影片
港鐵佐敦站 E 出口, 步行約2分鐘
繼續閱讀
電話號碼
55438551
營業時間
今日營業
11:00 - 15:00
18:00 - 22:00
星期一至二
11:00 - 15:00
18:00 - 22:00
星期三
全日休息
星期四至日
11:00 - 15:00
18:00 - 22:00
以上資料只供參考, 請與餐廳確認詳情
影片
相片
HANDMADE PASTIERA CAKE FROM NAPOLI
+697
+71
食家推介
呢間店係我個fd屋企樓下，咁岩我地經過見到有兩個位可以坐到8:15就入左去，真係好好彩😍Gnocchi Gorgozola, walnut, rocket and a scentof truffle 軟糯薯仔粉配團意式藍芝士忌廉 $148 🥔 薯仔粉比我想像中軟，幾乎入口即化，係接近薯蓉既口感，藍芝士好香好濃，加埋香脆嘅核桃粒，令口感更加豐富，但係呢個食多幾啖就會膩，記得同fd share😆Rigatoni Genovese alla Napoletana 洋蔥/牛肉慢煮十二小時配短意粉 $138 🐮 牛肉同洋蔥煮到好腍，粗管面軟硬岩岩好，索曬d肉汁真係好正，相比起gnocchi呢個清爽好多一啖接一啖停唔到整體黎講手工意粉好正宗，可以選擇既款式都好多，雖然座位比較逼但係以小店黎講都可以接受同埋雖然我地冇book位所以淨係可以坐一陣就要交檯，但係因為野食上得好快所以都唔會好趕大家去之前記得book位😌Overall: 8/10
繼續閱讀
最近喺佐敦搵到一家隱世手工意粉小店，如果你都係意粉控，呢間真係要Bookmark住，因為個水準係直逼意大利街頭嗰啲傳統小館！🌟—🍖 Rigatoni Genovese alla Napoletana牛肉同洋蔥喺低溫火侯下慢慢炖到出晒味，洋蔥已經完全融化成酱汁，啲牛肉軟到一戳即散。意粉用嘅係Rigatoni，呢種粗管面專係吸晒啲汁，每一啖都係肉香，加上清甜嘅洋蔥香，幸福感直接爆棚！💥 —🥔 Gnocchi Gorgonzola, Walnut, Rocket & A Scent of Truffle呢道Gnocchi真係將手工精髓發揮到極致！👏 Gnocchi軟糯又有彈性，完全冇任何嘅粉感，好似咬住咗一啖雲咁☁️配搭嘅係藍紋芝士酱Gorgonzola，濃郁得嚟唔會過頭，啱啱好咁將奶香推到極致。再加上核桃仁嘅香脆口感、火箭菜嘅微苦同松露嘅高級香氣，真係每一啖都驚喜連連！🤤—✨呢道Gnocchi嘅酱汁比較濃郁，自己一個食曬可能會有啲滯，建議同朋友叫一碟比較清爽嘅意粉一齊share，平衡一下味道。✨記得一定要預約⚠️ 店內只有18個座位，唔預約基本冇位，我第一次去就因為冇訂位直接食閉門羹，心碎到不得了……😭
繼續閱讀
值得推薦的意大利意粉，食物讓人有家的感覺。枱與枱之間好近，一個小小的店舖。非常簡單嘅裝潢。以舒適度嚟講算貴，但係食物確實唔錯。你會見到每張枱所有人都清碟，本身我朋友唔多喜歡食碳水化合物但最後都係由佢清碟嘅。Order:Sfizio salad 蜆肉意粉雜錦意粉加薯蓉煙肉pasta 食物賣相很平實，所以我都唔影相，能見到店內其他食客都食出幸福嘅感覺🥰會再嚟試其他嘅意粉，特別係每台都有點嘅spätzle cream & bacon 只收現金和FPS weekend請預約，否則要排隊。冷氣有啲時凍時熱，可能因為open kitchen。
繼續閱讀
佐敦這間意大利菜是意大利人開的，今日專程和朋友來試一下地道的手工意粉🥰，叫了兩杯白酒小酌🥂👉🏻意式生牛肉他他拌自家製醬汁 $139牛肉他他沒有腥味，用了自家製醬汁調味，好fresh！作為前菜很開胃😋👉🏻軟糯薯仔粉配團意式藍芝士忌廉醬 $148薯仔粉真的十分軟糯，有一點張張的口感，配合藍芝士以及松露油的味道，香濃而不會過於強烈，加上合桃，增加了口感。👉🏻白酒煮蜆配意大利粉 $168意大利粉偏硬身，每一條都沾滿了醬料，陣陣蒜香👍🏻起初是店員介紹我吃這款意粉，上菜後感覺其他款式更加有gimick哦~👉🏻意式芝士餅 $75因為是慶祝我和朋友的生日~主廚點着蠟燭唱着歌，親自送上Tiramisu🎂旁邊的外國人也一同為我們唱生日歌，好有氣氛喔🥰Lady finger吸了適量的咖啡和酒，配上幼滑的cream~好classic既味道😚感覺還有很多特別的手工意粉，下次會想試下其他款式😝店舖位置有限，建議想來吃的朋友要打電話預約喔~
繼續閱讀
睇完黑白大廚之後一直好想食手工意粉🤤呢間小店一定要book！weekend去好full！🥔Gnocchi Gorgozola, walnut, rocket and a scent of truffle $148軟糯薯仔粉配意式藍芝士忌廉伴核桃粒、火箭菜、松露油薯仔粉質感好特別好軟糯，好似食緊一粒粒麻薯質感嘅薯蓉。🥔同芝士忌廉好夾，好掛汁。藍芝士嘅味到冇想像仲咁濃烈，平易近人咗。🧀薯仔粉加埋香脆嘅核桃粒，令口感更加豐富。但係食多幾淡就會膩，需要杯好fresh嘅嘢飲～🍝Braciole with pasta “from our family’s tradition” $148家傳拿玻里式番茄汁燜煮豬肉捲配短意粉豬肉捲有驚喜！豬肉係一絲絲分明嘅質感，入面仲有啲軟骨，口感好豐富，仲有好濃郁嘅番茄味，酸酸哋好開胃！🍅短意粉質感al dente，通心好掛汁～整體而言，意粉款式同味道好多款，好值得再訪！建議嘢飲揀嘅fresh啲解膩啲嘅，pasta就一個cheesy creamy啲，另一個揀fresh啲嘅，balance啲～😋
繼續閱讀
您可能會有興趣的...