TORIO喫茶部 (已結業)

睇到咁多好評一定會想入去食，但如果星期一到星期五正常lunch時間真係無辦法食到。早15分鐘到叫定餐佢地都唔接受㗎！一定一定要！「等齊人」！先可以坐低㗎！好似我呢啲lunch hour得一個鐘食飯時間嘅打工仔想同同事一齊食好野就唔好旨意食到。唔好好似我咁戇居大熱天時辛辛苦苦行到去得個吉！最重要！最重要！加上職員一副唔憂做嘅款。大家想食到，要非常有誠意地！自己去食！或者好得閒約埋朋友一齊慢慢！等齊人！再入去慢慢食！慢慢歎佢哋啲服務！

💛💚🧡💜🥞🍹 經過觀塘工厦，試一間「日式懷舊風格」的小店。可能走「懷舊路線」，整體感覺比殘舊和凌亂。 柚子芝士班㦸Citron Cheese Pancake 精心擺盤，味道有驚喜，不是一般的空氣pancake, 每層中間有一些類似 cream cheese 的醬，配上柚子醬，整體帶點清新。 乳酸系列飲品不太甜，糖漿不太「藥水味」，可接受 花茶 - Romance Night落神花，玫瑰，紅棗，茉莉顏色玫麗，神秘的紅。香甜高貴的花果香味，帶開胃的酸。 2-3人份量的牛油果沙律份量得足，有新鮮的蔬菜，配上牛油果，及薯蓉，健康飽肚。

本著無期望入去的，只係因為中午時分去其他店太多人無位。😂😂😂見呢間有位所以入去。所以就無話有乜期望。食物出乎意料的好！我叫了帶子意粉餐，蘋果茶熱飲。帶子幾好味喎又，無太靱，又無攝牙罅。意粉算al dente，而且粉幾多，食完好滿足。蘋果茶幾好味，甜度幾適中。環境方面，坐得幾舒服，入咗間店完全唔知自己係身處工廠區，好似另一世界咁。返工返到隻狗咁，入去食午飯無啦啦感覺chill咗😂😂😂 忘記頭先仲返緊工一陣間要趕返去咁。😂😂不過佢好似話七十分鐘要食完，咁我lunch 食飯一個鐘都冇ok la，但如果想入去打躉應該就唔得。八十八蚊ok la，返工咁辛苦，搵日食得舒服啲囉。

觀塘搵嘢食都真係有d難度 因為好多都係工廈入面 而呢間餐廳位置比較偏僻 要喺停車場轉入去 搵左一段時間😣 好多人就係為左個包倉尼打卡影相📸️ 包倉卡位只有2個 先到先得 要睇下好唔好彩🥺呢度環境唔算大 但裝修比較有特色 走懷舊風🤎 雖然呢度唔洗加一服務要自己去cashier點餐 但員工態度麻麻 服務態度有待改善😕🍽Dinner set包餐包+餐湯蕃茄湯都偏酸係幾開胃 但比較稀 唔creamy🥺▫️黑松露煙三文魚忌廉意大利粉 $108黑松露味都幾多 意粉用咗扁意粉都幾彈牙👍🏼但意粉唔係好掛汁 醬汁可以再濃味d同creamy d ～三文魚份量亦偏少😢▫️鹹蛋黃帶子意大利粉 (忘記了幾錢🥺🙏🏼)整碟意粉都幾creamy 鹹蛋黃都幾足料 但唔係話好濃味 食曬一碟都幾膩🙈▫️香煎三文魚扒配薯菜 $118三文魚好大條 味道適中 一d都唔會過咸👍🏼有好多配菜 最鍾意係番薯條😍炸得好香脆又大條 番薯香得尼又夠自然甜🤤▫️一日野菜牛油果沙律蓋飯配溫泉蛋 $88🥑牛油果都幾creamy 配上好多沙律菜同紫洋蔥 係健康之選🤣🥝水果pancake 塔🥞 $88 +$10雪糕Pancake鬆軟 但味道好普通 似M記熱香餅

朋友想試牛油果吐司點知無 我想試雞蛋布丁又無😢 本身呢間餐廳野食既款式已經唔算話好岩我食 又少咁幾樣我想食既野真係有d扣分 不過佢環境真係無得輸🥢黑松露蟹肉意大利麵 $98初頭有d擔心份量唔夠會食唔飽但黎到發覺幾大碟 黑松露味係有不過唔夠濃郁 配料都ok 整體不過不失🥢素漢堡包配炸薯條 $98蕃茄同菜都好新鮮 個流心蛋吉穿左流落個包到更正 塊肉又juicy 個包都好正！仲要勁大份 🥢焗芝士薯條 （+$38）薯條要即食先好食！有埋芝士拉絲配埋黑松露醬或者茄汁 唔同食味 幾個人食岩岩好👍🏻🥢炸雞搥 （+$38）賣相有d似麥當勞炸雞 但食落唔係個種味 幾嫩滑 皮又香脆！🥢蘋果撻 （+$28）本身食雞蛋布丁但無晒 換左第款隱藏版menu既甜品😂😂 初頭都唔知乜黎 直到食左幾啖大家估估下先知係蘋果撻 佢個碟同伴碟好靚😂但個撻賣相一般般 個撻皮整得唔太均勻亦都唔好食 牛油味唔濃 唔脆 一夾好易爛蘋果蓉都ok 不過唔會想再食🥢熱糖漬柳橙紅茶(免費)睇落好似熱檸茶😂只係將🍋換左做🍊紅茶有幾片新鮮既橙 飲落都重橙味不過加左糖 甜甜地咁🥢熱榛子朱古力 （+$28）🥢凍榛子咖啡（+$28）

TORIO 喫茶部 走日系 cafe 路線一進 cafe 就聽到懷舊英文歌見到擺放了聖誕樹，有點節日氣氛青咖喱飯配牛肋肉Curry Rice with Beef很吸引的日式咖喱擺盤有種像 muji cafe 的三品料理餐menu 寫了青蘋果紅茶咖喱實物的確有兩片青蘋果不過咖喱沒有食到青蘋果紅茶味牛肋肉煮到夠軟淋，份量都 ok 沙律新鮮，有超爽口的大大片青瓜 🥒最意外的是有片超級爽脆的哈密瓜 🍈如果食完咖喱飯都未飽再食埋紫薯，就一定夠飽了黑松露煙三文魚忌廉意大利粉Black Truffles, Smoked Salmon Pasta店員一將意粉放下，黑松露香味撲鼻而來見得到意粉沾滿了迷迷細細的黑松露碎食落亦黑松露醬味濃煙三文魚雖然切到碎曬不過一直都有 keep 住食到，相信份量都多意粉好彈牙可能意粉醬煮到好杰，食食下開始覺得濟這個時候飲一飲下面的 糖漬橙紅茶 餐飲lunch set 附送餐飲：糖漬橙紅茶 / 糖漬蘋果綠茶要了 糖漬橙紅茶因為蘋果綠茶即使不是糖漬版，都比較常見以為只是茶飲裏面有橙肉 🍊來的竟然是兩片橙，仲有果皮添聞一聞，好香橙味糖漬過的橙一點都不酸，不過無咩橙味另一杯要了 

星期六諗住輕輕鬆鬆同朋友食cafe 傾吓計一入到去舖頭多位，但係朋友未到佢話未人齊，唔入得應該喺門口等但係明明入邊係超多位，而我哋只係兩個人反正都係一張枱呢樣都明嘅好多公司都有呢一啲規矩落order, 係自助快餐店形式自己去counter 落order 員工態度10分晦氣，唔想做你生意甘既款途中問佢拎杯水佢就態度勁差話呢度係自助形式自己拎其實好聲好氣講唔得咩😂食完之後就馬上趕你走呢間真係無下次加上食物質素好普通

聽聞觀塘既工業大廈有好多美食，之前見到呢間好似幾出名，同埋裝修都幾靚，所以就特登今日同朋友特登嚟咗呢間！Torio招牌之青蘋紅茶咖哩飯配吉列豬扒 $78首先側邊嘅沙律有生菜丶火龍果同青瓜之類，而且落埋芝麻醬，真係好開胃呀！吉列豬扒炸到脆脆地，而入面啲肉唔會好油但又好食喎，配埋日式咖哩係絕配呀！成個餐有好多配菜，簡直係多到唔知食邊樣好！同埋只係$78真係好抵食同高質👍！糖漬蘋果綠茶🍎☕️呢度嘅綠茶好清香，唔會好似出面咁甜，而且蘋果亦都係新鮮嘅，所以感覺好健康而且好清新呀！

觀塘隱蔽日式喫茶店❤️入到去工廠大廈再去Block A 搭𨋢嗰位轉入星期日brunch 我地叫兩個lunch set✨招牌咖哩飯🍛hk$78牛肋肉煮得好入味👍🏻咖哩味道少少甜帶辣 通常日式咖喱都有加蘋果依間仲有啲青煮到好稔配菜有沙律 仲有好綿嘅蕃薯蓉🍠✨牛油果沙律hk$68沙律份量好大碟!下次我都食依個~牛油果整整一大個🥑!!!仲有火龍果片朋友話食極食唔完lol

這家在觀塘工業區的餐廳相當難找, 特別是星期天工廠大廈正門關閉, 要從停車場走過去. 裝橫不再只是文青風, 而是帶有Vintage, 古典日本咖啡屋旳淡黃及褐色色調, 相對更有特色. 菜式以和式輕食為主, 咖喱飯和Pancake是這店的主打. 當中的日式咖喱味道頗有印象, 日式和一般咖喱不同的地方是以甜味為主軸, 辣度甚少. 這是裡的咖喱果甜味重, 甜而不膩. 吉列豬扒外表炸得酥脆, 只是內裡不夠Juicy, 口感有點乾. 除了伴碟的蔬菜外, 還是有馬鈴薯蓉, 份量不少, 男生也會吃得飽呢!Pancakes外表相當吸引, 將數塊疊起再加上大量忌廉, 就像雪山一樣, 加上伴碟的水果和紅酒醬, 食材豐富又有聖誕氣氛. Pancakes不是大熱的疏乎厘口感, 而見相當結實如Hotcake般. 可惜是蛋香和麥香也不太夠, 所要需要大量忌廉和醬汁為其供味. 我吃過最有印象的Hotcakes是九州鬆餅, 充滿著麥香和麥粒口感, 說到這裏真的很想去旅行呢!

懷舊日系cafe~~.黑松露煙三文魚忌廉意大利粉（$88）配糖漬蘋果綠茶.意粉色香味俱全，黑松露嘅份量真係一啲都唔慳，令到意粉散發出濃濃的黑松露香味，食落啖啖黑松露😋，熱愛黑松露嘅朋友仔點可以錯過呢~~.環境舒適，空間感十足，水晶燈，電風扇等裝飾充斥住懷舊風.餐廳地理位置有啲偏僻，我哋就喺停車場轉入去，唔知仲有無其他路入去呢.TORIO喫茶部 (觀塘)觀塘興業街16-18號美興工業大廈A座1樓4室

《廢物女孩👭食の覺醒》#觀塘篇💩 . _🍴All Day Pancake HKD $108呢款Pancake可以自選一款口味再配炒蛋+煙肉+雜菌+沙律菜👏🏻💩就揀左煙三文魚牛油果🥑同行朋友揀左栗米呑拿魚沙律🌽 pancake好鬆軟亦都冇燶 配埋啲料一齊食口感有啲似漢堡包仔😳沙律菜配左芝麻醬十分清新 但係略嫌芝麻醬偏小左啲 小提示💡份量都足料幾大份 細食既朋友仔可以share食阿☺️._🍴焗芝士薯條 HKD $48芝士薯條本身就冇得輸啦 用煎pan上碟 又夠熱又脆卜卜 最好係佢配埋兩隻醬 黑松露沙律同茄汁 正阿🤤 _🍴Caramel Latte $40咖啡同焦糖味十分平均 唔會太甜亦都唔會蓋過咖啡味 熱飲仲會有埋拉花架 係用心沖既咖啡☕️ .

觀塘好多工廈cafe 有日就去咗呢間 個環境幾舒服 食下午茶食好耐 可以坐一個晏晝叫咗個吐司pancake同埋一杯特飲 個吐司OK嘅不過個麵包皮硬左啲 pancake有士多啤梨 個士多啤梨酸咗少少不過撈埋啲醬都OK 個特飲就太甜啦

Cafe嘅裝修走日式古典懷舊風，店內周圍都係打卡位，尤其個玻璃木屋，影相超靚！試過依間嘅午餐同下午茶，午餐主要供應飯食同意大利麵，下午主要係甜品同小食。TORIO招牌の青蘋紅茶咖喱飯配牛肋肉嘅配搭好豐富，有咖喱牛肉飯、紫薯、沙律菜同哈密瓜，好味得嚟營養又夠均衡！東陽溫泉玉子長鰻魚飯嘅鰻魚大條得誇張，比手掌仲要長！雙拼吐司揀咗番茄芝士肉醬同水果忌廉，一咸一甜，味道都唔錯，可以一試！

食物一般, 意粉還可以, 千祈唔好叫鴨髀, 因為仲係好生, 店員仲要極力解釋, 嘗試逼你接受呢一隻粉紅色滲出血水嘅鴨餅脾, 咁當然企硬再講一講, 有臨近收舖, 佢哋都肯退返錢, 因為真係一啖都冇食, 一切開就出事好多人食嘢都係想開心, 但嗰度嘅員工態度極度惡劣打電話問正門喺邊以經串串貢, 入到去指示極不清晰, 店員直頭唔想理你咁已經好好聲氣唔該前唔該後, 想問佢拎隻碟都要俾人串受氣嘅一餐除非係M底啦如果唔都可能喺未開始食之前飽咗