UCC Coffee Shop (已搬遷) 新店位置

一年一定有兩三次來'畢'沙律,因為太鐘意這個模式了!有蜜桃,粟米,薯仔,菠蘿,紅腰豆,車厘茄,生菜,啫喱,長通粉,沙律醋,千島,凱撒.得一次機會,其實如果不太肚餓,你可以讓你的朋友選一個main course,然後你加$28要餐湯,沙律及餐飲.

星期六lunch的時候同媽媽仲有幸福去了沙田的UCC...之前去過尖沙咀o個間dinner，簡直係excellent...咁就試下沙田呢間啦~~d位置係非常舒服，雖然都要等位，不過都係大約10分鐘到~~~個環境真係一流，一d都唔迫，好有空間!!我地三個人叫左兩樣野，其中一個加左23蚊有salad bar同埋野飲::自助沙律--> 款式算少，但味道ok~不是太突出~墨魚本菇燴飯--> 我第一次食燴飯，個味都好特別，都好好食，有少少辣~菠菜三文魚螺絲粉--> 呢個好好食，d汁濃度恰到好處，d三文魚龐該係腩，好有肉地~其實三個人咁食都好飽，同埋感覺一d都唔heavy~~~埋單一百六十幾，都幾抵! 仲要係個環境夠舒服啦~

近年沙田的人口好像越來越多，根據官方統計資料顯示，沙田已成為全港最多人口的地區，單單靠數字或者無法反映真實情況，只要有空在沙田市中心逛一圈，大家便會體會到什麼是人貼人的擠擁。 在新城市廣場內食店林立，多國菜式各色各樣，實會有合心水的選擇，不過在食之前，你必定需要輪候逾半小時，如果是人氣食店…更是最少等1個鐘，缺乏耐性者實難而忍受這磨人的等待。自問缺乏耐性(大概是給豬頭人長期損耗的關係吧~ ~)，要我「等食」…我的忍耐時間只能維持15分鐘，除非是超級心頭好，否則我寧願退而求其次。 晚上去到新城市廣場，到處都是人，經過多間食店也排了長龍，又餓又倦，此刻我最需要的是一個坐位和食物，此時…一間在角落的餐室吸引了我的視線，吸引的原因不是佈局悅目搶眼，而是因為「無人」。 等左唔洗10分鐘就有位，真高興…店內瀰漫著濃濃的咖啡味，我們被安排坐於水吧旁，看見用玻璃瓶子沸著的咖啡，咖啡迷一定會被吸引著。 打開餐牌，發現以西餐為主，另外還有點日式風格的西餐，最後我和豬頭人分別點了一份套餐，我的一份是三文魚芝士汁意大利粉($87)；豬頭人的是咖哩漢堡牛肉飯($78)，每份套餐均附有沙律、餐湯及餐飯，物價騰貴的

都係聽人講好食同埋有沙拉bar, 係拍拖過年紀念同男朋友去. 單睇佢既裝修以為好係貴, 不過, 又唔係喎. 個價錢ok. 中等啦.. 我覺得以佢既裝修算平.我特別歡喜佢既裝修同格調. 好好. 我地每人叫左一個牛肉汁飯(個offical名係長啲, 不過, 我唔記得, 只係記得係無肉的, 係素食加上牛肉汁咁啦)同芝士白汁意粉加$28可以食埋沙律bar同埋飲野. 沙律一般啦. 唔係煮的. 好難expect啲什麼. 算係新鮮啦...我同男朋友都覺得個牛肉飯最好食. 味道好濃郁, 食完一啖,急不及待食第2啖個隻. very good. 反而都個意粉,可能係飯之後食, 啲味比個飯蓋過, 同埋我個人喜歡多汁既芝士白汁啦不過, 係值得再去既餐廳既....

今次去呢度食晚餐....一直覺得佢既裝修好靚...唔知食物如何呢...我同友人點左 白汁雞肉長通粉 & 炸蝦咖哩飯.....我地都加左$28轉餐....即有埋湯.餐飲.同自助沙律吧....沙律吧選料選擇唔多....但勝在係自助...所有d人全部都好唔蝕底咁將選料疊到高高....主菜白汁雞肉長通粉今人好失望....水準同樓上cafe差唔多....好後悔...炸蝦咖哩飯好少少....都算ok....最驚喜係杯熱咖啡....真係值得推介! 總算為呢餐晚餐加返少少分!

今日同男友去左沙田行,跟住有d肚餓,所以去左UCC醫肚^^ 原來沙田店都幾大架窩, d裝飾都唔錯添...係d人既service就麻麻囉.. 明明見到我都望開扮見唔到窩....Anyways,佢地有個mango fair,所以我點了一個芒果夾餅,男友則點了一個朱古力多士... 個芒果夾餅超好味呀~!!!! 有雪糕配,好正哩~~ 仲好鬼大碟... 不過收得人$68 (連野飲)唔比番甘上大碟又真係唔係甘講得通.....朱古力多士賣相都好靚,但係食落油左d,冇芒果夾餅甘清甜囉......跟餐o個杯野飲超細.. 我點了熱奶茶,我以為會係一壺甘上啦,點知原來得一杯.. 唉~~~ @@"

呢排經常到沙田，尋日又同班friends 去香港文化博物館（題外話：好多野睇，值得去！），去參觀前梗要先醫肚，於是就去左新城市UCC 試試。鋪面裝修幾靚，全店以白為主調色顯得簡潔乾淨。我地一行四人，分別點左三款食品一齊分享，包括白汁意大利雞皇飯、海鮮蛋包飯及意大利磨菇腸披薩。本來見午餐主菜另加$23 可轉成套餐，有飲品及自助沙律吧，但友人們似乎對沙律吧並不特別感興趣，所以只散點算了。白汁意大利雞皇飯的白汁唔係好creamy，但很香，而且味道充份滲入到每粒米飯裡，每一口都值得細意咀嚼品嚐，惟份量較少。海鮮蛋包飯水準亦不俗，飯炒得香，但有部份海鮮材料的味道略淡。磨菇腸披薩是薄底的，上面的各式惹味餡料紛陳，披薩焗得香脆，咬起來啖啖都有豐富口感和層次感。整體以言這裡的食物水準不俗，以我們點的三款食物都沒有令人失望，加上環境裝修不錯，服務也可以，是一家值得推薦的餐廳！

午餐因懶關係,來到已是兩點幾,不用等馬上有位,好采!叫了波菜三文魚日本大豆湯麵跟任食沙律,beef stew跟蒜蓉麵包.本人雖不是疊沙律羅漢的高手，但也食了不少！沙律的用料總括來說是新鮮的.湯麵一般,牛肉幾淋,跟的薯仔也好味.再叫個waffle,新鮮弄的加士多卑利雪糕,正!服務很好

黎UCC主要係為左試佢既waffle，果然無令我失望！比風月堂果d厚身少少，但一樣鬆脆。配合新鮮生果同雪糕，簡直一流！

看到這裹的食評不錯, 所以昨晚特意跟男友前來試試..我們order了一個咖哩焗牛肉飯和一個茄汁牛油蛋包飯.其中一個飯轉餐...是日湯是雜菜湯, 但味道怪怪的, 蕃茄味很假,而且很稀..轉餐會有自助沙律, 雖然款式不多, 但都可以..咖哩焗牛肉飯呢, 它是用咖哩味的飯, 配上一些類似肥牛的牛肉..很難想像那些牛肉是完全沒有味道, 而飯上有一些白色的汁, 看似白汁之類..但非也!好像是一些忌廉!!!這個配搭真是很奇怪..味道也很奇怪..至於茄汁牛油蛋包飯, 整體上都可以的..如果那塊蛋煮得不要那麼熟和可以厚一些的話, 會更美味!我最欣賞還是那杯熱的招牌咖啡..可能這餐廳有一些比較好味的東西,而我不知道.但我想, 我暫時都不會再光顧....

昨天在這裡吃了一個下午茶。女友叫了一個香蕉pancake，我叫了一個栗子蛋糕。昨天下午店裡幾乎無人，很寧靜，但是這個下午茶每人要五十五元，比較貴，不值。

上星期日黎呢樹食下晝飯, 叫左個薄餅同墨汁飯, 個飯救熱, 味道ok, 個薄餅要催促先黎, 叫個侍應黎, 問下點解咁耐, 佢答都冇答就叫另一個去廚房, 然後拎出黎, 雖然, 個薄餅好熱下, 但味道食落口, 一點兒味道都冇, 仲有好似有些水跡, 令到個餅濕濕地咁, 當堂扣晒分.一般既食物, 就會有一般既服務, 但可惜, 價錢並不一般, 如果要好似餐牌上既價錢咁高貴既話, 呢間餐廳真係要檢討下.

上次同媽食過waffle幾正,今日晏也來幫襯.兩人叫了三文魚豆漿湯+廿工蚊連沙律,及焗鰻魚飯.兩人分個沙律都已經飽飽!上主菜已吃不下!三文魚豆漿湯個豆漿湯無咩豆漿味,反而三文魚味就有.都幾多三文魚肉.焗鰻魚飯則有點怪,咖哩飯+白汁+芝士+鰻魚,焗起=怪怪的.好熱.可能餐牌張相太細,睇不清楚,不知係白汁.味道ok!橙汁很甜.服務很好.

向朋友力薦這裏的咖啡，“那就試試咯！”，我滿心歡喜，今次一定要點上次錯過的vienna coffee。雖然menu上的正餐都幾吸引，我們還是忍住只叫了Vienna coffee, $38，Choc coffee, $38和日本紅豆雪糕，$45。Vienna coffee沒有french coffee那般鮮奶的香滑，相當苦，可是奇怪，我愛食苦的小漏漏竟然沒有碰一滴糖漿，只因貪戀它的甘苦純淨。朋友則不覺coffee有多吸引，我認為是choc太重，搶了味。日本紅豆雪糕都算不錯，雪糕奶香四溢，與清甜的鮮果幾搭。紅豆茸茸的更是抵贊，可惜分量實在少得可憐，幾口下去就只剩下回味了……我想起上次令人驚喜的紅豆奶昔，紅豆也應該是這裏的強項吧。都還是幾喜歡這裏的。

同朋友慶祝生日，第一次幫襯沙田呢間，晚上七點左右到達，等左十五分鐘就有位，我地坐左入沙發裏面，間格相比坐近門口好好多，我地叫左個菠菜三文魚螺絲粉和什菌墨汁飯，兩個套餐都轉左跟餐加($28)，跟湯、餐飲、自助沙律吧，個三文魚螺絲粉開頭以為係一片片既三文魚，點知上枱個時係粒狀既三文魚，味道都ok，反而個墨汁飯就好味好多，雖然食到d牙黑晒，份量都好夠，自助沙律吧選擇都係以罐頭生果為主，咩菠蘿、蜜桃、紅腰豆，另外仲有沙律蝴蝶粉，粟米薯蓉，呢兩款整得幾好食，最唔少得係有啫喱糖(青檸味)，如果技術好好既話可以疊到好高，就算係繁忙時間都唔會趕你早些埋單，待應生服務好好，有不斷為你加水，環境又唔會太嘈吵，好啱同朋友慢慢傾計，值得再試啊！