Ulyssa by Aldou (已結業)

返輪班嘅好處就係可以唔使同人逼，喺平日都可以悠閒地食番餐好既~今日同朋友行完d2，就決定去附近嘅工廈食返餐靚靚午餐~Ulyssa by Aldou餐廳內部環境簡潔優雅~可能因為我哋行完街過黎已經過咗食飯時間~餐廳入面唔算太多人~好好彩唔使點等位就可以即刻入去~個午市套餐總共有九款咁多畀我哋揀~花多眼亂而且有選擇困難症嘅我哋最尾決定食海鮮番茄醬意大利飯同煎焗鮮加州鱸魚扒八爪魚配柚子醋汁!!~個蘑菇湯好飲! 食得出係有落足料落去煮! 個薄餅都幾好食!個加洲鱸魚扒不得了!超級好食!!好juicy!好有魚味! 個魚皮又煎得好脆口但又唔會過火!! 好鐘意佢個薯蓉，上碟好靚又好好食!薯蓉打得好細滑~!非常大推! 個八爪魚好大粒!又夠厚身!個海鮮番茄醬意大利飯既海鮮好足料!有青口有花枝同蜆~仲要每類黎兩份~!個意大利飯又好有咬口! 唔會煮到過軟!!餐飲點左四季青鐵觀音~清清淡淡幾幫到消化哈哈~!餐廳好寧靜好方便同朋友傾計，職員好有禮，反應又快，下次再黎荔枝角實會ENCORE!!!

朋友難得有長假，而我又終於回港。我們當然不會放過約見面的機會！ 我們見這間的環境不錯，距離地鐵都近，所以就選了這間。位置於工廈的二樓，工廠𨋢超舊和超慢的。一入到來個感覺完全不同了。完全不像是工廈裡的地方。格調舒適寫意。是一個好適合坐低傾心事的好地方。我們點了煎焗鮮加州鱸魚扒八爪魚和海鮮番茄醬意大利飯。套餐可以揀沙律或者餐湯。我們都選擇了餐湯。個人很喜歡加了奶的部分，令到味道清新又甜滑一點。主菜的擺盤都非常有水準，格調高尚而且色彩斑斕。個意大利飯味道偏濃。海鮮熟得剛剛好。我最愛的是鱸魚排。魚皮的部分酥脆，肉質嫩滑易入口。連薯菜的部分都做得很好！醋不酸，反而巧妙地令薯菜更開胃。蔬菜粒又焗得香。我和朋友都很愛這道主菜！餐飲有茶和汽水供選擇。我選了玫瑰黃金桂。之後可以再添加熱水翻沖，所以都算唔錯。

這日天色昏暗，我又不願整日待在家中百無聊賴。見朋友不時自己到咖啡店坐坐，最後按捺不住自己外出走逛的心。這間在工廈的咖啡店地理位置方便，但我大概 14:00 才到餐廳，人流自然地比午膳和晚餐時段少許多。室內設計風格簡約休閒，以木製擺設裝飾，冷暖色調之中取了平衡。午市套餐前菜可選沙律或是日餐湯。大蒜忌廉湯的質地稀稠適中但不失其獨特的味道。蒜味比想像中沒很濃烈，或許忌廉裡帶點酸味中和。另外的皮塔餅蘸油醋醬吃，感覺平實清新。主菜我試了全日早餐 All Day Breakfast。眼見配菜種類繁多，包括有馬鈴薯、燒蕃茄、香草豬肉腸、煙三文魚、炒蛋、烘包、鮮果沙律等共十款。眾多選擇較有驚喜為烤蘑菇和香腸。沒有其他調味的烤蘑菇味道很突出，既多汁又軟身。德式香腸味道偏甜，和一般吃到鹹鹹的截然不同。切香腸時感覺不會很韌，吃到最後還能保持多而不膩的肉汁。炒蛋質尚算滑溜，蛋味有但不濃，也許牛奶比例較多，但至少不腥不油。燒蕃茄在半熟的狀態下偏酸，內裡濕潤。烘包具輕輕的蒜蓉番茜味，剛吃的時候仍是稍脆內軟，後來被底下的燒蕃茄弄濕了，建議先開始吃。煙三文魚鹹淡適中，質感尚滑。焗馬鈴薯粒香脆甜味可口，唯調味不均而某部

其實經營一間餐廳🍴唔係一件易事⋯⋯又要保持食物質素，裝飾環境都非常重要！但係我個人覺得服務質素都好重要！有時去到一間餐廳所有都非常有質素！唯獨是服務就最難維持！但係呢間餐廳就做得到啦⋯⋯無論食物質素丶環境丶服務都滿分💯仲有呢間良心餐廳推行左共享空間添😍👍抵讚🍽🍽Ulyssa by Aldou🍽🍽我哋選擇咗二人超值套餐😋特價$528頭盤已經非常出色鵝肝刈包🌮非常甘香無比👍👍仲有煙三文魚魚蝦⋯⋯都非常鮮美而且超大份，松露凍蜆丶水牛芝士車厘茄丶仲有大量嘅新鮮生果😬最出色就係菠蘿🍍超鮮甜！啱啱喺門口見到佢有大量新鮮水果喺門口所以呢一間係用新鮮嘅水果製成嘅餐單😏非常合我心意💯餐湯係番茄忌廉湯湯頭非常濃郁帶少少酸甜味配上熱辣辣嘅餐包😋附上油醋汁慢煮美國豬鞍架配菠蘿莎莎分量超大而且配上菠蘿🍍莎莎，鹹中帶點先甜味道⋯⋯嗰個菠蘿莎莎真係好好味！仲有大量嘅蔬菜🈶鮮甜嘅紅蘿蔔仔和椰菜仔添仲有甜品放題意式奶凍奶🍮味超香濃超滑！法式焦糖燉蛋都好香好滑🥚蛋味十足😋其實佢有好多款甜品放題！但係因為實在太飽！未能盡試下次啦⋯⋯大家咪做大嘥鬼喎😏😏其實一間好嘅餐廳無倫千山萬水都會受歡迎

已經落雨落咗幾日！忍住唔出街！但係寂寞難耐😝甘啱有朋友話有一間餐廳非常有情調！價錢又唔貴！而且食物質素非常高🙆‍♀️仲有甜品放題添😍位於荔枝角長沙灣億利工業中心2樓🍴🍴Ulyssa by Aldou🍴🍴雖然係工業大廈裏，但係餐廳佈置歐陸情懷！空間感非常大，入到去好舒服！真係另一番滋味⋯⋯每台有小蠟燭🕯️非常有情調浪漫🌹！晚市招牌二人套餐🤩原價$598👉特價$528👉👉👉再送兩位甜品🍮放題招牌拼盤鵝肝刈包丶松露凍蜆丶煙三文魚蝦丶迷你水牛芝士車厘茄丶時令水果丶仲有沙律菜添🙆‍♀️😗鵝肝先煎香➕秘製嘅醬汁好食到不得了⋯⋯鵝肝甘香無比，我相信佢嘅醬汁係加咗水果！所以一啲都唔油膩！煙三文魚好此一個小碗仔！包住新鮮彈牙嘅蝦肉🍤配上特製嘅黑椒沙律醬！真係非常出色！而且仲係有點冰凍！超清爽！仲有大量嘅新鮮生果！菠蘿🍍非常鮮甜多汁！有西柚和藍莓添🤩清新⋯⋯仲有松露凍蜆😋又有松露味道😏蜆肉都好新鮮yummy燒虎蝦龍蝦汁意粉大大隻虎蝦🍤🍤有兩隻！意粉恰到好處非常彈牙，配上龍蝦汁惹味十足😬甜品放題🍮🍮每次可選四款然後可添加芒果拿破崙丶意式奶凍🍮🌹🍮🌹必食實在份量太多⋯⋯未能全部甜品都試晒😬😬留返下次再去吧⋯⋯

這間鋪頭係同事收到傳單，而見到午餐時段可以加錢任食甜品，覺得好新鮮所以就同朋友一試Ulyssa Aldou;和最好就係OpenRice可以book位。我們叫了2set 午餐，主菜分別 ：煎鱸魚帶子配薯蓉和蕃茄海鮮焗意大利飯，2個主菜都好好味👍🏻，但唯一缺點係焗飯要等大約半個鐘先到（而店員沒有order前提醒），而每個主菜都跟一個餐湯同埋一杯餐飲，餐湯係番茄湯味道濃郁好味，還會跟一塊烤餅可以跟黑醋一齊食😋，飲品叫咗個玫瑰肉桂花茶，可能因水唔夠滾所以冇乜花茶味；甜品方便，因加了$38甜品任食，分別叫了，法式焦糖燉蛋（焦糖唔夠焦和唔夠蛋味）朱古力蛋糕（朱古力太甜，而口咁都麻麻）所以不值得試；覆盆苺蛋白撻（唔會太甜有少少酸開胃好味👍🏻）和Tiramisu👍🏻👍🏻

荔枝角有好多美食，部份餐廳係工廠區入面，唔好睇小呢啲餐廳，其中有一啲餐廳非常好食，而且價錢合理，好值得去一次。一入到餐廳，環境好舒服，裝修好簡約，環境亦都好清靜，服務員好有禮貌亦都好細心，逐一介紹餐牌上嘅食物，非常滿意。蘑菇湯呢個蘑菇湯冇得頂，就咁睇個樣已經有好多蘑菇粒，一入口非常之滑，亦都好香蘑菇味，非常有口感，因為有粒粒蘑菇係入面。香芹新鮮蜆大蜆非常之新鮮，好鮮甜，陣陣香芹味，非常香蕃茄肉醬長通粉肉醬鋪滿長通粉，蕃茄味好香濃，加上芝士碎，加強肉醬嘅香味，芝士加肉醬都非常配合，呢個長通粉非常好食。玫瑰桂花茶玫瑰花茶好香，玫瑰同桂花味比例啱啱好，極度喜歡，為呢一餐晚飯畫上完美的句號估唔到係工廠區入邊嘅餐廳都有咁高嘅質素，價錢亦都非常相宜，絕對一定要去食。

放假唔想同人迫餐慒，所以決定不在大商場進餐，改係工廠大廈度食就更加舒服。上到黎人就唔算多，鋪頭店員招呼唔錯。先黎餐湯，係忌廉蘑菇湯，味道濃郁，蘑菇味突出，口感又夠滑。仲有麵包微暖又軟淋淋，係有質素前菜。蒜蓉煮蜆，用上牛油令口感更滑，蜆肉新鮮又多肉，蒜蓉味除腥，蜆肉食落更覺又甜又肥美，確係唔錯。跟手係蕃茄煮肉醬長通粉，蕃茄味道突出，鍾意蕃茄朋友不能錯過，肉醬同蕃茄味道好夾，用於長通粉就更匹配，長通粉夠爽。最後係香草燒春雞，燒得非常香口，雞皮薄而充滿香草味，雞油將雞汁帶埋落雞肉度，而且雞肉食落皮香肉滑，用既係春雞所以雞質爽嫩，係最適合進食既時機。仲有杯水果茶，茶香但不會將水果香覆蓋，芒果蓉仲係杯底添，夠晒用心。

在荔枝角返工巳經一個月，難得今晚老婆仔接我放工，當然要揾個好地方食餐晚飯，本以為荔枝角區只係工業大廈同茶餐廳居多，但原來各大工廈內是隠藏著不同的餐廳美食，而且種類繁多，而我們就選擇了一間西餐廳，一推門入去見到環境都幾浪漫下，侍應馬上上前招呼我們，餐牌內的食物選擇也十分多，我們當然點了幾款廚師之選頭菜：香煎北海道帶子配普羅旺斯燉菜，炸茄子，北海道帶子肉厚鮮美，燉菜味道清新十足，炸茄子也十分脆。然後到卡邦尼意粉，卡邦尼汁味道濃郁，意粉彈牙，軟硬適中，調較得好好👍👍最後一道菜是低溫慢煮美國穀飼豬鞍架配菠蘿沙沙，豬鞍肉質相當入味，慢煮溫度控制得好好而且份量多，配上菠蘿沙沙，味道酸酸甜甜十分開胃呢😋下次一定會再來👍👍👍

與朋友週末的相聚，想避開繁忙的旺區，想食一些平日少吃的西餐, 不想如上班一般舟車勞頓，於是選了荔枝角區的樓上 cafe。入到餐廳，感受到天然光從一列窗照射入內，令人感覺開懷。餐廳不算寬敞，但也有充夠空間讓我和友人舒適地傾談，不受其他人的聲音騷擾。午市套餐的選擇不少，我點了蕃茄忌廉湯和香煎帶子鱸魚配薯蓉，友人點了蔬菜沙律，巴哈馬火腿雜菌炒意大利麵，芝士蛋糕。在上餐湯和沙律時同時送上兩小件彼得包, 簡簡單單，用來配我的蕃茄忌廉湯是不錯的，湯不酸亦不稠，味道不錯。隨後便上主菜，兩份主菜的外觀吸引，賣相已令你胃口大增。鱸魚的皮煎得金黃，但肉質嫩滑，薯蓉夠幼滑，中間還有些雜菜如彩椒，粟米仔，一齊放入口中，提升了薯蓉的味道和口感。吃過主菜和甜品，我和友人歎著餐飲在這裡傾談到下午三時許餐廳休息時間到才離開，悠閒地享受了一頓美味西餐。

今日同幾位同事相聚，一放lunch 揾位易，近於荔枝角工廈的周圍，呢間相對寬敞坐得舒適，一個餐相對係經濟，有歺湯包，沙律和飲品竹炭和牛漢堡扒配薯角呢個漢堡的size 係成個拳頭，一層芝士夾著一層青瓜，一塊厚和牛，和牛的厚度非常厚，肉質鬆軟，入口即溶的口感，非常juice.漢堡包的特式在於handmade, 竹炭的特別在於麵包鬆軟，健康又好食飲品有凍芒果菠蘿茶這杯特飲清涼酸甜口感果茶係吾同D，係夏日解渴之選，

今日同女朋友黎到長沙灣搵食，朋友介紹呢間樓上cafe。環境簡潔，完全唔逼，好舒服。內在不算大，員工完全足夠，只要一舉手就一定有人見到。同埋員工服務態度一流menu有好多款式，不過見個2人餐好似最抵，就決定試試佢佢仲包埋個甜品放題鍾意甜食既一定岩晒頭盤黎喇就咁睇好似平平無奇，不過!!佢每一樣野食都勁有心思心機鵝肝刈包，鵝肝味道一流，同埋估唔到咁夾刈包松露凍蜆，未食過咁濃松露咪既食物，完全足料煙三文魚蝦，係用三文魚包住一座蝦山食落去成口海鮮。呢3樣真係無得輸是日餐湯，好濃好香奶油味主菜簡左虎蝦龍蝦汁意粉。勁大隻蝦，啖啖肉意粉味道適中，好味澳洲西冷。好厚好厚肉，同把刀一樣咁厚岩晒我呢d食肉獸。最後呢個甜品放題，我地兩個只係叫左4樣因為真係太飽，食唔到咁多，最試晒佢d甜品唯有等下次了

今日同朋友去荔枝角工業中心覓食， 果真是臥虎藏龍 ！我們揀了口諀很好既 Ulyssa by Aldou。餐廳裝潢漂亮，略帶d 文青味，睇得出花了很多心思，給人非常舒適自在既感覺！每張枱都點了小蠟台，再配襯埋柔和既燈光，和悅耳浪漫歌曲，好romantic 喔！Appetizer - 我地 order 左 「 香煎北海道帶子配普羅旺斯燉菜，炸茄子 」$148。個人非常推薦！頂層是肥大肉厚既帶子，好新鮮，兩面煎至微焦帶香，煎封帶子既鮮味，口感非常彈牙！帶子之下係燉菜，色彩繽紛，味道略帶酸甜，層次非常豐富！最底層係炸茄子，但一d 都唔熱氣，茄子只係略炸至茄子皮稍脆，增加口感！整道菜都非常出色！！Main Course - 「 低溫慢煮美國穀飼豬鞍架配菠蘿沙沙 」 $208。大熱既低溫慢煮，非常健康，肉質非常腍！油脂適中，配埋十分鮮甜既菠蘿沙沙，異常地夾，正！！無論係餐廳既佈置、食物既水準，定係服務既質素，都完全感受到餐廳既誠意，非常用心既烹調！值得推介！

D2令荔枝角多左個好去處，同時亦都令我識左多d唔同既餐廳。同朋友去完D2行街之外，就去左佢介紹既Ulyssa，呢間餐廳係工業大廈入面。本身我都幾抗拒，因為覺得大廈都唔會有咩好食架啦。點知，我錯了！Ulysse真係會成為我去荔枝角既食堂。---入到黎餐廳就會有一種好寫意既感覺，餐廳簡潔有詩意。👸🏻鐘意佢簡約風格的裝潢，簡單又舒服！環境寧靜，配以風扇輕吹，令牆上的紙飾輕輕漂浮。好寫意。---我們點了兩人套餐（$528加一），分別有頭盤、意大利麵同主菜。而且仲包埋甜品放題。😍 ---✨重點推薦✨ 頭盤：頭盤有鵝肝刈包、松露凍蜆、煙三文魚蝦、迷你水牛芝士車厘茄、水果及餐湯。鵝肝香濃配以微甜鬆軟的刈包；松露既香氣配上凍蜆；煙三文魚包裹著爽口鮮蝦；仲有乾身的水牛芝士配車厘茄。每樣用料新鮮不在話下，食物間的配搭令兩者相輔相成，頭盤真係非常有驚喜！---燒虎蝦龍蝦汁意粉：虎蝦幾大隻同好新鮮，而且爽口。經燒過既虎蝦混有燒烤獨有既香氣。龍蝦汁意粉味道亦ok。（👸🏻對於食意粉呢樣野真係麻麻，所有唔係好識形容意粉。🐗鐘意食就隨🐗意吧！）---香煎澳洲西冷配紅酒汁：西冷分量ok，煎到7成剛剛好。西冷外熟內嫩，火

甫一進來，就見到一枝枝蠟燭在餐桌上了，好像歡迎這裡的客人用膳一樣，開在荔枝角這區工廈較多的餐廳竟然在平日有此番景象實在有驚喜！打開餐牌，有不少食物款式選擇，我們最後點了一份二人餐。先介紹頭盆，看似普通沙律，仔細一睇！其實內有乾坤！有鵝肝刈包松露凍蜆煙三文魚蝦迷你水牛芝士車厘茄藍苺西瓜球我最喜歡松露凍蜆！沒想到松露醬和蜆肉的味道如此合拍，很驚喜，值得一試！至於刈包加鵝肝，都是第一次嘗試，但附上藍苺醬就有點兒尷尬了另外，點了份燒虎蝦龍蝦汁意粉和香燒澳洲西冷扒配紅酒汁。雖然前者味道不錯，但後者令人很失望，因為澳洲西冷扒沒有牛肉味，肉質又一般。。。至於甜品是放題形式，我們的肚子實在太少了，只能吃到四款，未能盡錄。