影片
港鐵太和站 A 出口, 步行約12分鐘
繼續閱讀
營業時間
*截單時間: 00:00
星期一至日
12:00 - 01:00
以上資料只供參考, 請與餐廳確認詳情
之前同老公嘅結婚紀念日嚟到 k3 慶祝心情好自然想飲番杯酒醒目嘅店長推介左我哋飲呢個好好味嘅梅味香檳仲食咗個好得意嘅海膽甜筒鮮甜又唔腥再配埋日本產地直送嘅刺身真係人生一大快事價錢屬於中上質素有返咁上下水準係比較嘈
繼續閱讀
去到大埔,想食下西餐,見到呢間餐廳幾有FEEL就入去試下喇餐廳有2層,我地坐上層,暗暗地好有FEEL,都好適合成班朋友搞PARTY!我地2人叫左4樣野加野飲,全部都好有驚喜!K Sqaure 小食拼盤-賣相同MENU一樣,好掂!有芝士流心蘑姑,呢個我好中意!通常出面都係芝士蘑姑,呢度有埋流心旦,蘑姑索哂D旦汁,嘩!不得了!炸芝士條&洋蔥圈-呢款都好正,炸得剛好,唔錯!雞奕-大大隻蜜糖雞奕,好JUICY!黃金芝士薯條-係炸完再焗GE薯條,如果唔焗會好食D,焗完D薯條硬左好多炸豬手配薯條-豬手個皮炸得好香脆!肉質好淋,而且唔太肥,好驚D豬手好肥,但呢個真係好掂!軟殼蟹burger-超巨型,2隻蟹KIM突哂出尼!加埋入面D配料,一啖係咬唔哂的!食洛口真係勁滿足!總結,雖然價錢唔係最平,但質素的確有保證,有份量有味道!
繼續閱讀
阿爸生日飯 ﹗最初細妹話想打邊爐，左搵右搵，最終解定又係食日本野啊 ﹗我無所謂，食咩都得。早幾天已訂座，仲要做左今晚既第一位食客添，未到七點已經坐低左。首次探訪，先細味各 menu 先，已有一定慨念，開始 order。依舊依我既作風，由前菜開始，接住係刺生、壽司、湯、炸物、料理、揚物、串燒、甜品。芝麻牛蒡漬，爽而脆，醬油已完全滲透牛蒡，一咬噴汁，味濃而不濁，沾上芝麻添點香口，作為開胃菜是不二之選，而且仲非常有益。如果有埋鮮淮山漬的話，真係雙得益彰了。小食併盤：芥辣青瓜八爪魚，迷你八爪魚粒唔多食到，芥辣味微弱，只食到醬油味。麥粒味噌青瓜，有趣口感的配搭，爽脆夾著嚥韌，味道清淡。蘿蔔漬，勁爽多汁又夠酸，醒神醒腦使到胃口全開。蟹子海膽蛋卷，創意菜色，接受度真係應人而異。淡口微暖蛋卷包著甜甜的雪糕，鋪上大量海膽、飛魚子及青瓜。份量十足，賣相非常吸引，不過味道及質感就強差人意，有點不融和之感。海膽甜筒，得意有趣可加分，味道就一試無妨。三文魚子燻蛋沙律，原本用上墨魚子的，但剛巧無晒，轉用三文魚子無所謂，最主要係食燻蛋之麻。但係隻半熟蛋食不出煙粉味道，普通烚蛋黎喎。好采蛋黃味濃而甘香，配上黑醋沙律菜及咸香脆口三文魚子總算合格。原條活笠魚刺生，一見到已隻眼發光喇 ﹗雪白魚肉泛出白裡透紅的顏色，油潤立立令，每片魚肉都被兇湧的魚脂包到實一實，真係想獨吞整條魚呢 ﹗客氣生疏，食少好多，我搶先試味。先配果醋，魚肉結實又非常嚥韌有彈力，滑嘟嘟又非常肥美，天然鮮魚甜味無可抗拒，魚脂甘香霸道，太好食啊 ﹗再黎一片，捲上芥辣豉油，將鮮味進一步提升，我極喜歡如此配搭 ﹗半條已歸我所有，食到停唔到口 ﹗赤蝦刺生，始終比起牡丹蝦低了一級，大量蝦膏夠甘香，赤蝦肉爽彈而結實，清爽的蝦甜味。但蝦味不及牡丹蝦，而且牡丹蝦獨特的肉質無蝦能及，那種棉滑黏黏又帶爽既口感使人欲罷不能。海膽刺生，頂級馬糞海膽，不腥不嗅，香甜味美，滑滑彈彈。配青瓜味道夠清新、配紫菜味道夠香濃、配白飯味道最香甜。鱆魟魚刺生，食完條極品笠魚後，其他魚都被比下去了。鱆魟魚比較瘦削，魚脂欠奉，所以味道都偏淡，配上芥辣豉油仍是不錯的。三文魚刺生，好甜啊 ﹗平魚不一停唔好食既，夠滑夠甜又經濟，滿足。活赤貝刺生，依度已係係兩隻活赤貝喇，一隻只切到兩片架乍。甜美無窮，正到打冷陣，我最愛貝就係赤貝 ﹗極甜極滑，黏黏的軟棉中又帶點爽，甜味中又帶甜甘，好幸福啊。極上吞拿魚腩刺生，非常矜貴的食材，要 $100 大元一片的啊 ﹗閃爍粉紅色可遇不可求，魚油多到滴出黎呢。用輕柔的力度將滑溜溜魚生夾到舌頭之上，一捲跣入口中 ﹗即時溶化，嘴仔好似朗過油一樣，after taste 勁過任何生蠔。甘甜無比的魚脂滲入每條齒縫、侵佔每顆味蕾，再漫延到鼻孔直上大腦，繼而震撼全身 ﹗好味極致，說不出的讚嘆，應該話好食到講唔到野呢 ﹗三文魚壽司，我是點三文魚腩的，應該落錯單了，跟剛才的刺生併盤一樣的。帶子壽司，帶子天然甜味倘可以，但可以更好。質地棉棉滑滑黏黏的，塗上少量醬油都不錯。原條穴子壽司，已經係一條穴子架喇？細條左少少喎，而且瘦孟孟，肥美欠奉，質地乾鞋，即食貨？鰻魚壽司，同穴子同一情況，失望。懷念隔離居食屋既自家燒白鱔柳呢，新鮮肥美大大碌香噴噴又熱騰騰 ﹗壽司飯一般質數，雖有點偏腍偏濕，不飽滿嚥韌，甜醋味道欠清爽芬芳，尚算合格。松葉蟹柳蟹膏炒飯，質數跟心情一樣起起跌跌，突來一個驚喜 ﹗一向對日式炒飯毫無期待、毫無好感的我，居然會讚口不絕 ﹗上次讚係旭川既泡菜炒飯。蟹膏跟醬油打得火熱，融為一體再抱著飯粒，極香濃甜美，咸香帶著蟹膏甘甜，使到胃口全開 ﹗松葉蟹柳躺在乾爽飽滿飯粒之上，蟹汁從蟹柳中爆出，食得津津有味 ﹗赤雞心串燒、雞腎串燒，大路不太特別，最緊要不要燒到過火過熟，要保持鮮嫩又要有肉汁，都做得到。雞皮串燒，鬆化軟爽脆卜卜，像薄薄薯片上加上雞油香一樣。明太子片羽燒，雞翼脹卜卜，肥美飽滿十分誘人，即刻想一啖吞落肚 ﹗香噴噴，雞皮燒得膠膠黏黏帶微滑，係我最喜歡的口感。雞肉嫩滑又多汁，雖然醃味略淡，但併湊起明太子都還錯不俗。豚肉蘆筍卷串燒、豚肉車厘茄串燒、豚肉泡菜卷串燒，必食鐵三角豚肉卷，開卷有益，卷卷都燒得香口脆脆，襯托著卷中鮮嫩多汁的寶貝，多種味道與質感，變化多端，嚥韌爽彈咸甜酸辣撞得精采，好味道 ﹗白鱔串燒，係您喇 ﹗剛剛先彈完穴子及鰻魚強差人意，幸好還有後著，挽回不少分數。白鱔柳熱燙燙剛剛燒起，彷彿依然聽到魚油在吱吱作響呢 ﹗咬開鱔肉，香氣飄飄，看得見白煙從肉間滲出。肥美白鱔既肉汁緊隨著白煙滴出，閃令令的肉汁啊 ﹗燒得外皮香脆，而白雪雪鱔肉就爽彈結實，鮮味出眾，無得彈 ﹗秋葵串燒，爽爽又多汁的健康食品，強身健體，有益既食物一向味道都平平。厚切牛舌串燒，羶香宜人，牛味濃濃，爽爽的，可以再厚一點。燒羊架，極羶的羊啊，免強吞下。鹽燒三文魚水撥，澎湃的三文魚油一咬激射，甘香無窮 ﹗魚味非常之濃厚，每一口都充滿魚汁，美味。紅豆蓉雪糕新地芝士餅，我不食甜的，家人品嚐後稱十分滿意啊。
繼續閱讀
同朋友慶祝升職，想搵個地方吃餐好，當然有好多選擇，但想搵個近自己住嘅地方就較少，今次幸好有佢！望望餐牌，店員推介兩個set，有set 叫一於叫晒兩個 A set$288 同 B set$288兩個set 有齊不同嘅最時令刺身，最重要係有海膽！一上枱已經贏了，靚靚嘅排放！最淡味開始，當然已急不及待嘅我先來個純海膽入口！味道鮮甜！旁邊有脆身紫菜，可加飯在紫菜上後加埋海膽個入口！個人認為單吃海膽開心好多！另外在刺身拼盤上重有好多美味嘅鮮刺身，肥拖羅入口個D 油份即時在口中滲出，太美味啦！三文魚同吞拿魚亦非常鮮味！跟住嘅壽司拼盤亦非常好味！如唔講重以為係係壽司店吃緊！再望望係一間bar!師傅嘅手藝，食物嘅水準，真難得！看見一供有七件不同款式，最令人回味就一定係個件肥美嘅三文魚壽司！而其他亦非常新鮮美味！另加多一件海膽玉子$88，海膽同樣鮮味，加埋甜美嘅玉子正！重有重點海膽甜筒$48，最頂係蟹子中間有海膽而下面重有塊三文魚，入口彈牙嘅蟹子，加埋香滑鮮甜嘅海膽，肥美嘅三文魚，簡直就係多重口感！芝士燒扇貝$28燒得好香，配埋大大隻爽口彈牙嘅扇貝肉正！今晚要慶祝，當然少不了飲杯啦！就叫了今期限定嘅富士高砂梅酒香檳$328入口清香，唔係好飲得嘅我都飲了差不多兩杯！重有好香梅味，帶少少甜，真係好易入口！真係好開心，可以係大埔有咁好質素嘅餐廳！朋友滿足之餘，自己又食得開心！
繼續閱讀
有朋友生日，所以openrice一下有咩好食喇，見到呢間餐廳只有好評無差評，所以揀都無揀就話黎呢間食喇！晚上七點去到，仲有好多位，唔洗等，直接有得坐底睇餐牌睇睇下原來無晚市套餐，只可以散點，的價錢比出面貴，個時諗住好食就得喇，點知食完覺得質素一般囉！芝士年糕上枱先既，諗住熱一熱先，點知都唔夠熱既，得個皮係熱既，芝士得小小暖，而且的芝士無芝士味囉然後係炒烏冬同鰻魚飯，呢兩個正餐味道都係一般，唔出色最後係魷魚筒，扇貝同壽司，呢三樣野食都挽回唔到我既差評！另外，佢地的配菜用既都係爛菜，同唔新鮮既菜囉一的誠意都無！我地因為係慶祝生日，所以有買蛋糕，好評係佢地有將我個蛋糕攞出黎放係碟上面，我地唔洗托住個盒囉但最後比錢個時，一來比錯隔離枱張單我，二來切餅費只可以收現金，不能一齊碌卡囉，好奇怪
繼續閱讀