途中有人走有張2人枱吉左，再問男職員佢都話有人book唔俾調，之後神奇既事情發生左，有女職員問我介唔介意調位，咁頭先又唔俾調！？食物來到，份量對女生來講很少，所謂牛脥臉是牛腩很肥又有筋，冇味噌味道，似普通茶餐廳既牛腩飯，冇下次！直到我走張2人台都冇人，果位戴眼鏡男職員唔該好好檢討吓！附上證明相片一張

好耐未試過 "樓上舖" 食野既感覺咁差，價錢都血太平 $2xx 個Main course ， 我地叫左：慢煮西班牙鴨黑毛豬 $258 / 再叫左個二人set dinner : 慢煮草飼和牛M2 西冷扒+ 松露松蟲花米形粉 $488 / 燒原隻魷魚釀墨汁意大利飯$158 / 爆炸乳酪野莓 $48 / 爆炸熱帶雨林 $48 / 冰搖荔枝鮮紅茶 $40 / 冰鮮果茶 $52 / d 食物質數同味道一定唔合格... 琴晚仲要唔好彩地 有張大台男人勁大聲，我地成晚傾計要嗌出黎。 OpenRice 仲要有2xx 個笑口，感覺超中伏😑好嬲，真係忍唔住要出 post!!

以前觀塘返工冇啖好食，依家一上OpenRice 睇下附近美食，就會見到觀塘就大把好嘢食。搵咗一間幾多人讚嘅，雖然價錢都唔唔係話特別平，但為咗好友慶祝生日都值得試下。我哋幾個人最緊要坐得舒服，可以慢慢傾計，輕輕鬆鬆咁過一個晚飯時光。餐廳食物水準高，用心製作連最普通嘅水都飲到薄荷嘅味道，好認真。套餐最抵食，其中我最喜歡的 main course 是燒味噌三文魚+慢煮澳洲草飼和牛 M2-3 西冷扒。和牛我喜歡食 Medium rare ，三至四成熟啱晒我哋幾個胃口，開心見到西冷已預先切好了，方便我哋呢啲懶人食。牛味香濃，粉紅色的肉質鮮嫰，入口柔軟，最緊要係肉汁非常豐富，無筋好吃！還有其他有誠意的配菜，仲遮住咗另一位主角，燒味噌三文魚。正！厚身而且軟滑，大概七至八成熟，如果 well done 就冇咁好味啦！三文魚配上味噌都好惹味。另一款特別嘅係 Pasta，松露蟲草花雜菌米形粉 配63度溫泉蛋。睇個名就知味道應該好複雜，一啲都唔簡單，喜出望外。上枱已經聞到黑松露嘅香味，食落濃郁，將溫泉蛋同米形粉拌勻，每一粒都沾滿香滑蛋汁。入口有驚喜的米形粉，質感好得意，細細粒，又有嚼勁。蟲草花味道都好好。

工廈除左有上班一族同埋開倉特賣場買筍野外，其實都隱藏左好多高質素餐廳係度，有時執完筍野又可以順便開飯真方便，咪睇少佢地以為冇乜嘢食，其實食開既人就會鍾意去呢地方聚會，又可以大聲講大聲笑坐得又舒服，最緊要唔會趕住你走先，是日又同好友去咗工廈開飯今期食乜當然係西餐，唔知食落有冇驚喜，一入去已見幾滿座就知有保證，我地唔執輸點咗晚市套餐品嚐，已包括有幾款菜式一定夠飽，先來小食有咖喱蕃薯條，平時食開都係普通薯條今次都係第一次食蕃薯條，食落脆卜卜蕃薯入口帶點甜又幾好味，仲可以點埋咖喱汁食會有一番味道再來係是日餐湯配牛油法飽多士，多士入口夠鬆脆食到牛油香味，餐湯係甘薯薑湯飲到陣薑嘅辣味，不過飲落又幾好飲，輪到主菜有慢煮澳洲草飼和牛M2-3西冷扒，一上枱已見和牛西冷扒呈現鮮紅色，未食都知肉質好嫩滑，皆因慢煮関係又可以保持到肉嘅質素，我都急不及待食番舊先，一放入囗已食到西冷扒香嫩多汁，而且肉味濃郁又啖啖肉已值回票價食咗一輪美食又係時候食甜品，點咗肉桂蘋果反烤撻配海鹽焦糖汁雲尼拿雪糕，外面食到焦糖香味，內裏有啖啖香濃肉桂再食番一啖雪糕簡直完美享受又咁快品嚐咗一餐美食。

三人行有時食飯都唔錯，人多選擇多，但有時想點菜時就比較煩，但呢到就照顧到今次嘅問題，這裡有有2人套餐之餘，亦有3或4人選擇，咁相對彈性較大，而這裡位置都方便，剛考其中有一位朋友在附近上班，試過這裡唔錯，便相約在這裡一聚，座位都十分闊落，還有出面還有個露天位置，不過天氣熱，我們當然都係選擇室內！餐牌上有好多選擇，一人一個餐湯，兩個小食，一個麵食，加埋個主菜，而飲品就係Drink list 內扣$10優惠，我們就沒有加飲品，只飲水！餐湯配埋塊香脆牛油多士小吃選了咖哩蕃薯條同泰式沙田柚青木瓜藜麥沙律；咖哩蕃薯條，配埋個醬汁味道香脆，而咖哩味道香濃；泰式沙田柚青木瓜藜麥沙律，比平時食開嘅味道清新，加上有健康嘅藜麥，入口沙田柚多汁鮮甜加爽口青木瓜絲同好有口感嘅藜麥，確實食得健康！而個松露蟲草花雜菌米形粉配63度溫泉蛋，撥發上面鋪滿嘅芝士，就見到隻溫泉蛋，將蛋黃同啲米形粉攪均入口味道更加煙韌黏口，味道香滑軟熟，正！主菜個燒味噌三文魚，燒得啱啱好，三文魚外見到最外面嘅三文魚肉有少少火炙嘅感覺，但一切開就見到裡面充滿魚肉汁，入口軟熟嫩滑，正！而個慢煮澳洲草飼和牛M2-3西冷扒，廚師已經切成一片片，見到

老實說，香港咁多餐廳，作為foodie就當然想試新野，所以好小會翻兜餐廳，但呢間我的確已來過3、4次，因為工廠餐廳黎講都真係好高水準！重點推介個雙層大菇漢堡，菇非常juicy，而且包入面好足料，但麵包本身貌似用全蛋包，烘左之後個邊好脆，好好味！再者，我最欣賞既係個薯格，完全不明點解可以炸到咁脆，多年前吃完一直記掛，但觀塘太遠只能間唔時黎。今次試左個煎和牛，好軟稔耶！調味剛好，兩個人share一人幾舊加埋個burger份量剛好夠飽，而且side dish係蔬菜，均衡飲食呀！至於個飲品椰子沙冰就差啲，椰子味有點假，不過很消暑，對於我呢啲坐左成餐都仲流緊汗既人黎講最適合不過～

一見門口格局都知呢間西餐廳走文青簡約風，只有黑白灰啡四個色調。門口左手邊有個open嘅coffee corner，正前方有個露天用餐區，但就無咩景好睇喇，始終餐廳位於工廠區，四面都係工廠大廈。而室內用餐區大概能容納四、五十人左右，都算闊落。全個餐牌都係西餐，有意粉，意大利飯，漢堡包等。每張枱嘅枱面都有一大食瓶薄菏茶，任飲唔嬲，清清涼涼，幾岩夏天飲。當日點左個煙肉牛肉芝士漢堡，菠菜芝士意大利飯。賣相一流㗎，但漢堡個免治豬肉就稍為過熟，不過味道不錯，薯格又夠脆。個意大利飯都好食，又唔膩。會再去食～～