YOLO Cafe & Bar (已結業)

近期轉咗去旺角返工,一到食晏時間就會周圍搵啲好嘢食吓,近排食咗一間西式餐廳,覺得好值得推介。Yolo Cafe & Bar 地址係染布房街6至8號華樂大廈地下6號舖旺角好難搵到一間咁舒適嘅餐廳,無論裝修,環境氣氛,都畀到人一種感覺好舒服好休閒。最啱就係放鬆下。店員非常之有禮貌,所有感覺都好舒服。餐牌都有好多食物選擇,而且每樣都做得好吸引。首先點咗個經典凱撒沙律,沙律菜好新鮮,加上醬汁同埋麵包碎一齊食,整親嘅味道都非常清新,而且仲係好開胃皇室煙三文魚意大利飯, 108元 煙三文魚份量好多,而且仲好鮮甜色澤都好吸引,煙燻過嘅三文魚味道層次非常之豐富,加上意大利飯少少醬汁有啲芝士味洋蔥味,口感都非常豐富。每粒飯都被醬汁包住,入口感覺好幸福。卡邦尼意粉 98 元 ,跟一杯焦糖咖啡加3元 ,意粉份量都好多,而且入口味道好香,食到好香嘅芝士味,香料味道,加上醬汁,爆香咗嘅煙肉,洋蔥,入口好creamy,味道層次好豐富, 簡直係五星級推介。焦糖咖啡,咖啡面有一層焦糖,經過燒香,入口香甜,加上下面幼滑嘅咖啡,兩者非常之配合,味道好豐富,口感順滑。 繁忙中去到一個咁舒適嘅環境食晏,真係成個人都放鬆曬,

難得疫情冇咁嚴重,限聚令又放寬,即刻約朋友去旺角行街,睇戲食飯,喺旺角睇完場戲,即刻上OpenRice望吓有咩好嘢食，見到附近有間Cafe啲嘢食都幾吸引，價錢又公道於是就去試吓。YOLO CAFE & BAR 喺染布房街6-8號華樂大廈地下。喺戲院行過去都係幾分鐘。去到門口見到入邊嘅裝修非常之整潔，光猛整齊，而且空間感十分足夠，坐低店員俾個QR code自己點食物，感覺都幾舒服。呢度俾人嘅感覺好放鬆，望下餐牌都有幾多嘢食，我哋點咗個是日精選，忌廉海鮮意大利飯，108元海鮮意大利飯買相好好，材料非常之豐富，飯煮到啱啱好軟硬度適中，加上忌廉芝士洋蔥海鮮，無論口感同味道嘅層次都非常之豐富，整體來講好難喺出邊食到咁好味嘅意大利飯。真係好好食。卡邦尼意粉 98 元。意粉好香芝士味道，加上有啲煙肉碎，整體來講味道好夾，而且入口好Juice，意粉煮到啱啱好，唔會太林 ，鹹淡度適中，值得推介。肉醬芝士焗大啡菇 78 元 ，呢個都算好抵食$78有兩個大啡菇，而且啡菇上面鋪滿芝士肉碎各種調味，味道層次非常豐富，加上焗香嘅芝士，新鮮多汁嘅啡菇一齊食，一流。美式咖啡 咁熱嘅天氣飲杯冰涼嘅美式咖啡，簡直係一個

成日係旺角都想搵下有咩cafe岩坐🤭但平時星期六日去到間間都要等勁耐🥲今日發現有間新cafe🥹睇落都好靚好光猛岩哂打卡一族去嘅日子係平日嘅下午都有唔少人應該都係見新開去試吓呢度係用QR code落單比大家睇睇我嗌咗咩食先雖然係用QR code 落單但係佢都有提供Menu方便大家睇㗎飲品都有唔同嘅選擇嗌咗檸啡同Latte 味道都唔錯加$30 就有cheese cake 無理由唔加姐咁抵小食拼盤份量都幾多有雞翼薯角豬肉腸同辣魷魚🦑魷魚係韓式辣醬味雞翼有蜜糖汁腸都好貼心切好哂咁又過左一個下午

恢復返晚巿堂食，周圍都好多人，今日我地揀左間坐得舒服嘅西餐廳食晚飯，食飯期間都好多人入座，好快坐滿用手機scan QR CODE 落單，我地1家3口，叫2人 set 好似抵食啲，再加多一客雞亦，價錢都好公道2個頭盤先嚟，我地揀左雜菌忌廉湯＆意大利雜菜湯溫度適中，我同仔仔就鍾意雜菌忌廉湯，好creamy，飲落口啖啖雜菌飲品嚟喇🥃青檸梳打要浸多一陣先出到個青檸味朱古力滿滿嘅棒過來，上邊有天鵝嘅圖案🦢，好特別黑松露薯條嚟左，個黑松露醬好好味食到停唔到口其中一個主食：卡邦尼意大利粉送到，就咁望落去，感覺有啲少，不過味道都不錯，仔仔好鍾意食，佢一個人食左一大碟驚唔夠飽又無肉落肚，所以額外叫左6件炸雞亦，有3隻味選擇，得唯一一款係唔辣：蜜糖芥茉，所以就點左，如果可以mix 2 款口味咁樣點就好到另一個主食上枱：皇室三文魚意大利飯賣相好得意大利飯煮得好好，仲要啖啖三文魚粒食完，已經飽飽，無空位試甜品🤣同埋呢道咖啡由得獎咖啡師沖，不過可惜個餐唔包咖啡，如果可以補差價轉飲就好，我一定會試仲有，聽講定期轉menu下次再嚟試

☕️Yolo Cafe And Bar 開返晚市去旺角搵嘢食，行開染布房街見到有間新開嘅Cafe，就決定試吓佢😙餐廳裝修比較簡潔明亮，行呢個小清新路線座位都比較寬躺，坐得幾舒服👨🏼‍🤝‍👨🏻晚市2人 套餐 $398🥣雜菌忌廉湯:菇味濃郁，有顆粒感，忌廉香滑🥗傳統凱撒沙律:羅馬生菜新鮮，凱撒醬有齊酸、咸，混雜香料味， 麵包粒煙肉香脆🍟黑松露薯條:薯條炸得啱啱好，黑松露沙律醬正常發揮🍝卡邦尼意粉: 水波蛋流心，意粉口感彈牙勁掛汁，煙肉鹹香，洋蔥香甜必食推介🌟🌟🌟🌟🍚香煎雞胸配意大利蕃茄飯:醬汁酸酸甜甜，飯軟硬適中，略嫌雞胸可以再滑啲🍹話梅梳打(支裝)日照夜霧 +$15 :鹹鹹酸酸，重話梅味🍹山楂蜂蜜梳打(支裝)日照夜霧 +$15 :淡淡山楂味，酸酸甜甜🍰Tirumisu Croffle +$58Croffle有淡淡牛油香，厚實香脆Tirumisu唔會太甜，軟芝士輕軟夠香，帶有微微咖啡味3個人埋單$502其實都幾抵食，一個二人餐夠我哋三個人食食物質素都唔錯，重點推介卡邦尼意粉特別要讚係店員服務超級好，勁有禮貌，又會主動收碟👍🏻👍🏻如果大家去開旺角都可以去試一試

今天我朋友到旺角一間Cafe食中午，見到呢間好有行代感嘅cafe,環境優美清靜，價錢適中，食物又好食，好值得推介。佢嘅選擇種類很多，價錢好適中。飲品都有好多特色嘅選擇，咖啡嘅選擇都好多，也好特別。係呀仲有egg benedict同all day breakfast 揀。好開心。仲有沙律同湯揀，好滿足。坐在落地玻璃，好舒服，環境優美清靜，富有現代感嘅裝修。很時尚。橙汁好新鮮美味，係鮮榨橙汁。全日早餐，賣相都好豐富，用料上乘，份量都好足好大份，好抵食。三文魚好新鮮美味。炒蛋好滑，好香蛋香味。牛角包好脆好鬆軟。沙津都好新鮮好爽脆，好有田園嘅感覺。好適合夏天食用。食物好食，環境舒服，真心唔錯，值得推介。

星期日兩點幾想搵間cafe食個late lunch坐下，經過YOLO cafe見到唔太多人，就入去試下。食物份量好適中，又唔會太大碟。 叫左個all day breakfast，味道都唔錯！ 另外叫左杯焦糖咖啡，出面好多時會整到好甜，但YOLO呢杯焦糖咖啡甜度適中，咖啡味都幾出，唔會俾啲甜味蓋過咗。 唯一缺點係繁忙時間有限時，唔太適合work from cafe。 但overall 都推薦！

今日同朋友揀咗旺角Yolo Cafe食lunch, 餐廳走小清新嘅風格，用色舒服，裝修雅緻，比一般cafe嘅枱擺得更疏落，傾計唔怕俾隔離枱聽晒。我地叫咗一個意粉、一份egg benedict share，見佢加購croffle只係$30，我地都加埋做飯後甜品。Egg benedict賣相唔錯，三文魚同牛油果嘅份量都唔少，伴碟沙律嘅味道都唔錯。青醬大蝦意粉相對嚟講更加吸引，蝦肉彈牙，意粉煙韌度亦適中。天氣咁熱我地叫嘅都係凍飲，無論iced latte定dirty個賣相都唔錯，而且咖啡本身都好香濃，旺角區黎講算數一數二出色。第一次食Croffle口感幾酥脆，上面有忌廉芝士同朱古力粉，似係tiramisu嘅變奏版～

🍽松葉蟹意大利飯🍀🍀🍀🍀🍀🍀🍀🍀🍀🍀餐廳用左春天少女粉紅色既碟作器皿，添加一份春天少女氣息，松葉蟹意大利飯好香蟹肉味🦀，材料除左蟹肉亦有芝士、大啡菇同蘆筍，味道有陣陣既蟹味，飯粒口感適中～🍽焗肉醬芝士粟米片🍀🍀🍀🍀🍀🍀🍀🍀🍀🍀頭大同朋友食唔晒碗粟米片，一黎份量都算多（胃口大既人可能唔夠😗），有好多拉絲芝士同肉醬☕️髒髒咖啡🍀🍀🍀🍀🍀🍀🍀🍀🍀 如果鍾意奶味重啲既食貨，建議黎餐廳試試，依杯dirty 都做到上暖下凍既感覺，味覺偏奶味，而飲到底有啲啲似酒味☕️🍵焙茶鮮奶🍀🍀🍀🍀🍀🍀🍀🍀🍀 頭大點左杯凍既焙茶鮮奶，因為冰既關係，有好微既焙茶味，熱既焙茶鮮奶應該較重焙茶味～🌼🌼🌼🌼🌼🌼🌼🌼🌼🌼☀️整體而言，本身頭大想點tiramisu 🥲但已售罄，而餐廳以純色為主，讓客人有種好平靜既感覺，店員都好好服務同好有禮貌👍🏻

旺中帶靜的休閒Cafe,環境清靜唔會太嘈，簡約裝修打卡一流，平日去唔算多人，非常適合三五知己飲杯嘢傾吓計，試咗佢嘅手沖咖啡同埋店主做嘅甜品，咖啡師即場手沖，仲會同你講解咖啡豆同味道嘅層次，甜品唔太甜剛剛好。

今日經過染布房街附近見到呢間新開既cafe,內外都帶住一陣簡約舒適既風格就吸引左我入去試試.卡邦尼意粉意粉上帶住一隻水波蛋,將水波蛋刺穿後溢出鮮黃色既流心蛋黃.鮮黃色既蛋黃慢慢穿梭係意粉間,將意粉同樣染上鮮黃色.意粉彈牙而且充份掛起蛋黃忌廉汁,每一啖都感受到濃郁既忌廉及蛋黃香.意粉裏既煙肉燻香得黎又唔會過鹹膩,再配上香甜既洋蔥相當惹味.佛羅倫斯班尼迪蛋 以英式鬆餅配上波菜,水波蛋同荷蘭醬,清新唔會過膩.蛋黃令整個口感更香滑及帶出濃厚蛋香.鬆餅輕輕烘香後變得脆口,整齊帶出3個層次既口感,滿足.是日精選 croffle 是日精選croffle係Tiramisu croffle!見到croffle上唧出一層厚而濃密既cream及朱古力粉已經覺得好吸引！新鮮烘香又熱辣辣既酥脆croffle配帶點冰涼既忌廉,一溫一凍既口感刺激味蕾.檸啡清香既檸檬配上咖啡充分地降低咖啡厚重既苦澀感令咖啡變得清新.青檸梳打酸酸甜甜好fresh又解膩.

餐廳位於旺角，地點方便，裝修光猛簡潔。而且仲幾好坐！ Lunch time 有套餐，指定款式。▶️CARBONARA 卡邦尼意粉$98意粉汁幾creamy, 但又唔會太漏。意粉軟硬適中，都幾好食！ 跟餐焦糖咖啡$22.5 (半價後）咖啡味香濃，焦糖味上邊脆脆地～▶️煙三文魚意大利飯$88味道唔錯，唔會太濃味。三文魚卷成花，飯夠多汁。跟餐甜品+$30 Croffin 呢個幾香脆，近期好多都餐廳都有呢個。cream有少少奶油芝士味帶啲tiramisu 味。▶️散叫多個橙汁$30

今日下午去旺角新世紀廣場逛下，日日喺屋企長時間工作，感覺都係要出嚟伸伸腳。當決定了夜晚會買咩外賣之後，離開旺角東地鐵站5分鐘，有間新開嘅Yolo Cafe。門牌以綠色做底襯上白色，Lunch Menu好似幾豐富，有沙律或湯，加上意粉，意大利飯既options。中午時間都有啲人氣，好在仲有最後一張枱可以安排，唔使等位。裝修用石屎灰加上一支支暖色光管襯托。廚房旁邊有圓拱型既門通去另一個area ，估計係一個飲Cocktail，draught beer嘅地方。墨西哥nachos 鋪滿芝士同肉碎，入口脆脆的。cabonara意大利粉可以轉年糕，考慮咗一陣決定意粉。意粉配上少量煙肉幾啱口味，唔會太咸。意粉好煙韌，冇5分鐘就食晒。

今日4月5日放假，天氣很好，所以想出去走走。已經好久沒有與朋友見面，所以今天我便約朋友見見而，吃個午飯，談談天。上星期經過旺角，看到有間新餐廳，今日來試吓。 假日到訪，雖然沒有午市套餐，不過價格不貴，又可以用優惠價加蛋糕和飲品，都幾抵食㗎。 香腸蕃茄芝士焗意粉$88 好邪惡的芝士焗意粉，大量肉醬和芝士蓋著意粉，香噴噴。意粉香氣不斷，好惹味啊。 焙茶牛奶 吃意粉可以用半價飲飲品，我試了焙茶牛奶，茶香濃，奶夠滑，唔錯。 最後我們用優惠價+$30各要一份甜品，Croffle好好食，上面的tiramisu 忌廉又香又滑啊！

今日咁岩請咗年假於是同友人一齊去呢間新開嘅Cafe🙆🏻‍♀️間Cafe好韓式好清新🔆既味道 友人表示去到感覺自己都後生左呀😎 一入到去就見到啲裝潢滿是韓星的照片 仲有啲打卡位比後生仔打卡 🤤充斥住好開心既氣氛😏👍呢到係用手機落單既 ！非常之方便呀🙆🏻‍♀️1. 全日早餐（$108）個全日早餐非常之豐富 包括左 牛角包 🥐 炒蛋 🍳煙肉🥓煙三文魚🍣 菇 薯餅 沙律 🥗焗豆 😋 全部都好滿意！2. 香煎雞胸配意大利蕃茄飯 （$98）配 雜菌忌廉湯雞胸既份量爆多！勁飽肚😜味道適中 而雜菌忌廉湯則好creamy 啲磨菇粒好多 仲要溶化在忌廉湯入面 😙3. 髒髒咖啡☕️（半價加配$21）呢個咖啡既味道好濃郁 不是太甜 😜今日天氣有啲熱 剛好飲杯冷咖啡就正好🤪4. Oero芝士蛋糕（半價加配$30）呢個蛋糕大推！ 好似食緊oreo雪糕咁 唔會好甜都唔會好漏 😚非常不錯呢個環境幾舒服😌青春氣息max 好似去左韓國咁 🇰🇷仲要人氣幾高 滿哂座 😙果然冇去錯😎