影片
港鐵太古站 D1 出口, 步行約6分鐘
繼續閱讀
營業時間
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
相關文章
邊個話食快餐店就唔駛追求質素㗎？今日嚟到太古城，一於試試嚟自新加坡文華酒店嘅過江龍 – Chatterbox Express！Chatterbox Express主打海南雞同新加坡菜，由於太古城分店係快餐店形式，所以比尖沙咀嘅cafe分店嚟講，價錢普遍會平少少，絕對係用一個快餐店嘅價錢試到酒店級嘅美食。鹹蛋黃雞翼雞翼烤過後，加上起沙嘅鹹蛋黃而成。鹹蛋黃嘅比例啱啱好，唔會太膩，而且加咗少少辣椒，令味道更有層次。文華海南雞飯講到舖頭嘅重點，又點少得海南雞飯呢？海南雞飯係餐廳嘅招牌，正所謂食雞又點可以唔食雞皮呢，好彩呢度嘅雞皮一啲都唔太肥，而且慢煮嘅雞肉非常滑溜。另外，食海南雞嘅重點，當然係三個醬汁同油飯，真係好有獅城嘅風味。
繼續閱讀
今日太古收工就去咗chatterbox express 食晚飯，都已經好耐冇嚟。見佢出咗新嘢，就試吓佢個新Menu！牛肉雞蛋銀針粉雖然呢個唔似馬來西亞嘢，但估唔到都幾好味，牛肉都有好多片，嫩滑，用煲仔裝住，好夠熱，應該都落咗馬來西亞黑醬油，好上色，賣相吸引！香脆腐皮卷非常酥脆，加上酸甜辣醬，好惹味。沙嗲串燒拼盤牛豬雞，分別各兩串，肉質一點都不柴，我很喜歡它的沙嗲醬，香甜，有濃郁花生香。我仲用呢個沙嗲醬撈埋銀針粉一齊食！椰子雪糕咖央三文治食得馬來西亞嘢又點會唔試咖央，呢個好推薦！麵包烘得香脆，加上冰凍椰子雪糕和香甜咖央醬。最後食埋呢個甜品真係好滿足！
繼續閱讀
Chatterbox Express再度光臨惠顧著名新加坡菜,餐廳位於港島太古城太裕路7號建安閣地下,餐廳裝修簡約,環境光猛,乾淨衛生,餐廳主打星加坡菜,近期推廣星洲滋味麵食套餐,服務員招呼友善有禮o文華海南雞飯海南雞飯餐廳招牌菜之一,配有豆腐湯,星洲黑醬汁,薑蓉,辣椒醬,有車厘茄,青瓜,芫茜和椰菜作伴碟,海南雞飯色澤光鮮食落嫩滑,配有油飯和餐飲熱檸水。新加坡肉骨茶配白飯肉骨茶配有油条,辣椒黑醬汁,肉骨茶配料有豆腐卜,金針菜,芫茜和蒜頭,大大件嘅排骨食落好淋滑,微鹹,不膩,部分排骨連著豬軟骨,有口感,連湯汁都飲晒,好滿足,餐飲熱咖啡,甜品椰子雪糕。
繼續閱讀
星加坡過江龍海南雞飯專門店最近又有新搞作，星洲滋味麵食系列，有豬扒扳麵，牛肉雞蛋銀針粉和芽龍黑醬油海鮮福建麵。海南雞食過了，今日試新嘢。星州滋味系列套餐，主食包飲品。芽龍黑醬油海鮮福建麵配有機茶黑醬油比一般醬油濃郁，更鮮。充滿濃濃黑醬油香，不會過鹹。福建麵條有點似烏冬，有靭性，質感彈牙。蝦隻爽脆味美。招牌涼粉紅豆椰子沙冰紅豆加涼粉新配搭。椰子雪糕溶化其中，更顯邪悪。另加了一碟蒜蓉生菜，均衡營養。。
繼續閱讀
之前喺其他分店食過，今日同同事喺太古附近做嘢，見到呢一間我就話不如一齊食lunch，呢度有我最鍾意食嘅海南雞飯同班蘭蛋糕，每次嚟到都要叫。海南雞飯海南雞肉質食落好嫩滑，一咬落去仲好Juice，原本都擔心唔係叫雞脾會比較鞋口，但完全係比到驚喜我，雞皮爽口完全唔油膩，配上醬汁令到海南雞味道更加惹味，而且我覺得生菜唔單只係用嚟墊住海南雞，生菜都爽口好味。雞油飯充滿油香味，碗湯比較清甜，仲有嚿豆腐喺入邊。牛肉沙嗲沙嗲醬好香甜濃郁，牛肉肉質嫩，牛肉味超級濃郁。班蘭蛋糕配椰子雪糕班蘭蛋糕口感鬆軟，斑斕味道濃郁香甜，配上椰子雪糕非常好味。
繼續閱讀