UCC Coffee Shop (已搬遷) 新店位置

海鮮意粉首推，不過果日去咁岩冷氣壞左，但個環境一流沙化左得舒服，不過飯類麻麻又話炸爐不夠熱，不能叫炸的吃，下次去要問下有冇先入去。

今晚又係逄星期日晚都出街食嘅family day~之前黎過呢間諗住食都係因為太多人等位而食唔到, 所以今朝就好醒目咁打去book 咗4位先~結果黎到就即刻有位lu~我地要咗4 個main course, 分別係焗芝士波菜三文魚通粉, 焗咖哩牛肉飯, 炭燒鰻魚飯同埋咖哩炸蝦飯....2 個要咗set, 即係加28有soup, drink 同埋只可拎一次嘅自助salad...4 個main course 其實都冇咩特別, 味道ok la...不過個焗咖哩牛肉飯就唔覺有咖哩喎...只係d 飯係有d 咖哩味, 但係個鰻魚飯其實都係咖哩飯...2 個飯嘅分別其實就係一個面頭係鰻魚, 另外一個係牛肉law-________-""不過個salad 都幾好味~而且都幾多choices....埋單300幾....都ok la應該會再黎嘅~

為食日子: 7月22日~ 晚上約6時為食人數: 3隻為食價目: $202為食餐單:什扒+蒜蓉包$68 轉套餐另加$28 有自助沙律吧,餐飲及餐湯鮮蝦帶子意粉(茄汁) $60 轉套餐另加$28 有自助沙律吧,餐飲及餐湯今日約5:45就到了, 已經要等位, 首先門口做帶位既完全係漠視企係度想同佢講幾多位既未來客人, 我地以為我地係咁姐, 點知好多人都係, 企係度等佢理都等好耐, 到有位既時候佢表面上有望下有冇佢叫既號碼既人, 企正係前面都見唔到, 仲叫多2次....視而不見既情況令我地第一印象很差....入到去既時候, 因為座位係正門口, 所以要求轉去另一張未有人既台, 轉台冇問題, 但係佢3份menu 就只係拎返一份比我地, 好奇怪, 反面杯水就拎返哂黎...食物方面, 因為我個人唔太覺得d野食抵食, 所以就只係同人share左什扒餐, 同埋叫左個鮮蝦帶子意粉, 什扒餐就冇前幾個食評咁大份, 好可能都係相片角度問題啦, 餐湯就只有一種, 自助沙律吧食物算多, 不過我地果碟只係拎左菜,蜜桃及o者喱, 蒜蓉包好硬, 切都切唔到...另外炸蝦拎到黎已經有沙律醬, 隔離d雞就有燒汁, 感覺好怪,

趕出去吃晚飯途中遇上同事, 剛巧友人臨時被其老闆纏著趕不及在看戲前吃飯, 結果和同事們來了吃茶. 時已六時許, 加上MENU吸引環境優雅, 乾脆在此吃飯. 本人記憶所及, 在樓下舊鋪和尖咀鋪吃過芝士蘑菰雞肉螺絲粉與海鮮庵列飯印象不錯, 於是向同事們推薦. 芝士蘑菰雞肉螺絲粉, 雞肉不"鞋"口, 份量很generous, 螺絲粉很彈牙. 海鮮庵列飯: "大"蝦很爽口且味鮮. 我還叫了個冰朱古力咖啡走cream, 朱古力味較削. 同事們對食物很滿意. 我還向他們推介窩夫作甜品, 未知兩位有否嘗試呢? 環境似乎比舊鋪開揚, 樓底很高. 我們對著咖啡吧, 看著姐姐弄咖啡, 一樂也.

同下屬嚟食下午茶,咖啡幾香但食物好一般,環境可舒服,如果唸住'Hei'個下晝咁都係個好地方

晚上食餐牌上既主菜, 加$28會有湯+飲品+自助沙律吧, 因為老公遲放工, 所以冇得叫餐, 冇咁抵我地叫佐什扒餐同咖哩漢堡扒飯, 什扒入面既雞扒, 好"鞋", 好差, 其他都ok, 蒜茸包好好味, 至於個咖哩飯就ok好味, 漢堡扒多汁好味, 塊扒係牛+豬做既, 兩樣食物都係$6x~ $7x, 實際幾錢我忘記佐, 味道唔算好特出地好, 好普通, 晚飯太多選擇啦, 下次未必會再黎食晚飯, 都係黎下午茶算成晚都冇侍應理我地, 所以服務只有2分

難得連續放多一日假,我又同男朋友去行街,一去到兩點幾三點,揀左黎呢度食午飯,等左一陣就有位,我地要左個菠菜三文魚焗縲絲粉($7x@)、UCC特色三文治($4x@)、招牌咖啡($30@)、我要左維也納咖啡($36@);個縲絲粉唔錯,好多三文魚粒同菠菜,唔太溜;個三文治好大份,有三大件,夾有煎蛋塊同埋火腿(同平日果d唔同,呢隻咸d),青瓜同埋生菜,但係唔知佢係咪搽左好多牛油,我覺得好溜,唔係咁中意,因為諗住有個粉,就要一樣清淡d,點知仲飽,過兩個人食晒好飽=.=; 男朋友話個招牌咖啡好似同即沖果d無分別,我果個維也納咖啡d泡好靚,都幾好飲,好似好飲過Pokka.呢間坐位放得好靚,唔會好似好迫咁,望落好舒服,幾好坐,但係可能因為地點問題,同埋放假,所以係好嘈,想靜靜地嘆下就唔得啦,食完都即刻走人

同屋企人去食lunch，我叫左個焗咖哩牛肉飯($58)，家人叫左炭燒鰻魚白汁意粉($75)。個焗咖哩牛肉飯幾特色，唔係一pat汁咁，每粒飯都有咖哩汁，有少少cheese o係飯上面，有紅蘿蔔，薯仔，洋荵做配菜，牛肉幾"臨"，個邊邊位焗到有少少脆，但舊肉唔乾，好正。至於個意粉我食左1啖only，個汁好好味，d鰻魚賣相不俗，下次我都想試下lee個，不過唔知main menu有無，lee個係set menu度先有。ps~裝修幾靚下ga，拍拖去食一流

上星期六下午同朋友行行下街突然頭暈眼花標冷汗，點算，坐在商場玻璃欄杆前又4次比人趕。過了度氣，無咁暈，冷汗又流得七七八八，記得原來未食野，所以同朋友坐低志在補充體力。想食咸野，要了白汁三文魚縲絲粉，縲絲粉有入焗爐焗過，面頭有一層焗過的芝士層，與磨菇白汁，三文魚粒同軟軟的縲絲粉一起吃，真係好能夠補充體力!!以平時的我一定會再叫杯凍咖啡或者食件CAKE，不過不在狀態，無食到。朋友要了一個有栗米片、有香蕉、有大大舊CREAM的朱古力SUNDAE，見佢咁快食晒，應該幾好食。

突然心血來潮，念起了UCC…我們還是選擇了鐵花台凳。這次我們還是ORDER 了兩個MAIN COURSE +$28 for SALAD +SOUP +DRINK…肉醬意粉- D醬很奇怪。應該很safe, but 味道很怪。海鮮義大利飯-不掂！味道差到不會形容。最後，我們只吃了SALAD and little little maincourse.

之前的照片有問題，補貼一張。忘了說，UCC 不只食物漂亮，餐廳環境更是美輪美奐呢！

下午收到友人電話約茶聚，難得他不介意等我近2小時，當然欣然赴約。地點在沙田新城市廣場三樓的UCC Coffee Shop，就在Starbucks 的隔壁（一個商場內有兩間Starbucks，還真有點兒那個）。這間UCC，在它剛開張時我便打算要來一次的，結果在一個月後的今天才正式光顧。畢竟價錢不便宜，普通一個茶餐連加一服務費包保超過50元，孤身一人時得過且過實在不大願意花這些閒錢。當然，有朋自遠方來時又是另一種說法了。我點了芒果巴夫配法式紅豆咖啡（$52）。芒果巴夫賣相精美，以芒果粒、芒果醬、朱古力醬及薄荷葉點綴成一棵芒果樹的樣子。芒果粒酸甜適口，蘸上芒果醬及朱古力醬吃，若再伴上薄荷葉，又另有一番風味。巴夫（泡芙）頗鬆化，蘸醬一樣好吃，只嫌餡料份量只剛剛好，未夠飽滿充實。法式紅豆咖啡入口沒想像中的甜，添上的一舀忌廉令咖啡更香滑，但也更快變涼，須趁熱品嚐。將近喝畢才發現杯底藏著幾顆紅豆，又令這杯咖啡添上另一番香甜滋味。

昨晚4人來dinner,友人發板叫:1)帶子+菇意粉-意粉有d咬口,肯定唔腍種-d料可以,帶子是爽同有質感,當然唔要求有鮮味啦-炒得唔錯2)海鮮risotto-d飯應該是外國米,但唔硬身,失小小真-個番茄sauce夠味,濕度剛好-海鮮料有隻大青口,中蝦,有子...-味道唔差3)牛油番茄omelette飯(牛肉汁)-個蛋皮無煎到老晒,包住好多飯,"圈"加再牛肉汁,幾牛味,可帶起清淡的番茄炒飯4)鮮果芭菲(中)-樣子唔錯,有雪糕,有雜果,cream等-但無試到5)紅豆栗子綠茶waffle(大)- 有4塊waffle,所以友人可以請我食1塊,仍熱,鬆軟,幾好-有cream啦,紅豆蓉同綠茶雪糕-整體不俗6)mix berry waffle(中)-有1球雪糕伴-但無試到7)mix berry panna cotta-有幾款berry on top,底下的panna cotta好滑,奶味都重,不錯

男朋友生日, 就黎左沙田新開既ucc 試下。叫左2 個main course, 1 個加錢轉set, 1 個dessert~main course 有:芝士焗菠菜三文魚通粉白汁咖哩味雞肉旦包飯set 有:羅宋湯自助salad餐飲( 轉左炭燒咖啡)dessert:chocolate french toast三文魚通粉味道不錯. dressing 好夠味. 而本身呢個main course 既材料比較清, 配合得好好。旦包飯就不過不失啦, 感覺上呢個飯加左白汁係畫蛇添足, 令到個賣相失色左, 同埋個汁唔太夾個飯。salad ok , choice 都唔算少。炭燒咖啡好香, 一d 都唔澀。值得一讚既係個dessert, 真係絕讚!! 雖然dessert 係最後上, 而我地亦都好飽, 但都堅持要食晒佢!!以上既野我地真係食到好飽, 但最後都係食唔晒。個人認為叫2 個main course 一個轉set 已經真係好足夠。叫得多真係會浪費嫁^u^

第一次去UCC飲咖啡,叫左兩個Tea Set,都係蜆肉磨菇配意粉,但係其中一碟o既蜆肉居然有沙!不過味道都不過不失。另外叫左兩杯凍朱古力同熱朱古力咖啡,不過杯凍朱古力就出事喇,一飲落口就發覺煲燶左。即刻叫經理換過杯。因為我地坐近煲咖啡o既地方,見到佢地即刻check過哂啲朱古力,發覺全部都有問題,跟住真係全部倒哂,勁。杯炭燒真係正,完全唔同Starbucks o既咖啡。