UCC Coffee Shop (已結業)

UCC食過好多次喇，但甜品竟然未食過，這次專程來吃 tea (dessert)！點了一個香蕉班，加$10轉熱 cappuccino，這裡的咖啡都是好好味的。cappuccino有一層泡泡和cream和檸檬絲，，仲有一枝玉桂條，點上咖啡和cream和泡泡一起啜，好好味。香蕉班無乜特別，班皮做得很好。雜莓奶凍非常好吃！好滑及很香奶味。這裡的甜品種類不多，大概有班、法式多士等，而且不抵食，但我還想繼續試。

今餐是朋友請食飯，約在青衣城等。事實上，吃什麼大家都毫無頭緒，在青衣城兜左一陣，決定來UCC。咖喱豬扒飯是我的至愛，我要一客。另外加了$28轉餐，有自助沙律、餐湯以及飲品，個人覺得呢$28是值得俾的。出去自助沙律望一望，都是那些菠蘿粒、桃、粟米粒、生菜、啫喱糖等等既行貨，只是放得整整齊齊的，感覺良好。由於菠蘿粒、桃等都是罐頭貨色，啫喱糖也是現成貨，當然不會太突出。是日餐湯是蕃茄湯。賣相其實不錯，色水幾對辦，扼到吓人。喝一口，原來是淡茂茂的，毫無蕃茄味。無味無道既湯我最怕，飲兩啖都被迫放棄。這裡的咖喱豬扒飯不是吉列豬扒，用的亦不是日本米，已令我有點失望。再嚐一嚐，咖喱汁不香，且比較稀，麻麻地。豬扒味道還可，肉質是幾淋的，不過就算不上鬆化，只屬一般。由於是不朋友請，也不好意思再點甜品，喝罷我的熱檸茶便走了。

自青衣城開左UCC後，因為佢個薯仔沙律，所以都光顧左N次。一排無食，想起個薯仔沙律又心癢~星期二晚六點鐘去到，唔駛等就可以入座。第一次坐open area，冷氣無咁大但就比路人甲乙丙丁茂望住晒兩個人食於是叫一個餐跟set因為時間尚早所以無人同我爭salad bar，可以慢慢來其實salad bar選擇款式不多我係為左個薯仔沙律而去ja！返埋位見到個咖哩炸雞飯同羅宋湯都上左羅宋湯不似罐頭湯，有蕃茄味，幾開胃咖哩炸雞飯不過不失餐飲要了凍奶茶，好味！我喜歡UCC的茶呢！薯仔沙律"不"太多，吃得我要捧著肚子離開，好滿足！

2008年11月1日放工約了老婆在青衣城等，老婆好聰明，未等B仔到達，已預先取了味千和UCC 的輪籌 (此2間都是在青衣城新開的食店)，因為從來未試過去 UCC Coffee Shop，所以放棄味千，只等 UCC。入內已被其精緻的白色歐陸裝修所吸引住，有了第一個很好的感覺。坐下選好心頭好之後，見更改成晚餐的話，只需 HKD28，而且有飲品、餐湯和任盛沙律 (和 Pizza Hut 當年的很相似，今次遇到這個機會，未食已很期待)，所以點了一個餐的和老婆 share。侍應遞過了盛載沙律的碗子，老婆就一個箭步前往沙律吧努力...圖1:就是這個任盛的沙律，味道尚可，而菠蘿和桃是罐頭貨色，不算特別...圖2:第一味來的是老婆超期待的蛋包飯(名稱是茄汁海鮮奄列飯)，主要配料是茄汁和海鮮，價錢大約HK70多。見其賣相尚算OK，都係未食就已經有點期待；甚料，唉！入口的感覺奇差... 蛋做得很老很厚亦很硬，而且一點蛋味也沒有，放入口像在咬膠板一樣，毫無味道。更甚的是，飯做得更差，無味兼且非常乾身，一點也不 juicy。再者，所謂的海鮮，就只得廖廖幾粒，少得驚人。而汁方面是還可以的，但其實都幾酸，一點也

今日去食Lunch茄汁牛油奄列飯 - 差, O的飯好硬, "片"蛋好薄...海鮮Pizza - OK, 幾多料, but個餅底似餅干...淨係杯咖啡得!

早前見佢新開張，已想入去試試！晚飯時段，要等位！個資客態度麻麻，可能太多人做到起火！入到去叫咗個 "牛肉咖哩焗飯" (本manual 推介) 連套餐叫，有自助沙拉、 餐湯同飲品，餐湯 羅宋湯 有幾多蔬菜 但味不濃 希希感覺！ 焗飯到面頭有好多芝士， 明明係咖哩焗飯，點解冇咖哩味？芝士又覺得食香口膠咁！自助沙拉都一般一般到冇得一般 ，杯凍檸檬茶 茶冇茶味 得個酸 ......:哎 可能咖啡好d啦 ！ (未試)

青衣城最近翻新後，加入了不少新食肆。雖然開了好幾個月，我還是第一次來。6個人要了三飯兩意，其中加了兩個$28的Set。Set有餐湯、自助沙律及餐茶，雖然沙律是好普通及罐頭貨式，兩大兜一早掃清，但大家一致認為沙律是全晚最好食的。咖哩豬扒飯及咖哩炸雞飯，咖哩當然是日式咖哩，飯就一般，不是好軟熟煙韌的日本米，不過豬扒及炸雞就出乎意料，豬扒鬆軟，沒有鬆肉粉及雪味；而炸雞很脆熱。茄汁牛油奄列飯-味道很重，也太溜，不太受大家歡迎。肉醬意粉及芝士海鮮焗通粉，前者的肉醬太少，不夠撈整碟意粉，味道只是一般，我就寧願食大家樂的肉醬。後者的芝士味不夠香，賣相也不吸引，我只是輕嚐算了。雪榚凍朱古力-顧名思義是朱古力奶加上一球雪榚，沒有特別。原來甜品也有中及大size分，紅豆栗子夾餅及綠茶芭菲當然要大才夠喉；夾餅有4大塊之多，又熱又脆，明顯是即叫即做，搽上紅豆茸一齊食，十分美味；還有一細球的綠茶雪糕，而所謂栗子只是栗子蓉，味道很假，又很甜。廚師十分「好」人，知道我的綠茶芭菲不要忌廉，換了那很難食的栗子蓉給我，雪榚只有一球多少少，下面全是罐頭雜果及少少豆紅茸，要$60一杯，真是不值，真懷念麻布茶房的芭菲。

經常去青衣城食野..行過見到有新餐廳就一定試吓......我和男友入到去初初D待應都ok.睇完餐牌就叫左個漢堡朳飯同海鮮PIZZA,等上菜時間還可接受,漢堡朳飯味道一般,但其怪點解會有意粉..吃完飯才上PIZZA,但個PIZZA極難食,海鮮無鮮味都預左la,因為係雪藏,個餅低就應該新鮮la,點知餅低好似食落食緊張紙皮咁,最慘整個PIZZA淡到係無味.芝士味都無乜,只食到洋蒽小小味.凍咖啡42蚊只係好細杯.無乜驚喜,但味道ok..意粉屋無佢咁貴都好過佢.食完叫埋單最離普,幾個待應圍住只顧講野,叫左好耐先聽到.激死...下次唔會再幫襯.

今晚要去博覽館睇concert,先約友人在青衣城醫肚.見ucc唔駛等位便入座了.由於友人遲到,在急忙的情況下我們點了我們以為會較快上菜的飯食--白汁炸雞奄列飯和咖喱海鮮飯.眼見隔離的一名獨身男子order另一款咖喱飯餐,last in first out.我們又趕入場.等了>10min才上第一碟.一睇才發覺是蕃茄奄列!叫侍應跟進,那個女的好像覺得是我們錯似的,猶疑一回才換走!之後還是等,總共等了>20min...一直覺得ucc的價錢偏貴,但總想著好的態度可包容這缺點.可惜並沒有...很失望.我想我以後也 盡量不再選ucc用餐了!

早兩日去食左。好唔好食就後話啦，上菜速度真係好有問題，叫左一個番茄海鮮意大利飯，同埋咖哩海鮮飯，意大利飯十分鐘後就上檯，呢樣OK，但係另一款咖哩海鮮飯就真係可怕，足足等左半個鐘，三催四請都話整緊，咖哩飯喎﹗全世界餐廳的咖哩汁不嬲都係一早整好，淋上去就係啦，唔係真係巴閉到即刻煮嘛﹖味道就一般啦，個意大利飯有唔少都係一團團既，同埋太淋啦，整左半個鐘既咖哩飯就唔得，咖哩汁唔夠熱。唔會再去啦。

星期三晚到青衣接男友收工，發現原來開左UCC！見咁耐冇食，就食下啦~星期三晚全店都冇10枱人..... "豆奶菠菜三文魚意粉" ，注明係用日本黃豆，就試下啦~男友叫左 " 雞扒咖哩飯" + 加$28 跟湯、自助沙律 及 茶一落完 order 湯即到，唔駛咁快呀！跟手比埋沙律碟，同男朋友一齊出去夾沙律，我同佢都胃口不太，只係夾左少少生菜&生果！但係見到隔離個女人個沙律碟........ 有8大個薯仔球lor！！我男朋友仲以為係雪糕tim！！返埋位放底個沙律，主菜就到！嘩！！快成咁呀~~~ 沙律都未食..... "豆奶菠菜三文魚意粉" - 湯好好飲！" 雞扒咖哩飯" - 雞扒唔係炸，係煎，唔太好食味道都平時一樣！OK既~

以前呢度同奧海城一樣~可以話係百無~~~印象最深ge竟然係商場中個間馬會...不過隨Disneyland開幕同埋呢區ge交通網絡成熟起來~青衣城唔同晒~~裝修過晒Taste~板前~UCC~赤丸呢d都進駐埋~~人流又多~~因為星期六的關係~商場極多人~但原來大部份都係青衣ge街坊個個都踢拖拎個銀包就黎.....乜呢區興咁ga咩?沙田都係得一個大商場~屯門都係~~但係都唔會有d咁ge野發生~為免等餐死~6點半就到了UCC cafe~平時都是幫襯開cwb的分店~就看一看新店質素如何~這裡分開了很多個細parts~有Sofa位~有open area~有房~其實到UCC~大多都是點那幾款招牌菜~瞄到本期special menu有豆奶湯意粉~~就即管試一試~而大比就要了個最簡單ge茄汁奄列飯~2個都轉做餐好似加$19~?就有Salad Bar + Soup + Drink唔知青衣d人係咪少食salad bar..個個都重拾Pizza Hut童真~6個人都係叫一個餐~~之後柴娃娃有幾高砌幾高~~個salad bar已經細~得4個人位到~~搞到要企係後面呆等~但個bar又係正路口~會阻到人~~!呢樣係

青衣城條約規定，商舖每2～3年要重新裝修，保持商場活力，捱唔住的，結業。新上場的UCC，從前是美心的little basil，已有一段時間無吃西餐，反正未試過UCC這品牌，一試無仿。日式豉油西餐廳格局，倒有點像電腦遊戲《夢幻西餐廳》味道，水晶燈下掛著一些油畫，看不上眼。午市可加$23轉套餐，跟湯及自助沙律，看沙律吧的「靚仔」樣，大可慳返。同同事分別要了紅酒燴牛尾及鐵板照燒雞扒，等的時候打算到沙律吧拍兩張相，被拒，回座打算影下水晶燈，又被拒，看來UCC都幾怕羞。已備好的紅酒燴牛肉要等上十五分鐘先來，說是紅酒燴，其實是將紅酒汁將牛腱略煮，備用，再放入羅宋湯中，牛腱肉多筋少，以他們做法，自然難以煮得鬆腍，略甜，吃不出有燴過的味兒，羅宋湯配料豐富，喝得出是下過功夫的，當湯品也不錯，可惜與牛腱味道各自成文，說是招牌作，有點欺場。鐵板照燒雞扒，做得好不易，做得差就更難，偏偏就遇著下了肉粉醃過的貨色，是去骨雞髀位，雪藏貨，下了肉粉自然嫩滑，但口感非常失真，醃得夠味，煎後淋上照燒汁，微甜，同事覺得還可以，自己就不介意肉質粗韌一點，但極討厭化學口感。伴碟的蛋是套著鐵圈焗熟的，炸薯不夠熱不夠脆、倒是意粉有

朋友生日, 一班老死唔想去咁遠就決定試試青衣城間UCC可能因為我地一行7人等左好耐好耐差不多有9個字先有位入到去侍應服務不太好還好上菜的速度可以彌補食物方面我叫的是海鮮蛋包飯, 配白汁蛋煎得很香口, 可惜的是沒有蛋味白汁更淡, 幾乎吃不出是白汁來的整個飯的感覺是很不搭調不過裝修真的不錯閒時跟朋友來飲野吹水應該不錯的

在外趕時間去見工，見到呢間以前係我其一至愛既Little Basil變身鋪，尖咀o個間就爆到唔駛恨，不如去呢間試下菜。叫左白汁炸雞咖哩蛋包飯簡單食就算。對於加錢食沙律同埋咖啡，嗯，唔駛Lu。成個飯都係偏淡。白汁我覺得唔Mind，因為濃的話就真係好Heavy，有蘑菇但可以成個汁咁分開，有實材冇入到菇菌既味道；蛋好滑，但飯既咖哩味好淡，如果唔係隻色的話，我會覺得佢完全唔係咖喱處理過；炸雞好滑之餘亦好脆，係油左少少而已。分開食大部份都OK，不過夾埋一齊如同我同公司同事既關係咁：冇咩默契、夾唔到。