Wheatfield X 羅宋湯專門店 (已結業)

此店是羅宋湯專門店，俄國菜快餐店，很有特色，很有歷史淵源。剛在一百年前（1917年），俄國大革命爆發，失勢的貴族帶同厨師逃避到上海，把俄國菜播種到中國。上海人稱為海派俄國菜，把他們的紅湯Russia red，譯為羅宋湯。海派俄國菜厨師多是山東人，醉心學習煮羅宋湯，研究如何煲老火牛骨湯，把蔬菜，茄膏湯料翻炒。部份海派俄國菜厨師到香港就業，造就莎厘娜和皇后飯店崛起。少時覺得這些西餐廳是高不可攀。此由麥田餐廳主理，以年青包裝，賣百年老湯。以俄國火車站做主題，裝修，餐牌，餐紙……都配合此風格。湯色艷，味濃，甜酸兼備，湯面泛著有牛脂香的紅油。另有豬骨羅宋湯以方便不吃牛的人。傳聞俄國人煲湯，會把隔夜的舊湯，混入新湯內，令湯底愈來愈濃，如中國人的滷水。此湯是中上水準，但達到令人一試難忘。下午茶餐的茶點，我選了蝦多士，熱騰騰而鬆脆。咖啡奶茶亦合格，十分濃滑，提神。但此店食物種類太窄，俄國菜如串燒牛柳等，十分好食，亦有特色，宜引入，多做飯盒生意，把莎厘娜平民化。俄國風在一百年前，對中國影響極大，中國人仰慕俄風，移植共產主義來中國，促成中國共產黨誕生。俄國風在香港則十分冷門，少人提及，故此店難做。

餐廳光猛簡潔,感覺好乾淨舒適,坐低ORDER左一碗清雞湯麵,湯底本身仲有跟雞肉,雞肉食落吾會"鞋口",份量仲吾少添,湯底好味之餘吾會太鹹又夠熱,麵質夠彈牙,仲叫左幾款小食, 有蝦多士, 秘制雞翼同炒雜菜, 個人覺得蝦多士值得一食再食! 餐廳值得再去!

羅宋湯！ 記得細個嗰陣去食西餐會問你紅湯定白湯？我通常都會揀紅湯，貪佢夠濃味。我既男人放工經過一間專賣羅宋湯既鋪頭，試左之後，佢第二日即係帶我去試，因為我成日話而家既羅宋湯唔好飲！羅宋湯香濃，兒時既味道，好耐無飲過咁好既羅宋湯！套餐跟一個豬仔包及飲品，飲完個湯食左一半既包已經好飽，老板細心來問我們意見，他見我已經飲唔落杯熱飲，細心叫夥計用外賣杯幫我裝起杯飲品等我帶走！

本人對羅宋湯要求非常高，不能太鹹、太甜、太酸、太淡。又要足料，牛肉不能太鞋。此店signature dish是羅宋湯，完全達到以上要求。大大碗，夠熱，滿足感很大。今天是第二次幫襯此店食晏。水準十分穩定。足料湯可配上海麵、鮮製意粉、飯或甜餐包、豬仔包。我試過飯和意粉，都是出乎意外的優質。

【到底一碗羅宋湯可以賣幾錢？】本來想到金華吃燒味飯避過人潮又不想吃翠華來到了這間像茶餐廳的店看了一段字簡介羅宋湯的歷史一碗湯一個豬仔包用料很足中環來說價錢是合理但未至於相宜不能說馬上能聯想當年在上海國人驚歎蘇聯的西餐有多美味因為來到香港一碗湯搭上上海麵飽是飽但完全不是 Russian 那回事不過成了香港地道菜落戶中環又確實很得意可愛++++++++++++++++++++++++食物：7/10消費：HKD 62菜式：一碗羅宋湯，一個豬仔飽

上個月去過麥田廚房銅鑼灣店，覺得佢地既海派俄式食物非常ok，行過見到中環開分店，openrice評價又高，就忍唔住想去試下。Lunch time 去，叫左一個海派牛腩羅宋湯+上海麵，只係58蚊，味道份量真心覺得唔錯。羅宋湯十分足料，同上海麵非常夾。仲有Linguini 同拉麵等等既邪惡澱粉選擇，同平時就咁羅宋湯跟麵包既食法比，別有一番滋味。可惜。。。我12點15分去到，20分左右叫餐，之後around 25分左右因為人多，所以叫左我調位。調左位之後問題接踵而來… 1) 首先漏單: 差唔多去到12點50分我發覺身邊既人遲過我入都已經攞晒野食，就問下佢咩情況。噢，原來無入到。2) 出錯單: 之後員工多次沙冧即時跟進，結果around 1點05分左右佢終於出左菜，但佢出左另一味菜(俄式清湯麵)3) 再漏單: 同佢表明左個清湯麵唔係我既，佢幫我再跟進，但到左1點20分都無，我同侍應姐姐你眼望我眼，佢再埋黎問我"係咪食左啦" 我當然話無啦，之後侍應就去左同收銀哥哥嘈啦。。。最後侍應姐姐係無通知我既情況下將我既order 變左外賣，之後另一位侍應哥哥走埋黎同我講，話知道我趕時間所以俾我外賣攞走(我

前幾天和朋友lunch time 過來食, 叫了一碗羅宋湯牛腩湯加温泉蛋! 超好味! 湯起濃! 份量好足！我個朋友叫紅菜頭湯個湯超甜好鍾意個老闆超熱情走過來問你啲嘢好唔好, 服務態度真係好!

12:45左右到達，座位約2/3滿。我們被安排坐在靠牆的面壁位，坐的是高腳椅，座位稍嫌擠迫，鄰座客人的談話內容基本上能聽得一清二楚。選了海派牛腩羅宋湯配日式拉麵，一上枱大大碗，羅宋湯的蔬菜很豐富，椰菜青椒等滿滿的。嘗一口湯，入口香濃且不算油膩，稍甜帶微辣，辣味來自湯內少量的紅辣椒。純我個人偏好，如酸味重一點便更好了。肉的份量也不少，牛腩唔算鞋，牛肉味香，最喜筋膜部分夠腍滑。撥開蓋在麵上的椰菜吃一口麵，麵幼身仍爽滑彈牙，煮的時間剛好，而且可能因湯夠稠，麵能掛湯。對女孩子而言份量有點多，吃得超飽；旁邊的女孩子點的是套餐，薯仔沙律就只吃了一點點剩下很多。另外還點了杯奶茶，荼香奶滑，是港式荼餐廳的味道，不過單點有點少貴。整體而言是滿意的一餐，但因菜色選擇不多，可能隔一段時間想起羅宋湯麵時才會再來。

星期六family day正煩惱食咩好時，媽咪突然提起細佬講過話中環有度食羅宋湯，即時扑磓去試試～ 中環星期六下午茶時間只有一兩個客，可以任坐！ 裝修有圓頂metro隧道形嘅天花，睇真d 連餐具調味架都造到好似列車咁，餐單亦都好似metro map 咁， 幾特別！ 但諗諗下同俄羅斯羅宋湯有咩關係？ 🤔望住餐單，諗完一輪都係要海派牛腩羅宋湯跟甜餐包再跟蝦多士！ 對上飲紅湯跟餐包已經係响裝修前嘅金雀！ 個湯好足料好香，但略嫌油咗少少，但當你食到好多好腍嘅牛腩時你會原諒佢！其實真係近年難得好味嘅羅宋湯！精髓係跟甜餐包嘛！ 要明白跟餐包同多士會差好遠！ 哈哈！ 細佬叫咗個豬骨底嘅羅宋湯配上海麵！ 我試咗啖湯底，你係會食到個分別，個人覺得羅宋湯配咁多菜都係配牛好味d! 媽咪就食俄式清雞湯拉麵！ 個湯幾清甜雞肉亦好嫩，但响呢度我真係覺得應該食羅宋湯囉！小吃我地揀咗蝦多士同薯仔沙律！ 薯仔沙律都幾大兜.. 而我好期待個蝦多士，但上枱時得兩小件我確實係有少少失望嘅，但咬落去又真係幾脆同蝦膠好香！ 侍應行過見我扁咀問我係咪唔好食， 我話好食但點解咁細件呢， 唔夠喉呢！ 佢答我因為方便女士OL可以細細

有朋友喺同區返工，可以成日約食lunch係一件好幸福嘅事～ lee日我就約咗嗰好朋友一齊食lee間主打羅宋湯嘅中低價位餐廳。餐廳設計好得意，有d似機艙；但menu又似地鐵線路圖～ 餐廳兩邊為貼牆設計的餐檯配以高凳，就算自己一個來食自閉餐都唔怕尷尬。無奈中環租金貴，始終坐得比較迫。有d似食車仔麵，自選湯底同面底。湯底有四款選擇，兩款是羅宋湯，分牛腩及豬骨口味，另有紅菜頭湯及俄式清雞湯。另外，餐廳採用自助落單形式，填好order之後職員會入機出單，唔洗等好耐，熱辣辣嘅午餐就會送上。蕃茄湯底嘅粉面食得多，羅宋湯就相對少d。所以我哋兩個都特意揀咗海派牛腩羅宋湯意粉。Combo 1+2= $58，如果需要額外order 3、4、5嘅話，就on top再加對應價錢。menu清晰明瞭。背面仲有兩個指定嘅全日特惠套餐。不妨睇下👀唔啱食～ 海派牛腩湯意粉湯底又香又濃又足料帶微辣～牛腩肉嫩腍身易入口～意粉都完全吸收咗d湯～ 未試過食意粉可以全碗連湯連料食得咁乾淨。飲品都可以唔洗order～香煎牛脷粒除了入口即溶之外，咸咸地的感覺又很有層次。因為朋友唔食牛脷，得我自己一個人食，所以覺得小食就有點單調，後來先

下㳄再會來，very good! The noodles and the soups very delicious. Even the outlook is not very attractive but I drank all its soup. The chicken wings also very good! Will try next time. The decoration of the shop also comfortable. If you want a fast lunch is a good choice !

這天沿著翠華太興方向走過去，發現一間裝潢別致的新店。看到標榜港式茶餐（但價錢一點也不茶餐），選擇中有少見的紅菜頭為主料，心動一試，隨即走進去了。店面乾淨企理，菜單，點菜紙，餐具都在中間隱藏起來了。這裡麵食可自選自行配搭湯底及麵類，筆者點了紅菜頭湯配日本拉麵，加配了至愛的糖心蛋。紅菜頭湯其實與一般的湯麵底分別不大，只稍為淡味，也沒有紅菜頭的草腥味，應該是因為加了香料同煮，湯中加了數片紅菜頭，咬落煮得很稔，但不會一夾就散，紅菜頭也沒有本身的草腥味，反而更像蘿蔔，帶點清甜。豬仔脾沒甚味道，麵也淡而無味，反而糖心蛋很甜很軟心，很想一吃再吃！

買了一份下午茶餐，內有甜餐包一個，牛腩羅宋湯(淨湯)一兜，凍鴛鴦一杯。凍飲加 $ 3, 重要無咖啡和茶味只有糖水及奶味，咁嘅質素，認真麻麻。 兜湯有濃濃的牛味又飲到雜菜嘅鮮甜味，很不錯，但本人不能接受湯上那層4cm厚嘅油囉! 飲到成口肥淋淋。如果層油簿d，就perfect喇! 羅宋湯，大愛的廚師。

午餐時間~ 同同事約埋一齊試新野, 地方雖然吾算好大, 但坐得都好舒服, 原來又可以外賣洗手間亦好企理它乾淨 , 最主要食物大大碗又抵食又好味~既可以自由配搭又有全日特惠套餐~

放假想出黎行下，揀左輕鬆嘅山頂路線，行之前梗要搵啲好嘢食啦，呢一間自從之前見到報導就好想食，今日終於有機會啦！下午茶時間黎到人唔多，都幾多位。炒雜菜$18: 有西蘭花、車厘茄、淮山，個調味幾好，唔係只得豉油味，有淮山食有驚喜，爽口而有點黏液咁，係健康嘅。薯仔沙律：薯仔均合一些小蔬菜，以蛋黃沙律醬調味，小小一碗食落份量都幾多，味道唔差但唔突出。蝦多士$22: 炸得好透好鬆脆，稍嫌熱氣左啲，不過蝦多士都係咁上下的。牛油餐包：質感實在，會飽肚，個底仲有少少脆，係驚喜位，點啲羅宋湯食仲正。牛腩羅宋湯$72 連牛油餐包 薯仔沙律 飲品羅宋湯係我最期待嘅，最正宗梗係揀牛腩底啦，入口個味好濃，牛腩味好出，感覺得到真材實料去煲，湯內有好多蔬菜料，牛腩都好多件，牛腩出奇的嫩滑有彈性，而且肉味重唔似煲左好耐嘅湯渣，唯一美中不足嘅係覺得個湯有啲油膩，應該係落左牛油關係吧。豬骨羅宋湯上海麵$58: 個基底轉左豬骨味，明顯同牛腩果碗有分別，喜歡邊個口味見人見智，自己就鍾意牛腩多啲，配嘅燒豬腩肉片好似日式拉麵嘅叉燒，口感係粗糙嘅，上海麵較腍，覺得同羅宋湯有少少唔夾。第一間以正宗羅宋湯為賣點嘅餐廳，係有一定吸引力嘅