Ulyssa by Aldou (已結業)

荔枝角雖然屬於工業區，但是慢慢有更多的餐廳進駐，今天到了這間吃西餐的餐廳，餐廳位於工厦入面，但是裝修別緻，環境放鬆。我們點了個二人餐，有一個非常豐富的前菜拼盤，包括有鵝肝刈包，松露凍蜆，煙三文魚蝦，水牛芝士車厘茄，和一些不同的蔬菜。以拼盤形式呈上，非常漂亮。其中在中央的煙三文魚蝦非常好吃，鮮味十足，十分推薦。另外值得稱讚的主菜是這個燒虎蝦龍蝦汁意粉，意粉煮得非常彈牙，我不喜歡吃港式軟林林的意粉，而且龍蝦汁濃淡適宜，非常掛麵，整個意粉都非常好吃，加上上面一隻如手掌般大的大虎蝦，燒過之後肉質彈牙，性價比10分高。我們還貪心的加了一個甜品放題，其中的奶凍和意大利芝士杯非常好吃， Tiramisu酒味和咖啡味道非常平衡，芝士軟滑，奶凍配上熱情果子醬，這兩個甜品都是一個完美的作結。

荔枝角工廈區原來都有好多美食，部份餐廳係工廠區入面，同事其中有一啲餐廳非常好食，而且價錢合理，好值得去食下。一入到餐廳，裝修好簡約，環境亦都好清靜，服務員好有禮貌亦都好細心，逐一介紹餐牌上嘅食物，實屬唔錯。香煎北海道帶子配普羅旺斯燉菜炸茄子呢個帶子無得頂，就咁睇個樣已經有好吸引，帶子一入口非常之滑，裡面軟淋淋口感，熟度係剛剛好呀，仲有放係底既炸茄子，口感同帶子形成對比，做法聰明，加上side dish salad 非常新鮮，係開胃之選。香蒜牛肋肉番紅花意大利飯牛肋肉質素唔錯，無乜肥肉，口感佳，牛肉味濃，口感彈牙加上香蒜片就令味道更昇華啦，意大利飯吸收左番紅花同埋牛肉精華後，食落更加覺得入味，而口感保持正宗意大利飯既軟淋淋感覺。烤焗自然養飼春雞配中東米烤春雞調味得宜，充滿香草味道，與自養雞味道相當夾，雞肉嫩滑，係底部既中東米同埋蔬菜就更入味因爲充滿左雞汁。估唔到係工廠區入邊嘅餐廳都有咁高嘅質素，價錢亦都非常大眾化。

位於長沙灣工業大廈二樓的一家隱世café，餐廳有好多乾花，讓人可以拍個不停。裝潢主要以木色系列為主，完全簡約美。食物和音樂也都match。最最令我鐘意的，還是它的環境，這裡的空間，私人感十足！竹炭和牛漢堡配薯，漢堡包夠大不過個包賣相扣分，一口都咬不住，裡面的芝士融化跟和牛搭配在一起一口滿足，有番茄酸酸甜甜非常好吃，和牛很實在口口都是肉，肉汁非常豐富，跟醬料搭配起來剛剛好，還有很多大根的薯角夠熱夠脆，岩哂傾計慢慢食，食完超飽午市都有些選擇，有意粉、意大利飯、漢堡等，百零蚊有餐湯，熱飲。今日餐湯係南瓜湯，好香甜且濃，真材實料嘅口感。四季清鐡觀音飲落去清仲有茶香，可以一試價錢偏中上，不過坐到好耐，環境優美，都值得黎試下既。

價錢不值 好難食 份量少 食薩利亞都好過食佢。環境冇特別 都係工廈。完全唔明價錢貴係邊。成班人食 人均400 好似冇食過野咁 要搵下場繼續。餐牌每樣都差唔多叫齊 冇樣好食。唔好再幫襯！叫咗個炸雞件 得炸粉冇雞肉叫咗個意大利飯好似食緊日本珍珠米叫咗個墨西哥片一啲芝士都冇叫咗個燒春雞，雞肉一般但味道好淡最離譜就係叫咗煎羊架，叫咗五成熟，但係就過熟。成$200兩件細嘅又唔好食卡邦尼意粉汁淡過水 百幾蚊一個人都唔夠食啊 女性朋友都話要食兩碟先夠飽

同朋友去完荔枝角行街，便打算係附近覓食。見到呢間餐廳環境唔錯所以決定試下！雖然係工廠大廈入間，但呢間餐廳裝潢佈置都好有氣氛，好靚。昏黃嘅燈光，別緻的裝飾品同埋植物特別有情調，而且好寧靜。不單止啱情侶，就算係朋友聚會放鬆下都得！今次試左餐湯，係南瓜湯，入口好香濃，不過唔算細滑。餐包比較特別，配上義大利菜常配麵包的黑醋同埋橄欖油，酸酸地幾開胃。我地仲叫左蒜蓉包，好香好脆好好食。餐廳仲配上整個烤蒜，喜歡的朋友可以用烤蒜香黑醋醬配麵包食，別有一番風味！主菜方面叫左個蕃茄長通粉。個人覺得味道有點淡，蕃茄味不夠濃。但中意淡口味的朋友應該會覺得不俗。另外仲叫左燒春雞。雞脾肉有肉汁，而且嫩滑！不過胸肉略嫌乾身。配菜方面有薯條，小蕃茄和甘筍等。甘筍脆身清甜頗好吃。此外亦配上中東米，口感平常的米飯截然不同，有興趣嘅朋友可以一試。最後飲住清爽解膩嘅水果茶聊天，唔錯！

朝早既荔枝角因爲多office所以人來人往相反一到左夜間就比較少人，相比起油尖旺一帶呢到比較寧靜可以慢活一下，晚飯係工廈揾下餐廳見到門口幾靚就入去試試。無諗過工業區既餐廳都有晚市餐廳唔算多人入去燈光帶暗令人有舒適既感覺慢慢享受。同朋友點左一份頭盤同主菜share。青瓜配熟蝦釀煙三文魚包裹外形好吸精一個大既三文魚半球形係眼前上面鋪滿左一片片青瓜簿片，翻開青瓜片同揭開煙三文魚內裏有青瓜粒同蝦肉拌匀既沙律，蝦肉爽脆加上青瓜粒好清新而且煙三文魚比較重味夾住青瓜蝦沙律令咸香味得以中和。法式油封鴨脾外皮好香脆而且脾位油份相對較少所以比較乾身但肉質都保持好嫩滑而且香鴨肉味但又唔會過膻，薯菜做得唔馬虎好細心有細甘荀香甜，粟米微微烤過更香，蕃茄仔燒熟後一咬落口蕃茄汁十分鮮甜。

長沙灣荔枝角一帶係比較少去既地方原本以為呢帶多工廠同商業大廈而食店就較少,原來近似觀塘,好多工廈入面都有好多餐廳,經朋友介紹就到億利大廈到食dinner.餐廳位唔算多走舒適木質簡單風格入到去感覺好放輕鬆店員既步伐又唔會好趕,而且燈光帶柔和每枱有座枱蠟燭點燈.卡邦尼意粉醬汁濃郁中間放上一隻温泉流心蛋拮爆流心蛋再蛋蛋黃同意粉拌匀令意粉蛋味更香更濃,煙肉粒令意粉多左火腿咸香味,而且除左煙肉外仲有2片烘乾又脆口既prama ham沾左意粉既蛋汁食或慢慢用意粉汁浸軟食又得,意粉煮得唔會過淋可以掛上卡邦尼蛋汁好滿足.法式油浸鴨脾配秘製野莓汁鴨脾好大隻而且肥美鴨皮烘得乾脆內裏鴨肉唔會過乾又帶有少少鴨油既脂香食落口啖啖肉,擺盤又好有心思擺得好靚,配菜都唔會馬虎放上各種蔬菜.

係荔枝角嘅工廈有不少的餐廳，今次就黎呢間cafe 試下！餐湯係南瓜湯，入口有好香濃南瓜香味，味道不俗。不過如果可以再creamy d 就更加好！而跟湯嘅就係皮塔餅配 欖油同黑醋。第一次試皮塔餅，味道好香牛油味而且唔會好乾，配上酸酸d黑醋味道不錯。不過我自己比較鐘意蘸餐湯！仲叫左蒜蓉包。十分推薦這款蒜蓉包！上菜時還是熱的，入口香脆可口！好香濃嘅蒜蓉味！而且唔會太油或太乾。主菜方面叫左燒春雞配中東米。雞脾和雞翼部位雞肉滑嫩，肉欣不俗，而且有肉汁！而菜式整體味道不算濃烈，口味偏淡嘅朋友也可一試！而中東米嘅味道酸酸的，比較開胃。另外亦叫了鮮茄長通粉。酸酸甜甜，好香蕃茄味。最後飲品就是水果茶，解膩又解渴！喜歡食甜品嘅朋友可以試下個甜品放題，星期一至四先38蚊，好似幾抵！不過今次太飽就冇試到

約朋友lunch， 佢話想試下哩間，佢想試好耐，所以就係openrice book 位啦餐廳係工商廈入面，都算易搵。餐廳環境清潔光明，簡潔。但座位就無咩私人空間，同隔離枱好近，有啲似以前中學返學啲坐法。員工都好友善，但上菜速度真的太慢。。。我叫左burger, 上菜最快，全餐廳所有burger都係上左先，好有趣。burger 有大片姑，煙肉，蛋。賣相吸引，食落有啲乾, 煙肉有overcook。薯條好食但個花茶有啲失望。。只是茶包。朋友叫左豬扒，佢都表示有啲overcook, 乾身左啲啲。值得一試嘅餐廳

荔枝角最好行就係D2 place, 但商場好似無咩特別好食，所以係附近搵到呢間西餐廳，好似評價唔錯呢。環境真係好優雅，掛左D燈飾，好有氣氛第一時間就見到呢個香芹白胡椒牛油煮蜆，通常都用清酒做底，但呢個牛油底真係好香濃，而且D蜆都夠大隻，用白胡椒比起黑胡椒更適合，因為唔會搶走大蜆嘅鮮味，非常唔錯，同埋其實只要D蜆夠新鮮，根本湯底係咩都無所謂。第二碟嗌左saffron risotto，牛柳粒意大利飯，上面有唔少煎得好香嘅蒜片，同牛似嘅濃郁味道互相衝擊，同埋飯粒軟硬適中，配搭出色。豬鞍架 pork rack係大食男友想食的，肉質不會過熟，嫩滑之餘仍然保留爽口質感，配菠蘿粒解膩十分好。

收工約左fd食飯，就唻左荔枝角食ulyssa，之前已經唻過呢間工業大廈，好近地鐵站好方便。環境唔錯，暗暗地掛左吊燈好有feel，同埋幾靜，想同fd靜靜地傾下計幾好。首先上既係parma ham&melon，d沙律菜同水果好fresh！唔會苦。個火腿唔會太薄或太厚，同埋哈蜜瓜切左細細個球形好QQ🤤成個配搭好夾。卡邦那意粉個芝士係好濃同結果隻，食左幾啖就已經開始飽。羊架係我最期待既dish🤤叫左七成熟，都係擺得好令哈哈（呢間cafe擺碟既心思不得不讚），又食唔到腥味，good!Tiramisu，好似有d酒味（？）同埋讚下service，d侍應好nice好attentive，唔會要等好耐。幾滿意今次dinner:-)

琴晚放左工之後就近近地約左friend黎荔枝角工廈嘅樓上餐廳食晚飯，因為太耐冇見個朋友，所以諗住揀間環境好d嘅食。果然不負所望，Ulyssa唔單止環境浪漫，而且食物質素唔錯，侍應都好有禮貌。餐廳佈展得好有心機，好文青，相信朝早黎會有另一番風味。夜晚係走浪漫風。最入面有張大檯，可以坐到八個人。前菜我地叫左Parma Ham and Melon。Parma ham係我永遠最愛嘅前菜😍。配上用黑醋點綴嘅羽衣甘藍沙拉同埋密瓜，口感好清新。主菜方面，我中意Carbonara配流心蛋呢重日式意大利菜嘅配搭。另外，碟上面嘅裝飾係廚師親手畫，好有心機。重頭戲係Lamb rack。我地order左七成熟，肉質鮮嫩。配菜薯角、四季豆都整得好有心思！最後，帶酒味嘅tiramisu畫上完美句號。

我同BB周圍搵食搵到荔枝角。今次睇Openrice食評搵到呢間樓上餐廳 ，咁咪用下個book 枱功能~一鍵完成勁方便~而家嘅工廈餐廳愈來愈靚裝 ，唔睇景基本上同高級餐廳都差不多。我同bb叫左2個set lunch,本來想叫甜品放題，點知我想試嘅3個款都冇貨，咁算啦~下次啦~一上來侍應已經在每張檯都預先準備左水同麵包醋，bb就覺得唔太衛生，覺得會有塵飛入去。湯味比較淡，但麵包是暖的。沙律都冇乜特別。主菜叫左海鮮意大利飯，調味幾好食，有3~4款海鮮每樣2隻，夠我同bb分。bb叫左豬胺肉，都幾厚，但唔係全塊都多汁，有d位比較硬，但配菜都有調味，可見廚師都有花心思。我特別加錢order用維他奶新出嘅荳奶沖咖啡，味道似脫脂奶，沒有平奶平時果種怪味。

同朋友嚟到呢間西餐廳慶祝生日，一入到黎，環境非常靚， 十分有格調，今晚唔算多人，所以喺度慢慢坐傾計，好正！叫咗個香芹牛油蜆，一上碟，就比佢啲蜆嘅大小吸引左，好大隻呀！食落啲蜆鮮甜，又有少少牛油味，唔錯！跟住就係帶子墨魚汁意大利飯，帶子亦都係好大隻，配埋個墨汁意大利飯，味道好夾肉類叫左榖飼豬配菠蘿沙沙，有d雜菜同埋薯角伴碟，菠蘿沙沙令成碟餸既感覺唔會太滯，味道仲好清新黎到女仔最鍾意既甜品放題，價錢真係超級抵，甜品亦都有好多款選擇！我地試左芒果拿破崙，芝士蛋糕，焦糖燉蛋，意式奶凍，同埋tiramisu芒果拿破崙最好食，十分脆，配埋酸甜芒果肉同埋吉士，十分唔錯試左咁多款甜品已經好飽，唔能夠挑戰試曬全部甜品不過食埋個甜品放題真係好滿足，係一餐完滿既生日飯！

去開荔枝角行街，行行吓就想搵嘢食，之後就比我發現到呢間位於工厦嘅餐廳~佢係Aldou旗下嘅，之前食佢其他餐廳都好有水準，所以就入去試吓啦。前菜方面叫左個自製蒜蓉包，好新鮮下，仲有配埋原粒黑蒜可以撈埋麵包一齊食，好特別。主菜就叫左個溫泉蛋卡邦尼意粉，就咁carbonara 已經好正啦，撈埋個溫泉蛋就仲正仲creamy另外就叫咗個豬𩣑架，呢個幾特別，因為出邊好少見，佢啖啖肉冇骨嘅加埋個用類似芒果做嘅汁，感覺好新鮮好fresh最後仲叫咗杯沙冰，本來諗住叫芒果，點知冇晒貨所以就揀咗個菠蘿椰子沙冰個感覺好夏天，都係非常之fresh。總括來講呢度靜靜地好適合情侶，朋友嚟呢到傾吓計享受一下寧靜嘅時光