影片
港鐵佐敦站 B2 出口, 步行約3分鐘
繼續閱讀
電話號碼
26067278
營業時間
今日營業
11:45 - 22:00
星期一至日
11:45 - 22:00
公眾假期
11:45 - 22:00
公眾假期前夕
11:45 - 22:00
以上資料只供參考, 請與餐廳確認詳情
-
網上訂座服務暫停
優惠
35折
(買3送1) 十一道菜私房晚宴 (共4位)
$804
$2,320
47折
十一道菜私房晚宴一位用 (2位起)
$268
$580
相關文章
我喺openrice買餐飲券嘅，星期一至五就$88一位成人（星期二可以扣雙倍指定銀行信用卡積分，最多可以扣$50），兩位起。長者小童就平$10。星期六日餐飲券成人就$118。要早一日買券同whatsapp去預訂，到現場入場前要每人用現金畀$21茶錢同加一。佢寫住分兩個時段1130至1300、1330至1500，但其實隨時入場起鐘計90分鐘，一入場會有張卡仔手寫住食到幾點。佐敦地鐵站行過去都好近，閒日1130大約七、八成滿，雖然坐唔滿，但餐廳安排兩位嘅客人要搭枱坐四人枱，中間用膠板隔住。蝦餃、燒賣、牛肉、包類、腸粉、春卷、甜品都係寫點心紙，每次最多十款，多過十款就要寫過另外一張。即叫即蒸，出菜都算快，亦都冇漏單扣單。蝦餃正常酒樓水準，燒賣就食到怪味，唔推薦。腸粉就好爽滑，畀好多酒樓都做得好。另外自助大排檔區都有好多食物選擇，個人覺得質素畀落點心紙嘅點心仲高，仲要唔使等。有個姐姐會用個煎pan仔即煎蘿蔔糕、煎釀三寶、鮮蝦腐皮卷同粟米墨魚餅，好有舊式酒樓嗰個煎腸粉檔feel。而且真係每次煎少量，姐姐又好用心煎，全部經佢手嘅出品都好香脆，唔會有油益味。自助炸物就有炸豆腐、炸多春魚、炸白飯魚、炸雲吞、炸煎堆，供應不絕，用個保溫燈照住。特別推介炸雲吞，好大隻蝦，質素仲好過平時酒樓。其他炸物都唔差。旁邊有啲涼菜，雲耳、青瓜、口水雞、酸齋。再旁邊有咖哩魚蛋、豬紅、魚肉燒賣、黑糖茶。轉角有各自助醬料區，各款需要嘅醬料都齊哂，當中包括古早味甜醬。在轉灣有一系列嘅熱盤：鳳爪、豬手、欖角四季豆、碗仔翅、生菜魚肉、菜乾豬骨粥、雲吞、娃娃菜、炒麵，其實真係好多嘢食，一定食得飽。仲有飲品櫃，有汽水、包裝果汁同獅威任飲。90分鐘都夠時間食，服務都唔錯，侍應上菜同收碟都好快。
繼續閱讀
喺OpenRice度見呢一間嘅食評一般般，不過老人家上市見價錢又唔係好貴就去試吓啦先喺OpenRice度買咗coupon $88 位，入到去之後每人收咗$21茶位同埋服務費，埋單每人$109，食點心呢個價錢都可以接受呢間點心放題除咗餐牌上嘅點心零食之外，仲有個汽水櫃可以有汽水任飲，感覺上都幾好一坐低就開始劃點心，喺點心紙上面每一次最多10碟點心，點心紙上點心嘅種類都非常足夠，一般飲茶會食到嘅蝦餃燒賣嗰啲都有，除咗點心紙上面嘅嘢食，仲可以行出去攞啲熱食，可能今次係平日去人唔係非常多，所以整體上都OK
繼續閱讀
2024年復活節假期第二天 ，一家人試咗人生之中第一次 嘅點心放題！ 我們一家三口 ，可以坐一張四人枱 ， 唔使夾枱 。我哋早咗少少到 ，入座開始計時 ！煎炸嘢，直接自己攞自助的； 蒸點心 寫紙落單 好快就到 ；又有汽水任飲 ！我响鄰住買，買左優惠券100蚊位唔使！ 因為地方比較細，其他客人兩個人就需要搭4人枱！ 100蚊唔使，食物質素算不錯👍， 現場另加一21蚊(每位)俾現金！ 係訂位嘅時候 ，麻煩少少 ，打咗兩次都唔通個電話！好彩whatsapp第二日回覆！下次帶埋父母來試下！
繼續閱讀
食完第一輪，準備將第二輪交侍應，佢竟然話已經過咗時，我看手機時間都未曾到最後的20分鐘，但侍應話係要跟佢哋個鐘，所以已經過咗時，侍應回應態度極之差，想不到今時今日竟然還有這樣超差服務的餐廳，怪不得越嚟越多港人北上消費!
繼續閱讀
真係食到好谷氣，我其實已經食過三次，今次係第四次，亦都最後一次。先講服務態度，我在Togeta，分別買左三次coupon共6位，因為要配合其他家人，所以分開左訂，訂左星期日食，我星期五就打去想訂一張6人枱，嗰個嬸嬸聽電話一聽到我話買咗三張二人coupon，佢就即刻好激動咁同我講，你而家先講，我哋好少六人枱，你買三張就係畀三張二人枱你，咁我都平心靜氣同佢講，咁你而家有冇吖？有咪畀我囉，冇咪由佢囉，我都係唔想嘥咗你三張二人枱啫，跟住佢又死死地氣咁話有，但我就好谷氣囉，我係客打嚟訂枱都要畀人鬧。其實佢知唔知道點解佢哋要喺網上賣coupon呀？就係因為佢冇生意嘛！咁嘅態度對客，點會有客幫襯呀！未食都咁受氣，唔怪得啲人個個都上大陸食啦！又平又好服侍！唉！再講係食物，以前有炒粉麵飯，依家咩都冇，得幾款點心，以前大排檔啲食物可以落單點，依家就佢鐘意整就有，唔整就冇得食，冇得要求，同餐牌完全唔對辦，最攪笑係甜品，無論你幾點落單，都係臨收檔前全場一齊派，唔知想點，奶茶冇晒佢就喺你面前直接加水，咁都得？其實全間鋪個個員工態度都好一致，就係晦氣，我聽住有個客問佢地有冇豬腳薑，個員工反應非常快，大大聲答：冇喎，不嬲都冇㗎啦，個客好尷尬全場望住佢，真係慘！就連最低成本嘅假碗仔翅都冇啦！其實就算佢做到幾平都冇用，食物唔得，地方殘舊，員工態度勁差，依家香港人唔係冇錢先返大陸食嘢，係唔想再受氣呀！香港飲食業真係比呢啲劣質食肆拖跨了！大家請小心選擇！
繼續閱讀