Wing It! (已結業)

今日去咗銅鑼灣行街，同朋友唔係咁肚餓，就決定食啲快餐。行到去禮頓道就見到好搶眼嘅Wing it 招牌。佢個招牌係霓虹燈，好容易見到。原來呢間餐廳主打炸雞翼，開正我個範，因為我係雞翼控。餐廳裝修好有外國快餐店嘅特色，主要以黃色為主，牆上面有唔同嘅poster!佢哋雞翼嘅特色係可以自己揀唔同嘅外皮、醬汁同調味粉。堂食嘅話可以試晒唔同嘅味道，外賣嘅話就只可以揀三款。今次我哋選擇咗堂食，四個人我哋就叫咗24隻雞翼同薯條。仲叫咗必試嘅芝士條。飲品方面，我哋就order咗三隻唔同嘅果汁。雞翼肉質鮮嫩，肉汁豐富，但兩款外皮好唔同。脆皮雞翼外皮乾爽同香脆；原味雞翼外皮就係微微嘅金黃色。薯條一條都粗粗壯壯同紮實飽滿薯仔內餡。我地試暈曬所有味粉，本人最推薦Comeback Source，值得一試！芝士條脆卜卜，個皮唔會好厚。芝士仲可以拉絲，十個讚呀！所有果汁都係由唔同水果mix埋，唔會好甜。今餐真係破曬戒，但真係食得開心，超好食！下次一定再同朋友黎食。

以往淨係試過消夜時段去食雞翼飲啤酒，今次第一次晏晝就食雞翼啦，之前都一路怕齋食雞翼太dry，點知試咗今次之後就覺得食雞翼呢個抉擇係正確嘅！鋪頭好近銅鑼灣F出口，個一排都好多好嘢食，呢間鋪頭細細地，都幾多人入嚟嗌外賣，感覺好chill我哋嗌咗兩個八隻雞翼，一個炸芝士條，同埋嗌咗支果汁。雞翼嘅醬汁呢，堂食就可以任自己倒，外賣先至要再揀口味同醬汁雞翼我哋揀咗一半脆皮一半原味，脆皮嗰個個外皮真係好脆好香口，新鮮熱辣上，脆得來都好鬆化～ 原味嗰款就類似煎左雞翼咁，咬落會冇咁多油～蜜糖是拉差似糖醋排骨味，酸酸甜甜咁幾開胃；自家製水牛雞翼味就冇咁杰，隻醬汁比較水啲八味香辣就似係嗰啲七味粉咁樣，不過今次就變咗八隻味，適合啲淨係食到小辣嘅朋友；甜香蒜味自己幾鍾意，個蒜味唔係好重所以唔使擔心食完口臭忘不了醬有啲似沙律醬，但食落又有少少唔同，真係有忘不了嘅感覺😛 牙買加辣辣粉辣過八味香辣粉，辣得好過癮，推介俾食得辣嘅朋友！北京填鴨味似炒麵王個隻醬味，甜甜地鹹鹹地幾特別；藍芝士隻味就幾濃，都幾重芝士味炸芝士條都係可以襯熱嘅時候拉絲，芝士味淡淡地怕熱氣嘅朋友記得食完之後飲番杯涼茶呀😛 或者好似我哋咁樣飲番杯果汁

平時好少過黎銅鑼灣呢邊！但朋友知道我中意食雞翼，有次佢行過見到話比我知後，我就決定要盡快過黎會一會佢！畢竟作為雞翼愛好者，知道有雞翼專門店，一定要試試佢！呢間店嘅裝潢顏色好搶眼！一望就望到！雖然係小店，但裏面空間感都幾大，裝修亦好簡約，好舒服！我地揀左12隻雞翼(8+4)。種類就揀左一半脆皮一半原味。flavours and sauces都係擺左岀黎，到時雞翼到左可以自己揀黎落。之後加30蚊變左做套餐。兩種雞翼都係炸，只係一款係有炸粉，而原味就冇炸粉。蜜糖芥末醬融合左芥末嘅微辛同蜜糖嘅香甜仲隱約有啲醋酸，可以醒胃！醬身仲好滑tim啊！佢個餐牌有勁多款辣醬揀，有本書仔係勁details嘅，由入門級去到死亡級都有，好想試，但呢排要戒辣，好難撐。甜香蒜味係超香嘅蒜味。仲有一粒粒嘅蒜粒係到，增加口感。甜甜地但又唔會搶左蒜嘅香味。BBQ醬真係幾時都咁好味，甜甜酸酸嘅味道，食落好有韓國嘅感覺，如果再有小小辣味就更perfect啦！雖然主打係雞翼，但佢嘅薯條都唔野小嫁。好新鮮嘅薯條，炸得好香脆，點蜜糖芥末醬都好好食。

由細到大我都係個超鍾意食雞翼既人，聽朋友講銅鑼灣開左間雞翼專門店，咁我緊係要黎試下先啦。係門口經過既時候，已經見到佢既招牌同裝修都好吸引人，非常搶眼，令我真係急不及待衝入去試啦。睇個menu見到，叫唔同數量既雞翼就可以揀唔同數量既醬，如果叫4隻就得1隻味可以試。不過問完老闆之後，原來而家d醬係任落既。哇！咁真係勁吸引啊，可以試咁多款唔同既醬。雖然呢度係專賣雞翼既，但佢既炸薯條都好出色，除左切得夠厚之外，外面炸得又夠脆。外脆內軟既薯條，配埋d醬食真係好好味呀。雞翼方面，我揀左一半原味一半炸既。炸雞翼好夠脆，而且炸粉唔會太厚，咬落亦都有肉汁。不過個人認為原味比脆皮更好味，因為可以試真d各款唔同既醬既分別。咁多款醬我最推薦既係呢款，墨西哥辣椒醬。因為夠哂特別之餘又食到濃濃既辣椒味。我地仲試左呢個辣汁既challenge，佢既辣汁分哂level，我就試左呢個500000分既辣汁，食落勁香勁開胃，而且又唔會話太辣。不過同行朋友就話好辣，所以大家食既時候都要小心d呀。呢間餐廳雞翼又好味，又有咁多款唔同既辣汁試，真心非常推薦大家黎試下呀。

今日早收工，同朋友去咗銅鑼灣一間主打雞翼嘅餐廳食下午茶。餐廳地點倘算方便，離地鐵站唔算太遠，我哋行咗一陣就搵到間鋪頭。餐廳屬小店規模，坐位唔多，全店用咗黃同白兩種顏色做主題，俾人一種幾醒神嘅感覺。除咗堂食之外，我哋都見到有好多人係嚟買外買嘅，可能因為附近有好多辦公室吧。睇吓餐牌，其實都好易揀，因為除咗主打雞翼之外，只有幾種其他小食可以揀，其賣點反而落咗係佢哋俾客人任揀嘅多種醬汁之上，我睇吓眼都應該有成十幾種醬汁放咗係點餐處前，可以俾客人隨便配搭。令我諗起英國有間出名食雞嘅連鎖，都係咁樣有好多醬汁俾人任揀，估唔到係依度可以俾我回味一吓。哈！因為想試多啲唔同嘅醬，所以餐牌上可以俾我哋點醬黎食嘅嘢我哋都叫哂咁滯。雞翼我哋點咗大份8隻，有炸同烤兩種口味，我哋揀咗half half。另外係半份上面再加咗個黑松露試試。之後再點咗個corn dog (你當係熱狗食就得㗎啦)，薯條，芝士條同洋蔥圈。我哋試咗好多種醬，包括我重點推介嘅buffalo醬，少辣之餘帶點酸，用嚟點雞翼一流。已經有黑松露嘅雞翼，我建議唔駛再點醬食，因為咁樣先真正食到黑松露配雞翼嘅味。至於白醬，我就比較欣賞隻墨西哥辣椒，算係咁多隻

禮頓道與希雲街貴為銅鑼灣美食集中地，當然久不久要去一去。這舖位轉手過多次，最近經過是一間以雞翼作主打的店舖，雖則自問不是一個雞翼控，不過都想試一試！餐牌簡而清，有雞翼、薯條等等的指定食物選擇外，還有期間限定的炸芝士條、洋蔥圈及炸玉米狗！近收銀處位置有個醬汁吧，每枝醬汁每罐粉都有中英對照，選擇都挺多，總有一款合口味！四隻雞翼 - 表皮炸得金黃，食落不太油膩。雖然體積不算太大，不過其肉質也挺細嫩！水牛城汁比較刺激醒胃，蜜糖蛋黃清新又清甜，雙重滋味！藍芝士，挺特別的一種醬汁，質地不太稠身，不過入口甜酸交集，都幾醒胃！作為薯條控，當然少不了點薯條治癒一下！薯條份量多到滿瀉，薯味濃郁，質地粗身帶粉嫩，面層滲上鹽，令味道更出更惹味！

同朋友食完lunch, 係銅鑼灣行下行下，見到呢間賣鷄翼既wing it。之前上網見過有傳媒介紹，所以一直都想試下。去到既時候門口全部塞滿曬人，有一大班睇落似大專生既年輕人係度食鷄翼拍片，仲要霸曬成間店。原本我地諗住搵兩個位坐一陣食，但係佢地真係太嘈，最後決定轉外賣。研究左menu好耐，決定叫24pics鷄翼😂除番每隻好似抵d😂收銀機前擺有好多唔同既sauce, 選擇非常多，大家可以跟番自己喜好揀自己鍾意既味道。鷄翼唔錯，外賣俾既sauce份量唔吝嗇。臨走既時候個d學生都開始走，其實店內環境都幾舒適寬敞，主題係黃色，望落幾有活力。

行行吓有點餓，想食熱狗。點知唔見咗嗰間舖頭，諗住就走。忽然被”Wing It”個名吸引唔走，心諗:「係咪wing for chicken wing呢？」於是向 ”Wing it"走。真係Wing是女主角，男主角是醬。仲有配角恬炸芝士條、炸薯條等等。炸芝士好耐冇見~ 唔。。。。皮脆帶硬，有啲厚。內裡都是水牛芝士。雞翼分兩種: 原味和香脆。不愛炸漿，所以要了原味。然後選配料，要了芝士黑松露。最後自助加醬，差不多有十種。例如: 黃芥辣、芥辣、秘製comeback醬( 有少少辣，味道有啲似冇咁甜嘅千島醬)、 蒜頭、buffalo 等等雞翼炸香脆。 少少肚餓的話，都係一個唔錯嘅選擇。 店內員工友善。 環境簡潔。店內坐的都是bar櫈，有少少高~ 😄

I have had a hard time finding good wings in Hong Kong. My search is over. Wings here are awesome and so many flavor choice. I tried American Buffalo and Spicy Korea both were great. Sides are good too. Very clean inside and the greeted me and made me feel at home.

只可以講間餐廳一啲亮點都無，所謂既主菜雞翼，毫無特色。我那天經過店外以為有很多人在門口等便興起不如一試的念頭。正想走入店內，站在店外面的人，類似員工著住件心口有個f ,d字係心口既Tee(幾個人站在門外傾計）（原來話剛剛間店鋪有event)。走入去望個餐牌佢上面所謂的steps廢既。 ok step 1要幾多隻雞翼,step two 有兩種雞翼比你揀, step 3 flavour 又有幾款比你揀,step 4 dipping sauces 又再揀, 最後step 5 sides. 我仲以為跟住個steps 點餐，order左step 1-3. 要左8隻雞翼，可以選兩款flavour 。 我唔係好清楚個dipping sauces 係點 問左個收銀員，我聽都聽唔到個收銀員講乜，個口有開合，不過就聽唔到佢講乜。 評價下啲雞翼， 我自己都識整 ，再唔係食返麥當勞或肯德基都仲好味方便。

同朋友晏晝想食雞翼，search到喺禮穎道嘅wing it,見到menu有好多隻味嘅雞翼，但去到有啲失望。1. 雞翼只有原味同脆皮,而flvour竟然是醬料，難以理解同step3 嘅sauce有咩分別。2. 以接近$10隻嘅雞翼嚟講，相當細隻，所以性格比比一般酒吧及中價餐廳更低3. 收銀姐姐態度不友善，唔會嘗試向客人解釋問題平心而論，雞翼味道不過不失，如果想試不同醬料可以試下，如果唔係就去茶記好過。食完唔夠飽，仲過咗丹麥餅店食隻炸脾，只係18蚊

銅鑼灣大多小食進駐禮頓道，除了有老牌丹麥熱狗、駐名抹茶Via Tokyo、丸作芝麻珍珠或是媽咪雞蛋仔等，近期更有一股雞翼入侵此地，周邊都有學校包圍，相信很快便成為學生們的聚腳點。雞翼大本營的確雞翼是主打菜式，其次是薯條、洋蔥卷或是Corn Dog等。雞翼有原味或辣味之分，另外更有黑松露牛油雞翼。牆身以黃色為主色，貼有Just Wing It! 雞翼真的細細個已喜歡，此店除了即叫即整熱騰騰，接近有15-20款的醬料隨意任你點。包括有：水牛芝士、蜜糖芥末、燒烤醬、千島醬、花生醬、蛋黃醬或芝麻等，完全混醬任你點。特別喜歡洋蔥圈及薯條，炸至金黃色脆而且添加醬汁後更加滋味無比。薯條粗多熱騰騰，可口美味簡直是放學的恩物。洋蔥圈的香脆，真的令到愈食愈吃。另外還有新出的健康提醒飲品，黑色的罐裝味道有點像提子味道，容易入口不錯。

同朋友行開銅鑼灣，見有啲餓，又唔算好餓，諗起之前朋友介紹一間新開專食雞翼嘅鋪頭，所以就一於去試下。叫左兩個8隻雞翼餐，半炸半original，仲叫多左個薯條同兩罐可樂。Total 有4隻味可以揀。我地揀左黑松露，日式燒烤，蒜香蛋黃醬，美式孜味。本人最喜歡就係蒜香蛋黃同美式孜味。蛋黃醬同雞翼一齊食，令到食個陣啲肉再滑啲，又香蒜味，同埋本身蛋黃醬就係好好味而孜鹽落落雞翼度令到成隻雞翼都變得好香，唔係得個咸字，所以都選擇佢落埋落薯條度而黑松露本身就陣味就好濃，好香，其實都唔會點唔好味，呢個係正常嘅好味不過我就覺得日式就好普通，無好特別好好味嘅感覺...下次要再試下其他醬Btw order 左其中一罐可樂係德國嘅可樂，諗住未飲過咪試下。佢陣味比一般可樂淡，有少少水果味。不過，我都係鐘意正常可樂多啲

想casual 咁食下晚餐，又有些特色的，可以試下食雞翼當正餐，睇下可以食得有幾專。鮮黃色的裝修奪目，加上chichken wings pop art poster，食雞翼都馬上變左一件好有格的事。自助調味架可以根據喜好來加，控制份量，不會浪費。Wings x 4 $40 / Wings x 8 $75可以揀Half crispy half original，雞翼兩種口味都很美味，雞肉嫩滑，就算炸的，粉漿很薄脆。個人很喜歡 Buffalo 自家製水牛flavor，酸辣口味很惹味; Garlic aioli 蒜香蛋黄都很有特色，i love garlic! Blue cheese 係唔可以miss，質地唔會好結身，很適合dip雞翼食，芝士味好rich; Sweet garlic似日式醬汁，甜甜地，用黎dip fries味道一流，wasabi mayo帶少少嗆味，好refreshing。感覺每一件雞翼都係art piece，要用心品嚐。Combo +$30 (drinks + fries)粗身french fries，薯條新鮮炸出，熱到燙口，正!Mozzarella sticks $20S

Loves wings.,Best thing is there are more than 10 sauces to try.I love teriyaki, very match thecwings.Also honey mustard also sweet n creamy.Also tried fried cheese dtick which have great cheese pulling effect good gfor pucture also tasty.The siffernt salts and spices also good with chips.