UFUFU CAFE (Tower 535)

營業中

休息中

今日去開銅鑼灣出差, 經過Tower 535, 見到有間黎自佐賀嘅Cafe品牌. 於是唔洗諗就入去啦. 餐廳裝修開揚光猛, 一入門口就見到長長吧枱, 原來甜品同咖啡都係由日籍甜品師顧問設計。Lunch Set: 野菜沙律, 粟米湯, 壽喜燒牛肉烏冬, Iced Latte.野菜沙律 - 新鮮爽甜, 作為前菜非常開胃.粟米湯 – 濃濃粟米味帶點Cremy, 入口綿綿.壽喜燒牛肉烏冬 – 牛肉質素極高, 牛肉嫩滑味道香濃, 壽喜燒汁味道香甜. 鹿兒島和牛漢堡蛋包飯 – 呢個蛋包飯非常出色, 雞蛋細緻嫩滑, 蛋味香濃. 鹿兒島和牛漢堡細嫩多汁, 肉香濃郁, 漢堡柔軟酥脆. 配上惹味咖喱汁口感豐富有層次.Iced Latte – 咖啡和牛奶完美融合, 有一種細緻順滑的口感.沖繩雜果梳打 - 沖繩雜果梳打有多種水果香氣, 爽口順滑, 清新怡人, 非常清爽消暑嘅飲品

UFuFu Café 係一間日式既Café，一入門口見到裝修同格調都係令人放鬆既感覺。同朋友二人叫咗一個主食加set，跟餐湯同飲品。忌廉湯味道濃郁，另外再叫左一個薯條魚，咁就可以再食多個甜品。吉列豬扒蛋包飯熱辣辣上枱嘅吉列豬扒好大塊，豬扒已切件，方便食用。豬扒表面炸到金黃色好鬆脆，食落又唔會太油油膩，配埋甜咖哩更好食。店員俾左個四款配料盤，佢話可以用嚟配咖哩，有提子乾、椰絲、福神漬、同炸蔥，感覺好特別。蛋包飯入面包左似係茄汁飯，加埋咖哩汁撈飯或者就咁食都好味。炸魚薯條薯條炸得夠脆，熱度似係即炸，魚塊炸完亦保留到魚既嫩滑肉質口感，仲有三件，份量都算幾多，值得一叫。八女抹茶French Toast 終於嚟到最期待嘅甜品，份量都多，配有香濃既抹茶雪糕，多士中心係熱既，加埋凍嘅忌廉好有冷熱嘅口感，配料都多樣化，有士多啤梨、紅豆、丸子，好食又好睇👍👍

銅鑼灣嘅UFUFU cafe分店，店面環境悠閑好坐，充滿日式居洒屋嘅氣息，餐廳主打日式西餐fusion菜，夜晚仲可以加dinner set，可以跟埋沙律、湯、飲品。前菜係一碟沙律，用咗新鮮嘅蔬菜，配上香濃嘅和風醬汁，開胃又唔會太heavy。鹿兒島和牛漢堡蛋包飯蛋包飯外層係香滑嘅滑雪蛋，包住香噴噴嘅炒飯，上面放咗一塊厚厚嘅鹿兒島和牛漢堡扒，和牛肉質超級嫩滑，入口即溶，口感非常好，配埋蛋包飯簡直係絕配。咖哩汁非常惹味，餐廳仲提供咗配料撈飯食！親子pizza，fusion菜式，用咗日式嘅親子丼做靈感。有雞內同雞蛋做配料，口感非常有層次，pizza底係薄薄脆脆，個味道好香。甜品係抹茶雪糕「天山」抹茶味香濃但唔會太苦，賣相仲好靚添，冰冰涼涼非常解暑。

突然想食甜野，唸起銅鑼灣呢間餐廳有芭菲好高質，所以相隔幾個月要食多次。🍕4 cheese pizza記得之前食過pizza都幾好食，今次就叫左4 cheese pizza。好香芝士味，熱辣辣出爐的pizza係好好食，無得輸。🐔炸鷄要讚下呢個炸鷄，炸粉好薄但鷄肉係勁juicy!好味過好多台式餐廳的炸鷄。🍓🧀草莓芝士芭菲十分推薦呢款。首先有好多草莓，不會酸，最鍾意個牛乳雪糕，同軟滑的忌廉非常達。加上有草莓莓醬同吉士醬，食落不會太甜！好好味♥🍒朱古力黑森林芭菲呢個無以上的芭菲甘突出，不過都好味，裏面有brownie，朱古力Cream同車厘子，成個感覺都好夾。埋單$400性價比好高♥

之前食過荃灣店,冇諗到銅鑼灣店大間又靚好多之外！食物種類都多好多ʕ •ᴥ•ʔ 餐廳主推French Toast & 芭菲! 宜家期間限定係桃祭🍑有2款白桃甜品✨✨而且只有銅鑼灣店叫任意主食可以優惠價追加套餐~Dinner set +$38 可3選2 或 +$48 3款 (soup / drink / salad)是日餐湯👉🏻粟米湯正常好飲有粟米粒🌽✨飲品👉🏻博多甜王草莓梳打&宮崎日向夏柑橘梳打 (+$10)比較特別係有多款水果嘅梳打，而且係根據日本唔同地區嘅水果做嘅梳打，例如長崎琵琶梳打、大分酸橘梳打、鹿兒島柑橘梳打等等！所以味道好 fresh 唔係死甜糖漿味🙂‍↕️鹿兒島黑毛和牛漢堡蛋包飯$168揀左咖喱汁，而且漢堡扒超juicy，咬落口啖啖肉汁, 嫩滑雞蛋蓋上蕃茄炒飯，味道好夾。另外有四款配料（椰絲、提子乾、炸蔥、福神漬）可以隨意加上~ 壽喜燒牛肉烏冬 $128先煮7-8分鐘，開蓋聞到好香嘅牛肉味，配上金菇同大葱等，烏冬彈牙，索哂湯汁超甜！山梨県白桃法式多士 $198本日MVP🌟🌟🌟 雪糕係用日本牛奶製所以奶味超濃😋白桃當造所以好甜！而且量好多~ French toast 煎得剛剛好

牛肉又淋又有牛味食得出食材有質素，個飯都好好食日本米，128個飯覺得好值好飽，想食甜品只好留下次。餐廳唔起眼，又要上樓梯，所以靜啲，如果係街舖或者商場應該好多人。果汁特飲果味不特出，只是甜味氣水。去茶餐廳都八十幾蚊位，我寧願去餐廳坐得舒服又乾淨。現在銅鑼灣樓上餐廳好靜，有質素都難做，希望佢捱得住，或者搬個地方，好食又價錢合理既地方真係不多.

之前去過荃灣嗰間，原來銅鑼灣都開咗。好掛住佢哋嗰啲抹茶雪糕好好食。今次呢就主要食佢嘅八女抹茶法式吐司，順便食埋午飯。我就叫咗個鹿兒島黑毛和牛漢堡蛋包飯，揀咗傳統肉汁唔揀咖喱汁，因為想試吓佢嗰啲漢堡嘅原味。嗰塊漢堡扒真係冇令我失望，好多肉汁，而且仲食到牛肉嘅纖維。蛋包飯就不過不失。跟餐就加多咗沙律餐湯同埋飲品。講返嗰個法式吐司，佢係發包整嘅沾滿蛋漿在煎香。面頭就有好多鮮忌廉同埋抹茶醬，再混合佢碟面嘅紅豆蓉一齊食。而且佢仲有個蜜糖可以倒落去。不過我覺得太甜就唔咁樣做啦。我三年法式吐司旁邊嘅就係抹茶軟雪糕。真係好香濃嘅抹茶味，香港唔係度度都食得到。

日本佐賀專甜品店，餐廳主打日本食物，和風日系設計，木系感餐廳主打旦包飯，咖哩飯，意粉，扒類和薄餅，於晚上來快樂晚餐，佐賀的味道，品嚐和洋的料理旦包飯及甜品，滿滿美味，甜品設計是由日籍甜品師顧問主理帶子明太子意大利面明太子辛辣，感覺很棒，意大利面很彈牙，日式旦包飯咖喱甜而不辣，香味濃郁，旦很嫩滑，香濃蕃茄炒飯，惹味的。新鮮熱熱的咖哩汁，過癮，拉絲芝士亦香濃滿滿誠意的甜品，是主角喔，來吃精緻甜品。牛奶雪糕配巴斯克芝士旦糕，芝士味濃郁，另外配有酸甜之雜莓，甜中有酸味，雪糕滑滑，高分甜品，配上粒粒清甜草莓，完全沒有膩

店名: UFUFU CAFE地址: 銅鑼灣謝斐道535號Tower 535 1樓101-102號舖銅鑼灣站D4出口，行2分鐘環境: 4.5/5價錢: 4/5味道: 4.5/5Ufufu cafe來自佐賀，主打日式cafe，成日見佢哋蛋包飯好吸引，今次同朋友lunch黎試下🙈😚鹿兒島和牛漢堡蛋包飯❤️❤️❤️❤️❤️$168揀左咖喱汁，漢堡扒超juicy，咬落口啖啖肉汁😍和牛味香，加上甜甜地嘅咖哩🍛，半熟嘅蛋同炒飯，必食😍+$28揀左是日餐湯同飲品，蘑菇湯奶香順滑🍄‍🟫，熱蜂蜜紅棗茶微甜，十分養生🙈壽喜燒牛肉烏冬❤️❤️❤️❤️$128先煮7-8分鐘，開蓋聞到好香嘅牛肉味，配上金菇 大葱等配料，烏冬彈牙，索哂湯汁超甜🤩+$28呢個揀左餐湯同沙律🥗，沙律加上醬汁清爽😚蕨餅❤️❤️❤️❤️$48日式甜品點少得蕨餅🤩入口軟糯，沾上黃豆粉，再倒上黑蜜更美味😝

I recently visited Ufufu Café in Causeway Bay 🤍. I ordered the Grilled Wagyu Burger Steak with Oroshi Sauce, the Strawberry Parfait for dessert 🍓, and a Rose Lemon Tea to drink 🫖.The grilled wagyu burger steak was a standout. The patty was juicy and well-seasoned, with the rich flavour of wagyu beef coming through beautifully 🍽️. The oroshi sauce added a nice tangy element, complementing the savoury meat perfectly. The dish was well-prepared and satisfying 🫶🏻.For dessert, I had the strawberry par

日本過港龍❗️超好食抹茶法式多士🔹喜歡請like & follow🫶🏻對我來講是很重要的支持🔹來自佐賀的Cafe品牌 UFUFU CAFE主打和洋料理，包括招牌咖喱蛋包飯而個人最喜歡他的甜品！有多款French Toast & Parfait 可選擇今次叫了八女抹茶多士真的好好食啊！① 八女抹茶多士 $138一上枱，不禁WOW了出來！賣相超靚，有鮮花點綴，非常打卡able三大件法式厚身多士表面淋滿香滑忌廉、蜜紅豆、抹茶醬、白玉、水果🍓多士烤到外脆內鬆軟，口感潤滑綿密配上甘濃的抹茶雪糕，冷熱交織好好食!② 吉列千層豬柳炸蝦蛋包飯（咖喱汁）$148千層豬柳及炸蝦炸得層次分明，外皮酥脆千層豬柳幾特別，是一層層的薄片豬柳肉炒滑蛋包住番茄炒飯🍅炒飯潤滑得來有咬口另有四款配料（椰絲、提子乾、炸蔥、福神漬）可以自己添加③ 壽喜燒牛肉烏冬 $128牛肉嫩滑，不肥有牛肉香烏冬滑溜彈牙吸收了壽喜燒汁甜甜的味道📍UFUFU CAFE (Tower 535) 銅鑼灣謝斐道535號Tower 535 1樓101-102號舖

今日去咗銅鑼灣，嚟到呢間食日式料理為主嘅UFUFU Cafe!呢度環境好舒服，梳化位置都幾多，同朋友嚟一路傾偈一路享受美食啱晒～我哋嗌咗兩個主食一個甜品，lunch set有優惠，每份+$38可以有餐湯+沙律+飲品蛋包飯個蛋幾大份量，好嫩滑，茄汁飯炒得幾好，壽喜燒甜甜地，牛肉幾嫩，甜品好足料！比預期中大份，有牛奶雪葩、巴斯克蛋糕、好多士多啤梨、藍莓醬、穀物碎等等，用吉士醬同穀物碎鋪底，上面有一層薄薄嘅忌廉，鋪滿一層草莓，再有cream同藍莓醬，好味！

答謝朋友工作試幫忙，約朋友一起來享用日式料理，朋友愛打卡店內日式料理味道不錯，旦包飯，咖哩飯，意粉，烏冬，扒類，亦有供應，也有套餐選擇。咖啡店子咖啡香濃，香濃中帶甘味，咖啡豆非常不錯鹿兒島旦包飯精緻擺拼，咖喱濃郁、新鮮滑旦包住熱騰騰的飯，咖喱醬汁， 是最佳選擇！隱隱中感受到西式的味道，香濃之嫩滑炒旦，回味至今士多啤梨雪糕芭菲人氣芭菲甜品登陸，朋友最喜歡吃呢，朋友介紹芭菲由日藉甜品師顧問設計，草莓甜品打卡度，非常多材料，香甜之日本草莓， 豐盛喔!炸魚薯條炸到可口又嫩香之魚柳，非常棒。薯條脆卜卜，十分香脆，配上沙律醬更加可口，出色滿滿

我跟朋友晚上去了銅鑼灣的Ufufu吃晚餐。餐廳長這樣。 檯面長這樣。 menu有圖有真相 我們點了兩個晚餐套餐，其中包括了鹿兒島和牛頸肉蛋包飯以及卡邦尼意粉。鹿兒島和牛頸肉蛋包飯 我選了咖哩汁。咖哩的味道甜甜的，對於不喜辣的人來說很適合。而牛頸肉非常嫩滑，入口即溶！份量也很足夠。卡邦尼意粉意粉跟鴨胸肉的份量很多。鴨胸肉與意粉的結合非常出色！！鴨胸肉肥瘦適中，口感豐富，加上意粉的鮮味，很配！！忌廉粟米湯非常creamy，濃郁的粟米味道令人回味無窮。凍咖啡可以根據個人口味添加糖和奶。咖啡味不會過濃，用來配主食非常不錯。凍朱古力咖啡ufufu炸雞與其他餐廳的炸雞不同，這裡的炸雞外皮不會過於炸脆，也不會太厚，相對來說比較健康，油膩感也不強。炸雞本身肉質鮮嫩多汁，非常美味。

UFuFu cafe銅鑼灣Tower 535 1/F放假去咗銅鑼灣嘆返個午餐再shopping睇吓menu 食咩先午市套餐有是日沙律同餐飲檸檬茶沙律健康清新醒胃。吉列豬扒咖哩飯吉列豬扒好大塊切開埋方便食。吉列炸得好鬆脆豬扒肉質鮮嫩。食落有口感。咖哩汁好惹味撈飯食好開胃。照燒雞肉和風汁意粉意粉份量夠，雞肉啖啖肉，和風汁香甜適中。配上紫菜碎更有層次感。餐廳啲甜品非常吸引。決定叫個甜品食八女抹茶多士其實仲配埋雪糕。有紅豆士多啤梨。一啖雪糕再配一啖多士。真係消暑佳品