The Vigor (金巴利中心)

營業中

休息中

夜晚經過尖沙咀，一個人好肚餓又諗唔到食乜，見到呢間餐廳唔使等位就入咗去啦。餐廳要行大約10級樓梯先到，入到去係一間類似快餐格局嘅餐廳，選擇都幾多，中式西式都有，今次就試咗個鐵板餐。羅宋湯、餐包羅宋湯蔬菜就好足，但係不落去就一嚿肉都冇，似係雜菜湯多過羅宋湯。麵包就正正常常冇咩特別。紐西蘭肉眼扒配洋蔥圈薯菜呢個餐收八$5會期待佢個肉比普通港式西餐廳嘅質素高，但係食物質素冇分別。尤其係個洋蔥圈同薯菜，用叉一拮起就爛晒，完全係淋到放唔到入口，平時好少食淨野都頂唔順。肉眼扒質素就同普通港式餐廳嘅差唔多，唔值呢個價。唯一可取嘅係Staff都幾有禮貌，同埋臨走佢都有送張coupon 同俾咗9折，不過講真如果食物質素唔OK嘅話其實比幾多優惠都冇用，希望舖頭可以改善吓。

呢間位於尖沙咀嘅咖哩汁豬扒焗飯既豬扒煎得外脆內嫩，咖哩汁味道濃郁，唔會太鹹，岩晒我呢啲鍾意咖哩但又唔想太辣嘅人。焗飯嘅米飯吸收左咖哩汁，粒粒分明，仲有一種香味撲鼻而來。加埋啲芝士，焗至金黃，食落去口感超級滑，真係一啖接一啖，完全停唔到🥹呢碗飯真係夠份量，食完仲覺得心滿意足，真係推介‼️黑松露帶子炒意粉就更加精緻🤩，意粉炒得啱啱好，唔會過軟，夠彈牙。帶子新鮮，煎到表面微微金黃，咬落去好爽口。黑松露醬香味濃，但又唔會蓋過帶子的鮮味，真係一個好絕配👍🏻。再加埋個溫泉蛋，黃黃的蛋黃一開，夾埋意粉，味道更加豐富‼️

落雨想叫外賣，下午2點半經平台叫左外賣，到3點15分都冇聲冇氣，經平台打去餐廳問，想了解一下出餐既進度但我諗極都唔明點解要發我脾氣，我想問幾點出餐，唔係幾點個外賣員嚟攞餐。如果你做唔切外賣，你可以唔接我張單，我唔介意，尖沙咀大把餐廳。因為我相信冇人會想食1個凍左既牛扒熟蛋飯囉最後搞到3點半，足足1個鐘，我都係冇收到個餐，決定經平台安排退款你間餐廳有幾好食或抵食，我永遠都唔會再叫同食，永不錄用❗️❗️❗️❗️

金巴利中心有間外表好靚，入到去竟然係快餐店🤣主打多款西餐類嘅炒粉麵飯、小食～價錢唔算特別平～不過係尖沙咀算係不過不失啦黑松露帶子蝦炒意粉同蒜香海鮮炒意粉唔建議叫，黎到嚇親以為黎錯😂溫泉蛋係另加的，帶子好細粒，冇黑松露味，意粉軟硬度適中，係咪唔應該係茶餐廳叫西餐嘢（？）香煎雞扒溫泉蛋飯呢個相對好食，雞扒幾大塊，肉質幾嫩滑，撈埋溫泉蛋食幾好食，另外都可以揀撈咩汁～我就穩打穩陣咁叫咗照燒汁招牌炸雞髀呢個都見幾多人叫～黎到真係幾大隻下，炸皮好脆，雞脾好嫩好多汁！

尖沙咀金巴利道有間抵食既西式茶餐廳，Menu都有好多選擇，今次同朋友黎食dinner，味道好有驚喜脆炸軟殼蟹牛角包🥐牛角包外皮香脆，軟殼蟹好香口，入面加左生菜減低油膩感，另外仲有薯格大滿足冬蔭公豬頸肉炒意粉有驚喜！冬蔭公味濃郁，豬頸肉爽口彈牙，意粉煮得剛剛好蜜糖炸雞翼有4隻，外皮香脆，內裏仍然好juicy，加入蜜糖甜甜地好惹味蒜爆魷魚鬚重口味人士必點，少辣幾惹味，魷魚鬚煮得剛剛好爽口彈牙，香口惹味凍檸檬茶凍即磨咖啡另外佢地仲有多款特飲，有梳打，有奶蓋，下次有機會再試下先

金巴利中心有間快餐店，主打多款西餐類嘅炒粉麵飯，亦有小食、串燒等供應，快，靚，正，尖沙一帶真係好少見呢類嘅🤣 環境光猛，座位闊落，絕對係打工仔嘅糧尾恩物！主食有黑松露帶子蝦炒意粉同蒜香海鮮炒意粉，兩款都加咗溫泉蛋同加底，上枱時香噴噴，意粉軟硬度適中，帶點爽彈，海鮮粒粒幾鮮甜，淡淡香氣，唔油膩，感覺健康，讚！小食有魷魚鬚，果然蒜爆，帶點微辣，香口又惹味，咬落爽口彈牙，越食越過癮。鐵板照燒一口牛都唔錯，牛肉味道香濃，肉質唔嚡口，好想加多碗白飯配著食呀！最後以冰藍同粉紅梳打作結，兩款都有檸檬，酸甜可口，解膩又好味～

🤎 而家天氣咁熱，坐底就叫咗支$26玄米冷泡綠茶同支$32冷泡蜂蜜菊花茶。🩷 $68香草煙三文魚帶子炒意粉料算多，加咗$8仲有好好味嘅溫泉蛋。💙 $56鐵板XO醬豬扒炒烏冬，我覺得呢種薄薄哋嘅豬扒先係最正。💚 $37照燒金菇肥牛卷係用薄切牛肉包住金菇配以照燒汁，食到唔停口呀。💜 $37蒜蓉炒時蔬咩蔬菜都有啲，淨係個賣相都已經好豐富。🧡 以尖沙咀呢個地段嚟講，食咁多嘢$300有找真係好掋好平民價錢。

今日去到尖沙咀近尖東位置附近搵好嘢食、除咗啱啱做完嘢有啲肚餓之外，仲好想食吓主食同埋小食、有時淨係食主食感覺未必好滿足！再加上有杯特飲緊就好正😈見到呢間餐廳好似都好多特色嘅嘢、再加上俾佢裝修吸引咗打卡，影相好靚、四周圍嘅環境行簡約風好有休閒感覺！座位位置都好闊落一個人都坐得好舒服！今次我叫咗個優惠套餐：鐵板豬頸肉炒雜菜烏冬：鐵板整出嚟嘅燒肉本身已經好好食、但係豬頸肉味道更加一流、除咗彈牙香口之外、仲好Juic飲、呢種豬頸肉嘅質地，我相信你都會鍾意！再加上佢加咗好多洋蔥同埋雜菜，所以味道更加有層次！越食越開胃黑松露芝士炸薯角：黑松露味道超香，芝士濃郁、再加上芝士有拉絲嘅效果、炸薯角角好肥美、再加上芝士真係好好食！特飲方面今次揀咗藍色梳打、除咗打卡影相靚之外，味道都好清香、藍色嘅飲品俾人感覺就係清爽清新！味道又唔會過甜啱啱好！尖沙咀金巴利中心地下地舖vigor

鐵板XO醬豬頸肉炒烏冬 $58呢碟炒烏冬真係一個驚喜，豬頸肉切得幾薄🐷經過熱鐵板煮炙，烤到有啲微微焦香既口感。烏冬彈牙又吸收咗醬汁既味道，加入XO醬帶黎一陣陣既辣味同香氣。-秘製醬油牛肉炒腸粉 $49腸粉煮得好滑好軟，配埋醬油牛肉味道更加豐富。牛肉經過醃製同炒熟，咬落去有種鮮嫩多汁既口感。醬汁入味，唔會太咸亦唔會太淡，恰到好處🐮-蒜爆魷魚鬚 $47魷魚鬚炒得香脆，每一條都帶有蒜味同煙韌既口感。香氣四溢同味道濃郁，仲有少少微辣好開胃🦑-脆炸花枝丸 $27花枝丸炸得金黃酥脆，外層炸得香脆，內裡既花枝肉質鮮嫩多汁🍢

📍 The Vigor（金巴利中心）（尖沙咀）想食就食系列🫶🏻收工甘攰，落尖沙咀行個街🤭順便突然間好想食意粉🍝就入去食個平民價既晚餐🥣估唔到除咗意粉🍝仲有其他好野食價錢係尖沙咀黎講，算係平👍✨黑松露帶子炒意粉一上菜就是撲鼻的黑松露香味😙呢個意粉係creamy系～意粉同樣做到好煙韌口感🥢醬汁份量勁多，每條意粉都有掛汁口感同時每啖都食到帶子粒，好豐富～食落唔會好膩！超推！✨鐵板照燒一口牛輕輕用鐵板燒過，做法唔繁複但係食落好有味道👅一啖一粒牛肉，好重牛肉味而且有炒過既香味，咬落去爆汁真好食😋✨冷泡蜂蜜菊花茶好養生的一杯選用甘甜清香的白菊花加入蜜糖🍯經過冷泡處理喝起來順口又養身是許多上班族/長輩喜歡的飲品～

同另一半行尖沙咀，肚餓但都諗唔到食咩，突然見到呢間餐廳，門口Menu似乎好多選擇，就決定衝入去試試。點左個炸燒賣，炒雜菜，咖哩雞扒飯同埋招牌雞髀下午茶餐⋯（因為太餓，炸燒賣一黎到已俾我哋2個KO左，好好食，所以兩三下手勢已食完，唔記得咗影相，另一半嗰份下午茶都唔記得影。同埋啲野食逐碟上，所以有啲慢同要慢慢期待咁囉 ）要讚嘅係樣樣野食都好入味同熱辣辣，所以值得開個post讚下啊，店員都好快手有禮唯一可改善嘅地方，健康菜式可多啲選擇，同埋啲菜式可一齊上加油

大約9:30pm 整完頭髮去醫一醫肚 點知冇乜特別 叫左$198 二人餐餐湯加左水去煮 一d誠意都冇意粉又太乾 吾好食只覺得雜菜幾好另外叫左燒魷魚鬚 黎到係凍左整體而言真係麻麻地

係附近返工食過兩次。意粉同焗飯都好好食。但係想搵健康啲嘅選擇就冇。如果有沙律，炒菜或者少油高蛋白質嘅menu就好啦！早餐方面都係，如果有雞胸選擇就最好啦！如果多啲健康嘢一定會日日lunch都黎幫襯！

今日同朋友去左尖沙咀睇戲，睇完就係附近覓食～😋我地就去回訪呢間多國菜，佢食物質素好得黎又夠效率，啱晒我地等開場😆＊＊＊＊＊＊MAINS🥚🍝卡邦尼溫泉蛋雞肉炒意粉 $56🍛🦐龍蝦汁海鮮焗飯（轉意粉） $60卡邦尼意粉溝埋蛋漿超好食☺️☺️蛋味好重同埋好creamy😋仲有煙肉🥓、野菌等等其他餸～海鮮焗意粉有魚柳、細粒帶子同埋蜆肉，😍都好足料😋＊SNACKS 🌶️🐥麻辣手撕雞 $38🍄🎋野菌炒露筍 $35小食全部都好大盤，勁抵食😍＊DRINKS🍋🥤檸檬薏米水 ＊＊＊＊＊

:*・☆・食物・☆・* :香草煙三文魚帶子炒意粉--$58❌帶子超細粒❌意粉醬汁偏稀❌三文魚份量唔多❌性價比低鐡板Xo醬豬頸肉炒飯--$56✅豬頸肉幾大舊✅炒飯因為鐡板熱辣辣✅XO醬夾✅性價比高:*・☆・環境・☆・* :樓梯上小閣樓🏚️有卡位挨櫈🪑—————————個人評評分❤️：6.8/10性價比💸：7.7/10環境📸：7.5/10回頭🤓：可考慮—————————