影片
港鐵中環站C出口，步行約5分鐘; 入口位於砵甸乍街
繼續閱讀
電話號碼
28544557
25448776
61438593 (WhatsApp Only)
開飯介紹
裝潢典雅的潮式打冷餐廳，提供各式新鮮海鮮、經典的潮州冷盤及砂鍋粥等，是喜愛潮州美食的老饕們享受正宗風味的理想之地。
繼續閱讀
營業時間
今日營業
11:30 - 15:00
17:30 - 23:00
星期一至日
11:30 - 15:00
17:30 - 23:00
*最後落單時間: 22:00
以上資料只供參考, 請與餐廳確認詳情
有關餐廳
有關獎賞計劃
雖然小弟喺潮州人，但香港出世，潮州話唔識講，亦唔識聽，不過，一樣好喜歡潮州菜。最近就約咗同晌中環返工嘅朋友聚一聚，結果嚟到「尚盛潮州海鮮飯店」嘆吓潮州菜，大家都話好耐未食過。中環食晏一向人頭湧湧，入到嚟餐廳裡邊，當然座無虛席啦。一入門口先喺「潮州滷水檔」，滷水嘢當然喺食潮州菜嘅亮點啦。再望入去，大堂一字形去到尾，睇唔出個鋪位原來都幾大、幾深，整體裝修感覺樸實，右邊牆身掛有一幅古畫，非常有雅氣，左邊有好幾個廂房，有客人用餐，就唔多方便影。而枱上嘅餐具同樣透出一股氣質，非常別緻。眼見基本上全部侍應都喺上年紀，同老友傾開，先知喺以前上環嘅「尚興」原班人馬再起東山，難怪門面寫住50年老字號啦。鹹酸菜 $10有理無理，坐低就放碟潮州前菜名物「鹹酸菜」，入口爽口，味道微微酸，好醒胃，無過鹹。順帶一提，茗茶又收$10位，咁仲有加一服務費呢。趁朋友未到，翻一翻餐牌先，大類而言，分別有滷水、魚翅、海鮮、潮州小菜、魚類、湯類、粥粉麵飯、甜品……等等。選擇非常之多，不過呢度無午市套餐，全部嘢都喺散點。潮州滷水鵝 $158滷水喺潮州菜嘅經典，點可以錯過，滷水鵝單睇外觀已經非常誘人，鵝片堆得滿滿，切片大細厚薄均一，肉質柔軟，好有鵝嘅肉香，滷水醇香沉實又入味，果然喺老店嘅手勢。墊底嘅滷水豆腐，口感滑溜，有豆香，同樣滲出醇香滷水味。方魚肉碎粥 $65有一碗或一窩份量嘅選擇，嗌一碗其實都夠晒兩、三個人分，咁嘅份量正正啱晒我哋。潮州粥又喺有其獨特性，粥底唔會太綿，但米粒亦爆晒花，食起嚟有粒粒感，而加入咗方魚、肉碎，除咗食味豐富咗之外，添加咗一份好似柴魚嘅香味，伴滷水及春菜嘅濃味菜式好夾。春菜煲 $108呢記道菜喺朋友最想點吓，因為，佢好喜歡潮州啲家常菜。春菜即喺芥菜，不過，就會切得細條啲嚟做菜，再拌以炒過嘅豬肉，確喺好有家常風味，味道鹹鹹香香，幾唔錯，拌飯或粥都好。菊花石榴雞 $148潮州菜中都有唔少精緻手工菜，石榴雞就喺其一，因為造型特別，形態似石榴，又以雞肉入饌，所以叫「石榴雞」，外皮喺煎蛋白薄皮，再以西芹條紮實「袋口」，但又真喺估唔到煎蛋白可以做到層皮咁有柔韌性喎，包起咁多餡料都無穿無爛。內裡包裹著喺雞肉粒、蘿白粒、冬菇粒、冬筍粒、唐芹粒，每樣都刴得好細膩，又喺一番心機，至於口感上有細緻，有清脆，有濃香，有清爽，慢慢細味真喺感受到嗰份層次。最後淋晌石榴雞嘅芡汁，喺雞湯芡，甚具畫龍點睛之效。綠豆爽最後，竟然仲奉送甜品，雖然喺普普通通嘅綠豆爽，不過，亮點喺後面樽嘢。當時小弟見個侍應放低甜品時都奇怪，做乜多樽樽油，一問原喺陳皮醬，陣陣陳皮果香，甘甘哋，加咗落啲綠豆爽度真喺唔同晒。敢用得老字號做排頭，當然，自認有番咁上下實力，試咗幾道菜，食物嘅質素確喺唔失禮，有水準，師傅啲手藝紮實，唔喺花拳繡腿。
繼續閱讀
周日放假，我同太太去了一家朋友推介的50年老字號正宗潮州菜飯店「撐枱腳」飯店提供各式滷水、海鮮、潮州小菜、料理、魚料理、湯、粥粉麵飯、甜品⋯⋯選擇蠻多的，豐儉由人，是品嘗正宗潮州風味的好去處。👍👍鹹酸菜 $10潮州前菜「鹹酸菜」，入口清爽，味道甜中帶微酸，好醒胃！😛😛鵝肉白烚大墨魚$200經典潮州菜當然係滷水，一定唔可以唔點！鵝肉、墨魚片堆得滿滿的，份量十足！鵝肉切件厚薄大小剛剛好，肥瘦適中，入口香醇嘅滷水味道一湧而出，鵝肉香嫩。墨魚片切得薄薄的，十分爽口彈牙。鵝肉、墨魚片下鋪有嫩滑軟腍腍嘅豆腐、豆香濃郁，美味😋！海蜇手撕雞$108雞肉嫩滑多汁，海蜇口感爽脆，又有嚼勁，加上香濃麻油香味，味道👅恰到好處，簡單卻又惹味，正！👍👍酥炸豬大腸$118豬大腸處理得好，中間無肥膏，無腥味，配酸甜汁，香脆可口，喜歡吃炸物的我，令我食指大動！潮州蠔烙$118鮮香肥美蠔肉被滿滿的包在一塊塊厚厚的蛋餅裏，蛋香蠔甜，外皮香脆，蠔肉鮮嫩多汁，滿口蠔香！綠豆爽餐後，每位客人奉送特色糖水綠豆爽，清淡綠豆香，甜而不膩，口感清爽。最後，每人送上一杯香濃嘅功夫茶，別有一番潮洲風味，為這頓午餐畫上一個完美句號。
繼續閱讀
今日星期五，約上朋友食潮州菜，餐廳座無虛席，十分熱鬧，原來是曾經在上環的尚興，50年老字號，主打正宗潮州菜，採用招牌滷水汁配方烹調出美味的潮州鵝😝✨潮州滷水鵝 $158今晚就係為左呢個滷水鵝，鵝片份量好多，肉質柔軟，滷得很入味，豆腐都吸收左鵝汁精華，好味🤪✨椒鹽九肚魚 $128餐廳另一個招牌菜，表皮可口酥脆，魚肉嫩滑，上面加上姜蔥椒絲，好惹味🤤✨蝦米炒汕頭白菜 $108見到好多張台都有點，就叫左個睇下白菜有咩特別，加上蝦干令到白菜有鮮味，白菜都炒得清甜爽口😆✨魚頭豆腐煲 $118魚頭鮮嫩入味，入口鮮美，豆腐都好入味，汁濃味香😋✨綠豆爽最後仲有送甜品~綠豆爽加上清心丸，如果多d清心丸就好啦~ 正☺️
繼續閱讀
最近去咗尚盛潮州海鮮飯店食飯，呢間老字號搬咗去新鋪頭，個格局大咗好多，裝修企理，地方闊落咗好多坐都舒服咗叫咗個鹵水併盤做頭盤，個鵝片入味，浸透晒鹵水香，肉質爽滑又唔乾柴。大墨就白烚過，肉質充滿彈性，蘸埋食滷水專點嘅酸醋海蜇手撕雞肉嫩滑多汁，啲海蜇夠爽有嚼勁，混埋芝麻油香，簡單卻又惹味。主食叫咗碗蠔仔粥，粥身滑溜溜嘅，啲蠔新鮮肥美，食落有淡淡嘅海水鮮味，配埋肉碎飯粒粒粒分明又夠軟綿。出得嚟食飯多數都會揀食生炒排骨，因為煮嘅工序實在太多。排骨炸得啱啱好，外皮香脆又唔會太硬，肉質鮮嫩惹味，帶微微甜味，香口開胃。配料亦都非常之有誠意，菠蘿係用新鮮菠蘿，蕃茄同青椒，亦都係煮得啱啱好最後嗰個清心丸豆爽真係出乎意料嘅好食！清心丸非常之彈牙！豆爽爽口清甜，整體清新得嚟又唔會過甜，簡直係完美嘅甜品。以一間價錢合理，食物質素又好嘅老字號真心推介比一大班朋友或者屋企人聚會嘅時候食
繼續閱讀
我哋星期六晚上去食，餐廳坐滿人，坐得比較逼夾。我哋叫咗蠔仔粥、蠔餅、生炒排骨、腿蓉紹菜及豉椒蒸白鱔。大約5至10分鐘，蠔餅同碟菜已經送到。蠔仔粥同蠔餅最好食，啲蠔好新鮮，而且份量唔少，食落去一啲都唔腥。👍🏼👍🏼不過服務方面極差，我哋坐低用餐1小時，侍應已經催我哋走。我哋想嗌甜品，但侍應話出邊好多客，廚房整唔切。跟住佢送糖水俾我哋食，未食完已經攞張單嚟叫我哋埋單。更過分嘅係，我哋未起身，下一台客已經入嚟我哋張枱隔離等緊入座。食物幾好食都好，咁嘅服務質素，冇下次！
繼續閱讀