影片
港鐵奧運站 B 出口, 步行約2分鐘
繼續閱讀
電話號碼
98449244
營業時間
今日營業
12:00 - 14:30
18:00 - 20:30
星期一
全日休息
星期二至日
12:00 - 14:30
18:00 - 20:30
公眾假期
12:00 - 14:30
18:00 - 20:30
公眾假期前夕
12:00 - 14:30
18:00 - 20:30
以上資料只供參考, 請與餐廳確認詳情
相關文章
熱潮減退的拉麵關注組人氣店?! •如果有加入拉麵關注組的話，應該知道呢間位於大角咀嘅大丸拉麵~ 我同朋友都想試好耐，之前見過關注組D人話要開門前一個鐘去排隊先食到～加上我哋每次去大角咀食飯都見到大排長龍，所以一路都未有機會試~
6月尾有日平日夜晚6點半左右經過竟然見到無人排隊🫨我同朋友即刻轉軚入去試一試~到底仲值唔值得排一個鐘呢?🧐•🥢 貝丸 (海鮮豚骨) / 特製鮮蛤海鮮豚骨拉麵 $118貝丸係特別限定嘅拉麵，湯底嘅係海鮮豬骨湯，但係又要另外再揀醬油味、鹽味或者蝦味~ 我就揀左醬油味貝丸~ 拉麵嘅賣相非常吸引，有5-6隻蜆、3片薄叉燒、半隻溏心蛋、木耳絲、紫菜同蔥花。每隻蜆都好肥美又無沙，叉燒都算嫩，唔會太肥～ 拉麵揀咗粗曲麵，口感軟硬適中，而且都幾掛湯👍🏼湯底幾竭身，但飲落就有少少失望喇，可能期望太高，或者係我揀嘅湯底配搭錯咗🥲因為湯底的海鮮味非常淡, 而醬油同豚骨味就比較濃郁同突出，整體味道都偏鹹。•🥢 蝦丸 / 蝦豚骨拉麵 $98蝦丸嘅配料都差唔多，大量櫻花蝦取代貝丸入面嘅蜆，同埋無紫菜～ 湯底係用北海道產嘅蝦特製海鮮味噌汁，再加埋豚骨湯底～蝦丸嘅湯底就比較balance，蝦味同豚骨味都幾濃郁，但真係要襯熱食，食到尾會有啲鹹，所以朋友就問店員攞啲昆布醋，加完之後清爽好多👍🏼•🥢 青蔥沙律醬日式餃子 $40日式餃子煎得幾脆，入面嘅餡調味唔會好重，但非常juicy🤤 加埋上面嘅微辣嘅青蔥同沙律醬一齊食都幾夾😋•💬 整體嚟講無想像中咁出色/驚豔，如果唔使排隊都可以一試，但要排隊真係未必會考慮🙈
繼續閱讀
朋友推薦的呢間位於📍大角咀的拉麵小店，之前去見到門口長長人龍，冇勇氣排隊，一直未有機會食到，今次咁啱去開果頭見到冇人排隊，即刻入去😋小店由日本人主理🇯🇵環境簡約舒適，全部座位都係吧枱設計，可以讓客人一邊用餐一邊欣賞廚師👨🏻🍳煮拉麵的過程，令人感受到濃厚的日本風情。湯底有4款可以揀，「是日限定」貝丸賣曬🥺餐牌指不添加味精👍🏾讚！蝦丸🌸🦐揀咗粗麵，麵質有咬口同掛湯😻湯底蝦味濃而不油，好多櫻花蝦係面，視覺效果一流🫶🏻食完麵最後落埋昆布醋，味道更加升級，差啲飲曬成碗湯🤤黑丸⚫️🍜男朋友就揀咗幼麵，口感較普通，醬油湯底上不及蝦丸吸引，每碗都有3片簿簿的叉燒，糖心蛋🥚流心得嚟色澤呈橙紅色，真係好吸引😻最後我哋食完埋單，雖然唔洗排隊，但店內依然座無虛席✨經過又唔洗排隊的話會再食‼️
繼續閱讀
點解呢間《大丸ラーメン》會慢慢成為人氣排隊店，可能因為佢標榜“無化調”。無化調意思即係店家冇用任何化學調味，即係俗稱：味精 (MSG)。冇左化學調味，最大嘅挑戰係所有嘅旨味（うまみ umami）係來自食材本身，包括調味料，呢吓真係要比個 like 佢啦。《蝦丸🦐🍜》香味 (4/5) - 香味相當充足，不過都係嗰句，因為有櫻花蝦干，味道好鬼霸道，所以只能聞到櫻花蝦味，但算相當好聞。湯 (4/5) - 雖然話個香味比櫻花蝦味霸左，但飲落個湯，蝦味同個豚骨湯嘅味道係算平衡架喎，肉味同蔬菜味都算有，幾好飲！麵條 (4/5) - 佢比食客自己揀細麵定太麵，我就揀左太麵。看似佢又唔係真係太麵咁粗，似中太麵啦，少綣曲，麵嘅味道同咬口都相當好！配料 (3.5/5) - 既然叫得做《蝦丸🦐🍜》，蝦就當然係主角啦。蝦嘅部分只係用左櫻花蝦干，冇比隻鮮蝦，以佢個價錢定位我認為還可接受。豬叉燒就一般啦。首先佢嘅叉燒都頗薄，夾唔起，一夾就散散地，要夾起影相唔多可行。不過都有一塊係結實d嘅。肉味就一般啦。溏心蛋算幾好，蛋味香，夠入味，生熟度非常之理想，不過得半隻唔夠皮。木耳絲正常水準。見到店家好有心，有提示佢地有昆布醋，可以食到後段加少少提升個湯嘅層次，職員（都幾靚女👩）都有溫馨地提醒我唔好一次過加太多，要著少加同試味，呢個溫馨提示令我覺得好窩心。加完醋之後，豚骨味更出，我認為係有加分。整體 - 值得推薦 👍👍👍👍
繼續閱讀
這間堪稱是大角咀區內得到最多好評，由日籍師傅主理的日本拉麵店，每次我晚上經過，總是見到一條或長或短的人龍在排隊等候入內吃麵。這一晚，難得地店外竟然沒有人在排隊等候，便決定與太太入內食返碗拉麵。我吃的「黑丸」（$88）是醬油豚骨湯底，太太吃的「白丸」（$88）則是鹽味豚骨湯底。我們都揀了較為掛湯的粗身麵條。兩款拉麵，除了湯底不同之外，配料都是三片薄片叉燒、半隻溏心蛋、一塊紫菜和大量的木耳絲與青蔥，唯一的分別就是她的「白丸」比我的「黑丸」多了一片提味的檸檬。兩款拉麵，兩款湯底，其實水準都不錯，味道適中而不過濃，不過我就覺得「白丸」的湯頭與從前我在北海道函館吃過的鹽味拉麵的湯底還有一段距離，沒有那麼清新。至於配料方面，半隻溏心蛋是好的，色澤鮮明而好味道，木耳絲也夠多，不過那三片日式叉燒就顯得太過單薄，肉味也欠香濃，較為遜色。不過這只得十二個座位的小店，一碗非特別版的拉麵只售八十多元一碗，而且不收加一，拉麵水準也算中上，要是不用排隊等候的話，還是值得一試。
繼續閱讀
星期日，來到大角嘴博文街，打算踫踫運氣，希望可以品嘗大丸拉麵。我和朋友未六時已到大丸拉麵，眼見只有兩三人在排隊，於是決定今晚一定要食到大丸。等了不一會就到我們了，我點了白丸，朋友點了蝦丸，我們還點了柚子soda. 湯底是我喜歡的那種，不鹹，味道剛剛好，豚肉很腍，拉麵也是新鮮的那種。店員似乎都是日本人，他們都以日文溝通。柚子梳打很重柚子味，好像有汽鮮果汁一樣。另外，還有儲分咭，下次再來便有小食贈送。今晚真的很幸福，能吃到這樣美味的拉麵。
繼續閱讀