Wheatfield X 羅宋湯專門店 (青衣城) (已結業)

今日去咗青衣城探朋友，由於而家係抗疫時期，就決定買外賣一齊食，見到呢一間餐廳 以羅宋湯作焦點，餐牌價錢又實惠，由於自己都好鍾意飲羅宋湯 就決定買兩個餐我哋叫咗以下食物 秘製醬油撈麵，海派羅宋湯（要牛腩） + 上海麵 + 香煎牛扒 + 糖心蛋一隻 羅宋湯果然超級足料 有好多椰菜，仲有好多牛腩飲落去好順口 酸酸甜甜 刺激食慾果然係誠意之作上海麵簡簡單單加少許蔥花 已經好好食 再配上牛扒忍唔住係咁食海派羅宋湯（豬髀肉） + 拉麵+ 汁燒豬髀肉 +香煎豬扒 今次將拉麵放入羅宋湯 拉麵索滿羅宋湯再加上兩塊大豬髀肉食落去口感好似叉燒好似食緊叉燒飯茄湯底拉麵！ 作為一個晚餐好正 自家製特色飯團 🍙因為食吾哂，結果就將佢變為明天嘅早餐加上紫菜和豬肉不錯吃呢！

Wheatfield X 羅宋湯專賣店由於細個既時候特別鐘情羅宋湯。今天為了一啖濃郁的羅宋湯，及好美味的牛腩，特意去表衣搵食。牛腩羅宋湯手打烏冬濃郁的羅宋湯味道，加上豐富的蔬菜，再有新鮮嘅蕃茄，濃郁，酸、辣和蔬菜鮮甜味都岩岩好牛腩又腍又入味，而且量很多。好重牛味而且比較貼近正宗用牛尾去煮既做法總體都係滿分誠意之作

老字號海派西餐名店服務40年的廚師葉伯退休後，赴俄羅斯烏克蘭考察研究農家食鬼，回港後為打入年輕人市場，開咗呢間餐廳🙆🏼‍♀️.🍜海派羅宋湯（豬髀肉）配手打烏冬 $62湯底以蕃茄、椰菜、蘿蔔熬製30小時，湯底鮮甜中帶點輕微的辣，每口都開胃，仲帶大量蔬菜喺個湯度，湯烏冬軟腍掛汁👍🏻如果個麵另外上嘅話，我諗湯底會更加濃郁🤣🍗清雞湯配香煎豬扒脆豬仔包 $88清雞湯雞味濃郁，而且清得很，一點油膩感覺都無，有少量青蔥同雞肉，雞肉嫩滑彈牙☺️帶出清新感覺🥖豬扒豬仔包預先切開一半，方便食用。中層夾薯蕃茄、生菜、沙律醬同煎豬扒，鹹香得嚟夠哂脆口😆

本身自己超鍾意飲湯🥘見到有間講明係羅宋湯專門店既餐廳一直都好想試，今日終於有機會啦💕💕牛腩羅宋湯配香煎豬扒脆豬仔包（ $88 ）牛腩羅宋湯好大碗，配料超級多，其實飲咗半碗已經覺得飽，羅宋湯帶dd辣味，好醒胃好正🤘🏻🤘🏻呢個豬扒脆豬仔包包皮有啲硬，所以我試下點羅宋湯嚟食，估唔到佢吸左啲湯後仲好味呀🤣🤣牛腩羅宋湯配撈麵（ $68 ）第二個Sin就叫咗一個撈麵比起平時食嘅豉油撈麵佢唔算好油，感覺比較清爽而我哋仲加咗啲配料：🥚糖心蛋（加$8 ）、麻辣嫩雞柳絲🥓（加$10 ），強烈建議大家要加小食，撈埋一齊嚟食好豐富超級滿足🥳🥳

近排朋友話我知，青衣城開咗間餐廳，用羅宋湯做湯底 配埋一款 心水麵 / 包，可以用優惠價配餐飲。店舖位於青衣城1期地下既中間位置，環境舒適，服務一流🥰 點一份堂食，再帶二份外賣回家呢到既套餐配搭好特別，Step 1 + Step 2 各選一海派羅宋湯(豬脾肉) 配 手打烏冬 $62 x2羅宋湯個湯底 (唔知係咪有黑胡椒既關係，帶有少少辣，但好好飲)，加上羅宋湯既配菜好足料，好味到lam lam脷😋個手打烏冬麵煙煙韌韌，非常好食☺一份堂食，再點咗一份外賣取走，可以繼續有羅宋湯飲 (外賣好方便，係分湯設計，唔怕個麵會淋哂。另外點多一份外賣套餐清雞湯 配 拉麵 $62 (一份外賣)好多舊好juicy又嫩滑雞肉，個清雞湯既湯底夠哂香濃，仲有就係個拉麵，麵質口感適中，唔怕太硬太淋追加配菜秘製炸雞翼(2隻) +$12金黃色既炸雞翼，又香又脆，雞翼既肉質夠嫩滑凍檸檬茶 跟餐 +$8凍蜂蜜生薑茶 跟餐 +$14 x2 (堂食 及 外賣 各一)外賣滿$70仲有8折優惠🤩超抵食又好味Wheatfield X 羅宋湯專賣店 青衣青敬路33號青衣城1期地下G26-27號舖

青衣開了間羅宋湯專門店 咁耐都無機會試 見到外賣滿$70 有8折當然要趁機試試🍔廚師推介套餐 （$88）可選一個心水湯類 加一款脆豬仔包豬仔包烘過 口感鬆軟內軟 有咬口 而不是空氣感的包外賣回家仍有陣陣麵包香味牛舌香氣十足 配沙律醬同新鮮蕃茄生菜個人建議另一類食法 可以將包浸埋濃郁羅宋湯一起食 吸晒湯汁 更加惹味🍜海派牛腩羅宋湯 配上海麵 （$62）羅宋湯甜甜帶少少辣味 好濃郁 濃濃胡椒味湯非常足料 有蕃茄 椰菜 西芹 青椒 蘿蔔椰菜浸到少少淋左 但仍有口感真係忍唔住麵連湯一起食晒而牛腩炆到好淋 同軟熟🍹餐飲可以半價轉特飲 （$14）凍粉紅西柚蘆薈桂花四季春西柚味不算濃 但有好多蘆薈粒兩個餐都可以追加兩款配菜🐷加香煎豬扒 （$12）豬扒鬆軟 調味十足 但對我有些濃🐥加麻辣嫩雞柳絲 （$10）雞柳絲不算很辣 惹味 但略嫌多油🍖加汁燒豬脾肉 （$16）豬肉有少少煙燻味道 有些韌整體份量不算少 本人最推介羅宋湯記住外賣盒每個另收$1

👭一個多月冇見， 約咗青衣城食晏😚兩個套餐紅菜頭湯配豬髀肉+上海麵紅菜頭沙律就食得多， 今次嚟個突破叫碗湯飲😆 又幾好喎，幾清甜可口， 份量唔少👍 有紅菜頭、西芹 ，(沙葛、淮山唔確定，但口感似) 個豬髀肉真係好大塊呀😚 搵日喺屋企DIY整這個，又飽肚又夠green😚上海麵撈埋花生醬、蔥油， 啲醬汁甜中帶鹹香， 幾惹味😋羅宋湯+ 燒豬髀肉飯糰 久違了嘅羅宋湯， 簡直係兒時同爸爸媽媽去冰室食西餐嗰隻， 同樣料多， 湯底味濃、 小小辣， 這個牛腩我鍾意， 肉質軟腍、半肥瘦仲带筋😋最後食得太飽， 飯糰帶返屋企食🤣🤣🤣ps~ 完餐時，贈送優惠卡，正餐消費滿$70.00 有八折優惠👍👍

早幾日放工同仔仔係青衣城買鞋，之後見到間新開餐廳未食過，好奇心下去睇下有冇野岩我地兩母子食啦！一睇有齊我和仔仔鍾意食的野就決定買外賣回家，嘆住電視食。我地兩人叫左以下美食：海派羅宋湯 （豬脾肉）配螺絲粉 海派羅宋湯（牛腩）配撈上海麵每套餐可以追加配菜兩款，所以我地叫左以下4款：✡ 麻辣嫩雞柳絲✡ 秘製炸雞翼✡ 香煎豬扒✡ 香煎薄牛扒最後我仲加左個奶油脆豬仔包先講講呢到出名的羅宋湯，我覺得材料夠哂豐富，牛腩有4舊和好多什菜，味道方便濃郁得來帶點微辣，好刺激會想追住飲，而個撈上海麵配上麻辣嫩雞柳絲來食超夾。仔仔碗羅宋湯係有兩片豬脾肉，倒哂螺絲粉落湯到吸哂d 湯一齊食， 連仔仔都讚好味。炸雞翼夠哂入味外皮炸得香脆， 煎豬扒和煎牛扒，肉質夠腍配麵都係一流。最後估唔到個奶油脆豬仔包有驚喜，就咁食已經好香脆，因為上面用牛油焗過， 之後再加上煉奶，特別香甜可口。依家外賣仲做緊8折， 咁叫法都算抵食。

今天和妹妹在青衣城瘋狂購物，不經不覺已到黃昏食飯時份。見到青衣城地下有間羅宋湯專門店，便買外賣回家吃。我們選了兩份廚師推介套餐。套餐88元，可選一款湯，一個豬仔包和一杯飲品。亦可追加配菜如溏心蛋，炸雞翼，薄牛扒，煎豬扒等。我們選了海派牛腩羅宋湯和海派豬髀肉羅宋湯。兩個湯都酸甜好味開胃，牛腩羅宋湯比豬脾肉羅宋湯辣少少。牛腩很淋滑有肉香，豬髀肉比較瘦也有肉味，兩種湯內的椰菜，青椒等都很好味。飲完個湯都飽了一半。香煎豬扒脆豬仔包和香煎薄牛扒豬仔包都各有特色，如果堂食豬仔包會更香脆美味。追加的小食包括秘製炸雞翼和溏心蛋都可口。熱奶茶很香濃。外賣滿$70可享8折。兩個餐吃得滿足又有營養只是$175。下次可來試其他湯如健怡红菜頭湯和清雞湯。店員還送了張同心協力齊抗疫8折優惠卡。見到店外海報，有羅宋湯急凍湯包賣，可訂購在家享用，抗疫期間還有優惠价。

疫情下，星期六日，通常都買外賣食，好多時都比較肥膩。今日行過青衣城，終於揾到有健康嘅外賣，仲要係主打羅宋湯，雙眼即刻發光，因為我係一個羅宋湯控。叫了兩個廚師推介套餐，就眼望落 都有d驚老公食唔飽，點知到最後，食到我地兩個都棒住個肚 。香煎薄牛扒脆豬仔包包烘得好脆口， 不過一啲都唔乾，好鬆軟。 薄牛扒煎得好好， 好多時煎薄牛扒會好乾， 但係依個仲好juicy， 醬汁惹味。跟餐嘅烏冬本來以為係湯烏冬， 點知一打開原來係撈烏冬， 我同老公都笑咗。 好少撈烏冬會用到稻田烏冬， 口感好滑， 味道方面，大家都見到啲顏色好唔使講啦 最後輪到主打嘅羅宋湯， 第一個係牛腩羅宋湯第二個係豬髀羅宋湯， 相信同鄧大家認識嘅羅宋湯好唔同，超多材料。 湯底都同一般羅宋湯好唔同， 用多咗好多香料，唔係一味得個酸字。 不過就比一般嘅羅宋湯辣咗少少， 完全唔食得辣嘅朋友要留意。跟湯嘅餸非常好味， 絕對唔係湯渣。 牛腩嫩滑一啲都唔硬， 好香牛味。豬髀肉同拉面嘅叉燒係一樣， 我老公都話非常好食。 最開頭仲擔心唔夠食， 原來湯裏面都咁多餸， 結果我哋兩個都食得好飽。 依家外賣性價比非常高，可以再食 😆😆。

新店開業不久，每次經過也見不少客人在內進食，不過價錢不算太吸引，所以多次經過也過門不入。抗疫自煮得有些沉悶，是晚買點外賣帶來一些新鮮感。廚師推介套餐 $88套餐包括一個湯、一個豬仔包和一杯飲品；用快餐店紙盒盛載的香煎咸牛脷脆豬仔包頗為可愛，牛脷不算厚身，煎得香口不過火，肉質軟腍有牛油香，夾有沙律醬、蕃茄和生菜解膩。健康紅菜頭豬脾肉湯帶濃濃的黑胡椒香，豬脾肉大大塊，還有海量紅菜頭和薯仔作配料，略嫌細碗了一點。秘製醬油撈麵拼海派羅宋湯 $68外賣碗有上下隔，分開麵和湯，感覺貼心。醬油撈麵調味剛好，不太油膩，加上面頭炸蒜和青蔥，光吃也惹味。招牌羅宋湯用料十足，有四五件牛肋條和牛腩，蕃茄的酸、蔬菜的甜加上牛肉的油香，微辣香濃，驚喜滿足！和家人一致認為會為羅宋湯再臨，見店家還推出了二至三人份量的湯包，抗疫期間安在家中也嚐到好滋味，吸引。

放工了, 暫時不能與朋友聚餐。只能每天看看, 有什麼外賣好吃, 我通常選有折扣的, 今晚我就發現一間本身很喜歡的餐廳, 就是羅宋湯專門店。飲品選了凍奶茶及凍蘆薈熱情果桂花紅茶凍奶茶奶味比較重, 口感滑溜。而凍蘆薈熱情果桂花紅茶, 甜中帶酸, 熱情果味道很有新鮮感, 飲到底更有粒粒蘆薈食, 養顏呢。撈上海麵雖然是獨立食, 不能撈到羅宋湯內吃, 但它的味道還是不錯的, 雖然深色但不太鹹, 淡淡的醬油蔥蒜味, 來得剛好。只是拿回家麵會黏在一起。兩隻炸雞翼外表雖然不怎麼樣, 但內裡仍JUICY滑溜。豬脾肉羅宋湯的豬脾肉像是拉麵的叉燒, 大大塊, 啖啖肉, 而羅宋湯一入口覺得蠻辣的, 湯的質感濃稠, 湯內有很多蔬菜, 蕃茄味濃郁, 不知在家用40個蕃茄是否能煲到這個味道呢。 另一款羅宋湯是配牛腩的, 豬脾和牛腩比較, 我比較喜歡牛腩呢, 有筋有肉咬下去很有彈性, 炆的時間夠, 不會靭。香煎豬扒肉質細緻, 煎到剛好香口, 份量也幾多, +$12加配幾抵食。羅宋湯追加項目多是肉類, 雖然湯內已有蔬菜, 但如果可再追加蔬菜類, 對多菜少肉的朋友來說會更好呢。

最近發現青衣城開咗間專門食羅宋湯嘅餐廳，未試過就黎試吓。假日冇下午茶供應，要散叫或者叫套餐。 廚師推介套餐，包左羅宋湯、豬仔包同飲品。豬髀肉羅宋湯，飲落有少少辣，味道會比牛腩羅宋湯淡少少，不過豬味濃。汁燒豬髀肉配豬仔包，豬髀肉份量幾多，不過食落比較乾身。秘製醬油撈麵，麵質彈牙，配埋醬油同炸蒜，好香口！牛腩羅宋湯，牛腩炆得夠林，油脂香令羅宋湯更豐富！味道比豬髀肉羅宋湯更好飲！ 撈麵套餐如果要跟嘢飲就要加錢。凍啡多奶多冰，多奶原來係多煉奶，甜得滯。熱奶菜，茶香奶滑。

🥢青衣健康紅菜頭湯豬脾肉撈麵🥢青衣之前開左一間羅宋湯專門店一直未試過，羅宋湯都係好多人鐘意的湯品之一，而menu 見到有我鐘意的紅菜頭湯，今日有時間就去試下🥢lunch time見無咩人食就去試下，貪佢唔迫可以坐得舒適，一入門口有一男店員大聲問幾位，其實我成日覺得大聲唔代表惡既，之後正常幫完我探熱，但又比手勢叫我stop 示意唔好跟入去，咁我又等下佢做完自己野先帶我入去，後來遠處傳來大大聲叫我入來，因為咁遠都唔為意是在叫我，佢表露出不悅眼神，原來遠處呼叫我入去是一種帶位服務，其實店員有時燥唔燥底客人係感受到的，第一印象已經麻麻，可能咁大個場只有兩位員工做得比較辛苦啦🥢紅菜頭湯豬脾肉撈麵 $74+熱飲$6 (需加一）埋單$81 🥢原來呢到係QR 落單的，店員就咁擺底咗句QR 落單就走了，呢到返工可以做少一樣工作應該幾輕鬆，QR落完單就好快有得食，紅菜頭湯味道清清的不是濃湯，感覺很健康，紅菜頭都不少，味道感覺自然，豬脾肉雖然有兩大片，無肉味湯渣feel ,撈烏冬是醬油老抽口味，感覺似屋企家庭都可以做到🥢中途有個小插曲，見到旁邊檯的哥哥唔識用QR 落單，店員個樣似嫌麻煩

下班鬱悶，就由荃灣走到青衣，看看晚霞之餘，也順道買外賣回家。走進青衣城，碰巧見到新開的羅宋湯專門店，回憶帶動味覺，嘴裏都是那酸甜、帶點微辣的感覺，決定一嚐。門外已有好一些客人點餐。看看餐牌，或許是專門店，款式沒有太多，減省了思考煩惱🤣！最後點了海派羅宋湯牛腩、雞湯烏冬、煎薄牛扒，和燒汁豬髀肉脆豬仔包。先說羅宋湯牛腩。羅宋湯味道濃郁，不俗，但偏甜，辣一點兒會更好；而牛腩則非常嫩滑美味，非常值得一試！一邊吃的時候，多麼想配一個白飯；🤣清雞湯則是這頓飯的最愛。有點像上海菜那雞湯煨麵的感覺，不油膩，湯味鮮甜，不知不覺可吃下整碗麵，而雞肉頗足料，真心推薦！煎薄牛扒也屬於必追加小吃，沒記錯只是加10數元，肉質嫩滑、非常惹味！至於豬髀肉脆豬仔包，或因外賣關係，算是不過不失，醬汁不錯，但豬髀肉和包稍乾。