The FOOD FACTORY (已結業)

星期六放工後約埋朋友去旺角行下街街😆由於早上無食到早餐，所以要去食個lunch先😉之前係譽發廣場食過野，記得呢棟大廈有好多餐廳，就過去睇下食咩好😊最後就簡左5樓呢間The FOOD FACTORY ～店內看出去是旺角街道的景色，店內也有大大的投影機播電視📺叫左1個lunch set和2個tea share 食😊Lunch set既價錢唔係好貴，$49至$63不等...而且選擇都多👍🏽仲有下午茶都可以簡Lunch set叫左👉🏽紐西蘭牛肉眼扒配薯菜$63，醬汁有黃金蒜蓉汁或芝士汁呢兩種揀😆芝士控嘅我梗係揀咗芝士汁啦🧀果汁既芝士味濃，唔會好稀！塊扒係無得選擇幾多成熟，不過煮得啱啱好，唔會話好生又唔會硬都食唔到...牛肉好大塊，而且牛肉味都好出，lunch呢個價錢食到咁既扒，好抵呀👍🏽👉🏽煙三文魚芝士墨西哥餡餅🥙 $42係外國既時候好鐘意食墨西哥餡餅🥙，所以推薦俾朋友食呢個～入面有煙三文魚、提子乾、芝士，煙三文魚既分量有好夠，有提子乾幾特別。如果入面再加少少菜會更好😉👉🏽挪威三文魚班尼蛋拼盤 $59蛋未熟曬，用刀刺一刺蛋黃就流左出黎🌊做到流心既效果😆上面的汁是芝士汁黎的*喜歡每碟都會有啲沙律

07:50pm, 我地四人wait-in等台, 拎籌企門口等台, OK. 人客不多, 只有一個四眼肥仔侍應, 悠悠閒閒.入面明明有台, 四眼肥仔侍應唔招呼人入, 等15分鐘至少三台客走.入裏面問下, 四眼肥仔侍應反問: "先生有乜幫到你?" 有四人台入唔入得?"有人reserve 左"要排幾耐啊?"等有台兩人走可拼四人"OK, 等下.5分鐘, 朋友見未有, 入内看餐牌, 見轉角最少四人三張大台.問下."轉角D 台我 serve 唔到"好野.企係你門口, 浪費我地 20分鐘.馬上走.

難得有時間可以出城行下做下自己野，就好好食番個叉電飯先再繼續衝啦~ 既然今日都要係旺角油麻地走來走去，就行到邊，食到邊啦~ 最終行到譽發廣場， 成楝都係食店，左睇睇右睇睇，就揀咗 THe Food Factory。 午餐選擇多元化，扒類，飯，意粉，沙律，漢堡，薄餅都有。 信義妹都考慮了好一陣先揀到，樣樣都吸引啊~ 紐西蘭牛肉眼扒$63 有飯，意粉，薯菜選擇。信義妹就揀咗薯菜。薯角外皮不算好脆，但因為有少少辣的調味，所以信義妹都幾喜歡。而伴菜有白菜仔，信義妹一直都覺得白菜仔同中菜相配，估唔到會係西餐出現。白菜仔味道不太濃，清清地感覺不錯。 主角肉眼扒，帶八成熟，生熟度剛好。肉質軟稔，帶有肉汁。 由於信義妹嗜辣所以黑椒汁就覺得唔辣，但都好香既。 雜莓梳打 信義妹叫咗少冰。來到很美的啊~有薄荷葉襯托，新鮮士多啤梨同藍莓混入。初初都擔心會有啲似藥水味，飲落又OK喎，一啲都唔藥水。不過就無咩酸味，有番少少酸味就會更好飲啦~下次要試下甜品先。地址: 旺角彌敦道560號譽發廣場5樓

旺角油麻地嗰邊有一棟比較新嘅大廈叫做譽發大廈，裏面都有唔少餐廳選擇，今次就揀咗一間新嘅西餐廳。TRIPLE LAVA CHEESE HANDMADE M5 WAGYU BEEF BURGER流心三重芝士手打和牛漢堡-流心芝士和牛，車打芝士生菜，紫洋蔥，蕃茄，蛋黃醬$168都幾特別,大大件,而且麵包外皮比較香脆鬆化，裏面有流心芝士同埋和牛,仲有好多其他唔同嘅配料,味道係唔錯!CALIFORNIA BACON AND POTATO SALAD 加洲煙肉薯仔沙律$88食返個沙律醒神一下,裏面有啲小小咸香嘅煙肉,仲有好多薯仔及生菜,口感十分豐富。而且份量十足,仲幾開胃添!洛神甜莓莓乾茶$58香橙洋甘菊花茶$58揀咗兩款花茶,比想像中好飲，因為唔會太甜,啱啱好,而且可以添加滾水！同埋環境都幾OK ,下次同朋友來慶祝生日或者聚會都可以繼續揀呢一間。Menu

係油麻地康體處上完堂，同學約我去附近譽發廣場吃扒餐話扺食夾大件。入到去見差不多座無虛席，皆因原來1:00前離座有折扣。雖然望樓景，但窗明几淨，自然光透射。午餐有12款不同口味，我揀了L11黑松露野菌安格斯漢堡，伴菜有粗大薯條。漢堡包大大個，餡料有牛肉、芝士黑松露野菌、番茄同生菜絲幾款，人口感覺滋味無窮！濃郁南瓜湯夠熱。還有餐包都只是$59。同學叫咗L1是紐西蘭牛肉眼扒，大大塊牛肉淋上蒜蓉汁，香氣四溢，肉質鮮嫩$63。套餐有餐湯、餐包和飮品一杯，今個午餐確係好抵。

難得今日冇王管，就到遠少少喺油麻地嘅譽發廣場試試新野！我地一行5人，早一個鐘卜openrice book定位去到即刻有得坐～唔洗等！叫左3份肉眼扒、帆立貝黑松露意粉同埋魚柳Burger ，我就食肉眼扒，肉質鮮嫩！一啲都唔韌！好好食！配薯菜，我一個人食唔哂！仲有羅餸湯同餐包！$63+10% 都算幾抵食！ 值得攞廌！呢排揀嘅好彩都唔伏😂 但眼見個意粉賣相好似唔係咁吸引，同事食剩左。 魚柳漢堡睇落不錯，見平時細食嘅同事都食得哂，應該幾好食

去完睇中醫午膳時間到了本身想食all day breakfast但時間唔上唔落還是食lunch 吧我們用最左邊lift寧願上一層樓都唔想等太耐甘樣反而去得快餐廳設計很西化近窗位有高座飲杯咖啡汽水望街景都已經好chill我們本身都真係想試all day breakfast但居然兩點幾先有算我們叫了set lunch雜菜忌廉湯絕對是誠意之作料多夠creamy老公點了牛扒配飯牛扒唔算好老飯微暖我叫雞扒意粉雞扒嫩滑皮煎得好脆口肉汁流出不太滿意的是茄汁意粉暖的可能個人喜好問題我始終都很愛吃熱食老公很愛他們的咖啡一點前埋單八折都好抵食

今日同girlfriend 黎左MK玩，搵野食既時候就上openrice見到呢間新野，一於去試下。我地叫左兩份set dinner, 首先黎左個lobster soup, 入面仲有一舊龍蝦肉，味道就極之入味，女朋友就嫌咸左少少，不過我覺得咁先係正！之後主菜叫左份pizza同埋大蝦pasta, 兩者都好好味，pizza料夠足，芝士味濃，蝦就大大隻，好鮮味。最後叫埋兩杯餐飲就有甜品食，甜品係焦糖燉蛋，甜甜地，硬硬地，幾得意。

今日與朋友到旺角有參觀的活動，便在旺角隨便找一間吃午餐。上openrice找附近餐廳，便看到這間新開的The Food Factory，食物的相片很吸引，便直接去餐廳了。這間樓上cafe環境真的很簡約，很舒適，從玻看著旺角鬧巿，急速的社會，是一個很好反思人生的地方。食物的款式不少，而且價格很合理。我們點兩份set再加一份tea set。餐湯是超美味的粟米湯，很甜，很濃粟米味，如果可以添加或者單點粟米湯就好了!!首先點了一份深海魚柳他他醬漢堡 ($59)很大份!! 完全沒有估到魚柳會這麼大件，即炸的魚柳又熱又脆，薯角份量也很多，雖然怕熱氣但忍不住繼續吃!!之後叫了一份小食意式肉丸配薯蓉 ($38)的薯蓉舖低，肉丸很淋，不過個人覺得一般般。另一份set就係泰式雞肉果仁薄餅 ($59)。起初以為泰式配薄餅會很怪，不過其實吃不出哪裏泰式😂😂雞肉切成方粒，確是為pizza增添口感，有果仁的配搭，額外香口吸引。誠意推介!!藍花皇家伯爵荔枝紅茶會有一個點著的蠟蠋保暖。荔枝味很淡。特濃朱古力很濃滑! 這間在旺角鬧巿中的樓cafe，價位是合理，食物份量多，又有質素，性價比很高!! 到旺角的朋友不妨考慮一

忘記了是第二還是第三次來這家餐廳食午飯了，來的原因除了食物的性價不錯外，還有環境也很舒服。位於五樓的樓上餐廳，窗邊位置是落地玻璃設計，感覺開揚。牆上有投射式電視，不失時尚感。一時多來吃飯，還好不用等位。餐牌共有12款選擇，最貴的都只要$63，我點了牛肉眼扒意粉，朋友點了帆立貝卡邦尼野菌天使麵。餐湯只有一款，今天是紅湯。點餐後約五分鐘左右食物便陸續送上，先是湯和麵包，湯是濃濃的雜菜湯，蕃茄味較濃，與羅宋湯比，沒有那種微辣的味道，我覺得好味，麵包也鬆軟。主菜賣相不錯，我的牛肉眼扒配了蒜汁，很香，或你亦可選擇配黑椒汁。雖然沒有說明要幾成熟，但送來時感覺應該是七成熟，切開有點粉紅色的，因煎得剛好，所以口感嫩，不老，至於有沒有加鬆肉粉我就不懂分，反正我覺得好味便可。而意粉方面亦是彈牙的，如果可以改為抄意粉會更好。朋友的天使麵賣相亦很漂亮，雨隻大大的帆立貝絕對沒有欺場，雖然我沒有品嚐，但見朋友全碟吃光，應該不會難吃吧，不過白汁是很多的，所以喜歡有汁拌吃的人應該會很喜歡。至於餐飲方面是普通的熱檸茶，沒甚麼特別，如果真的要說的話，就是它的茶就算不加糖都不會有苦澀味。整體來說是滿意的，下次或可試試晚餐，

見譽發5樓開左間新野，諗住黎試下。點知就中左個大伏，唔share唔得 (開頭無諗過甘差所以無影相）入到去無咩人，好快就坐底左，叫左3個餐：估唔到甘少人都好可以漏單，不過d野食黎到先更加驚嚇：１.  餐包又唔熱又唔軟熟，3個包只俾2份牛油！２.  餐湯咸到唔識形客３.  意式松露厚切豬扒 – 豬扒勁乾，無味４.  意大利蕃茄鴨肉香辣意粉 – 除左鹹味咩都食唔到５.  紐西蘭牛肉眼扒飯 - 飯一督督，一d一Pat Pat, 有d係未熟好硬咁，好惡劣６.  野飲好細杯都唔緊要，想要杯水姐，答案係：6pm前唔俾水　？？？？？？結論：D 湯 一黎好好好很很很鹹佢 冇乜客但漏單，野飲好　細個 杯，豬扒冇味又乾，鴨胸鹹到Hi Hi ，問佢攞水但話6pm前唔俾水。飯一督督，好惡劣，永世唔黎。唔好食都算啦，仲要３個入面２個：飲Cappuccino同食牛果個都 攪肚，噴射式痾！冇服務仲要加一，都已經唔係價錢問題。一般茶餐廳都好質素過佢，開左甘短時間有84個好評大家都知咩事祝大家好運

近期喜愛樓上舖西餐廳，環境舒適，大多數裝修都比較有特色，今次聽朋友旺角有間西餐廳開左就上去試一試😋入到餐廳這裏環境寛敞，還有一個大螢幕及小量音樂甚有氣氛，圍住窗邊有一排吧枱直接望落旺角彌敦道閙市，非常不錯👍餐牌上除了散叫，還有一人及二人套餐，價錢合理款色又多😋藍花皇家伯爵荔枝茶-不會太甜淡淡荔枝香味，比較喜歡💕慢煮肉眼扒配農夫菜-七成熟肉眼扒煮得剛剛好，肉質多汁鮮嫩，紫番薯做伴菜都比較特別，番薯甜甜地幾好味😋😋😋北京塡鴨手工簿餅-薄餅薄薄地脆卜卜好香口，鴨肉厚切淡淡肉再加入醬料，感覺好似食緊北京片皮鴨，食吾停口😋😋😋

We had an early Saturday evening dinner at the Food Factory - I was going to a show later. In a high-ceilinged room overlooking the bustling streets of Mong Kok and Yau Mai Tei, the restaurant filled up while we were there, but the placement of the tables made sure it didn't feel too crowded. We sat at the counter directly in front of the large windows, on chairs that were just a touch too high...I had the 'fried rice with Norwegian smoked salmon and protein', where 'protein' means mushrooms, se

聽講呢度開咗間新嘅西餐廳 就同朋友嚟試一試 行完街好肚餓嘅我哋 一人叫咗一個 一人套餐 朋友揀牛扒 配巨峰提子沙冰 佢個set上先 一眼望到牛扒嚇一嚇 因為勁大塊 食肉獸見到一定好開心 但係我冇食 所以就平價唔到個味道啦 不過朋友就話ok跟住就講戲肉 我叫咗豬鞍扒伴菠蘿 當然照舊係好大件啦 豬鞍扒整得剛剛好熟 唔會鞋 而且仲有肉汁 肉係超厚嘅 食落勁有滿足感 加埋塊甜甜酸酸嘅菠蘿 感覺好fresh 平衡得好好 配埋一杯藍蝶蘋果果茶 上面加咗一塊檸檬 又係甜甜酸酸 而且紫藍色嘅賣上超靚 食得賞心悅目本身大食嘅我哋 另外叫咗碟水牛城雞槌 一樣係啖啖肉 要讚佢個醬汁 個味一樣係酸酸辣辣咁 但又唔會做得太濃味 就咁食都輕鬆解決另外要讚一讚服務態度 我哋叫嘢食嘅時候有少少困難 熱店員都非常樂意幫我哋去解決 表示欣賞 呢間可以encore

The food factory, 旺角近油麻地嘅彌敦道一座似商廈嘅Cafe，人流不多，係傾計唔錯嘅地方。食物❤️❤️其實食物樣樣嚟講都唔差，但冇乜特別出色嘅菜式。龍蝦湯差啲，一飲就知唔係用龍蝦殼去煮，完全唔夠濃亦無蝦味。蕃茄湯幾好，唯一值得推介嘅。慢煮肉眼扒都可以但普通，焗虎蝦龍蝦汁螺絲粉都係中等。飲品好多特飲，但感覺上唔太match，引唔起興趣叫，我想要多幾款正常飲品揀下，Oreo脆脆特濃朱古力唔錯，意式拖肥咖啡就麻麻哋。份量❤️❤️❤️一般，唔多唔少啱啱好。環境❤️❤️❤️❤️幾好坐，傾計聚下靜靜地。服務❤️❤️❤️❤️枱嘅數量唔多，得一個服務員，但經常性有禮貌，有笑容，唔錯。價錢❤️❤️❤️每人$200左右，正常價，唔覺得特別抵，不過我會想去意粉屋多啲，好食啲。#thefoodfactory #thefoodfactoryhk #hkfoodie #hkfoodies #hkfoodieshk #hkfoodieblogger #hkfoodieyiki #mongkokfood