Wheatfield X 羅宋湯專門店 (青衣城) (已結業)

放工攰到唔想煮飯，同老公落去青衣城搵食。響青衣城地見到有中菜同西餐選擇，二話不說揀西餐。我叫咗個牛腩羅宋湯配磥絲粉，老公就叫咗牛腩羅宋湯配撈麵，見到餐牌的小食拼盤賣相吸引，叫咗一份。牛腩尚算淋滑，配上羅宋湯另有一番風味。醬油撈麵鹹甜適中，小食蝦多士炸至金黃，香脆可口。唯一略嫌雞翼有 d overcook, 薯仔沙律可以接受。

經過見到幾特別，主打做羅宋湯既餐廳，就入左去試下睇下有咩食，叫左個撈麵餐，但冇試到佢地招牌既羅宋湯，反而叫左俄式清雞湯（本人十分愛飲雞湯），估唔到有驚喜，個清雞湯雖然望落去清清地，但好夠味，雞絲既份量又多，絕對岩哂鐘意飲雞湯既我，另外加左個小食香煎豬扒試下，唔乾身仲好juicy🤤，仲有個秘製撈烏冬（好彩冇加辣）唔算喊但味道適中，配搭新穎，下次絕對要試下其他湯款先👀見到佢仲有個紅菜頭豬髀飲湯🤤🤤

食過其他分店，服務都仲叫ok但今日嚟到青衣城分店真係令我大開眼界。某位服務員企左係到唔係傾計就係正發白日夢。舉手叫下佢嚟落order 又睇到扮睇唔到咁來來回回幾次都係咁我已經唔係坐睇唔到嘅位都見佢頭有轉向我張檯嘅方向想落個order 都要我行出去叫佢。語氣惡劣呢d 更加不在話下。好在另一位都叫好d想體驗該名服務員如此”優質”服務一定要嚟呢間分店試下相信大家都可以一嚟就認得出邊一位係我所指嘅服務生VeryNiceWish you all ave a magical day

青衣城食肆雖多 但高質素嘅餐廳都仲係有待發掘今日試吓依間羅宋湯專門店佢哋有唔同嘅套餐分別有以粉面配湯為主、湯配撈麵、仲有我今次試嘅羅宋湯配餐包 薯仔沙律套餐薯仔沙律食到切粒嘅薯仔 不過調味較淡但份量都飽肚羅宋湯較浠 帶有微辣味配菜分量足夠因為我唔食牛所以轉左豬肉豬肉好厚大概有兩三片 整體來講冇好驚喜 同出面茶餐廳嘅餐湯水平差唔多唔算好正宗口味嘅羅宋湯埋單都要70幾 性價比唔高未必會再試

羅宋湯吾係想像中的味道免強可以接受。撈麵得個色水，一D咸味都冇，要額外再加豉:。服務簡直一流，服務員好聽就話幫我執張檯先，点知竟然連水杯都收埋，不如乾趣叫我離座仲好:

平時羅宋湯都係鋸扒前嘅餐湯，真係未試過以羅宋湯溝麵食，是我本人都係飲開白湯，🤴🏻就鍾意飲紅湯，就陪🤴🏻去食呢間啦😁😁～～～海派豬髀肉配羅宋湯～～～呢碗羅宋湯就跟咗螺絲粉，羅宋湯嘅配菜都幾多，有少少微辣，係好飲嘅羅宋湯🥳🥳豬髀肉都有幾塊份量都正常，但略嫌乾咗啲！可以接受😀😀～～～牛腩羅宋湯撈麵～～～呢碗就揀咗上海麵撈麵，麵本身有調味，再配埋羅宋湯屬於重口味之選，愛羅宋湯人士應該會鍾意❤️❤️～～～香煎豬扒～～～個餐可以再跟個小食，咁香煎豬扒薄薄地，好軟熟有肉味，但偏油左啲😙😙～～～秘製炸雞翼～～～雞翼外皮太硬炸得有啲過火，略嫌‘柴’咗啲🤨🤨～～～迷你蝦多士～～～蝦多士真係冇得輸， 呢餐最好味就係佢！甘香酥脆，一定一定一定要趁熱食😍😍最後總結:如果羅宋湯能夠選擇辣度嘅應該會更受歡迎🥰🥰

原來羅宋湯都可以作為主菜🤔?話說今日係青衣城行街就當然唔少得一樣煩惱🤯，就係要諗下食乜好， ,而係青衣城1期地下就有唔同餐廳，而係中間既位置就有間專門食羅宋湯既餐廳🏘，身為一位充滿好奇心嘅FOODIE又點可以唔試下呢😆?而呢間餐廳就叫做「Wheatfield X 羅宋湯專門店」。✦✦✦✦✦✦✦✦✦✦✦✦✦✦🎈全日先選配搭湯麵 $62  海派羅宋湯(牛腩) + 另加$10轉奶油脆豬仔包小編另外加錢轉食奶油脆豬🥯，因為突然間想食，而且唔係度度都有得食。而主菜既碗湯好似人地西餐廳前菜SIZE咁唔算大，視覺上有小小唔良好😌，不過味道算係OK ，味道亦比出面羅宋濃湯有小小辣，亦結身夠濃，不過不失😁。奶油脆豬仔包比想像中大 ，能做到外脆內軟嘅口感😳，不過邊位有小小烤到全黑嘅情況，如果溫度稍為低返少少就可以。✦✦✦✦✦✦✦✦✦✦✦✦✦✦🎈全日先選配搭湯麵 $62  海派羅宋湯(豬脾肉) + 手打烏冬呢一款既羅宋湯味道較偏甜，亦冇咁辣味，感覺同上面既羅宋湯係兩碗完全唔一樣嘅野黎🤔。豬脾肉有兩塊 ✌，味道還好，肉質鬆軟。因為小編呢款係跟麵嘅關係，份量亦算比較正常午餐👍。而烏冬屬於幼身果類，彈牙，整體亦可

餐廳開o係青衣城地下，面朝海濱公園入口o個個位置，屬於半開放式設計~ 店鋪大招牌放上大大張馬鈴薯、蕃茄、洋蔥紅蘿蔔o既圖，先入為主俾人好健康o既感覺。以羅宋湯專門店自居，通常食西餐，紅湯白湯都係配料o野o黎o架o者，如何做到主角呢﹖見佢下午茶時份，d 茶餐大約都係出面茶餐廳常餐左右o既價錢，所以試o左。從menu，真係會見佢最重要係o個個湯，然後反而配粉麵或者配麵包係其次。點o左滋味配搭系列(茶餐D，$42 未加一)，會有一客湯、一客小食同餐飲，私心覺得呢個係咁多款入面最抵食的啦！湯如果唔揀羅宋湯仲有紅菜頭湯選擇，聽落都好健康，不過既然係羅宋湯專門店，先試番羅宋湯先。個湯唔算好大碗，但味道唔錯，濃郁紅紅o既一碗，蔬菜之類o個d 配料十足。牛腩同豬脾肉二選一揀o左前者，口感亦鬆軟唔韌。我最初仲諗住問侍應攞胡椒粉，通常飲紅湯我都另外再落，但佢調味o個度已經幾重胡椒味。跟餐配o左經典迷你蝦多士，都已經愈來愈少有機會食到呢d 比較舊式o既食物。佢外層尤其酥脆，點埋沙律醬簡直係perfect match！另外仲單叫o左一份秘製炸雞翼，因為見佢$28 四隻好似好抵食咁。呢個堅推介，唔只平，仲隻隻都

我對食物都有啲要求，尤其屋企一向係做飲食業嘅，啲嘢食掂唔掂，我一食就知道，冇野瞞得過我法眼。呢間餐廳號稱買上海西餐「羅宋湯」，搞到我心思思，就立心嚟試試。老實講，老上海嘅羅宋湯係乜味，我唔知但家陣係呢度飲到嘅羅宋湯就唔係太啱我口味，因為味道係比較淡，雖然未至於淡口，但就係未夠濃，而且味道欠缺平衡，好皮毛。一味大吹大雷，又話煲幾耐，又話乜野食材質料上等，係冇用嘅，一食落口只有兩個結果，一係好味，一係唔好味，呢度嘅羅宋湯係未夠班。經典迷你蝦多士，食落口就知道個包炸得未夠透，蝦膠肉還算OK，但唔係好食。我真係覺得有啲失望。

呢間餐廳已經食過好多次，因為羅宋湯好好飲。今日收工，就過黎買個外賣，之前都係堂食，今次都係第一次外賣。叫左一個秘製撈麵套餐同兩個小食，套餐係一個撈麵加一個羅宋湯，個湯好足料，有大量蔬菜，介有豬脾肉，有少許辣味，味道唔錯，係甘凍既天氣飲碗熱辣辣又甘足料既湯，真係覺得好滿足，如果可以再酸少少就更好啦；個撈麵用左佢地秘製醬汁，麵質煙韌，加上蔥同炸蒜混合黎食非常好味。兩個小食分別係炸雞翼和薄牛扒，都係套餐優惠價添加，兩份小食味道不過不失。

限聚令底下，沒有晚市堂食，唯有買外賣回家！今天到了青衣城這間羅宋湯專門店試一試，平時在很多地方都見到分店，這次第一次嘗試！分別叫了兩個套餐，全日自選配搭湯麵及廚師推介套餐，現在晚市外賣全單八折！海派羅宋湯（豬髀肉）配手打烏冬：🐥🐥🐥🐣🥚非常入味的羅宋湯，以羅宋湯做招牌來說，羅宋湯的味道很有水準，味道非常足夠，配料也非常多！最貼心的是；外賣紙碗上有只是教如何在家用微波爐翻熱，再擺上烏冬，確保味道接近堂食水平！特飲粉紅西柚蘆薈桂花四季春，也非常好喝！海派羅宋湯（牛腩）配汁燒豬髀肉脆豬仔包：🐥🐥🐥🥚🥚羅宋湯保持同一個味道，今次配搭牛腩粒，非常軟，很容易咬開，亦非常入味，豬髀肉豬仔包頗有層次感，雖然豬髀肉味道不太突出，質感略嫌鞋口，但層次配搭上不錯，可能配豬扒口感會豐富些。總結，羅宋湯專門店主題羅宋湯羅宋湯非常有水準，即使外賣回家，也可以透過微波爐翻熱，非常方便，記住不要變凍才吃！

今日天氣好凍，凍到入骨。咁凍嘅天氣最想係可以飲一碗熱辣辣嘅湯入肚。知道青衣城有間 WheatfieldX羅宋湯專門店。放工即刻去買碗做晚餐，奈何因為防疫措施只可以買返屋企飲。今次叫咗湯麵同撈麵套餐每個套餐都包羅宋湯,羅宋湯可以揀牛腩或豬髀肉羅宋湯啲配料好豐富，有好多紅蘿蔔，蕃茄同肉，份量好夠。味道好好飲，唔似係街飲嘅味精湯。配菜我加咗牛排同豬髀肉，肉味好夠，份量同追加嘅價錢都合理最後仲叫咗杯蜂蜜生薑茶嚟驅風。食物質素唔錯，美中不足就係啲食物拎到返屋企都凍晒。不過佢哋近排出咗急凍湯包，啱晒飲湯一定要熱辣辣嘅我！

嚟青衣城行街，見到呢間開放式餐廳，感覺好乾淨舒適，連廚房都一目了然👍🏻話明羅宋湯專門店，點可以唔試下羅宋湯湯底，配埋手打烏東，口感滑嘟嘟，牛腩啖啖肉，有咬口，一碗嘅份量都唔少，湯底比我飲哂，好正呀😍仲可以優惠價追加小食加咗「秘制炸雞翼 」大大隻，即炸熱辣辣，好香脆，旁邊仲有小蕃茄同沙律菜，咬出清脆嘅索索聲，夠新鮮👍🏻下午茶set都幾抵食，幾十蚊有埋飲品，仲可以揀Burger。下次再嚟，會再試下其他湯底🥰

諗住羅宋湯專門店呢個羅宋湯一定好好飲啦，味道一定好濃好多料啦，點知好失望。套餐價錢偏高，叫左一個秘製醬油拉麵套餐$68廚師推介套餐$88秘製醬油拉麵套餐$68- 海派羅宋湯我揀牛肉或豬髀肉+手打烏冬（幾款選擇） 麻辣麵底加兩蚊+一杯飲品✍🏻羅宋湯唔夠濃，牛肉好似有2舊，感覺好似普通蕃茄蔬菜湯+2舊肉麻辣手打烏冬個麻辣好鹹唔好食廚師推介套餐$88海派羅宋湯（呢個揀豬髀肉）+豬扒包+一杯飲品✍🏻個豬扒包塊豬扒薄嗰張紙，難食！

當日星期五放完工唔想煮飯😆就去青衣城行陣買啲野～順便買埋外賣回家食😁之前見到佢開了呢間都想試下～羅宋湯開到有專門店咁勁🙈我地叫了兩個餐🍅經典羅宋湯套餐同秘製醬油撈麵～麥田薯仔沙律薯仔同紅蘿蔔都煮得好軟身～入口即溶😆同埋都幾大碗👍🏻豬髀肉羅宋湯專門店真係唔同啲～味道好突出～好甜～唔似用茄膏～所有蔬菜都煲得好林身～豬髀肉仲有兩大片～有一個碗咁大😋但有少少辣🙌🏻奶油脆豬仔包本身係牛油甜餐包～但好在加錢轉左～眼見啲奶油好多😍入口太滿足🥰太香👍🏻牛腩羅宋湯配麻辣撈拉麵羅宋湯味道都差唔多～但加了牛腩就多了牛脂既香味～令到成個湯更濃郁❣️牛腩又軟身～個撈麵好有麻辣香味～麵條都煮得好適中～如果鐘意食辣應該都會鐘意食👍🏻凍奶茶茶味都偏濃～都唔錯～熱檸水檸檬新鮮～唔會有苦澀味道～P.S.羅宋湯真係幾出色～煮得味道剛好～原本以為得個沙律，湯同豬仔包唔夠飽～但一個女仔食都夠啦～比我想像都大份👍🏻