Wanna Eat

營業中

休息中

Wanna Eat新蒲崗人氣Cafe食物質素參差 名不副實🧁食物質素：😍😍📸打卡指數：😍😍🧹衛生指數：😍😍😍💁🏻‍♂️店員表現：😍💵性價之比：😍😍地址: 新蒲崗彩虹道16號地下🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹呢間cafe曾經上過OpenRice嘅熱門餐廳，諗住去試下有幾好食。11點幾去到原來佢有分早餐同午餐時段，等咗一陣就入咗去，估唔到嘅係原來早餐時段都好多人食。舖頭細細，坐既位置唔多，裝修都係簡約風為主。一坐低諗住叫嘢食，職員根本完全唔理我哋，我哋諗住叫特飲，職員仲不停強調話要加錢，語氣態度好差，問到好似我冇錢比咁。之後等咗好耐先有嘢食，食物質素仲要比預期差好多，覺得自己有少少中咗伏🥲🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.紐西蘭西冷扒HK$138 Rating: 4/10。職員問我哋要幾時成熟。我哋話要medium。但最尾出到嚟係Well Done。連少少紅色都見唔到🙂。好難咬好柴。衰過茶餐廳嗰啲牛扒。唯一係個薯條炸得幾好食2.咖喱牛肋肉飯 HK$78 Rating: 7/10。正常發揮。牛肋肉都炆幾淋。肉嘅份量都算多。但的確係冇咩特別3.Fuji Mountain $30

不嬲早起身嘅我，鍾意喺公司附近搵好味早餐呢日試吓呢間文青小店Cafe。睇大家食評，主要講西式日式餐點，好少提及早餐Cafe木系裝修，行入去感覺已經好舒服，如果屋企都係咁嘅裝修就好喇，所以適合真係Hea下，坐下兩三個鐘。早餐Menu有一般粉面加煎蛋腸仔呢類，但我同朋友都特別鍾情佢嘅Full English Breakfast成份早餐賣相同木盤餐具，真係好賞心悅目。但老實食物就中規中矩，令朋友特別難忘嘅係杯手沖咖啡，食完隔幾日就話想再返嚟飲。不過Full English Breakfast製作需時，朝早大家想試，要預早啲時間喇

又到一星期一次嘅學外語時間，上次想試但無訂位與其無緣，今次醒目一早經OpenRice訂座，晚上七時準時到達，店員帶領我們至店盡頭，有一陣陣難聞嘅氣味，唔太舒適。拔絲咕嚕肉(定食) 配麻辣雲耳、蓮藕 $92經拔絲處理嘅咕嚕肉外層卜卜脆，豬肉半肥瘦有肉汁，甜甜酸酸的討喜。想食。柚子雞(定食) 配麻辣雲耳、蓮藕 $88柚子汁酸甜開胃，雞扒份量足，味道唔錯但無驚喜。配菜雲耳同蓮藕調味帶麻香，幾惹味。焦糖香蕉配朱古力雪糕窩夫 $68唔知有無機會再食，決定試埋甜品。窩夫即點即做，疊得高高的賣相吸引。滿心期待地切一件入口，脆係脆但味道好油，似塗過多油喺模具上面嗰種感覺，好彩焦糖香蕉香甜，黑糖啫喱Q彈，朱古力味雪糕亦幼滑，扳回唔少分數。

再次幫襯係新蒲崗呢間小店Wanna Eat, 呢間餐廳裝修感覺上似cafe, 但原來食物係幾多元化：西、中、台、韓都有啲，加上飲品類別都好多選擇😙加上環境都幾舒服，適合我哋呢啲嚟傾偈，又有得食嘢飲嘢嘅好地方☕️講返食物，我哋今次楝咗”麻婆豆腐”真心呢個有驚喜，豆腐非常嫩滑而且又香又夠麻，配白飯係一流! 岩鍾意食辣既朋友⭐️⭐️⭐️⭐️⭐️蜜糖芥末雞翼$42一客, 竟然大大隻, 外皮脆脆又唔厚粉，內裏肉汁豐富又夠香口，仲有5隻又配上酸酸甜甜嘅沙律菜, 呢個價錢勝價比! 推!⭐️⭐️⭐️⭐️⭐️韓式芝士泡菜豚肉飯，個人就覺得正常好味，芝士夠多，味濃人之選⭐️⭐️⭐️⭐️煙三文魚凱撒沙律🥗份量夠多，三文魚都幾夠新鮮⭐️⭐️⭐️⭐️⭐️✨呢間既咖啡幾特別，我叫咗杯薄荷咖啡✨其他飲品選擇都多，今次叫咗蜜桃乳酪沙冰🍑⭐️⭐️⭐️⭐️⭐️

今次又係新蒲崗呀 無計啦 因為本人每星期一至兩日一定會去新蒲崗 其實呢度真係無乜cafe揀 呢間我都係食第3次lu 每次我都會叫呢杯野飲 佢個味夠特別 加上面頭有爆炸糖 好好飲呢杯好似叫蜜桃冰茶 個味就淡左啲明太子意粉好味都係必點蜜糖芥末雞翼 芥末味太勁 麻麻地黑松露薯條都係必點

Any other famous Cafe in the San Po Kong industry area Picked the Weekend set lunch -   L09. New Zealand Sirloin Steak (8oz) w/ Salad and French Fries(you can add $5 if you wanna upgraded with Truffle Mayonnaise )the steak is OK. Juicy inside and thick fries is nice. Anyway a bit expensive  and a but noisy inside the restaurant.

今日過嚟新蒲崗呢度探朋友仔班，等咗朋友仔一陣，之後佢帶咗我一間附近一間cafe食晏，呢間cafe有中有西，仲有甜品waffle🧇,仲有嗰啲好靚嘅野飲，由於只食晏，所以我哋都係嗌咗佢嘅lunch set。lunch set有湯或者沙律而我呢就揀咗甘筍湯嘅。太好飲嘅關係我差唔多飲曬先記得影相😂😂由於我唔食牛，就叫一個「想食。海鮮炒飯」🦐，朋友就叫左個咖哩牛腩飯🐮味道方面我個個炒飯口感乾爽，🦐海鮮清淡唔濃味，不然間中可能有啲鹹，本身我食得清，所以唔知係咪我本身嘅問題。綜合黎講我覺得未試其他特式野唔足夠評價曬，但環境，食物都幾好既。

今次又係同h先生係新蒲崗搵嘢食🥳呢間餐廳比較遠少少唔近地鐵站 如果咁啱有巴士喺附近落會近啲😗 舖頭入面都唔算太大 算係一間小Cafe 不過入邊嘅裝修都幾靚 好文青feel~~ lunch time都比較多人食 都要等位!!-紐西蘭西冷扒(8安士) 配沙律薯條 價錢: $138(3/5分)⭐️⭐️⭐️ (可以升級黑松露薯條 + $5)今次餐湯係紅菜頭湯 另外仲配一份小沙律🥗我哋叫咗七成熟西冷扒🤤不過嚟到嘅時候就有少少失望ಥ_ಥ黎到好似well done咁(･_･; 所以肉質比較難咬 煎得太熟啦 入面都唔算太多肉汁 好乾身🙁🙁不過值得一提嘅係啲薯條(≧▽≦)黑松露薯條又熱又香 黑松露嘅味都好重😈😈薯條應該係即炸既 所以都等咗一陣先嚟到 拎上手熱辣辣 咬落去好脆😋😋正啊-黑松露蘑菇忌廉意粉 價錢: $78(2/5分)⭐️⭐️ 點解我要比咁低分 因為真係超級超級超級鹹🥲🥲🥲唔知係唔小心放得太多鹽定一時失手 定係點😂我哋兩個人都覺得好鹹 唔單只係重口味咁簡單 黑松露味都有味既 但真係鹹到好難食😂😂 份量本身已經唔多 一個人嚟講都覺得真係偏少ಥ_ಥ 2個人加埋大概200幾左右 覺得lunch黎講 加埋食

訂左台，準時到達。坐低叫野食，叫左富士山飲品，再叫意粉，沙律，羊架，牛扒。上羊架時，餐廳將薄荷醬放上咁多件羊架上，大佬不是個個咁食，通上是另上，叫佢改過碟一定拋棄，咁冇計。原來佢有做廚房系後面，前一個後一個厨房，抽氣又唔係咁好，一屋都是煙最後也叫甜品，不差的格仔餅。

喺日式木系文青 cafe 食港式茶記早餐原來感覺好正😲，講嘅係新蒲崗嘅 Wanna Eat，呢度早餐有五個港式選擇同兩個英式選擇，我毫無懸念揀咗沙爹牛肉麵配炒滑蛋同牛油厚多士。沙爹牛肉偏甜，醬汁入面有洋蔥同三色椒粒粒，唔係平時食開嘅味道，但係都幾濃幾好食，麵底用咗成本較高出前一丁，呢度有分加👍；炒滑蛋同牛油多士正常水準；至於成個早餐最正係杯咖啡，既香濃，口感亦醇和，根本就係平時 cafe 咖啡嘅級數，建議唔加糖奶，可細味咖啡最原始味道。呢個早餐盛惠三十六蚊，我覺得剩係杯咖啡已值回票價😂。

星期六要去拎返餅錄音帶所以就過咗你新蒲崗，見有一間飛好似未食過，咁就嚟試吓。11:30-15:00 主打都係食lunch setLunch Set 由 $68 到 $138有唔同嘅飯或者意粉同埋扒類三文魚蟹籽粉紅汁意粉 $95意粉煮得幾爽口三文魚煎得幾香口不過份量唔多個汁唔算Creamy🙃同埋無咩味幾淡好在有鹽😏紐西蘭西冷牛扒（8oz) 配沙律薯條 $138又點單到上餐大概係15分鐘可能因為煮得太耐嘅關係就算我叫五成熟，嚟到都係well done咁好在侍應哥哥好快同我換過件今次只係等咗5分鐘所以就真係五成熟啦😍總結：無下次啦😚

好耐冇去過新蒲崗一場黎到，緊係搵吓有咩好食啦星期五中午12點到，排咗大半個鐘至入到去中間仲發生咗啲小插曲（前面的人排隊問題），不過店員態度好好，值得👍🏻食物卡邦尼意粉，青醬大蝦意粉2碟都大大份，平時大食的我都食唔晒😂不過醬都有啲多，但味道略嫌唔夠重飲品方面，緊係嗌杯打卡的Fuji mountain 不過真係要快快影，因為好快會瀉出黎haha味道都唔錯，夏天飲梳打係好涼快如果想食的，book定位會好啲因為排隊期間，見到好多都係book咗位的人直入價錢抵，唔加一👍🏻

啱啱開嗰陣食個晚餐牛扒勁細又唔好食諗住再比多次機會佢再黎食lunch....點知啲保持到水準一樣咁差真心唔明點好評係點黎個牛肋骨好似煲湯骨咁 鴨胸意粉無味又細份 重要個鴨胸係酸嘅個煙肉椰菜湯好似烚煙肉啲水咁....🤮真係唔會再黎食😓大家唔好黎中伏

又一新蒲崗穩世打卡cafe小店，門面絕不顯眼，置身於生活小鋪之間店鋪唔算大，但座位尚算舒適。千島海鮮手工薄餅🍕餅身唔厚亦唔會薄如紙，餅底香脆，餅餡就夠哂豐富，濃厚千島醬配上芝士，芝士更有拉絲效果，yummy yummy🤤 海鮮墨魚汁意粉🍝意粉質地偏硬，墨魚汁亦不算濃郁，略嫌有點乾身，如果加上少少辣汁會更出味🤭整體普通黑松露薯條🍟薯條外脆內軟，份量亦十足，配上黑松露醬一流富士山特飲（期間限定）跟餐加半價，飲品顏色分三個層次，打卡夠哂靚😍表面爆炸糖唔夠爆炸😂飲落夠清新🤩焦糖爆谷朱古力朱古力濃郁，配上忌廉加Garrett爆谷，夠哂creamy好飲😋👍🏼

星期五忙了一天唔想煮飯，去了幫親公司附近的食肆。之前都有去食lunch 和叫外賣。今次終於可以現場即叫即食他們的必食拔絲咕嚕肉！皮超薄和香脆，超鍾意個甜酸汁！ 一碟有11件，兩人食。本身肉質係冧的但我夾的一半都係太肥或有咬不開的筋 😣😣定食有飯和兩碟伴菜，分別是爽口、酸味味的蓮藕和麻辣雲耳。本身不食辣野，忘記咗叫他們轉換別的配菜😣。我喜歡食這個手工pizza, 除咗以為「海鮮」會有幾個種類，而不只是帶子之外，對這個夠薄、醬料份量適中的pizza都幾滿意。另一半就覺得個邊唔夠脆，有改善空間。