影片
港鐵九龍塘站 A2 出口, 步行約8分鐘
繼續閱讀
電話號碼
23388144
附加資料
消費滿$200才可用信用卡付款
營業時間
今日營業
11:00 - 22:00
星期一至四
08:00 - 21:30
星期五至六
08:00 - 22:00
星期日
11:00 - 22:00
以上資料只供參考, 請與餐廳確認詳情
門口見到百味閣30周年既氣球🎈💐原來都經營左咁多年，仍然保留住經典西式教堂既風格，每次來都有親切感，味道同氣氛都保持水準，餐廳佈局簡單，卻不失溫馨，呢度都係嗰個熟悉嘅味道，希望係依個咁差既市道下，繼續食到依間餐廳既風味🍽️🧀🍄🐖 芝士焗松露菇餡豬柳扒 $160呢道豬柳扒煮得啱啱好，肉質相當嫩滑，咬落好似雞肉既口感，上面夾住啲松露菇餡同車打芝士，增加咗香氣同口感，睇落好吸引，入口即化。配埋巴馬腿意大利飯，飯粒煙韌，巴馬腿鹹香，完美平衡咗芝士同松露嘅濃郁，另外值得一讚既係香烤蔬菜🥦🥕中和了餡料的肥膩。🦞🍤🐟 龍蝦汁燴蝦球青衣魚塊 $185呢道菜一上枱就已經香氣撲鼻，龍蝦汁嘅濃郁海鮮味令到蝦球同青衣魚塊更添風味，蝦球咬落爽口彈牙，魚塊口感比較厚實，食落似石斑，但兩者配合得天衣無縫🥔薯蓉質感幼滑，配合蘑菇片同蔬菜，為成個菜式增添咗清新感，可惜整體份量細左啲。每份晚市套餐都有餐湯、麵包同甜品，非常滿足，餐湯有時係當晚特製🥣，並不是罐頭味道，今晚係粟米魚柳忌廉湯。甜品就不過不失，多數都係咖啡焦糖燉蛋杯，今晚侍應更為我哋特別送上生果🥰非常滿足。百味閣餐廳 Lion Rock Bistro 🍝🥩🍷🍰九龍塘聯合道320號建新中心地下2-4號舖人均$200#hkfood #hkfoodie #bloggertony #香港美食 #九龍塘美食 #香港西餐 #香港 #kowloontong #hkfood #hkfoodie #foodiehk #hkfoodies #hkig
繼續閱讀
已經30週年，老誌號餐廳，位置不算近地鐵站，都以街坊為主要食客，還能營業至今有30年，確實有一定取勝之道。餐廳雖然不在大型商場之內，或就近地鐵站，但從地鐵站前來也不算很遠。餐廳保留著多年裝潢，牆上也掛滿了過去年代的照片。服務員會以親民態度來給每位食客一點建議，皆因餐廳食物供應種類眾多。餐牌有晚餐也有餐牌散點美食，甜品飲品都俱備。最意外就是每日新鮮到貨的食材，最引人吸引的就是1封柳門，以重量收費。除此，還有新鮮魚選擇，都一樣值得一試，只需加HKD30，就轉為套餐，包餐湯和飲品，價錢非常親民。海鋰魚柳，轉套餐 HKD118，可以選飯意粉或薯蓉，醬汁可選檸檬牛油或白酒，最後決定檸檬牛油汁配薯蓉。餐湯，羅宋湯，食材都不少，有菜有牛腩，帶點微辣味道，非常開胃。餐包蒜蓉多士，即焗，非常香脆，美味。魚柳加了蛋汁煎香，肉質滑溜適中，配上牛油檸檬汁，沒有檸檬酸，但又有點風味。但個人更喜歡只加點鹽直接吃，鮮味十足。薯蓉口感滑溜，有著淡淡牛油香，確實有一定水準。封門牛柳 8oz 轉套餐 HKD198，牛柳只跟薯菜，可選燒汁或黑椒汁。餐湯，豆蓉忌廉湯，把豆打成蓉，個每喝一口都滿滿豆蓉。封門牛柳煎得剛剛好，帶少許血水，牛味香濃。點少許燒汁，燒汁還帶少許紅酒味，這封門牛柳已經值回票價。薯菜份量都不少，還帶點煎香味，新鮮又美味。餐飲凍檸檬茶和凍咖啡，都是一般餐廳水準。
繼續閱讀
位於九龍塘開業已很多年的舊式扒房餐廳。餐廳就位於醫院附近，其實幾次搭車經過，都以為是醫院飯堂；而之所以會到這裡用餐，是最近看到9bothew推介而慕名而來的。老實說這個地段如非刻意過來用餐，或是附近睇完醫生/工作，大概真的會默默地錯過了。 ⋆_____ᴛᴏᴛᴀʟ ᴏʀᴅᴇʀ______⋆ ❅ Set Dinner:芝士焗松露餡豬柳扒配巴麻腿意大利飯 $160❅ 8oz 封門牛柳 $160 (跟餐 +$30) ___⋆ ⋆ ___ ✿ 芝士焗松露餡豬柳扒配巴麻腿意大利飯晚市套餐已經包含餐湯、主菜、甜品及飲品。餐湯可以選是日餐湯或羅宋湯，西餐還是選了羅宋湯更適合呢~豬柳扒上桌時可見海量的芝士覆蓋著，對住芝士控的我而言真的毫無招架之力；本來有點擔心豬柳扒會太乾太韌，結果切開時軟嫩非常，入口肉香四溢，並非那種硬用梳打粉變稔的質地；而意大利飯也是軟稔綿滑，飯粒不會太硬，入口芝士香突出。.✿ 封門牛柳8oz封門牛柳並不屬於set dinner, 還是店員推介才知道可以單點；當然也可以加30元轉餐，便同樣有餐湯及飲品。封門牛柳就放在門口附近的雪櫃內，每安士$20元，要視乎當日供應量提供，最後我們點了8安士。本來我是點五成熟的，但店員建議我們點三成熟，還是相信專業的，所以便改了三成熟。封門牛柳上桌時已傳出陣陣肉香，切開後紋理粉嫩細緻，入口軟稔即化，肉味濃郁；我與同行友人都一致認為比起很多大牌又貴價的高級牛扒餐廳更出色，真心推薦！..用餐後除了附上跟餐的甜品：咖啡燉蛋杯，也有一碟切好香甜的生果；燉蛋杯就是一般的燉蛋，未算香滑但蛋香頗突出，附上的朱古力棒棒也明顯雪得有點時間 (笑~而生果碟則是誠意滿滿，本以為贈送的大概是那種裝飾用酸得不能入口的果盤，結果西瓜香甜起沙，芒果也是甜而不酸，讚嘆之際，店員在旁一臉自豪的說因為老闆喜歡吃生果，因此是每日特地挑選的啊~有點可愛~..後記：記得當時看餐廳介紹影片時，印象頗深是餐廳負責人表示現今餐廳倒閉潮下，也會擔心餐廳經營不下去。(始終餐廳這個地理位置真的有點kick...)但慶幸當日眼見人流尚算OK，相信以9bothew的人氣及口碑也帶來了不少正面影響，至少我就是受他們影響而特地來一趟；其實我也深知即使我寫了千字文，但真的看畢的人為數不多，但還是希望能帶來些微的影響力。而事實上我也認為這間餐廳值得更多人認識，不論餐點質素及服務都比起很多餐廳更勝一籌，共勉之。
繼續閱讀
星期五晚上6點50左右到達，已經要等位😯，望店內雖然有吉枱，但其實已經比人預約左。好彩等左大概半個鐘入得。當日晚餐餐牌只有羊仔髀啱心水，另外單點叫左個封門柳。羊仔髀 $195 呢個價錢包埋餐湯、蒜蓉多士、冷/熱飲、甜品。餐湯揀左羅宋湯，內有好多料，牛肉、薯仔、雜菜，味道偏酸，唔辣。蒜蓉多士好脆、蒜香味濃。羊仔髀都係叫左5成熟，上枱果陣個樣唔算好靚，不過份量算唔少，有三件。可惜，肉雖然好淋，但味道真係唔OK，完全無羊味之餘，肉質似係用粉拿到完全無左肉嘅纖維同口感，好似食緊茶記質素拿得好犀利嘅肉FEEL😣。封門柳11oz $209餐牌唔會有封門柳，只可以問職員先知價錢。原來段斤稱，$19/安士。當晚剩底8安士同11安士，我地揀左後者，要左5成熟。單點封門柳跟薯菜，炸薯件好粉好好味!! 菜有茄子、西蘭花。由於封門柳用鐵鍋上枱，一路熱住嘅關係，所以已經過左5成熟。不過，肉質依然軟淋、多汁、牛味濃，點少少鹽已經非常好味🤤。職員另外拎左款芥苿豉油汁比我地試，佢話好多客人大讚同牛好夾。個汁質地好稀，所以唔駛怕好濃味。入口牛肉帶有微微嘅芥苿香，又係另一種風味。最後甜品係咖啡味嘅布甸， 本身仲諗住呢個配搭好奇怪， 但冇諗過原來咁好味😋 咖啡味好香但又唔會太甜，質地好滑，食落仲暖暖地。小插曲，其實食飯等位真係好平常，但一位應該係經理嘅女職員好好服務，我地一入座佢就因天氣熱，要我地等咁耐而道歉😯因張二人枱太細、座位太迫而道歉等等。甚至到我地埋左張單要離開之際，都請我地坐底，請我地飲多杯凍檸茶先走😆 我地兩個人生第一次有咁嘅服務🙊。總結封門柳真心推介!! 職員服務態度好好，特別喺現今香港都有呢個質素嘅服務體驗，真係好驚訝!!
繼續閱讀
今日下午去了九龙塘百味阁。人唔多，约莫三成人好宁静啊，环境舒服，装修几靓好有怀旧嘅西餐厅感觉。服务态度好。拣咗两套下午茶。牛脷牛腩米线热柠茶，我要淡的一个系西多，香橙，香蕉热奶茶，两个分量都很足。才38元。味道不错。又不收加一。性价比十分高。因为我住在附近虽然如此都比较少去那边。原来有一间咁好嘅西餐厅。有机会试下去嘅午餐或者晚餐。另外佢设计嘅餐单好合我心水啊，有一张系不用叫饮品的。咁你就可以额外叫多一个。值得推介。
繼續閱讀