YC Cafe Boutique & Lounge (已結業)

一出 9/F 電梯, 就聞到一大陣難頂既煙味 好想入返電梯走人, 但... 同友人專程嚟食飯, 唯有照入去啦 Set K 係 牛扒餐 $88+10% 牛扒成吋厚, 賣相十分好, 七成熟, 味道就麻麻地 伴薯菜, 新鮮熱辣炸薯角份量好多, 淨食薯角都飽晒 配菜中, 有少量凱撒沙律, d 菜好爽脆, 黑醋就酸左 d 真係奇怪杯熱檸檬水, d 水竟然係微暖 ???但係... 一來到坐低, 佢比嗰杯水係"超熱"o架

上星期行過莊士倫敦廣場, 商場大堂放有很多間的餐廳和酒樓的傳宣紙, 見到這間Y C Cafe有多種 $38 set lunch的選擇, 便先上網看看openrice內的食評, 覺得都ok, 今天才上去試試.選了兩份套餐, 其中一份加10元便有餐飲可無限添加的 及 自助沙律和餐湯任取任食, 包括椰果 火腿絲 青瓜片 蕃茄仔 生菜 提子乾 布甸仔略為太淋的紅腰豆. 紅色的菜湯太酸太咸. 香草白汁魚柳意粉, 有很多伴碟的雜豆及焗豆, 意粉很大堆, 白汁的樣很似漿糊狀, 食的時候有點怕, 食落去發現這款汁幾好味, 煎魚的粉漿似炸過, 很脆, 且魚的肉質仍然保持鮮味, 一點都不腥.另外, 雞扒意粉的雞很咸, 但又算滑, 應該是雞上脾肉似的, 同時有很多配菜件碟.服務幾好, 環境ok, 餐廳內可望到九龍公園的景物, 非常開揚, 最差是那杯熱檸水, 應該是檸檬苦了.

五月第一次去,再黎多次係因為好鍾意個環境,坐得好舒服,服務亦好好!不過食物種類比較少, 價錢都比較貴如有特別慶祝,呢度係一個唔錯既地方我order左一個NewZealand特厚西冷扒set dinner, 有紅酒or白酒一杯,餐湯,飽,主菜,同埋餐飲, 塊扒真係好厚,我要6成熟,但都係熟左少少,唔夠juicy.我個friend order左一個三文魚salad, and 意粉, salad好豐富,好多菜,但價錢等於個意粉, 係貴左d,不過好味同好飽.窗口位雖然係樓景,不過都算開揚, 仲望到少少幻彩詠香江既雷射燈

表姐夫生日，表姐話要攪個surprised party，一呼百應。表姐預先靜靜雞book左呢度，30幾個人，開開心心，都玩左成晚。我地7點左右上到去，佈置吓，差唔多人齊喇，就通水叫表姐可以帶埋表姐夫上黎﹗嘩，壽星公一入到黎，我諗都嚇左佢一跳……就揭開左生日會的序幕了﹗因為包場的關係，食物都已經set好，就好似d mini buffet咁，有雞翼呀、春卷呀、咖哩角呀、泰式魚餅呀、沙律、黑椒牛肉粒、白汁腸仔意粉、煙肉腸仔、雜菜湯等等，仲有大量不停refill飲品供應，檸茶檸水、fruit punch、奶茶咖啡、汽水等等；食物質素都幾ok，我自己最欣賞就係個黑椒牛肉粒，牛肉好鬆軟，好淋，黑椒味亦適中，我地成班人有老有嫩，個個都話好好食﹗雖然其他食物都係d簡單d嘅菜式，未能睇到廚房的真功夫，但佢呢味黑椒牛肉粒，都見盡誠意了﹗同埋，我睇到其他開飯友話呢度service唔好，我又唔覺lor；成晚都有最少3個人車輪轉咁係房到幫手，不停換碟，又同我地點歌，成晚都叫好笑容，就算冇嘢做，佢都有個人stand by係度隨時準備幫手，我覺得個service都唔錯﹗呢個場平日都唔知咩人多？當日就唔覺有好多人係度

和同事一行五人到了YC CAFÉ吃午飯，三十多元一個餐、飲料任refill也算差不多，同事落力推介說這裡的排好吃我就試試看，當然吸引我來是飲料任refill，貪少便宜…我叫了一個香煎酸汁龍脷柳意粉，碟上放置的意粉和龍脷柳是整齊可觀的，連碟邊的那點茄汁焗豆、蘿蔔青豆粟米粒、兩塊蕃茄片的裝飾都恰到其位。意粉酸酸的，龍脷柳煎得蠻香口的，跟一般快餐店那煮熟就算的龍脷柳是大有分別，龍脷柳一共有兩大塊…奶茶也refill了兩次，很有奶味很香滑…服務態度良好，落地玻璃看出去是鬧市，環境清幽，坐在舒適的沙發上，跟出面川流不息的街道形成對比，很有偷得浮生半日閒的感覺，是午休的一個好憩處！

好離譜，我同朋友是看完網站介紹才去的，本想中午食個有舒服環境，靜靜地傾野的中午飯，入到去，見四下無咩人，而且想靜少少，當然向侍應要求比較靜d的位置，方便傾計，點知個侍應講「最靜係呢四張」，一睇，係中間連茶餐廳都不如的位置，又多人行過，又係正中間，完全離譜，再問多一次，係咪冇其他靜d位置，佢張大眼見到四下無人大把空檯都講，係得呢四張了!我覺得完全趕客，我同朋友立即走人，怪唔得冇咩人中午上去食lunch!

儘管餐廳的地方/座位頗闊落，餐廳的整體氣氛並不如其他網友所寫般吸引，也許是下午時間吧。另外，因這是一間Café X Bar，餐廳充斥了一股「卡拉OK味」(煙味 + 空氣清新劑味) ，這點有待改善！下午時段餐牌的選擇不是十分多，我最後點了一個白汁煙三文鱼意粉set lunch。整體味道不錯，個白汁都幾rich同creamy ，唯一問題是食物温度不夠熱。順帶一提，這間餐廳裏竟然有一間賣名牌的shop，貨品的價錢由數百元到數萬元都有。我想… 真的有人在這兒買名牌手袋及名錶？？或許sales們可待食客差不多買醉的時候向她們推銷，哈哈！

Very very nice environment.We have ordered set dinner each for 5 ppl + desserts and baked Fench Snail as Appendizier.Romantic and relaxing, and quiet due to not very huge ppl flow. Waiters are all very polite and even we sat all night is not being chased for any one time. And the Manager is very patient to explain the booking arrangement to us when I enquired about the procedure for party booking. (praise!)What an experience to dine here.

上星期有個朋友約食飯,都不知去邊??朋友問我想食咩?我點知 後來他說不如帯我去一處都幾特別去處 叫 YC.....???去到感覺真是有些特別.它有餐廳但傍邊有間賣品牌商店幾得意好像在一個商場食嘢感覺,但是高級商場因環景很好!!!我order了一個克松露湯很好味道,另牛柳也不錯 不過略為細一些可能少食多知味哈原本夜些又有酒吧,搞到個餐飯食足6個鐘.........仲要醉下醉下回家他們的拳手及經理都很利害如想又食又唱又醉哈不防也一試!!!!!!!!!!!

第1次黎,一入門口已經有待應識得招呼我,我話"睇下架咋,轉頭走架啦",佢都唔介意,仲好詳盡咁介紹佢地公司,我心諗..打份工咋,又唔係自己公司駛唔駛咁盡呀!!佢介紹詳盡到連每一間vip房同佔地7千尺尖沙咀海景落地玻璃都講埋!!其實我都覺得有少少煩,但係就好欣賞,因為佢都係一個有禮貌既o靚仔轉頭上返黎,個待應又記得我叫咩名woo,我個心突然有點說不出的味兒~跟住我同我女朋友坐係靠落地玻璃既位置,忽然有d變左熟客既感覺(雖然第一次)我order左黑松露湯,chief's salad,法式煎鵝肝,焗田磥。我唔大食,所以order唔多,但係碟碟都好大份,食唔曬。最後,由9點食到10點,最令我驚喜既就係由一間高級餐廳既格局會變左一間極具超高調格局既酒吧,環境令人雀躍,我10點坐到1點,開左支13xx蚊既紅酒,感覺一流!!

本人剛從歐洲回流,早日和朋友到佐敦一帶進食晚餐,嘩,誰不知比我地找到 YC cafe,一上到去,巳有經理熱情招待,第一眼已被那裹迷人的燈色吸引,坐在近窗口,窗外夜境一流,最啱情侶談心進餐,我點了湯,頭盆,主菜 , 三度 service, 食物比我想像中好食,一個黑椒汁就吾同其他餐廳,吾好以謂黑椒汁一定黑色,正宗法国黑椒汁係用牛油,鮮忌念打,所以吾係黑色,味道和歐洲大厨一樣,值得一讚.

同事farewell去包房，成33人，環境、衛生的確很好，地方夠大。問題:1. buffet形式食，只得6種野食，2種冷盤！2. 冇人收碟，但我地圍住切蛋糕就走入嚟，係蛋糕枱隔壁掃地！3. 叫d服務員幫手影相，唔答我地；問多幾問，就大聲悔氣地答：等緊你地影完呀！你仲影緊我點影！4. 結賬要數人頭，佢話我地有36人，但我地有請人名單，計埋佢入嚟既服務員都唔夠喇！

無意中得知此處有個地方很大的樓上cafe／餐廳， 約了姊妹們上來聚聚。 menu 選擇不多。 大多是意粉和肉類， 小食以炸為主。 可能這處畢竟是個 cafe X bar， drinks menu 則相對地豐富， 而且是晚所有 non-alcoholic drinks 都是半價， 非常實惠。 香蒜蜆肉意粉沒有很強的蒜香味， 不過味道是可以的， 意粉也有咬口。 煙鴨胸寬條麵很 creamy，味道雖然不錯， 但寬條麵是碎濕濕的。焗意式水瓜柳使檸汁魚柳其實只是很普通的魚柳跟些新鮮蔬菜與意粉上， 味道不錯但無甚特別。 menu 上有很多花茶或養生茶選擇， 還有一些凍飲， 在暗紫色的環境裡坐著喝著東西談天倒也是不錯。 很多上來的較年青的客都是坐 lounge 的， 反而 cafe 這邊有兩檯一家大細。 環境氣氛非常不錯， 服務也不賴， 是一個聚會的好地方。

閒日一點半在佐敦逛著，熱辣辣，唯有上樓上cafe開個飯，希望好座一點。門口沒有menu，唔夠professional。看到裡面人不多先入去。waiter 讓我們坐門口位的一枱 咁多位唔俾，俾個風水位我地？唉。然後揀了一個賣名牌counter對面的位置坐著。看到window seat的位置，好多都是一個或兩個人坐著一整枱~ 就這樣歎歎茶~應該幾寫意。order了凱撒沙津和黑椒雞扒意粉，餐湯幾好味道，沙津就一般。會員九折免費入會，不會要填太多個人資料~ 所以無join。全場待應無交流。

星期六，同一班舊同學慶祝生辰，又唔想去普通食肆，於是選了此cafe，貪其環境舒適。一行十五人，上到去左面是酒bar，右面是食肆，一早訂了位置，所以餐廳set了一個空間給我們，都幾闊落。我們每人選一個main course/ set 再叫一些小食一起吃，有很多，小食包括雞軟骨、雞翼、鵝肝醬拼多士、鵝肝多士、煙三文魚等，main course 有t-bone、意粉、羊架等等，再加兩支紅酒。食物質素不錯，但部份小食就鹹了少許，紅酒一般。最值得一提是吃飽後，可以繼續談天、繼續我們的慶祝活動，並沒有趕我們走的念頭，而且還替我們不斷加水。其實，這cafe環境真的不錯、而且幾舒適，食物價錢又合理，十幾人去吃只不過三千多元，服務也不錯，普通晚飯，多人慶祝都不失為一個好地方。