影片
開飯介紹
源自廣島的人氣拉麵連鎖店，店名解作「非常好吃」，以濃厚豚骨湯配上店內自家製麵條。主打款式有炙燒豚肉味玉拉麵及雞白湯拉麵，亦有羽根餃子、炸雞及石燒飯等小吃。
繼續閱讀
營業時間
今日營業
11:30 - 22:00
星期一至四
11:30 - 22:00
星期五至日
11:30 - 00:00
公眾假期
11:30 - 00:00
以上資料只供參考, 請與餐廳確認詳情
有關獎賞計劃
朋友好鍾意食拉麵， 今日嚟到蘭桂坊附近呢一間拉麵店，價錢合宜，味道都唔錯，鍾意食拉麵既不妨一試。梅漬薔茄憬煮雞胸冷沾麵 （$88）第一次食冷沾麵， 夏日炎炎嚟返一碗即時覺得好有食慾。原隻梅漬薔茄好大粒，好甜又好juicy，配上蕃茄汁作沾麵湯底， 酸酸甜甜好開胃好解暑，加上青瓜絲令口感更豐富。仲有大大片既雞胸肉，食完完全無負擔， 怕肥或者健身人士最適合不過， 雞胸本身冇咩調味， 如果覺得唔夠味可以唧上檸檬汁提味。沙拉唐揚炸雞 (2pc) （跟拉麵+$18）炸雞好一件好大舊，外脆肉軟，雞肉都算juicy， 配上滿滿嘅沙律醬， 減低咗油膩膩。雞叉燒辛辣雞白湯拉麵（$95）辛辣雞白湯非常香滑，味道細膩， 吃麵前飲一淡令辣味及鮮味充滿口腔再食麵，非常享受。麵身彈牙幼細，浸泡係湯入面嘅拉麵吸收哂上湯嘅味道 ，非常入味。啖啖肉特製雞肉叉燒非常特別，有叉燒嘅炭燒味，又有雞肉鮮嫩味道。溏心蛋係拉麵既精髓， 呢度嘅溏心蛋煮得好好食， 味道同流心程度都掌握得剛剛好。辛辣唐揚炸雞 (2po)（跟拉麵+$18）同沙拉炸雞一樣，都係大大舊啖啖肉，只係換左辛辣口味，味道唔算太辣。照燒餃子(5件)（$38）第一次食呢種煎餃子，面頭有一塊薄脆炸衣， 趁熱果陣包起啲餃子食，會有種一咬落去好脆，之後好彈牙既口感，然後就咬到好多肉汁嘅肉餡，餃子美味可口
繼續閱讀
忽然想食拉麵 行過見到呢間就入咗去尖沙咀分店就食得多 其他分店第一次- 不怕單一人前*2 $108/1 雞叉燒雞白湯拉麵 唐揚炸雞 可樂 雞叉燒辛辣雞白湯拉麵(小辛) 沙拉炸餃子 可樂分別嗌咗兩個一人前套餐 包一碗拉麵 小食同飲品QR code落完單 直接畀埋錢 又幾方便小食正正常常 一上枱我哋冇即刻食 所以擺到有啲凍咗🥲如果細食嘅話 唔叫小食都會夠飽 因為我呢餐食到好飽😂主角拉麵份量算多 拉麵可以揀軟硬度 雞叉燒好大舊好厚 食落又幾滑 同有一種食極都有嘅感覺 小辛對於我嚟講辣咗啲啲 下次都係嗌返正常雞白湯☺️💰$216
繼續閱讀
這碗拉麵的“特盛”，主要體現在叉燒肉的數量上，麵本身的份量並沒有很突出。炙燒豚肉的部分，肉片很大塊，視覺效果不錯。但肉質偏乾，炙燒的香味也不夠明顯，吃起來有點柴。而且，肥瘦比例不太均衡，肥肉的部分略多，容易讓人感到膩味。湯底方面，味道比較濃郁，但鹹度略高，喝多了容易口渴。麵條的口感倒是還可以，比較有嚼勁，但沒有吸附到足夠的湯汁，所以吃起來味道有點單薄。這碗特盛炙燒豚肉拉麵，只能說表現平平。它沒有給我帶來任何驚喜。
繼續閱讀
今個聖誕玩完就去左附近食拉麵，之前都有食過，餐廳裝修幾有日本feel，店舖唔算大，我哋9:30去都坐滿左7,8成，咁岩我哋安排左坐係高凳窗位，可以望勁條街，店員都好有禮貌，每人叫左一個不怕單一人前，一個餐有小食有野飲，幾滿足💰每人$108(唔洗加一)，性價比高，呢個價錢有3樣野，鍾意濃味既推介:濃厚醬油豚角拉麵，豚角幾淋幾好食😋一碗有4舊，個湯都夠味，份量都ok，正常拉麵份量，2款小食都ok👍🏻👍🏻祝大家Merry Christmas 🤶🏻🎄
繼續閱讀
中環覓食新發現！最近跟朋友lunch time 去了食霸嗎拉麵，佢係一間源自🇯🇵廣島嘅人氣拉麵連鎖店，另外喺尖沙咀同屯門都有分店。店名解作「非常好吃」，佢哋以濃厚嘅豚骨湯同埋自家製麵條聞名。今次我哋去試咗佢哋嘅期間限定蒜山黑蒜醬油拉麵，真係好有特色！🥰🧄 蒜山黑蒜醬油拉麵 $95呢款拉麵係期間限定，蒜香滿分，連湯底都充滿咗大蒜味，真係蒜頭愛好者嘅天堂！🍜 雞叉燒味玉雞白湯拉麵 $95這款餐廳主打的拉麵用咗雞叉燒同埋味玉，配上雞白湯底，味道鮮美。🍡 雞軟骨串 $38其實係雞軟骨丸子，每串有三粒。雞軟骨上面淋上獨特醬汁，軟骨很有咬口，超好食。🥟 雞皮餃子 $42雞皮餃子好特別，雞皮炸得酥脆，入面包嘅餡料好滋味。🍧 柚子雪葩 $35雪葩是日本土佐制，味道清新，係必食的甜品。
💰 總計: $305, 2位用餐(全日不設服務費)
繼續閱讀