Valerie's @ Waterfront Restaurant, Cafe, Bar (已結業)

今晚想食西餐廳，但小西灣好少選擇，見佢有優惠就決定一試。今個月做緊買2送1的優惠，兩個人食set menu 就會送一份set menu 你下次食。今次特別坐望海的卡位。晚餐set :前菜+主菜+甜品+飲品1.燒牛肉洋蔥丼飯$168 好普通的牛肉飯，牛肉燒得太乾身，所以無咩汁，令到食個飯有d乾。分量好細分，而且洋蔥煮得一點都不軟身。2.獵人雜肉牛仔汁意大利飯$188另一個好普通的意大利飯，好少雜肉同牛肉，但個飯都較多source ,所以都叫正常standard 甜品: chocolate mousse 好普通，無特別。總括而言，食物質素好普通，環境亦不是很特別，岩睇波飲酒，所以性價比好低🙈可一不可再的餐廳。餐牌：_________💵總消費$391 😋食味質素: 5/10💸性價比：3/10🍱環境：7/10👩🏻‍🍳服務：7/10👍🏻整體評分：5/10——————

開業的初期，食品及服務均是小西湾內一間比較高質的西餐廳😋但之後不知何解水準一路下降🤨所以應該有兩年多冇再去。今天早餐時段閒逛至這裡，見到餐牌換了新裝便和家人一試。餐廳才剛開市，只有我一枱客，但坐的梳化及枱面均有很顯眼的污跡叫人有點倒胃。與家人共點了兩份大早餐(包括炒旦、煙肉、香腸、烤蕃茄，茄汁豆皮英式鬆餅)及煙肉香蕉蜜糖窩夫，早餐有前菜、主菜及飲品，先來的前菜是兩份雜菜湯(其實是普通蕃茄湯)，酸酸甜甜咁，沒甚麼特別。之後是松露薯條，薯條熱辣辣，香脆可口，應該是新鮮炸，有點驚喜。到主菜上場 - 首先是筆者的煙肉香蕉蜜糖窩夫，賣相十分麻麻🤔主角幾片窩夫黑麻麻像烤濃了般☹不熱不脆，又冇乜味道，加上頭頂幾片煙肉又是炸不是煎，又硬又乾，不明白才剛開市的第一枱客，窩夫竟是凍冰冰而不是新鮮製作是十分的失望唯一有小小改觀是餐奶茶有小小茶餐廳水準不過咖啡仍是停留兩年前，有大大的進步空間

見佢起海邊靚靚地 幾high class 又多選擇於是入去試吓我食嗰個係lunch set (唔記得影餐牌)不過佢係一個叫1+2+3 lunch set即係:1 starter 揀 1 樣2 main 揀 1 樣3 beverage 1 杯仲要好多選擇 !!Starter:凱薩沙律多士仔 是日湯 生果沙律Main:日本炒飯 拉麵 烏冬 意式意粉 pizza risotto 美國牛扒英式brunch All day breakfastBeverage:茶咖啡我叫咗 1 凱薩沙律2 Egg benedict with prawn on english muffin with butter hollandaise sauce (可選 muffin/croissant/white bread)3 檸檬茶睇落唔算大份不過多料同夠食有cherry tomatoes, mushroom, spinach, poached egg, prawn/ham/smoked salmon所有野一齊食好夾味Poached egg整得好好一切就爆曬槳係啲prawn細咗小小$78抵食 有starter main b

適逢世界盃，當然要出黎睇先夠氣氛😜放工後又不想去太遠，唯有近近地去附近食個飯順便睇埋波(世界盃)入到去都幾好氣氛 d員工仲係手或面畫哂國旗👍晚餐時間都算少人，不過去到睇波個陣就full哂因為係世界盃大戰 每個人最低消費$200佢既晚餐種類都算幾多下一行4人叫左3個套餐都算幾飽頭盤黎個香脆炸雞都炸得幾脆不過就唔太熱雞肉幾嫩口 而個汁幾香同雞都配合另一個頭盤 白酒煮蜆黑青口個汁酸酸地 而且提升海鮮味幾鮮味仲有個頭盤: 甘荀餐湯湯幾creamy同入口不會太濃仲加多左個蒜蓉包去點湯不過可惜蒜蓉包不脆，不重蒜蓉味😣之後黎個主菜 烤羊架我要7成熟(應該唔止) 不過都幾嫩口但羊味不夠羶味 而且我食個舊烤焦左 有焦炭味配菜薯仔同紅薯白就幾好味同“淋”身煙三文魚蟹肉黑松露意粉我比較中意食煙三文魚所以就比吸引到呢個汁都好creamy且香 而意粉既質感係我中意既有“咬”口煙三文魚味道較重 不過就較碎而且黑松露味不強卡邦尼煙肉扁意粉芝士味幾重 應該有2種芝士或以上不過個汁較稠 所以個意粉食落不太夠味甜品--杏仁豆腐之前點餐個陣明明係朱古力摩絲但一句都冇交代就上左杏仁豆腐問左之後就話得返呢款😣因為我唔中意杏仁所

Nice restaurant (decoration & staff) but the food was absolutely rubbish. The menu deal is a good idea but does not justify the very low standard quality of what is presented in the plate.The pictures of what is shown in the menu is absolutely not relevant.

這幾天陽光普照，忽發奇想，決定到藍灣半島商場內的餐廳享受午餐，只因這裡的食肆大多面向海旁並擁有落地玻璃，視野廣闊，其中我較為喜歡的西餐廳是Valerie’s。Valerie’s 是一間澳洲式餐廳，提供沙律、扒類、意大利飯、意粉、薄餅等等，近年還多了日式料理。今次要了兩份午市套餐，每份套餐可選一小食、一主菜和飲品一杯。小食方面，我們要了黑松露醬薯條和炸魚手指。薯條剛炸起熱辣辣配以淡淡幽香的黑松露醬十分香脆惹味。炸魚手指則略嫌炸得過久，失去了鬆軟的口感。主菜是炭燒澳洲肉眼牛扒和帶子仔意大利飯配南瓜汁。五成熟的肉眼牛扒剛剛好，肉質juicy，只是少部分筯部不能吃，其餘的也美味。帶子仔意大利飯配南瓜汁，飯身軟淋配以細細粒的帶子及青瓜，加上清淡的南瓜汁，軟綿綿的口感不錯。最後配上兩杯凍檸茶，整頓午餐為夏日正式揭開序幕。

由於工作關係，每月必須到柴灣公司傾談。今天一早到此公司開會，到中午午飯時，同事提議吃一些特別菜式，故決定改到呢一間餐廳。由於位置偏遠，餐廳冷清清，所以很快可以安排入座。難怪餐廳推薦客人多食多獎賞，另外更可以利用上網媒體令客人增加食餐次數。我們向服務員點了豬腩片烏冬餐及燒雞扒餐，套餐還包括飲品和幾款食品，如沙律，多士等選擇其一，而價錢由78元至138元不等。食物很快送到面前，南瓜餐湯味道濃郁，烏冬配有兩片紫菜，軟滑綿绵，但湯底略為太油。燒雞扒配上西蘭花，健康之餘更見食物香口。

ㄧ行三人去小西灣行龍躍徑,在藍灣半島有很多餐廳提供早餐,見到這Valerie's的西餐廳，裝修很時尚,便行入去食早餐.座位坐得很舒服,窗外是海濱長廊。早餐的選擇也很多,價位比起連鎖餐廳的早餐高些$40-70不等。三個人分别叫了個自選组合,all day breakfast, 及Benedict eggs.3位早餐的攞盤不錯,眾人都滿有期待食物味道的感覺。但入口後三人不約而同地都説味道很淡,全部蛋都只有微溫。Benedict eggs的蛋不是流心,淡而冇味。自選早餐的牛角包細得可憐。All day breakfast 的茄汁焗豆是凍的。唯有盡快食完,走人。

2口子的晚餐放工減減壓，男人帶左我黎呢間餐廳。佢話逢星期三嘅晚市都有$99牛扒，自己之前試過，今晚就帶我黎試試。男人好鍾意食牛扒，所以$99個款係不二之選。我就猶豫左一輪，最後都跟佢試同一款。齋望落去，份量好似唔係好大，我諗緊佢會唔會唔夠飽。但飲完個湯，食埋個主菜，話飽哂。而我都夠皮啦～雖然話飽啫，但唔食少少甜品，好似唔夠完滿咁怪唔得食到咁肥🙈叫個焦糖布甸～我地都認為一般般～

同呀妹兩個人食飯, 見到呢間西餐75折！ 唔食味千啦, 食意粉啦！ 滿心歡喜！ 侍應懇勤咁介紹左餐牌以外嘅 菜式, 以新鮮海鮮為主。最後都係叫左兩個意粉, 再$50 加一個沙律, 一個南瓜湯又係太肚餓累事, 冇影相, 其實啲食物都擺得幾靚嘅食落呢...沙律, 正常南瓜湯, 都正常水牛芝士蕃茄野菌長通粉, 說實話都幾好食嘅蒜片•辣蜆意粉... 呀妹食第一粒蜆...嘩！好咸！食一啖意粉, 嘩！ 無味嘅我試左一啖, 意粉係淡左少少, 蜆係咸左少少, 不過都仲可以接受嘅。 到我食第二粒蜆。 嘩！！！仲咸過金華火腿！同位侍應反應左, 佢粒聲唔出攞番碟意粉入廚房。 之後完全冇交代過, 10分鐘左右, 攞番碟意粉出黎。 唔似係重做喎, 我未食完啲rocket 菜呢？ 啲蒜片呢？試下先... 意粉依舊無味, 蜆... 哦~~ 佢應該係用一煲熱水重做左個意粉！ 全部野都無味, 好唔好食？！ 你話啦？！意粉唔講啦....啲蜆由餐牌嘅辣蜆, 黎到係咸嘅, 到之後無味嘅仲唔係味覺考驗？好在無嗌其他海鮮食

今日公司食飯 去咗呢間 成日路過但係都冇入去試嘅餐廳。我地點左幾個牛扒餐 但個牛扒餐的生熟程度完全都不準確，我點了七成熟的牛扒，其他同事一個五成熟的牛扒，但換來的是一個well done , 食物質素認真麻麻，仲落留咗單添，杯嘢飲要食到食完晒塊扒先至上嚟，同之前嘅食評一樣，有少少後悔冇睇到食評先來。材料亦都唔夠，以過百蚊既餐來說性價比有點底，其他環境因素都唔錯，望住個景都算靚，補返少少分，不過入邊嘅光暗環境實在參差，有啲枱好光有啲台好暗，所以我哋都食完就走了。

一行8人點了6個牛排，生熟程度全部錯晒，medium rare完全無血，可以話係we done！另外牛排十分薄，而且無味。飲品方面，咖啡淡而無味，非常失望，不會再來

好像是有某位明星推薦過所以特地去試的，由於是假日的晚市，店內又有電視，好多客人都一邊進餐一邊欣賞球賽。店的氣氛和裝修都有點看似是高貴餐廳的感覺。假日似乎沒有特別優惠的套餐，點了一份肉眼扒，拼薯條、粟米、少少伴菜⋯7成熟的肉眼扒有點似8/9成熟，我不懂得是否烹調方法問題，燒蕉味太濃，配上的汁又太淡，以價錢$218來說，基本上沒有牛扒上的享受，有點失望。稍安慰的應該是夏威夷PIZZA薄批的好處就是皮身夠脆，加上濃濃的芝士加甜甜的菠蘿和火腿香，不遜色於PIZZA專家的。另外還有加了Apple Cider for 2 $60就一樽比較有氣的梳打。以它的價錢和裝修來說，以為會是高享受的牛扒餐廳，誰知這次的牛扒真的沒有我想像中那麼美味⋯希望將來會有所改善。

小西灣的藍灣廣場～食肆唔算多唔算少，但大部分都係大的連鎖店～入到黎，無理由食連鎖店既，緊係搵間出面少見的試下喇～差唔多一點九去到，等左一陣就有位喇～午餐除左主菜，仲包埋一個小食同飲品～小食叫左蜜糖芥末汁燒牛肉多士～個燒牛肉分開食，好好食，有驚喜～黎面唔係好食到蜜糖芥末汁的味道～主菜就叫左野菌意大利飯。牛油忌廉汁個飯好夠熱，都幾多野菌，但我就覺得偏咸同太過重芝士味～而且好細碟，雖然一般意大利飯都應該係細碟，因為驚會好膩，但呢個份量就真係少左d，食完都唔係好夠飽～我就叫左澳式大早餐，雖然叫大早餐，但我都係覺得份量唔太夠😂😂但整體都係好味～個蛋好重蛋味，牛油有香，薯餅好脆～但個腸一咬落去，個心唔熱～煙肉普通唔太特別～

去藍灣食晏，一心諗住食好d但換黎失望。餐廳想走高木離去檔路線,無論係格調同價錢方面。可惜食物質素不達標。應凍不凍,應熱不熱。首先係波蛋,唔熱,只有少少餘溫。師傅手勢差d,蛋黃不是流心。蛋味不足之餘帶點酸酸怪味, 而且食落鞋口鞋脷, 入口一舊舊硬硬的,即使我加上糊椒, 亦無補於事。 至於燻三文魚不太新鮮, 無咩味道, 莫說是甘香的魚味；而日圓且色澤亦不吸引, 看落有點霉霉的。最蔽連牛角包都出事! 太細唔飽肚, 竟然連焗熱都無焗, 冷冰冰上碟, 十分求其! 咬落唔鬆軟而且硬掘掘, 同一般牛角包好大分別。蕃茄忌廉湯係唯一可以接受, 有茄味可惜太鹹,但cream 令全碗湯有返d生色, 入口都免強過關。唉.......真係去附近大x 活食個滑蛋好過!