Zakka (已結業)

新開的餐廳都覺得環境特好，和姐妹們下午茶又多了個好地方了！位於銅鑼灣鬧市逛完街後就能來這裡坐坐吃個甜品聊天現點現做所以需時20分鐘，不過值得一等！厚厚的梳乎厘蛋香味濃郁，入口即化，相當鬆軟，配上雲呢嗱雪糕和水果，口感豐富又可口。如果真要我一個人吃一份，我真吃不完，所以可以和朋友一起分享一份。沙律也很不錯，雖然沙律醬有點少，不過雞肉塊挺大塊且不會鞋，沙律菜也不少，這我一個人吃也絕對能吃完這裡餐具和水都是要自助的，買完單後再自己取！

之前JP Plaza裝修，現在終於重開啦和朋友睇完戲後落黎食野就最近最方便，原來裝修後變到好似food court咁，可以買唔同店的食物自己搵位坐頭先睇戲買了爆谷汽水套餐，都唔算很餓，所以決定吃Zakka cafe的厚身pancake當晚餐，另外也單點一杯凍紫薯鮮奶，有種High tea的感覺 XDPancake一共有三件，一上台係識震，看似很軟綿綿，拿刀切下來很鬆軟，好像梳乎厘咁，而且入口蛋香味濃郁，另外亦可自行加上楓糖和牛奶雪糕一起吃。說實在兩個人分三件我還覺得不夠 XD凍紫薯鮮奶的紫薯味道比想像中濃，而且味道唔會唔自然

去開銅鑼灣新 food court Festiva食野，係上海姥姥食左個蟹粉素鵝。一場嚟到，當然要食埋甜品先走啦~Festiva 有間食輕食嘅餐廳叫 Zakka Café除左有窩夫，班戟🥞等甜品，其實仲有burger🍔，意粉呢類主食。草根見到有呢輪大熱嘅梳乎厘班戟，諗都唔諗就即時叫呢個。叫得呢班戟就預左要等，因為佢只可以即叫即整😝梳乎厘班戟•北海道牛乳雪糕 （$88）Soufflé pancake. maple syrup. mascarpone cream. Hokkaido Milk ice cream 班戟有3層，上枱疊得幾高身，旁邊配有一小球雲呢拿雪糕，生果同糖漿。班戟夠厚身，彈力幾高好動L，口感鬆軟但未至於係空氣感💨草根姐妹其實反而中意呢款口感，好多人追求嘅空氣感反而唔係我地杯茶🍵。唔好睇少佢，食完真係有飽肚感嫁，蛋香味🥚就唔好妄想有啦，但加埋糖漿🍯又真係幾唔錯😋雪糕好普通冇特別，唯一就係球雪糕真係太細啦，大球d會滿足好多😂又估唔到Food court食到嘅梳乎厘班戟又唔錯唔喎！下次可以再嚟食下個Burger🤘🏻

我認為要做到好食嘅窩夫同做到好食嘅pancake一樣困難，反而小店會比較多驚喜，大集團始終比較難，這天想約朋友來下午茶。朋友介紹這裏嘅窩夫值得一試，我話我好討厭嗰啲乾爭爭，冇蛋味冇口感嘅窩夫。朋友話相信我啦呢一個有少少驚喜呢個窩夫有兩球美味雪糕，雪糕唔係重點，配上水果粒，重點係望落去幾省鏡嘅窩夫窩夫應該唔係即叫即做，但係呢同樣都鬆軟有熱度，望落去樣子吸引，絕對唔係乾爭爭嗰種。食落果然有點驚喜，感覺有啲似牛角包嘅鬆軟質感。不會太甜，不會很實，帶點小店風格，不像一成不變的那些只有樣子討好的。意想不到嘅驚喜之作。味道不會過甜帶點牛油香味。唔怪之得朋友如此推薦。份量不大一個人食剛剛好再配上一杯咖啡絕對係十分之好嘅下午茶。

食完正餐，當然輪到甜品出場，友人想食西式甜品, 所以就即時轉另一間餐廳。行幾步就有間Café，的確很方便。望着Zakka Café的大餐牌箱，發現有九款甜品選擇。 ***********************梳乎厘班戟熱潮越來越厲害，連我也由窩芙粉絲變成班戟粉絲，移情別戀，哈！這裏雖有式的脆酥窩芙，但最終我倆還是揀了一客梳乎厘班戟•北海道牛乳雪糕 Soufflé pancake. maple syrup. mascarpone cream. Hokkaido Milk ice-cream ($88)。即點即製，雖要等待一段時間，但也絕對值得！三件厚厚的班戟 疊得高高的，旁邊配有一小碗楓葉糖漿、一球北海道牛乳雪糕、一些忌廉芝士 和鮮雜果，還以朱古力醬 在碟上畫紋，單睇賣相已令人興奮。熱辣辣的班戟 外表帶少許金黃，輕盈且極鬆軟，還有些回彈，也帶少少濕潤，加上啖啖滿有蛋奶香，不論口感和味道都一流！又試淋上楓葉糖，伴些冰凍的雪糕，味道香甜，冷暖交融，非常滋味！------------------------------老實說, 明知一客梳乎厘班戟往往很有份量, 根本上我一個人是不能完全吃掉,

一直都想食梳乎厘班戟,和朋友去睇完戲,四周一逛,看到原來ZAKKA也有梳乎厘班戟食,和友人商量一下,決定入去食食食~~XD不用十分鐘,已經拿出熱乎乎的梳乎厘班戟,略帶厚度的軟綿綿又具有彈性的班戟,看到已經流口水。配搭了楓糖漿,但我就喜歡食梳乎厘的蛋味,蛋味清甜而軟身,食下去也很有滿足感。旁邊除了有水果作配襯之外,也會有一個雲呢拿雪糕,可說冷與熱俱全的甜品。也另外叫了一杯熱飲的紫薯鮮奶,味道不會太甜紫薯味也重,紫薯和鮮奶也相當夾,不會覺得突兀,這種配搭幾新鮮。

Zakka在銅鑼灣開左新店！就在皇室堡對面翡翠明珠廣場一樓，原來係大家樂集團在這裡一樓全層開左六間餐廳，做左個很大的food court.話左我係甜品控，真係好鍾意食甜品，今晚同朋友食完晚餐，直接就來Zakka食埋呢個梳乎厘班戟配北海道牛乳雪糕，$88。呢個班戟一上桌，見到都流曬口水，因為佢識震，睇到都覺得佢係好軟綿綿。忍唔住我要切開佢啦，見到裏面真係好似梳乎厘咁鬆軟，班戟內啲氣泡好綿密，証明粉漿打得夠均勻，個班戟煮時先可以升起得咁高咁靚樣。淋上糖漿一齊食，味道有好香甜嘅蜂蜜味，班戟本身味道淡，有好香嘅蛋味，所以拌食配料好重要。口感食落好軟綿綿，入口即溶，好似食棉花糖咁，真係食到唔停得口，三塊厚厚嘅班戟，唔使三分鐘畀我們食晒喇!食嗰陣時，可以配埋個北海道牛乳雪糕一齊食，會增加牛奶味，因為個北海道牛乳雪糕，牛奶味超重，令個班戟更加香，可惜雪糕太細球了，我每一人一啖已經食晒，想再用來塗班戟食都唔夠。另外，又可以配奶油，個奶油打得超滑，味道少少甜，令班戟有蛋味之餘又多d香甜味 。另外我哋仲叫多一個紫薯鮮奶飲品$36，呢個真係好少有得飲呀，值得推介！因為飲一啖就飲到有好香嘅番薯味，而紫薯味道係

同好姊妹飯聚黎左翡翠明珠廣場嘅新Food court，叫Festiva，呢度可以一次過食晒中式西式同日式，主食同甜品都可以一個地方就搞掂。好鍾意Festiva個環境，以木同綠色嘅大自然設計作主調，感覺好舒服！食完主食就揀左Zakka做飯後甜品！梳乎厘班戟北海道牛乳雪糕：梳乎厘口感輕得黎又唔會係食空氣咁，配糖漿同雪糕食，不得了！酥脆窩夫配榛子椰子雪糕：窩夫係同牛角包口感一樣，鬆脆咖！雪糕有多種口味，可以滿足到大家。兩道甜品都有鮮果平衡返，唔怕食滯。紫薯鮮奶：比想像中好飲，味道自然唔假，熱飲更香。

今次凈係試左兩個甜品梳乎厘班戟好香好鬆軟 有啲口感得黎唔會好似食空氣咁 仲好濃蛋白味 配埋糖漿同雪糕更好味 大大份好好抵食酥脆窩夫係好似牛角包咁嘅窩夫 真係好特別 就咁聞已經聞到好香牛角包味 食落去俾一般嘅窩夫多層次 加埋雪糕一齊食真係冇得輸

今天路經銅鑼灣，發現JP Plaza 多了很多間餐廳，其中一間叫Zakka ，未見過，可能是新品牌，裝修好簡單，有sofa ，牆上又有好多綠色植物，環境整齊乾淨，又好有西日feel.食物，有意粉，薄餅、但最吸引我的是一系列好靚的甜品，諗咗好耐，也不知選那款吃，友善的店員向我推薦最多人選的pancake。好啦，就點了一客pancake，不過要等30分鐘，有點耐！早知點其他。但當個pancake 送來時，吃了一口，嘩真係好好味，好鬆軟，還有日本北海道雪糕．生果伴碟，只是$88，好抵，加上一杯薄荷茶，吃完心情也好了！佢地d員工也很有禮貌又有善，開房式kitchen，看到個靚靚甜品廚師，笑容満面，d 製服都好靚，下次同朋友再來吃其他先！

食完飯，緊係醫下甜品胃。要坐得耐，又舒舒適適，呢間Zakka ok. (暫時新開張, 遲Ｄ吾知多吾多人).脆酥窩夫，自選了榛子及綠茶雪糕。窩夫，又脆又厚，很大份，有兩件，要３個女孩子才能吃完，２個女仔會飽多Ｄ。甜品附上生果(奇異果，籃梅，火龍果，红梅等)，五彩繽紛，色麗奪目。再加上雪糕，正，女士至愛。由於窩夫有２件，可以試下一件沾上溶了雪糕，另一件塗上未溶雪糕，囗感不同。呢間cafe, 晚飯當然有，下次必定來試，另有分店在大角咀。

前幾晚食飽睇完戲就想去食甜品，所以就去左最近既Zakka~打算一試佢地既梳乎厘班戟同朋友order完之後，大概等左十幾分鐘，我地既“梳乎厘班戟”HKd$48就送到上檯啦三塊厚厚既梳乎厘pancake仲配埋雪糕同鮮雜果，性價比又幾高啵pancake食落的確幾鬆軟亦不失蛋香，淋上甜甜既楓糖漿....加埋雪糕一齊食，完全滿足到我地食甜品既慾望除左個pancake之外，我地仲每人order左杯“紫薯鮮奶(凍)”HKd$36，飲落唔算好濃，但唔會過甜，所以飲完都唔覺膩

哈哈，這商場重新裝修再開番，有好多餐廳，都是半自助，這間餐廳都是這樣模式，自己去櫃檯叫餐付錢，侍應再送餐給客人~前菜:醒胃~主菜: 飽，滿足炸香薯條配上茄汁，好味，好脆又可口魚柳又大又香，夾埋包包一起食，好大個，咬上一口，嘴裡塞滿滿食完好飽肚有糖漿，雪糕，生果等等，配上班戟一起食，嘩，食得好似食棉花糖，又軟又暖又滑好香黑松露味，加上野蘑菇片，撈埋意麵，好滑好香牛肉丸彈牙爽口，配上茄汁意麵，絕佳~配上飲品值得一試

JP裝飾完之後感覺高級咗，不過人流唔及以前咁多，晚市時間都係無乜人去。兜左一圈見呢間幾特別，係日式西餐就一於試下。地方幾大，唔會坐得好逼，就算人多都有大枱坐。呢到係要自己點餐等佢送餐，餐具，水呢d都係要自己出去拎。menu野食選擇都幾多，意粉呀，薄餅呀，沙律呀，burger等等都有。黑松露忌廉意粉，賣相同味道都唔差，有松露同香草嘅香味。三文魚忌廉意粉反而個醬就淡左少少。新開張無收加一，連野飲都係一百蚊鬆d，算價錢合理啦，可以再黎試其他野