Triple O's by White Spot (海港中心)

營業中

休息中

我和老公最喜歡去灣仔會展附近這一間triple'o..貪其不多人..感覺靜一點..服務好一點..我真的吃不下一整個餐..唯有和老公一個餐兩份啦~老公點了BC Burger Combo（Bacon and Cheese Burger)..內裡有漢堡牛肉..煎脆煙肉..芝士..生菜..蕃茄和沙律醬等材料..他們很細心的..只要你說是share的..他們會幫你在即製的包切一刀..那就免卻你自己分時把醬汁流到一手都是的情況啦..另外..一大片酸瓜放在包上..吃與不吃任君選擇..um..我自己就不太欣賞煎脆煙肉那部份..我覺得很乾和硬..不好吃..抽起給老公後再吃..漢堡牛肉肉質夠嫩同時有咬感..而且非常juicy..蔬菜部份亦新鮮..坦白說..的確詰這裡的包全都不便宜..但絕對值回票價的..因為真係既新鮮又夠份量^^薯條部份普普通通啦..為了漢堡我都會一來再來^^以我個人經驗建議..吃這些套餐一定要配汽水..配奶昔是完全不夾的..太漏了~

被 Triple O’s 的廣告 Made-to-order 吸引，因為即叫即整的漢堡飽其實可以好好食，點知失望而回。與幾位同事一同幫襯，捨棄老麥，選擇貴一陪有多的三O就梗係有期望。選了她的 Original Burger Combo，一分鐘就有，認真有效律。先試她的薯條，夠熱，有些少薯皮，有薯仔味，但比老麥的薯條略淡口，所以也不比老麥的好食好多。同事問侍應要白醋，點知個侍應是個唔識中文的看來像暑期工的年輕人。漢堡飽的體績比老麥的略大，面頭加了一塊大 pickle，內裏除了牛肉外，亦有蕃茄同生菜絲，但沒有芝士。而最大的致命失敗是唔熱，唔好講話個飽凍，點知連塊牛肉都唔熱。如果真係 made-to-order 又點會唔熱呢？ $72 個餐唔可以算好貴，但也不算便宜，食物夠熱係起碼的水準，這樣的水準都不能維持，又點可以叫自己 made-to-order 呢。其他幾位同事的漢堡飽也一樣是唔熱，即係唔係一時失手。看來幫襯三O 的決定是錯的，也應該唔會有下一次了。

去完會展揾地方食晏，附近幾間餐廳set lunch 幾乎均一價過百，Triple O 八十幾蚊相比之下唔算太貴，不過以快餐嚟講就梗係貴啦。不過講質素，一定差唔過百零蚊餐廳set lunch burger. 燒牛肉漢堡，牛肉滑包軟芝士汁香，炸洋葱圈外面脆，裏面原圈洋葱竟然仲有汁，實在太美味了!睇分店表，全部喺貴租地段，貴有貴賣，聰明過Burger King 定位不清...

由於公司在25~27/Feb. 在灣仔會展開展覽, 而經過第一天在金鐘轉車等到第三架車才上到車的經驗, 第二日開始決定寧可早一點到灣仔, 在會場附近吃個早餐吧! 第一天吃了太平洋,但那裏無套餐全部散叫, 對我等草根來說太不划算了, 等二天試下走到背面的”Triple O”試佢早餐, 雖則佢已經出晒易拉架引路人注意但兩日經過都見佢裏面無乜人座, 不過,人少對我來說更好, 可以靜靜地嘆早餐, 叫了一個Muffin set : 其實只係一個有真煙肉嘅炒蛋muffin三文治, 加杯即麿咖啡, 好簡單的食物, 唯一覺得較有印象的是夾在中間的煙肉, 咸度適中無有太多添加劑的嗱脷口感, 個蛋同自已屋企做的差不多, 杯啡比老麥嗰杯香一點, 但總括來說都係同佢d漢堡飽套餐一樣, 企業利錢太高, 因為咁嘅價錢應該夾多片蕃茄片, 青瓜片之類的, 這些菜類對成本應該帶來不了太大壓力之餘但就能令客人感覺良好亦好似健康一點, 管理層應該多動一點腦筋, 要不只會浪費企業資源, 即使早開了也幫不了營業額, 員工早回來了亦只是夢遊至中午而已!

由於賺物慾旺盛，偶爾逛團購網發現Triple'O竟然有合作，可以$30買$60的現金代用券反正老麥的$21餐吃膩了，轉轉口味也不錯，於是便大手買入10張去飽餐一頓。工作過後搭渡輪剛好接到海港中心的Triple'O懷著興奮心情入內一看，竟然加了價！由50多元加到60多元那豈不是還要再加錢買餐？可是已經買了代用券，只好硬著頭皮點餐，就點便宜一點的吧。點了煙肉漢堡餐，價錢相對實惠，口感又比其他豐富，餐點不消一回就上到了。^煙肉漢堡餐：漢堡是炭火燒烤，可是與煙肉烤得有點過熟，乾了一點，但炭烤味十足。薯條沒有味，必須要點茄汁才好吃；而咖啡竟然還是用蒸餾咖啡！味道可想而知。還有一堆代用券，看來吃貴價版老麥還要一段時間反正比老麥好吃，就張就一下吧，哈！#誇張嗜食 by 張誇 Nickel

At Triple O's, the only burgers I like so far are roast beef, prawn burger and the fish burger.Recently I tried the all day breakfast burgers which taste even better.★☆★☆★☆★☆★☆★☆★☆★☆★☆★☆★☆★Sunny Start Combo:Fried egg, crispy bacon, melted cheese & Triple “O” sauce on a toasted bun.This burger was so nice because the bacon was 100% crunchy and salty that it flavoured the egg and toasted bun complimented by the gooey melted cheese.★☆★☆★☆★☆★☆★☆★☆★☆★☆★☆★☆★The Champ Combo:Sauteed mushrooms & melted c

看見團購劵快到期，那唯有到Triple O 預祝聖誕。誰說聖誕節不可吃快餐？今天點了全日早餐系列的The Champ Combo，又因為要食便宜一點。烤麵包夾上略炒過的蘑菇、煎蛋、芝士、蕃茄及配上醬汁。煎蛋不太滑，有點老。蘑菇也很淡味。薯條炸得不錯，調味適中。飲品的檸檬茶用上早餐茶，茶味較濃。始終，牛堡是好吃很多的。下次還不要吃經濟餐了。

漢堡包一打開有一片長酸青瓜在包面, 以為是趕收工放得唔好, 可是仔細看看食物牌原圖, 青瓜的確是放在包外的, 同X記的不同.漢堡扒不錯, 肉味也有, 而胡椒味就無乜.茄汁可以加多些薯條的鹽多些會野味些飲品可以選某牌子檸檬茶, 不錯, 因為本人不喜歡有汽的飲品.

自從中環Exchange Square店close左之後, 好少食Triple O啦, 其他分佔位置不太就腳....週末的下午, 到壽臣劇場睇show前近近地搵個地方醫肚先!初初以為無乜人, 點知都幾爆喎, 差d無位坐....平時最鍾意食mushroom burger,不過今日唔係咁餓就食Roast Beef Deluxe Combo ($78), 另外朋友就食Roast Beef Deluxe Combo, Chicken Supreme Burger Combo ($68), 跟餐轉洋蔥圈 (+$4)order完拎左個牌番位之後, 可以坐住等, 稍後就有職員送上食物!~個Roast Beef Deluxe...d牛肉好腍都幾嫩口, 好薄片, 最鍾意佢個sauce酸酸甜甜, 配埋個牛肉,好開胃, 成個餐食晒!  不過個洋蔥圈略為油膩左d~太耐無食, 個餐其實無咩特別, 而家要$78一個餐, 感覺貴左d, 間唔中一餐都可以~

行過發現有下午茶，剛啱有少許肚餓，試一試。那個chicken strip Ceasar salad，沙津沒有問題，出事在於那chicken strip，又凍又乾又鞋又硬，唔知炸左幾耐又放左在雪櫃幾耐。下午茶係收得平啲，份量少一點可以接受，但質素差到這樣就不能接受。

晨早到達灣仔辦事,當然先吃個平時在荃灣區沒有的早餐才開始一天的工作,從美心Deluxe及三個O兩者間選擇之下還是後者勝,只因食友早前幫我買了OOO團購券嘛! 九時後的港灣中心已沒有匆忙上班一族,回復清靜的OOO除了店員就只有自己,在灣仔區包場吃早餐果真威水;看到店內如菲籍店員已有心理準備要說英語,幸好菲姐原來通曉廣東話,點菜也真真方便!收銀機前的早餐選擇沒平時的各款套餐吸引,早餐配搭跟麥當當也有點相像,最後選了有蛋在內的NBS-S SUNNY START($30),只因近來習慣早餐總要有咖啡、奶茶或鴛鴦及雞蛋,看來自己愈來愈固執了。打開七彩包裝紙就是這個包含兩片豬柳一隻煎蛋的漢堡包。略為扁平的麵包夠熱及鬆軟,豬柳就是有點胡椒香如豬肉餅那種,兩塊加起來的豬柳香更濃重,咬起來更有質感;煎蛋煎至全熟,薄薄的煎蛋沒有什麼蛋香,要不是打開漢堡見到它的存在,真的會以為這個漢堡漏掉煎蛋。 以為沒有其他配料之際,原來一片酸瓜躲藏在包子某一角,那陣突如其來的醋酸比咖啡更令人提神,漢堡裡還加有茄汁及OOO醬,混醬味道令漢堡複雜一點,個人還是對其魚柳漢堡及雞肉漢堡有期待多一點。隨餐熱咖啡的所有裝備就算單手拿

一向喜歡吃漢堡飽，貪佢香口、飽肚，更重要係制作漢堡飽既過程唔容易失手，所以算是一個較為保險的選擇。之前吃過 Triple O’s 幾次，未試過失望。今次朋友建議食 Triple O’s，贊成！點了兩款漢堡飽，一個是傳統的、而另一個是蘑菇漢堡。蘑菇漢堡比傳統漢堡貴十元。傳統漢堡除了牛肉漢堡外，還有沙律在內，包括生菜，蕃茄和沙律漿。而蘑菇漢堡就沒有沙律了，只有蘑菇片和漿汁。味道方面就較為喜歡蘑菇漢堡，除了蘑菇片能增加漢堡飽的口感外，漿汁亦能使牛肉漢堡在感覺上更加 juicy。這種是傳統漢堡所沒有的。套餐除了漢堡飽之外，還包括薯條。加十一元可以在薯條上加芝士牛肉汁，其中一份點了這個選擇。雖然叫芝士牛肉汁，但其實味道跟一般肉汁 (gravy) 沒有什麼大分別。這個可以作為茄汁之外的另一個選擇。還點了炸雞條，雞條是新鮮炸出來的，熱辣辣、好味！雞條外面包了一層薄薄的炸粉，值得一讚的是層炸粉真的很薄，不會食到成口油，而且佢地真係能做到外脆內軟。但坦白講，始終用的是雪雞，雞味方面就不能有太高的要求了。另外還叫了凱撒沙律、標準之作，冇驚喜、亦冇失望。埋單總數二百七十多元，冇加一和其他收費。在灣仔吃一頓美

昨天去到呢度午餐，由於一早就食左好豐富既早餐，所以午餐都唔諗住食咁多所以就咁叫左個芝士煙肉BURGER，唔要餐，都幾大個，食完都飽飽地，分開食酸瓜...呢D先真係酸，分開食既我傻仔左><包所選用既菜都十分新鮮，咬蕃茄所彈出黎既汁，簡直帶來清新既感覺煙肉硬硬地，咬感不錯，芝士很香，整個包各式各樣感覺配合得不錯，而且偷食了人地的一條薯條(我地識既)粗大型既薯條岩晒我口味，外脆內軟，5隻字可以講晒今次既嘗試：我會再食的。不過以SET黎講，普遍黎講都高價D，所以在抵食處會低分少少。其他服務員態度勁好，環境好舒服又乾淨。由於集體買，唔記得自己個包幾錢，只記得在50-60之間，就寫60

好耐都無去Triple O食野,因為都幾貴,唔可以成食. 今次拎到張$10 coupon,選左最普通的Original Burger Combo($65),減返張coupon就係$55大大個的漢堡份量依舊十足. 最正係D汁岩岩好,唔會一咬就彈哂出來.薯條鬆軟又好味,正呀!

係會議一連5日係會議內工作真係好辛苦, 難得有得出來走走氣, 自己一個人走左去triple o食個lunch休息下.叫左個burger 套餐$65...其實價錢又真係幾貴, 不過勝在這裡即叫即整包樣樣野都夠熱, 最喜歡d fries即叫即炸咁先夠香脆.至於個burger都唔錯, 至愛一大片酸瓜. 不過以$65一個餐來講, 個burger塊肉真係麻麻唔夠多汁.