影片
更多
2008-10-05
25 瀏覽
看過之前幾位參與慢食意菜學堂食評家的食評，真係好有心機及細緻及好Professional，相片又專業，真的好靚及好有美感，真要向你們稱讚。首先我覺得食西餐，環境對我來說幾重要，唔是話一定要好豪，但要有浪漫感覺及特式裝修，要有個種食西餐氣氛，而提升食物味覺，當然此店白色枱布、桌上小花、高質素餐具都可以形做此氣氛，但當日安排在餐廳外圍，周圍商舖的燈光光撐撐，浪費枱上爉燭，還有欠缺一杯餐酒，去增加食慾，但是郤有班志同道合的對美食愛好者，一齊談食，又談美容，交換心得，郤是一大樂事。所以多謝OPENRICE邀請，給我有這機緣跟大家見面及同枱食飯。餐前麪飽，因要等經理介紹意大利人食的文化，上枱時唔夠熱，提議應用餐巾包裹上枱以保持其温度，但都好鬆軟ok。香草軟芝士、風乾牛肉卷配紅洋蔥、火箭菜、白菌沙律 - 我最喜歡，因凡風乾肉我都喜歡，賣相像粒糖，包軟芝士幾特別，火箭菜多些就好，白菌生的，怪怪地。炭燒日本帆立貝配椰菜花蓉 - 其實好滿意，但厭帶子唔夠鮮味，欣賞椰菜花蓉，夠清新。意大利雜菜湯 - 真是淡咗，多些洋蔥或西芹會香些，如上枱用大而深的碟，賣相會好些。ND蒜香、欖油、辣椒有機意大利粉 - 我喜
首先我覺得食西餐，環境對我來說幾重要，唔是話一定要好豪，但要有浪漫感覺及特式裝修，要有個種食西餐氣氛，而提升食物味覺，當然此店白色枱布、桌上小花、高質素餐具都可以形做此氣氛，但當日安排在餐廳外圍，周圍商舖的燈光光撐撐，浪費枱上爉燭，還有欠缺一杯餐酒，去增加食慾，但是郤有班志同道合的對美食愛好者，一齊談食，又談美容，交換心得，郤是一大樂事。所以多謝OPENRICE邀請，給我有這機緣跟大家見面及同枱食飯。
餐前麪飽，因要等經理介紹意大利人食的文化，上枱時唔夠熱，提議應用餐巾包裹上枱以保持其温度，但都好鬆軟ok。
香草軟芝士、風乾牛肉卷配紅洋蔥、火箭菜、白菌沙律 - 我最喜歡，因凡風乾肉我都喜歡，賣相像粒糖，包軟芝士幾特別，火箭菜多些就好，白菌生的，怪怪地。
炭燒日本帆立貝配椰菜花蓉 - 其實好滿意，但厭帶子唔夠鮮味，欣賞椰菜花蓉，夠清新。
意大利雜菜湯 - 真是淡咗，多些洋蔥或西芹會香些，如上枱用大而深的碟，賣相會好些。
ND蒜香、欖油、辣椒有機意大利粉 - 我喜歡食蒜，所以用生蒜效果都唔錯。
牛肝菌、鴨肉醬燴意大利飯 –牛肝菌的味濃香蓋了鴨肉鴨肉醬味，但無乜所為，飯食去OK，如飯肥大小小更好。
煙挪威三文魚配新薯及英國芫茜沙律-上枱已聞到煙薰香味，魚薰到啱啱好，但都是感覺欠魚鮮味，配紅色石榴子好吸引。
焗澳洲羊扒配香草、松子仁及燒蒜子-生生地滲血，這才是適合的程度，肉質才唔靭，但欠羊味，即羊膻，又食不出松子仁香，但卻喜歡熟咗的蒜頭。
青檸、蜜糖醃香蕉跟酸忌廉-看相片個個已清乾淨碟，幾好味，但如果加些果仁我較喜歡。
整體來說，菜色賣相幾配合餐廳，簡單點綴，插一小塊香草，幾粒石榴子碟邊，用汁掃幾條簡單斜紋在碟邊，來襯託食物，有心思，食物亦有水準。
張貼
