The FOOD FACTORY (已結業)

忙碌左成個星期，一定要約埋成班朋友聚埋一齊，食餐好嘅放鬆下心情，慰勞一下自己。.我地四人行都各自叫左心水嘅嘢飲，難得聽日唔使番工，梗係叫支1664白啤酒🍻，淡淡花果香氣，降低啤酒的苦味，很適合唔喜歡啤酒苦味的女性。.心思思好多嘢都想試，最後朋友拍版：1. 北海道全蜆忌廉意大利麵套餐-芝麻味嘅意大利面，味道好特別，好有日本風味.2.墨魚汁燴飯套餐-份量十足，燴飯太過濕，試左幾啖之後，基本上冇點食過。.3.美國安格斯肉眼扒五成熟- 呢個就有少許不足之處，一切開八成熟，已經好失望，唔使講口感，大家都知咩事，勝在配菜用心，裝飾搭夠。.4.黑松露薯條配水牛芝士-值得一讚，薯條夠熱，加埋拉絲嘅水牛芝士，成功K.O成盤。.5.小食拼盤-就咁睇覺得有墨西哥風味，唔知係辣醬唔夠辣，所以整個小食都還好，唔算好特別。.整體味道還好，沒有太大驚喜，最驚喜係成晚放住G.E.M. 的歌，環境舒適，啱晒三五知己傾計。

Happy Friday 又係時候約人食飯 今次發現左呢間新新地既鋪 就一於入去試下餐牌選擇都唔少 又有dinner set 揀 都正正常常餐湯升級為龍蝦湯 味道鹹鹹地 龍蝦味十分濃郁 而且好足料 真係食到粒粒龍蝦肉挪威三文魚蛋白炒飯 炒飯水準唔錯 粒粒分明 又帶有三文魚既鹹香味 慢煮肉眼拌農夫菜 牛扒比想像中大塊 牛味濃 肉質非常軟腍 幾好味 我就鐘意食原味 而朋友鐘意配埋牛油果醬食 都幾特別焗虎蝦龍蝦汁螺絲粉 龍蝦汁足夠 螺絲粉都夠味 趁熱食幾好北京填鴨手工薄餅 估唔到呢個中西夾雜都可以咁好食 北京填鴨份量夠 每塊pizza 都可以食到好味大塊北京填鴨 又有拉芝效果 都幾夾黑松露薯條 其實係薯角黎 外脆內軟 似食緊薯蓉 配上黑松露一齊食好Match 如果再多啲黑松露就更好啦小食拼盤 有雞鎚 魷魚圈 薯條 & 彼得包 最鐘意都係魷魚圈 另外呢度啲飲品都唔錯 特別推薦壺裝飲品 多啲人share 都可以 我地係伯爵荔枝紅茶 味道幾香甜

紐西蘭牛肉眼扒伴蜜糖芥末沙律💰69 7⃣分大家留意一下呢幾道菜都係Lunch Set，佢地紐西蘭牛肉眼扒份量真係好多，按照依個價錢去計算。肉眼扒牛肉味好鬼濃，肉質有輕微既over-cooked，但整體黎講都算ok既。 佢地既沙律小編就覺得好出色，微微焗烤過既蕃茄，令其鮮甜更加突出。不同新鮮雜蔬配蜜糖芥末醬，好開胃係依個熱到想死既夏日。/帆立貝卡邦尼野菌意大利麵 💰55 7⃣點5⃣分侍應將呢道菜送上檯小編真係嚇襯，55蚊依個價錢有兩個巨型既帆立貝，都幾彈牙又爽口。切條既野菌配上幾出色既卡邦尼醬，小編甚至覺得依道菜set at 百零蚊都不為過，真心不是講經。/深海魚柳塔塔醬漢堡💰59 7⃣小編真係要講聲唔好意思，因為唔記得影相同埋秒速ko成個包。佢地既魚柳十分酥脆得黎，炸粉粿既程度又唔會太厚。配上超級多酸酸甜甜既塔塔醬，以及新鮮厚切既蕃茄，成個配搭係幾完美。但小編覺得如果個包可以再熱身小小會比較更癲！/茉莉沙冰 & 香橙檸檬菠蘿紅茶 💰21 & 25 7⃣ & 6⃣用茉莉做沙冰，小編真係井底之蛙第一次試。原來呢個組合係幾清爽，加埋小小cream on top，咪就係夏日炎炎消暑涼品？香橙檸檬菠蘿紅茶

平平無奇的一日 , 在 MK 行街食飯 ....晚餐地點就在 旺角-譽發廣場 ( 其實比較近油麻地地鐵站 ) 的 The Food Factory ~Menu ~ 香橙檸檬菠蘿紅茶 (冰) : 味道甜甜的水果紅茶 , 充滿水果的正力量 , 使人開心又開胃 ~海龍皇湯 : 湯的質感稀傑適中 , 味道濃香 , 材料豐富有蝦肉、魚肉、帶子肉 , 味道不錯 ~馬里蘭蟹餅 : 外型圓滾滾的蟹餅 , 炸至金黃色 , 內裏有鮮蟹肉 , 味道很香口 ~燴牛面肉配意大利飯餅 : 牛面肉煮得軟綿腍滑 , gravy 的味道濃香也帶有紅酒味 , 配以煎得香香又正方形的飯餅 , 味道很特別 ~本篇完 ~

見呢間餐廳呢來曝光率都幾高，就繼朋友後試下。公眾假期，下午2點黎到唔使等位，但莫名奇妙地叫我地拎籌等一陣先入得。店內空間都幾大，同埋望既景都幾靚。餐牌選擇唔少，而價錢都中等。首先上左餐湯同包。菠菜湯其貌不揚，但都幾好味。餐包都夠熱。主菜黎啦：雞扒配司華力腸意粉。首先腸仔係正常既，都好味。但塊雞扒食得出係烚左再煎，入面既肉係鞋口既，明顯overcook左。而意粉係蕃茄意粉，但無乜味好淡口。最後呢個餐食左一半都無。餐飲叫左熱檸菜，但見到個杯咁唔乾淨都無胃口飲落去。值得一提係呢到既服務都係非常麻麻，樓面員工有4個，落單眼見得一位男職員，但個男既不斷好似好忙咁左騰右騰，而佢態度亦奇差，落單落到好唔耐煩咁。而另一位無著制服既女仔就係不斷咁調食緊野既客去fit入緊黎既客，非常騷擾。呢間餐廳絕對無下次！

The Food Factory claims to serve really high quality food at a very affordable price, but of course it’s not. You don’t have high expectation when you dine in Mong Kok, but it was a rather disappointing dining experience at the Food Factory.Visiting on an early Monday evening at 6pm, the Food Factory was quite empty even though it’s a public holiday. There was only one waiter working at the moment, which was fine. But this waiter wasn’t really friendly. He told me to wait a bit at the entrance v

今晚同朋友揀左依間新開嘅餐廳試下～入面有一大幅牆播mv…啲位都好闊～坐得幾舒服揀左一個一人餐…同埋一個主食…一人餐揀左鴨髀…好似係第一次食鴨髀真係好鴨！上碟有兩大隻～份量都好夠！重點係個比利時窩夫！好好食！炸得好脆入面仲甜甜地 唔知係咪加左啲蕃薯？主食嗌左三重芝士和牛漢堡…塊牛都大份 不過黑椒味重左少少中間嘅芝士有拉絲添架！啲薯塊落左味粉都唔錯～～野飲嗌左洛神花沙冰 酸酸地 似益力多好飲可以再試！！！

今次熊貓又喺旺角呢個咁繁忙嘅地區，發掘了一間傾計好去處的餐廳。呢間餐廳位於旺角嘅信和附近嘅新大廈，入到去呢間餐廳，感覺上好舒服。餐廳有落地大玻璃，光線非常充足，而且座位之間保持適當的距離，坐得很舒服。咁熊貓就同朋友嗌左呢度嘅晚餐，首先佢個龍蝦湯真係不錯，味道非常濃，而且非常足料。另外有留意熊貓的朋友，都知熊貓最鍾意食牛扒。所以今次都唔例外。除了牛扒，熊貓亦都非常推薦呢度嘅燒虎蝦👍🏽👍🏽大家食完主菜，亦都可以試吓呢度嘅甜品，今次我哋叫咗佢嘅招牌窩夫，為這頓晚餐畫上完美的句號。如果大家喺旺區想找一個安靜的環境，和朋友談天說地，吃一頓豐富的晚餐，咁就要嚟呢一間餐廳。

第一次要寫難食的評論，飲同食都唔得，性價比低低低。吃了兩口已經唔想吃。價錢又貴。包餐飲基本冇咩可以選擇，基本都係要再補差價。環境還可以，冷氣風口大，舒適度低。食物選擇不多。無分可評。

旺角又有新蒲點可以約朋友仔食下野，傾下計，聽下歌啦。油麻地地鐵站一出就係，超級方便，食完搭地鐵又各自歸家，約哂新界九龍香港既朋友食都方便呀！餐廳有落地玻璃，通透見到街景，望落好新淨好光猛。裝飾雖然簡單，但環境都算幾舒適。主要食西餐，有set 有散叫， 今次同朋友試左set, 亦都叫左小食試下。餐湯轉配左龍蝦湯，好濃濃既蝦味，仲有好多粒蝦係湯入面，非常足料！試左一杯飲品是碟荳花蘋果茶，顏色好靚，漸收色咁，味道就過得去啦，唔太飲到蘋果味，但有小小蘋果蓉食到。小食點了黑松露薯條，仲加左芝士一齊焗，雖然係熱辣辣咁上，但黑松露味就唔太夠。主食這款是慢煮肉眼扒伴農夫菜，塊扒都算幾大塊，個汁同蘆筍蓉都好好味，肉質都幾淋，不錯。這碟是美國豬鞍扒伴夏威夷菠蘿。燒菠蘿好香好甜，豬扒唔會鞋口，肉汁都多，幾juicy。地點咁方便，環境又唔錯，可以encore !

工作關係，去到油麻地附近，發覺呢到有一棟大廈好多野食，就走入去試下👍🏻！見到呢間‼️Food Factory‼️係新店，咁又試下啦！入到去個deco幾舒服幾relaxed 🥰 一點到都有位！野食主要以西餐為主！選擇都算多🍽價錢又幾相宜喎🥗野飲好多選擇，不過都要加錢💰💰💰夏天咁熱當然要飲杯涷朱古力吖🍫跟餐的湯🍲我看個樣似為係南瓜濃湯🎃但個味飲落口有少少香料同咖哩味🍙餐包熱呼呼🥖軟身的，加牛油又幾不錯👍🏻我的主菜🥗啦~啦~啦~好fresh 👍🏻個牛肉好軟身🥰配沙律好方便食！個沙律汁都好味！飲品試左Oreo朱古力🍫賣相幾好🥤但可以再濃d

同朋友行經旺角，揀咗呢間餐廳黎食原條慢煮牛仔骨伴農場蔬菜聽到原條慢煮已經覺得好吸引，牛仔骨切出黎之後有好多塊，每塊都好有咬口，牛味好香濃，食落都唔係好多根，慢煮牛柳就食得多，原來慢煮牛仔骨都可以咁出色。美國豬鞍伴夏威夷菠蘿大大去豬鞍係面前，一切開已經感覺到入面啲肉汁鎖住住係裡面，食落一啲都唔鞋口，煮得恰到好處！配埋伴碟的菠蘿，味道酸酸味味又多汁，非常趁托到豬鞍的肉感。水牛城雞腿🍗有成三隻，啖啖肉，炸得好香口，但又唔係好油膩，因為佢有沙律菜伴碟，食落好爽口。挪威煙三文魚沙律味道好新鮮，食落口感一流。因為好多菜，配上美味的三文魚，味道好豐富。洛神甜莓莓乾茶好大一壺茶，沖到4-5杯。飲落酸酸味味，好提神下，有個小燭台助熱住，唔怕攤到凍晒。

辛苦番工一個星期，終於假期前可以Happy Friday同朋友聚一聚。個個番工地點係港九新界，約油麻地就比較就腳。見到新開左間食西餐廳，我地就入去食！入到去地方幾大幾闊落，位都幾多，坐得都幾舒服，好啱一班朋友坐低一邊傾計一邊食餐勁ge。👍🏻👍🏻挪威煙三文魚蛋白炒飯，呢個炒飯超好味煙熏味三文魚同蛋白好夾😛大家都爭住食😂焗虎蝦龍蝦汁螺絲粉，大大隻虎蝦上面有一層厚厚ge芝士，加埋濃郁龍蝦汁令到成個螺絲粉好好味。🤤🤤慢煮肉眼排配農夫菜，啲肉扒牛味好濃，仲有配紫薯，味道非常夾☺北京填鴨手工pizza，一食落口個醬汁同喺北京食嘅填鴨真係一模一樣味，上面仲有青瓜，真係好有特色好值得一試👍🏻👍🏻小食拼盤有薯條、魷魚圏、雞鎚、彼得包。啲薯條魷魚圈炸得好脆，大家都食到停唔到口👻👻

今晚同朋友一齊揀左個一人晚餐配餐湯，再嗌啲野飲同小食，已經好飽。因為啲野食都大大份，好抵食個主菜我地就叫左三文魚蛋白炒飯，佢個飯有蛋白，好健康又好味，仲有紫菜調味，整體食落好香口唔會太咸或太淡，所有野都配合得啱啱好個雞鎚真係好好食好大舊，之前食過今次又再叫，因為佢咸咸地辣辣地個味好吸引好特別，而且肉汁又多又嫩，真係一流。如果係多啲朋友一齊聚會就可以揀小食拼盤個個，有更多小食，當然包埋雞鎚，但佢地個價錢都差唔多，咁樣叫會抵啲嘅感覺去親邊間餐廳我都會叫杯朱古力飲，呢度嘅朱古力絕對係水準之上，好好飲好濃郁。

油麻地又有新餐廳同朋友點左份二人餐，Set B，好多野食湯同沙律都唔係hea 既配搭，睇得出廚師個細節都好仔細湯就算冇加錢升級都高質仲有沙律，挪威燻三文魚紅醋沙律三文魚好足，個沙律sauce都搭得唔錯 同埋兩個main ，上菜上得好快卡邦忌廉意粉Creamy食完呢個已經好飽至尊手工薄餅好cheesy 仲有飲品 雜莓梳打好味整體而言，食物唔算貴，但係一d都唔馬虎而且呢間餐廳環境好舒服，兩個人黎食飯望住外面街景，仲有個大screen聽歌好chill (個晚係咁loop GEM既歌) 空間寬敞，食物選選又多，都好岩同朋友黎gathering