影片
港鐵宋皇臺站B3出口, 步行約6分鐘
繼續閱讀
電話號碼
23828299
附加資料
外賣85折至 21:00
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
冬天真係成日都想打邊爐，呢一日又癮起，想食港式邊爐，喺bookmark list度搵間試！！呢間打邊爐近九龍城廣場嗰邊，門口有咪錶位方便泊車❤️一坐低緊係揀咗個湯底先，店員問我哋有冇興趣試吓 #菜膽鮮魚濃湯鍋 $238每日限定2鍋，本身要提前訂！咁啱有人取消咗訂檯，所以有（聽到後面嗰檯想叫都無喇😂）用梭羅魚、九棍魚 、菜膽、豆腐 、類似炸魚片滾，成個湯底奶白色🤤🤤 超正勁鮮甜又唔腥，本身我係好怕魚腥嘅人，我都飲咗好多碗，飲到唔捨得叫佢加湯😌佢哋慶祝14周年，龍蝦刺身或者椒鹽龍蝦做緊優惠，叫咗嚟試下 ，#椒鹽原隻龍蝦 $688龍蝦新鮮彈牙，多肉，椒鹽好香口，好夠火喉另外仲叫咗 #刺身 ，好新鮮！鮑魚又大隻又好味彈牙#北寄貝 $68/2隻#三文魚 $98/4件#冰鎮鮑魚 $88/隻#全天然霜降肥牛肉 $288/細油脂靚，牛味濃，唔鞋口❤️ 好食#鮮蝦水餃皇 $15/隻勁大隻，足料，煮完都有接近半隻碗咁大😂#酥炸蝦餅 $78個面炸到金黃色，個面脆，入面彈牙👍嘢飲叫咗 #有機洛神花茶 $38/杯地方算幾大，有個area俾小朋友玩😮😮勁窩心，平時打個邊爐都要2個鐘，呢度小朋友有嘢玩，大人細路都開心🥰作為E人+活動搞手，同店員傾開計，知道上面有一層，即刻問下收費同可唔可以上去望吓，都有好幾間房，私密度高，又有電視睇，最低消費$500/人，最大間嗰間可以容納廿多個人！過幾日話天氣會凍，係時候約人去打邊爐！！
繼續閱讀
今次呢餐真係冇得挑剔，煲花膠雞湯底好濃郁。湯滾之後我就連續飲咗兩碗。海鮮新鮮。擺盤都好精緻。所謂嘅色香味俱全。餐廳地方都幾闊落，如果搞party或者聚會可以上樓上包房。一樓劃分咗兒童區，帶小朋友嚟可以俾佢喺度放下電。海鮮盛盒海鮮盛盒入面有好多精選嘅食材，包括鮑魚、海蝦、蟶子王、元貝、廣島蠔同魚唇。每一樣都新鮮得嚟又美味，特別係鮑魚，口感滑溜，真係一流。花膠濃湯雞煲呢個雞煲用花膠煮成，湯底濃郁，味道非常入味，雞肉嫩滑，食落去好暖心。花膠嘅口感亦都好好，令人回味無窮。全天然霜降肥牛霜降肥牛真係唔可以錯過，肉質滑嫩，放入湯底一煮即熟，保留住咗肉嘅鮮味，搭配啲蔬菜食更加完美。酥炸蝦餅酥炸蝦餅外脆內嫩，蝦味十足，適合做小食或者前菜，口感好，搭配泰式酸甜醬一碟六件一次清晒。什丸佢哋嘅什丸包括金沙流心魚蛋、芝生丸同蟹籽包心丸，個個都好有特色。金沙流心魚蛋一咬就流出來嘅黃金餡，真係好驚喜！什餃鮮蝦水餃皇、韭菜肉碎餃同鮮蝦雲吞，每一口都充滿鮮味，皮薄餡多，全部都係由店舖人手包。飲品最後，試咗有機柚子梳打同百香果柚子蜜梳打，清新又解膩，為整個晚餐畫上完美句號。
繼續閱讀
有小朋友的家長有福了！火鍋店裡正中間，竟然有一個廚房遊樂！家長可以讓孩子放風一下，自個兒放鬆專心吃飯了😜❤️ 火龍果 / 金菠蘿特飲先來兩個特飲🍹粒粒新鮮水果肉真材實料，加上乳酸氣水份外可口醒神💪❤ 菜膽鮮魚濃湯鍋奶白色的魚湯鮮甜濃郁，記得要先吃一口湯喔！我喝了兩大碗😜❤ 手切鴛鴦肥牛一邊肉質實在牛味香濃，一邊肉質軟腍油香馥郁，同時試試看看你更喜歡哪個🫶🏼❤ 鮮蝦水餃皇一口吃不完的巨大水餃皇！餡料爆滿，啖啖肉好滿足😋⭐ 韭菜肉碎餃/魚皮餃/鮮蝦雲吞韭菜份量比較多味道更香濃，其他的都是正常發揮，是不會出錯系列。❤ 鮮蝦魚皮角一次滿足了兩個願望，是雲吞和魚皮角的混合體，效果很不錯喔🦐🦐⭐ 薯粉/金菇/油麥菜吸湯必備的粉，菇，菜！吸完湯的薯粉真的很讚！這裡還有大小不同的獨立房間，三五成群還是大伙兒眾會都適合！
繼續閱讀
與家人聚餐，食店面積頗大設有兒童遊樂設施，二樓有私人商務貴賓房六間，生日party都岩，私隱度高，門前可泊車很方便。我們點左鮮味ト卜ト蜆鍋$288，蜆很新鮮很鮮甜，蜆的肉質爽彈。手切鴛鴦牛$468(大），兩種牛肉都肉質滑嫩，油花均勻，牛肉味濃多汁很美味好吃😋鮮蝦水餃皇$30（2隻）：勁大隻餡料足有蝦、木耳絲、肉碎、金菇絲等，清甜好好味。手打四寶丸$78:有蝦丸、墨魚丸、牛丸、鯪魚肉丸，蝦丸最正，真材實料打手丸煙韌好食。九香肉碎餃$58:皮薄餡料足，韭菜清香。新鮮魚卜$88:很新鮮很爽口。
繼續閱讀
鄰近法國醫院，九龍城入便嘅瀛鍋中日火鍋真係好好食。有兒童玩耍的設施，也適合寵物，樓上仲有好多貴賓房添。適合開派對，慶祝，男女老少。魚皮Q彈爽口，有青花椒，麻辣，花生，薑蔥，芝麻。過癮開胃前菜。牛胸爽（牛白肉）-錄幾秒就可以食。煙煙韌韌爽口的。味道像根，看落去像肥。好特別的。就連不喜歡吃肥的同伴也接受到。卜卜蜆鍋-啲蜆一開口就可以起錨，大隻冇沙，適合點醬食。西班牙豚肉片-非常好味的豬肉，用來打邊爐簡直是巔峰。手打四寶丸-新鮮蝦肉包住類似babybel 的芝士，是非常邪惡的。新鮮水餃皇-巨型的新鮮木耳豬肉蝦肉雲吞，咬落去爆汁，可以重複幾啖，真的好吃。仲有鮮蝦魚皮角，響鈴，魚片，樣樣都好爽又好食。總括：健康好味服務好，食物高質香港邊度搵。食過瀛鍋中日火鍋之後個個都讚好味。
繼續閱讀
您可能會有興趣的...