Up a Notch Homemade Pasta & Pizza

營業中

休息中

旺角又有一間新餐廳，裝修非常時尚，放滿Bearbrick，而且座位闊落，樓底極高，空間感十足，同朋友傾偈食飯環境好舒服。而夜晚到咗9:30左右，餐廳會校暗燈光，換上一啲有情調嘅枱燈，令到個氣氛更加有情調同浪漫💕香蒜辣蝦（$108）蝦的數量都幾多，口感幾彈牙，蒜味都很突出，值得一試。牛油果蟹肉塔（$138）哩道菜我最鍾意，牛油果配上蟹肉在口中的完美融合，而且啖啖肉，夠曬份量。馬拉盞紋甲魷魚手工幼麵（$138）：呢個意粉嘅重點在於麵條夠嚼勁，係手工意粉。而馬拉盞醬汁的味道非常獨特，帶有一點辣味，食落都幾惹味。瑪嘉烈特薄餅（$138）餅底夠酥脆又不會太硬，芝士味夠濃郁，非常推薦pizza系列慢煮和牛牛面肉 (8oz) ($298)慢煮的和牛牛面肉非常嫩，入口即化，肉質也非常鮮美。配上牛肉湯汁 正😄

餐廳地址exactly係桔梗舊址大家應該諗到有幾大🤣店舖分兩邊主題區一邊是休閑風花花另一邊是型格冷系bearbrick區🐻打卡位周圍都係📸👱🏻‍♀️水牛城雞翼 $78 🐤上枱出哂煙好有誠意醬汁調味岩岩好🥰夠酸我好喜蒜片辣椒炒蝦球 $108 🍤份量好足👍🏻隻隻蝦球都新鮮彈牙好惹味食到唔停口😋牛油果蟹肉沙律塔 $ 138 🥑佢嘅牛油果比平時食開嘅切得大粒d滿足嘅感覺係x2😚好清新嘅頭盤Pizza margherita $138 🍕Pizza批邊香脆熱辣辣芝士半溶呈拉絲狀態☺️好味道~香煎北海道帶子蒜片辣椒意大利麵 $158 🌶️帶子好大粒好好食🤪意粉偏硬我好鐘意慢煮安格斯和牛面頰肉(10oz) $298🥩重點推介！💓一上枱已聞到好香🤤面頰肉真心無得輸肉味超級香濃肉質又好軟☺️好好食！

🎯呢排頻頻同忌廉妹食飯，因為大家都夾到時間，又鍾意食西餐，所以成為咗熊妹覓食新夥伴。而今次就嚟到位於‪旺角砵蘭街‬新開嘅餐廳《Up a Notch》食熊妹同忌廉妹最愛嘅西餐薄餅意粉啦。📍餐廳環境好大，好寬敞，因為有半邊有兩層，變成另一邊樓底好高，感覺好開揚，講嘢都唔會有回音。🎤📍開放式廚房，可以睇到廚師用心製作。幽暗嘅燈光，晚餐時分嚟食真係另有格調。另外仲有一個bearbrick corner，擺放咗30隻巨型bearbrick，好似去咗展覽館咁。🐻📍忌廉妹放工後當然好肚餓喇，話一隻牛都食得晒。事不宜遲，即係要嗌嘢食啦。牛油果蟹肉沙律塔，$138📍熊妹同忌廉妹都係牛油果愛好者，即刻點呢個沙律塔開吓胃先啦。📌沙律塔大概有兩層牛油果🥑，牛油果熟到剛剛好非常軟淋，又未至於去到壞嘅質地變酸，面頭一邊有一堆蟹肉絲，同淡淡牛油果撈埋一齊食，更加調出蟹肉嘅鮮味，一擔擔牛油果擺入口，對於牛油果愛好者嚟講，感覺真係好幸福。💕水牛城雞翼， $68📍食完沙律就梗係食啲小食，疊下個肚先啦。📌唔好睇佢一兜仔雞翼，份量都唔少㗎，入邊起碼有10幾隻，係單骨雞翼嚟嘅。單骨雞翼嘅好處就係一啖擺入口，咬完啲肉然之後完整一

餐廳裝修滿滿嘅玩味，睇得出佢裝修充滿心機。現場所見，除左一幅震撼嘅bearbrick🐨牆之外。仲有一個兩層樓高嘅巨型MON。而且有成枱嘅沖涼鴨仔🐥可以拎去玩。地方亦都夠闊落。現場所見好多小朋友係到放電🔋🔋。絕對岩晒開party同家庭聚餐👨‍👩‍👧‍👦。是日餐湯🥣係黑松露忌廉湯🥣，味道濃郁既松露香完全滲入湯入面。牛油果蟹肉沙律塔🥑🥗，鮮甜蟹肉夾着厚切牛油果，色彩繽紛，蔬菜🥬同蟹柳嘅味道，清新怡人。黑松露薯條🍟 薯條粗幼度適中，薯仔味道好香😋，香脆度適中，不會脆到過硬。Four cheese pizza🍕，用上四種芝士去製成嘅Pizza，芝士🧀🧀味道香濃，芝士愛好者一定唔能夠錯過😍飲品🍸叫左espresso tonic同凍檸茶。 espresso tonic微苦中帶甜，冰涼中夾帶着刺激氣泡。凍檸茶重茶味，檸檬香同酸甜味，帶有少澀味，最後帶回甘。

幼滑淡香嘅黑松露忌廉湯，傳來撲鼻嘅陣陣菌香味。每一啖都係星級享受😎香煎西班牙辣肉腸，一個好味又開胃既沙律🥗。辣肉腸味道濃郁😋，肉腸又有咬口😍牛油果蟹肉沙律塔🥑🥗，呢道沙律係顏色搭配上已十分清新，底層牛油果蓉🥑細膩充滿creamy口感。蟹肉🦀🦀份量亦都十分多。黑松露薯條🍟，熱辣辣嘅薯條🍟散發著松露風味，與香濃薯味🥔配合得恰到好處。明太子忌廉汁蝦球自家制手工幼麵🦐🍝，意粉🍝吸收了鮮蝦🦐嘅甜味同埋濃濃嘅忌廉汁，忌廉汁亦唔會煮到太濃稠，加上有明太子，成個手工幼麵口感更為豐富。慢煮安格斯和牛面頰肉🐮，肉質非常腍😋， 口感非普通牛肉可比😍。牛味重但不會有牛騷味。和牛面頰肉含有豐富骨膠原，經過炆煮後有黏黏的口感，非常過癮！

這間在旺角都裝潢不錯，而且見有不少選擇，就和朋友夜晚來食輕食晚餐順便傾計，整體感覺不錯而且坐得都舒服。蒜片辣椒炒蝦球，看到來不是很辣，食落去有微辣而且好香，食到蝦爽口新鮮，仲有不少新鮮菜幾清新。水牛城雞翼，單骨方使食，份量都可以，辣和酸度比心目中高幾惹味。帶子蒜片辣椒意大利麵，麵質彈牙而且好香蒜味驚喜好好味，帶子大隻而彈牙食到新鮮微煎。這裡原來仲有手工麵下次試先。飲品方面見咖啡都吸引就要了熱和凍的泡沬咖啡，凍飲落去咖啡味冇咁重但飲到奶香泡沬感不錯，熱會再香點而且拉花都幾靚。

朋友講公司附近有間新開餐廳，食過午餐不錯就講下次來吃晚餐，最後我們在平日來約9點都有一半已滿座傾計，我們叫了2個主食和一個前菜，價錢都合理而且質素都不錯。前菜選了牛油果蟹肉沙律塔，牛油果好新鮮都幾大份，上面不少蟹肉，混一齊食不錯。薄餅選擇不少，最後選擇了煙三文魚藍芝士手工薄餅，來到幾香而且薄身幾脆口，芝士味有但不會令到好滯，煙三文魚少少咸和芝士幾夾。朋友喜歡吃牛肉就選了，香煎特選封門柳，要了5成熟，表面有少少燒感而入面口感軟熟，配上醬汁再香點份量都不少，當然配菜仲有我最愛的新鮮蔬菜。臨走時看到放了不少細燈，細問下原來在九點多會變成飲吓食輕食地方，氣氛不錯，可以食完飯再過來傾計飲嘢。

上星期發現up a notch 由D2 place 搬到以前桔梗個位，今晚抱著再次光顧嘅諗法，睇下水準有無保持。叫咗沙律，pizza, 鴨胸同豬鞍，每個dish 賣相不錯，味道保持，鴨胸軟入口即化，豬鞍脆邊，慢煮豬都好軟腍，最後手工pizza 香脆，Parma ham 不算鹹。餐廳保持一貫水準，價格不平不貴，尚算適中。搬遷新張期間還有8折，現在光顧十分實惠。另外，餐廳環境比舊店大，檯與檯之間相隔有一些距離，就算同朋友高談闊論都不怕太糟騷擾到其他客人。此外餐廳還有閣樓，如果有一大班朋友食飯，可以考慮到包起上層開party. 不過餐廳仍然未有酒牌，可能還需要等3，4星期拿到酒牌後，開party 可以飲酒更能盡興。

很失望的晚餐。Pizza的餅底是預先做好，上菜時已經變暖，有點硬。手工製造的餅底，一點都沒有嚐出來。半隻燒春雞更像是炸雞腿，沒有味道，沒有燒雞的香味。四式芝士雲吞一般，說是手工製造，但一點特別都沒有。水牛城雞翼不錯，有點辣，味道濃，有4分。煎牛柳不錯，但要求7成熟，來到時只有5-6成，伴碟的菜都沾上血水，有點嘔心。是次晚餐$700+，3個人。總括來說，不值這價錢，未能體驗手工雲吞、Pizza的特別之處，食物質素令人大失所望，不會再幫襯。

當我看到這個地址開了一間新的餐廳我已經清楚它的確實位置, 原因是我本想試試舊的那一間, 誰不知它已經捱不住了, 這個也是很難避免的, 尤其是經過一場疫情。而這間新餐廳原本是位於荔枝角D2 place那邊, 老闆覺得位置上局限它的發展, 所以搬遷到相對大跟人流多的地方。的確這裡樓底高, 有上下2層, 而且空間很大, 可能因為進入餐廳時都尚早, 7時都未到, 所以餐廳內都沒有很多人。基本上分開三個不同格局, 首先是開放式廚房連水吧, 水吧前排放著幾張椅子。如果只是想來喝一杯可以直接坐在這邊。另外就是相對文青區, 擺放著啡色的桌子, 中間橫樑掛著櫻花類的, 旁面有個很大的螢幕, 正播放著日本東京街道。最後就是Cyber區, 以透明白色為主, 最末端更擺了一個裝滿大大小小的公仔, 相當吸睛。 這邊相當鮮明, 跟文青的幽雅截然不同, 各有特色。通往厠所那邊, 在Cyber區旁邊, 更有一條旋轉滑梯, 連接2樓的。 不過大家別興奮, 它是封閉的, 所以並不是供客人玩耍的。 以裝修來說, 看得出老闆很用心的設計, 或許有人會覺得這條不能玩的滑梯好像多此一舉, 這個都是一個噱頭。上面已經說了, 老闆很

之前响D2 Place嘅時候已經食過幾次，主打homemade pizza and pasta，嚟咗旺角開店梗係要試吓，呢度環境好特別，係cyber 工業風，旺角區有一個咁寬敞樓底高嘅用餐環境係好少有，而且店內裝飾睇得出花咗好多心思，成幅牆嘅tv wall，勁多打咭位，唔好以為只係食環境，食物質素仲要係好高質，老闆Raymond 介紹我哋食咗牛油果蟹肉塔，homemade 意粉同pizza，小食，沙律，因為掛住食唔記得影menu，所以唔記得個名，但全部都好好食，完全係食得出用好嘅食材去製作，但價錢又一啲都唔貴，真係好難得。飲品方面試咗幾款mocktail ，係老闆幫我哋揀，口味好清新，又唔會太甜，食物同飲品顏色擺盤好靚，係賞心悅目，同朋友一食就食咗三個鐘，一路傾一路食，全程未停個口，再望下個大螢幕⋯⋯我以為自己去咗旅行，真心會再約朋友嚟聚會，好爽！