The Luxe Seafood Bar & Resto (已結業)

Anniversary day celebration with my honey. We didn't pick any grand restaurant but just randomly go to this buffet restaurant in MK. Surprisingly taste is not bad. And we just spent 5 mins to wait for the table. Regarding the buffet menu, both of us feel satisfied as there are various of choice like seafood ( e.g. prawn, mussels, oysters), sashimi, salad bar... Hot food like rice, noodles, udon, vegetables are all available. Honestly the price is not expensive but we have seafood and sashimi. Ta

好耐冇黎過旺角, 今次約朋友行下街, 見到有平平地既buffet, 不防一試!等左一陣就有位, 呢個價錢其實我地都冇要求太多. 反而去到有驚喜! 海鮮有蝦有生蠔有蜆, 三文魚都唔小得~ 海鮮方面都好新鮮!生蠔又大隻. 熱食方面,炒粉面飯都有既, 不過自己就冇乜興趣, 所以就冇食喇~~ 甜品又係我另一最愛, 普遍坊間既cake 都有齊..都係o個句, 以呢個價錢, 我又唔會要求6 星級酒店既食物選擇~ 開開心心又一餐, 唔錯丫!!

眼見店內裝潢高級就決定一試，一試就就見中了大伏😞😞😞😞 食物種類少，味道得個咸字，尤其係熟食嘅肉丸牛腩，雞肉同鴨腔鞋到一個點，我同朋友都食到灑手兼拎頭服務，一個字，差，服務員唔係做野，只係係到互相傾計，收碟出野食慢到不得了，桌上的碟到我出去拎完野食都未收，尤有就放過隔離枱啦。重點，服務員最叻嘅就係趕人走，明明話食90分鐘，實際得70，友人出聲，經理話入座時間電腦時間係咁wor ，算，反正都唔會再食第二次！如果大家想試嘅話，可以不用。

同fd試左呢間 9點後用銀聯卡埋單有85折 不過要卡no. 62開頭 同一般自助餐冇咩分別 不過啲野食選擇就少左啲 Seafood 唔係咁多 三文魚 蝦 生蠔 雖然自己唔好生蠔😂 總括嚟講都ok埋單$200一位 食得都飽 不過啲staff塊面好西🙄

除了環境舒服外，食物種類極小。肉類嚡口。炸物果味道奇特。甜品得四種。味道一般般。推介水果菠蘿全部都係冇乜味。如果中意極淡口味都可以黎試一試。總結唔會再去。有一個男人同我地同時入去 過左15分鐘左右就走左。果刻覺得重中伏。

從來無食過一間叫自助餐又無野食嘅垃圾餐廳，生蠔今天站停供應，只送每人半隻龍蝦代替，食物種類非常少，行完兩轉就已經無選擇，食物質素差，可一不可再，真係好唔掂真心覺得太搵笨！

地點方便、食物選擇不錯，而且用餐環境一流！雖然沒有五星級酒店level，不過價錢公道！I highly recommend this restaurant to those who wanna have a relaxed venue for dining in MK

食物種類真係唔多，但海鮮類的確值得一讚，生蠔非常新鮮，size有大有細，但味道鮮，有海水味，佢開左洗淨，有個師傅會見人行埋就比兩隻，另外凍蝦亦係新鮮，都幾大隻，仲有凍蜆、翡翠螺、青口，全部都新鮮，刺身有三文魚、吞拿魚、甜蝦，相對起海鮮就只係一般平價貨色，味道一般，另外熱食佢好似輪住有唔同主題，我地食時係泰式，因為唔太食辣野，所以真係無乜選擇，佢有印尼炒飯，冬蔭功魚、咖喱雞、蔗蝦、蝦多士，馬拉棧炒什菜等，甜品同飲品都係不過不失。但總括黎講，食生蠔為主既就抵。

款式太少，食品只有65分。真係無下次。原定試下呢間自助餐，成日經過都未試過，難得今次約埋成班人一齊食。價錢加一每人$270。熟食還可以，海鮮冷盤都仲可以，但係甜品真係差到不得了，根本無一樣可以放得入口。可以 black list 。寧願食其他好過，失望。2個㕑房服務員態度真係要比負評，吹水玩電話多過refill 食物

Lunch buffet 食物種類極少 從未試過食咁難食的只有豆腐花好食 菜又唔新鮮 連沙律醬同茄汁都比正常難食 甜品方面麵包布甸最好食 幾香海鮮有沙 味道冇咩特別 水果只食了西瓜 唔甜 而且咬落去似係放咗好耐 唔新鮮....冇下一次

講明係自助餐，一開始每人一份冷盤， 包括蔬菜沙律，兩隻瀨尿蝦和四片唔知 係羊肉還是牛肉，還有一杯白酒，我唔 飲酒架！然後生蠔比平日差，唔夠鮮甜 而且瘦，價錢方面，$388再加一，貴 咗咁多架！唔扺食！

是日，奶奶生日到此慶祝，看前人食評好壞參半，但因價錢便宜又有無限生蠔供應，姑且一試。網上訂位相當方便，適合我這種怕講電話的八十後隱青。訂了六點的枱，限時九十分鐘，時間尚算充裕。入坐後才知今期主題是韓風美食，本人不喜泡菜國食物，不過只要有生蠔，就無懼世事變改了。由於早人齊，結果早了五分鐘入場，雖然只差五分鐘，卻帶來意外的驚喜，後續再說。海鮮區除了生蠔，當然還有蜆，青口，有殼甜蝦和普通蝦，甜品區我只記得蜜瓜奶凍和豆腐花，其實還有其他款，只是我忘了。熱菜有十多款，但因為本人興趣缺缺，結果只吃了兩串魚串，不過味道不錯。總的來說，$188 的價錢，（對了，這就是驚喜，因為只要七點半前結賬，每位承惠 $188，七點半後要$238一位）我覺得很滿意。我食了一打生蠔，感覺幸福。

貪方便唔洗等位試一試，一試便中伏。。。自助餐$298得10樣左右選擇都算，每一樣都難食真係好難得，係罐不知名汽水還可以。。。烏冬 強烈燶味關東煮 炒飯 無味串燒 乾硬化炸物 林蟹腳肉 霉不知名辣味煮 化學怪味芝麻芝士餅 只有奶味加一就用原價加一，折扣就用最低價黎折，即係計完之後差不多一樣價錢（無折過）。。。你去 真係會後悔！利申：本人對食無太大要求 但覺得今次絕對係浪費金錢

一路以來我都很喜歡食自助餐，今次試下朗豪坊的The LUXE，因為成人聽朋加友說這間的食物還不錯，而且午餐只是$108起，試食後就會覺得味道不過不失啦，如果按價錢評水準，其實都幾抵食。可惜在午市並沒有提供生蠔，但有冷蜆肉、青口同翡翠螺，三者口感都爽彈，肉質鮮甜，我自己就吃了兩大碟，的確是回本之選。而壽司方面比較失望，只得六種款式，冷盤的選擇亦少至有少，只有少量菜、沙律以及冷火腿片。反之熱葷方面幾國際化，由中式的炸春卷、奶油津白到西式的燴牛肉、德國香腸、青咖喱、海膽炒飯都有，味道適中。甜品方面，我最最欣賞豆腐花，滑嘟嘟，另外芝麻芝士餅和白桃啫喱都唔錯，味道不會太甜，剛剛好，之不過舊蛋糕真係切得細件得滯，大舊番少少都OK吧。個人來說，以這個價錢食到這種水平的自助餐，其實真係幾抵

星期日同阿妹去朗豪坊;佢話想食蠔咪就去食呢間:原來幻想太多。入到去侍應就即刻俾水你飲，咁我先夾左花之卷﹑兩件壽司﹑日式炒野菜同豚肉，仲有個蒸蛋;炒菜佢無用生粉收番啲水份，搞到啲菜又淡又多水;豚肉又無咩豬味:花之卷啲壽司飯打得好實，三文魚得一塊;又係無咩味。講下啲炸物，翠肉都有陣蠔味，好奇怪:雞軟骨係全部炸物中最好，幾爽口;雞腎好硬，我以為食緊柴。下圖有燒雞翼﹑照燒雞扒﹑南瓜天婦羅炒飯;雞翼有少咸，肉比較實!左邊係紫椰菜香橙沙律，右邊係芝麻醬蕃茄沙律;沙律菜都尚算新鮮:香橙沙律食到好甜的橙味!芝麻醬沙比較香口啲甜品中，紫薯奶凍有重紫薯味，奶凍好滑而不太實;豆腐花我落左糖水同黃糖，豆腐花都比較熱，質感都滑。燉奶就無奶味;仲要向下。ps;餐廳裝修都好但侍好好趕人走咁;問都未問就碟。