47
1
0
港鐵大埔墟站 A1 出口, 步行約9分鐘
電話號碼
26570101
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
付款方式
現金 八達通
以上資料只供參考, 請與餐廳確認詳情
影片
相片
+508
+55
食評 (48)
餐廳:逸東小館 (大埔)地址:大埔東昌街2號地舖逸東餃子兩個幾月前,喺大埔東昌街呢度開咗間姊妹餐廳——逸東小館,佢哋主打招牌雞湯手工雲吞同招牌雞湯麵🍜,亦都有撈麵、擔擔麵、客飯、菜飯同各款自家製逸東小食,價錢親民,足料又夠住家feel,吸引咗唔少附近街坊朋友過嚟食飯🥰餐廳唔算大間,不過因為上菜速度快嘅關係,客人基本上食完好快就走,所以源源不絕嘅客人都可以有位坐🤓,亦有唔少人選擇外賣佢哋嘅生雲吞同雞湯返去自己煮嚟食🥡✝️花膠雞通心米線 $85逸東小館最貴嘅主食,但其實$85真喺物超所值😎,超誇張勁大塊嘅花膠,足足半個碗嘅Size咁大塊,仲要爽滑有2-3cm厚,骨膠原質感爆燈😆;湯底喺師傅每日用雞隻去熬煮🐓,清香得嚟唔會好多油,雞味都幾出眾,雞件多肉有雞香,嫩滑唔嚡口,配埋出面好少有、似通粉空心又有米線質感嘅通心米線一齊食,都真心幾大碗又飽肚👍✝️脆炸豬扒擔擔麵 $55對比雞湯麵嘅話,個人認為擔擔麵相對遜色一啲,湯底味道比較鹹香,一啲都唔辣,當中有榨菜、肉碎、花生碎、蝦米等配料,麵線爽彈帶有少少煙靭質感😋,特別一讚豬扒皮薄脆肉鮮嫩,最重要唔會好油膩,可以一試✝️冬菇蟲草花鮮肉雲吞併麻辣雞鮮肉雲吞(八隻) $60所有雲吞都喺自家製,無論喺雲吞皮定喺餡料都喺自己打,叫咗雙拼要加兩蚊,以較高價錢嘅雲吞去計,前者鮮香健康,後者麻辣惹味又爆汁💦,雲吞皮夠大塊,食完飽肚感大增⬆️飲品叫咗個非基因改造嘅石磨豆漿(+$10)同桂花元肉烏龍茶(+$14),估唔到佢哋咁有心自己冷泡咗好幾款茶🌱,仲有熱情果玄米綠茶、蘋果茉莉花茶同玫瑰荔枝茉莉茶揀呢😙 繼續閱讀
(以上食評乃用戶個人意見 , 並不代表OpenRice之觀點。)
等級4 2024-12-10
928 瀏覽
身為大埔友一向有嗌開外賣,就係大埔超有人氣的餃子店~逸東餃子,而今晚就去了隔兩個舖位間逸東小館食晚餐餐廳地方大咗又靚咗,同朋友係東昌街運動場打羽毛球後,順路嚟嘆番碗最愛的招牌雞湯湯麵和招牌雞湯手工雲吞,還有特色小菜。望住餐牌推介,就點了招牌雞湯手工雲吞雙拼沙嗲牛柳鮮肉雲吞和麻辣雞鮮肉雲吞,一次過兩款雲吞,CP值更高。沙嗲牛柳味道濃郁,非常美味,沙嗲醬的香濃與牛肉的鮮嫩結合,有驚喜。而麻辣雞鮮肉雲吞,我是喜歡辣味的人士,也是一個絕佳的選擇,麻辣的口感刺激味蕾,讓人食欲大增。另一款都係招牌雞湯麵配埋鮮冬菇雞麵,慢慢熬製招牌雞湯就是精華所在,用新鮮的雞肉,肉質嫩滑。招牌雞湯湯底清澈而味道濃郁,配上上海麵或者油面一樣咁好食,口感滑順,很好地吸附湯汁。鮮冬菇增添口感和營養,使整碗麵更加豐富。客飯套餐點了燴獅子頭,套餐有前菜,我選擇了鮑汁豆腐,主菜是燴獅子頭,配搭健康菜飯,還跟餐有自家製花茶一杯,豐富又滿足。以前去上海館好鍾意食燴獅子頭,豬肉絞肉用慢火燉煮,湯汁濃郁,肉丸軟滑入味。口感香氣吸引,非常好食。朋友推介了兩款小食炸豬扒及炸腩肉,炸豬扒外酥內嫩,香脆的外皮和多汁的肉質,搭配菜飯口感豐富。而炸腩肉肥瘦相間,炸至金黃酥脆,濃郁的豬肉香味,搭配辣椒醬提升風味。加埋枝充滿豆香味,甜度適中豆漿。感覺十分完美。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-12-08
895 瀏覽
大埔必食之選👍🏻一直聞說大埔逸東餃子好出名,今次補佢隔離鋪既逸東小館吸引咗,佢個花膠雞麵真係超級正,過開嚟一定要試,好味抵食,服務又非常有友善👍🏻小食之選✨南乳炸雞翼($28/3隻)📝推介必食-南乳味好入味,雞翼炸得外脆內juicy,係正嘅👍🏻✨麻香芽菜($20)📝大豆芽菜爽口,配上麻香油,幾野味,別有風味🥰主食之選✨花膠雞麵 ($85) 轉通心米線📝 推介必食-靈魂雞湯湯底,配上大大塊厚厚既花膠,超級有份量,食落口勁有質感勁彈牙,再加份量豐富的雞肉,真心好正😊 通心米線吸咗D雞湯,食落口更入味,勁有滿足感🥰✨麻辣雞鮮肉雲吞 ($46/5隻)📝 推介必食-麻辣雞肉雲吞餡好野味,麻辣味的配搭恰好,唔會搶咗雞肉味,配埋雞湯湯底一齊食,就更正🤗✨鮮菇蟲草花鮮肉雲吞 ($44/5隻)📝 推介必食-鮮菇蟲草花餡料豐富,用料新鮮,口感有不同層次,配埋雞湯湯底一齊食👍🏻✨鴨屎綠檸檬茶 ($12)📝鴨屎檸檬味香,配上茶底好夾,不會太甜,好飲👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2025-02-22
0 瀏覽
今日同朋友去到大埔逸東小館吃晚飯。我們點了燴獅子頭菜飯餐包括(醃蘿蔔,玫瑰荔枝茉莉茶)另外加了鮑汁豆腐,花膠雞麵,鮮菇蟲草花鮮肉雲吞,南乳炸雞翼,鮑汁油菜,豆漿,樽仔奶茶。燴獅子頭菜飯-獅子頭味道好,肉質好夠入味。而菜飯也很好,菜都幾多混合起來吃飯軟硬得宜。玫瑰荔枝茉莉茶-清新茉莉茶底味道。鮑汁豆腐-豆腐入味。花膠雞麵-大大塊花膠口感一流,雞肉嫩滑鮮味。雞湯底充滿香濃雞湯味道。鮮菇蟲草花鮮肉雲吞-雲吞大大粒,入面材料都豐富。南乳炸雞翼-炸得夠香口,雞翼夠入味,肉質都一流。鮑汁油菜-個份量都好大,生菜脆口爽甜新鮮好味道。豆漿-唔算太甜。樽仔奶茶-唔會太甜,味道都正常。 繼續閱讀
(以上食評乃用戶個人意見 , 並不代表OpenRice之觀點。)
逸東小館📌大埔東昌街2號地舖麻辣雞鮮肉雲吞 $60@八隻見佢寫明必食推介招牌雞湯手工雲吞所以叫一份試下手工雲吞皮薄多餡果然係必食推介😍👍🏻鮮冬菇雞麵 $56招牌雞湯麵我揀咗通心米線食落好滑招牌雞湯湯味濃應該係同手工雲吞同一湯底🤤🤤脆炸豬扒撈麵 $55有醬油同麻辣兩隻味揀咗辣味唔錯~豬扒炸得酥脆夠香口😛南乳炸雞翼 $28@三隻外脆內嫩、咸香口感令人食唔停🤭鮑汁油菜 $20生菜吸滿鮑汁精華🤗🤗鴨屎綠檸檬茶 $12清新得嚟有鴨屎香嘅香蘋果茉莉花茶 $14係自家製花茶冇乜糖比較健康!整體唔錯見佢接唔少外賣單值得一食!⭐️Rumple港女評分⭐️味道: 4.5/5環境: 4/5服務: 5/5抵食: 4.5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 #香港平食 #香港平民美食 #香港平價美食 #平民小食 #週末好去處 #大埔美食 #大埔美食推介 #大埔好去處 #大埔餐廳  繼續閱讀
(以上食評乃用戶個人意見 , 並不代表OpenRice之觀點。)