The FOOD FACTORY (已結業)

今天要學跳舞又要招呼好耐冇見嘅朋友，近近地就隔離新開的餐廳吧，唔使我行太遠，輕輕鬆鬆又可以望住彌敦道聊偈吹水，幾好吖。有一人套餐，二人套餐，有單點，睇來似乎一人套餐最抵吃，但單點又有D特色嘢，咁2個人就好易話為，來一個一人餐，來一個單點。仲有記住記住，寫明餐單不會一成不變嘅，會定時轉，啱晒D『花心』人。單點嘅『北京填鴨手工薄餅』上場啦，有埋海鮮醬，水牛芝士，北京填鴨，京葱，青瓜，賣相唔錯，芝士拉絲效果勁，青瓜也好吃，够特别，可以接受。單點嘅洛神紅莓冰沙勁靚，齊睇唔飲都够清涼，軟綿綿，清清甜，透心涼，趕走頭先跳舞的疲累『貽貝墨魚墨汁燴飯』喺我哋未吃完個pizza就上埸，有齊我鐘意嘅青口，蜆仔及墨魚仔，勁正，吃咗幾啖就停晒口，唔好吃?唔係呀，因為D餐份量都好大，两個女仔吃實在太多，所以唯有打包

呢間餐廳原來新開前身係EatMe, 星期六下午去到已經差唔多滿座。之後冇幾耐就有人等位 ，打開餐牌午市有午餐供應，價錢非常經濟實惠，都只係65蚊左右樓下，超級抵食😯所有午餐包餐湯，餐包及飲品😉 而且餐廳都想算坐得舒服，呢個價錢其實真係同茶記差唔多。😀餐湯係羅宋湯， 料夠多味道夠。 麵包都係暖笠笠😁叫咗紐西蘭牛扒，牛扒好大塊，味道不錯，但稍為多筋，都算厚切。另外叫咗炸蝦肉燥飯，都不錯😊😊旺角嚟講真係抵食，窮人恩物。

又放大假，梗係約一班朋友出嚟傾吓計食好嘢。呢間The Food Factory 樓下雖然冇大招牌，但一嚟到譽發廣場5樓，就發現原來好多人都嚟呢度食，午市要等位。餐廳有二人坐四人坐六人坐，亦有一人對住窗口嘅位置，所以無論自己一個人嚟，定係同一大班朋友，一定有合適嘅位置舒舒服服食嘢。以這個黃金地段來說，五十幾蚊一個午餐包餐湯餐包同飲品，真係十分抵食！嚟到已經差唔多兩點，差唔多到2:30下午茶時間，店員話可以預先落單，咁就有多啲選擇啦😽餐湯落足料，有好多蔬菜粒，味道清新，沒有很假的茄膏味👍🏽仲要讚下個餐包，焗得好鬆軟，打開熱辣辣嘅餐包裏面仍然保持濕潤，仲有少少牛油香！等緊食物嘅時候先飲杯野，叫咗一杯意大利薄荷咖啡，冇估到買相咁可愛，朋友係Hello Kitty嘅粉絲，見到立即同佢影返幅靚相，咁cute嘅樣又真係唔捨得飲嘅。香草厚切豬扒配檸檬牛油汁，這個配搭很清新，原來檸檬同牛油可以咁架，清新之餘有些少甘香。豬扒真係好厚，差不多兩厘米，但烹調時間剛好，很輕易就能切開，肉質鮮嫩，稍為多一些調味可能更好，不過可以肯定的說，這是健康之選！這個下午茶拼盤真的不得了，幾時下午茶都要咁好話，切開兩邊的牛角

譽發廣場開得越來越多餐廳有時出旺角行街唔知食咩好都會嚟開飯今次同朋友試咗5樓一間新開餐廳餐廳主打食西餐 睇menu都幾吸引心大心細 最後叫咗以下幾樣菜式海龍王湯超級足料雖然唔算大碗 但龍蝦味道濃而且真係食到啖啖龍蝦肉 加分流心三重芝士手打和牛漢堡伴碟仲有粗薯條同沙律 分量十足粗薯條口感豐富 食落辣辣地漢堡包身鬆軟 和牛扒厚切 肉質嫩冧番茄同生菜中和膩胃感芝士控朋友仔認為芝士味可以再濃就更好雪糕棉花糖特濃朱古力呢杯朱古力超級邪惡面頭有大量棉花糖加Cookie cream雪糕朱古力味道比一般濃 必試推介今次試新餐廳冇中伏不特止 仲有啲驚喜喎下次有機會又黎幫襯

黑洞都有一排冇黎譽發廣場開餐原來開咗新西餐廳晚餐未有着落就決定一戰大概等左5分鐘就可以入座 唔算太耐海龍王湯（$68）睇色水就知道足料有番茄仔 龍蝦肉 蝦肉等配料飲落好濃味 有淡淡忌廉香幡浜墨魚胡麻芥末沙律（$98）足足有六七隻墨魚仔 入口爽彈師傅落咗超大量芝麻沙律 夠晒味冰島雪山三文魚扒（$218）呢個主菜等左四個字到不過一上菜係俾佢外表吸引住既三文魚扒面頭再鋪想一層甜甜地嘅蛋白半碟有紫薯 番茄 蘆筍 甘筍 夠晒七彩繽紛三文魚熟度拿捏得幾好 而且魚肉油脂足伴碟配菜中和番油脂個油膩感 perfect熱焦糖特濃朱古力（$39）雖然焦糖再加特濃朱古力但新為螞蟻嘅黑洞又唔覺得話勁甜反而朱古力味真係好濃 朱古力口感豐厚極推介朱古力控一戰整體上菜速度同服務都幾好價錢同碟頭屬中等黑洞覺得幾啱一班女仔黎飯聚

👫係旺角行行下街想食嘢，就搵到呢間樓上鋪啦💕 見菜式選擇多，價錢又抵食，就嚟試下啦😚一一一一一一一一一一一一一一#二人套餐 <$348>🔻#甘筍忌廉湯每一啖都有好多甘筍，好香甜嘅味道👻.🔻#挪威煙三文魚紅醋沙律紅醋沙律食落酸酸甜甜咁，幾開胃🥗但三文魚食落唔太新鮮，食落麻麻🤢.🔻#一年熟成風乾腿卡邦尼扁意粉扁意粉口感彈牙，份量都幾多🖖🏻風乾嘅火腿好似炸過咁，無咩火腿香，有少少油溢味😿相反意粉同汁都做得出色，令人想一啖接一啖，而且食完都唔會好膩👍🏻蘑菇配料都好足，食完真係好飽🤞🏻.🔻#至尊手工薄餅Pizza係薄批，皮焗得非常香脆🍕而且好足料，啖啖都係雞肉同辣肉腸😍水牛芝士超多，每塊薄餅都拉到芝士絲，勁香濃芝士味🥰蕃茄醬中和咗芝士嘅膩，食落酸酸鹹鹹啱啱好🤘🏻.🔻#蘋果荔枝綠茶 <+$25>清清甜甜嘅味道好fresh，用嚟解膩一流😽.🔻#紅豆抹茶鮮奶 <+$20>無平時飲開嘅抹茶鮮奶咁甜🍵茶味好香濃又唔會苦澀，加埋軟稔嘅紅豆好夾，味道啱啱好✌🏻.🔻#法式焦糖燉蛋甜品做得幾出色，蛋滑又重焦糖味，細細份啱啱好💕一一一一一一一一一一一一一一👾驚喜指數：

今晩來到位於旺角的樓上cafe，才發現已換了新的餐廳。我發現裝修和餐牌也差不，所以還是進去一試吧。我們點了2個單人晚餐，價錢合理。餐湯是龍蝦湯，龍蝦味濃郁香湯，還有粒粒蝦肉在內。我的挪威三文魚蛋白炒飯 （$128）有點中西合璧的感覺，材料豐富，味道高質。炒飯做得粒粒分味，帶上三文魚的咸香，配上蛋白口感更佳。慢煮肉眼拌農夫菜 （$168），也燒得恰到好處，肉質鬆化，又能保留肉質。伴碟是香甜多汁的燒菠蘿，確實好味。最後還散點了個焦糖燉蛋，二人分享，小吃多滋味。我這杯餐飲的榛子咖啡的質素也很高，咖啡味濃郁也不會過甜～

朋友回港 一聚，大家為遷就佢去油麻地食午餐， 原先朋友推介的餐廳已結業，我們在樓下研究一輪後，見openrice有不錯評價，就試試呢間餐廳Food Factory。間餐廳裝修簡約帶工業風， 枱不算多，但我地早無咩人。中午套餐只有一頁, 真係唔敢相信, 旺角竟然有五十幾蚊一個午餐，仲要包埋麵包餐湯飲品👍🤩我地3人各叫了一個餐紐西蘭牛肉眼扒 ~ 我要求半熟牛, 好諗， 配蒜蓉汁😋, 這個價錢有如此質素牛肉確實超值, 另配薯菜 (是炸薯角, 夠脆)👍蜜糖芥末煙肉安格斯牛肉漢堡 ~ 厚厚的牛肉漢堡, 加上煙肉, 口感豐富, 真係物超所值😍紐西蘭牛肉眼扒伴蜜糖芥末沙律 ~ 牛肉份量不少, 而且夠諗, 沙律醬好味😋，菜再多啲就perfect😁 。他們的飲品也做得出色，只加幾蚊已有特飲餐廳樓面只有一對男女, 非常勤快, 相信是小本經營, 這麼美而廉的餐廳要多介紹朋友幫襯至得👍👍👍

最鍾意試新野~~知道譽發廣場又有間新餐廳, 約朋友黎gathing咯餐廳環境風格都幾特別, 面且有個大大SCREEN播片~就算早左到等朋友都唔怕悶~一人套餐價錢相宜~ $128-168有餐湯有飲品....加$15仲有龍蝦湯添另有2人套餐~~仲可以散叫, 都幾多選擇下!飲品都算多種類來個龍蝦湯先龍蝦湯味道濃郁~~湯入面有好多好多龍蝦肉丫!!!差唔多啖啖都食到龍蝦肉, 口感超豐富!!慢煮肉眼排伴農夫菜 $168牛排比想像中大塊~~牛味好重, 肉質非常軟腍又Juicy~呢個價錢食到呢塊排真係物超所值一年熟成風乾巴馬火腿卡邦尼扁意粉 $128好特別既巴馬火腿, 脆卜卜架平時食開既軟淋淋巴馬火腿多數連蜜瓜一齊食.... 估唔到原來可以卜卜脆咁食呢~好脆口, 感覺都有DD似脆煙肉~卡邦尼扁意粉夠入味, 意粉一d都唔乾~黑松露薯條 (加水牛芝士) $68以為係幼薯條, 點知上枱時係粗薯條, 好驚喜!!粗薯條外皮脆口, 內裏滿滿薯蓉, 口感非常豐富~配黑松露一齊食好Match我地仲加左水牛芝士添丫, 淡淡既芝士好creamy~一個菜式幾種享受餐飲~~加$$可以轉特飲""

工作實在忙到一個點，今晚終於抽到時間與同事忙裡抽空，飲下食下傾下計！見到呢間新開餐廳，即管試試。✨挪威三文魚沙律-三文魚魚油豐富、鮮甜，沙律菜新鮮，配上甜生的沙律菜，很醒胃及美味。✨水牛城雞鎚-以為水牛城醬汁通常都辣，這個不會太辣，不食得辣的我都覺得容易入口，而且還有甜甜的味道。雞鎚肉質滑嫩，大大隻，對於兩個女仔來說，份量都好足夠有餘。✨慢煮牛仔骨伴農場蔬菜-這個牛仔骨份量也是超級大份，兩個女仔來說，有點多，如果3-4個人吃會剛好。首先，牛仔骨肉味濃郁，味道適中，煮得剛好不會過熟。農場蔬菜清新鮮甜，中和一下油膩感。✨美國醋鞍扒伴夏威夷菠蘿-豬鞍鮮嫩，肉質肥美，配上菠蘿汁一點也不膩。另外，大片菠蘿很鮮甜。另外，芥末薯蓉和燒紫薯的味道也很不錯。✨雜菜湯&龍蝦湯-雜菜湯正常，龍蝦湯鮮味有粒粒龍蝦肉，味道出色。✨洛神花甜甜莓乾茶-酸酸甜甜一消油膩感，女生恩物！環境坐得舒服，很適合傾計！

作為Cafe集中地的旺角，要找到一間不限時限額、食物質素還好，更要不用多等位的Cafe實在不容易了... 這次到訪的The Food Factory是位於油麻地的樓上Cafe，到達餐廳門口的時候其實我和朋友有點卻步🙈因為星期五晚餐時段也沒有很多客人，不禁令人猜想這餐廳的質素? 幸好朋友不想再另找新餐廳，才沒有錯過可以慢慢談天的美好晚餐~貽貝墨魚墨汁燴飯 $128墨汁燴飯是第一次約會的大忌(笑)😂幸好我今天不是相親，否則如此濃濃的墨汁都會塗滿了我的咀👻飯的份量算多，而且海鮮的份量也多，有蝦有青口等且不會過熟，值得一試！美國豬鞍扒伴夏威夷菠蘿 $168我自己一向喜歡吃豬，豬鞍的肉質嫩口有汁，不會死乾死硬😋而因為我不吃菠蘿🍍的關係，整大片伴碟的菠蘿就交給我的朋友了~ 他說菠蘿味也甜，而紫薯則是我的喜愛，可惜是中心位置不夠熟，若再多煮一會兒會更好吃呢😎玫瑰蘋果醋 $42 (跟餐價 $20)雖然套餐已有餐飲，我也想多試點特色飲品哈哈。這蘋果醋樣子討好，橙色粉色結合帶少女感~而且味道也清新，玫瑰的味道雖然不算突出，反而我更喜歡它的蘋果醋微酸味。在吃飽了燴飯和豬鞍扒後，可以令味蕾清新一下👅最難得的是

同班朋友放工黎個聚會, 見The Food factory 環境幾好就簡左呢間餐廳! 落地玻璃睇到出面樓景, 可惜大檯係靠入! 不過呢邊都有個Projector 播住MV 又幾好喎先睇下餐牌~我地點既大部份都係一人餐, 再加D小食同飲品,以下既食物按推介度排列:挪威三文魚蛋白炒飯($128)個炒飯炒得幾乾身, 外圍有D 明太子  三文魚唔算大粒, 但整體好夠味~!北京填鴨手工薄餅( $158)相中可以見到D 填鴨好足料!!!! 切既每一份都最少有一份鴨   另外要讚既係佢用左填鴨果種甜醬做base, 個cross over 效果唔錯!慢煮肉眼扒伴農夫菜($168)牛肉味幾重, 肉質尚算鬆軟唔多筋  配上牛油果醬估唔到又幾夾!  美國豬鞍扒伴夏威夷菠蘿($168)豬鞍扒好厚身  呢份肉都配左牛油果醬, 但冇牛肉咁夾 如果豬鞍扒可再入味D會更好!焗虎蝦龍蝦汁螺絲粉 ($128)龍蝦汁幾足, 唔會好乾身唔夠汁龍蝦湯 (加$15)可以見到入面仲有D龍蝦粒! 個湯煮得好濃, 不過咸左少少~小食拼盤 ($108)呢個拼盤包左魷魚圈、雞鎚、薯條、彼得包，味道尚可馬里蘭蟹餅 ($98)蟹餅賣相好吸引 

We’ve been seeking a way to satisfy your stomach full with lots of fun!-作為一個Café殺手既我黎講,當然唔會放過任何一間餐廳啦,聽我fd講呢間樓上café都唔差,環境似新裝修,地方都幾寬敞,無乜壓迫感,全部落地玻璃飽覽成條彌敦道,坐就幾好坐啦,野食又點呢? 👇-📌Risotto With Squid and Mussel in Ink Sauce - $128👉一黎到賣相我已經知道我嗌得岩,墨汁好香,係有果種原汁原味既感覺,Risotto好軟熟,帶少少淋身,係我鍾意既口感,青口份量都唔少,要講少少既係,因為墨汁本身已經好夠味,但佢加左少少蕃茄感覺搶左同埋破壞果種原味,而且同墨汁既色水賣相唔係太夾!所以強烈建議整走個蕃茄咁就完美啦!-📌Slow Cook Beef RIB EYE - $168👉我真係牛魔王黎,無肉不歡,去到邊都要食!呢塊好似手掌咁大,配個sauce都幾夾,5成熟,肉質尚可,呢個價錢唔會要求太言,menu寫住農夫菜,原來係焗紫蕃薯,竹筍同紅蘿蔔,一般出面餐廳都係配焗薯角或者mashed potato

今日同朋友去咗Food factory食西餐，我哋叫咗一份安格斯牛排配飯， 要檸檬汁，味道真係好好，一開始有猶豫過揀蒜蓉汁定係檸檬汁，但係覺得檸檬汁好似特別啲，點知又真係好好味，可以帶出牛扒嘅鮮甜^_^然之後我哋仲叫咗一個凡立貝卡幫尼意粉，啲菇同埋培根真係好香，帆立貝就大大粒好鮮甜，其實呢個價錢都唔會預佢好豪爽好大方，但係一送到黎見到都有驚喜，一個價錢食過咁嘅意粉餐，其實真係好抵食㗎啦。嘢飲我哋叫咗一杯1664啤酒，仲有生薑蜂蜜茶，覺得不過不失啦，因為又有包又有湯已經好多嘢食好飽㗎啦。

今日嚟到Food Factory打卡食個午餐，佢地午餐選擇好多，價錢都好平，性價比好高。我地叫左個pizza餐，啲海鮮都好足料，唔好睇佢細細粒，但就好鮮甜好好味！個批邊仲好似梳打餅咁脆添！即使最後一塊好晏先食，都仲系好香好脆，佢系唯一我食到最後既pizza！批邊做得好出色！我地仲叫左個安格斯漢堡包，啲薯角好脆，搭埋mustard好夾！個包好大個好足料！簡直就系用緊一半既價錢，食緊值100蚊以上既漢堡包餐。呢間food factory啲lunch set份份都大件夾抵食，又好高質素喎，每個餐都有餐包、湯同野飲，唔怪之得一到飯點就咁好生意，咁多人食啦！