影片
港鐵尖沙咀/尖東站 J 出口, 步行約3分鐘
繼續閱讀
電話號碼
38918732
開飯介紹
彤福軒以瑰麗酒店集團母公司新世界集團的創辦人鄭裕彤博士命名，以來自鄭氏家族發源地的廣東菜向鄭博士致敬。餐廳時尚的大廳和七個貴賓房與70年代鄭博士發展的新世界中心同樣坐擁壯麗維港景緻，餐廳專門提供精緻的粵菜，包括來自中國廣東地區的美食，以細緻精湛的烹調手法巧妙地平衡味道和質感。
繼續閱讀
獎項殊榮
米芝蓮一星餐廳 (2024)
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
食家推介
相關文章
140 瀏覽
有親友正月回港，入住尖沙咀「香港瑰麗酒店」，為怕其舟車勞動，長輩特意選於酒店中菜廳「彤福軒」設洗塵宴，體貼之情盡在不言中！六星級酒店餐廳樓底高高，走廊十分闊落。十二人派對安排於「創新世界」廂房內進行，厚厚嘅木門好有氣勢。面積寬廣嘅房間華麗有氣派，空間感好足，前半部份為客廳，陳列架上擺有簡單嘅藝術品及書籍。對住梳化椅有個酒吧，吧枱上已備好晚宴嘅佳釀。入席前，溫婉嘅Sarah妹妹先以金光閃閃嘅茶具泡出熱茶。廂房後半部份嘅飯廳光線柔和，大圓枱剛好可容納上十二人。落地玻璃趟門身後可見迷人嘅維多利亞景色及聖誕燈飾，騎樓應該係為方便煙民吸收新鮮空氣而設嘅。客氣嘅主人家早已訂下菜單。廂房宴席有專人招呼，菜式均預先分好續位上，所以轉盤上只擺出鮮花裝飾及調味醬汁。每位席上都有齊備嘅自用及公用餐具。柚香水晶柚皮、蜜汁鮮梅頭叉燒、金錢酥蟹盒：為晚餐作序嘅前菜拼盤建議由十二點方位起，順時針方向食。第一件水晶柚皮清新軟腍，當中嘅柚子香醒神又醒胃，第一次凍食柚皮，感覺都幾新穎。第二件金錢酥蟹盒外脆內嫩，層脆皮夠薄且唔油，蟹肉餡心鮮甜不溜滯，香口尤甚！左邊兩件蜜汁叉燒雖看似偏瘦，食落還好夠鬆潤。彤福生拆鮮魚羮：據悉，魚羮獨特在於混集咗幾款魚魚，包括桂花魚肉、東星斑肉、鮫魚肉、大地魚碎，令口感更為豐沛。小肥自認對順德名菜唔係太熟，只係覺得彤福版飲落比較稀，似魚湯多過魚羮，拌入嘅腿絲同陳皮絲嚡硬之餘，仲遮蓋唔到當中陣魚腥味，不吃也吧。金腿欖仁蟹肉鮮奶炒富貴蝦球：金碟上白雪雪嘅蟹肉炒鮮奶清香軟滑，幼嫩鮮甜。墊底嘅「富貴蝦球」原來即係瀨尿蝦，喺高級酒店食連個名都矜貴過人！原條已去殼嘅瀨尿蝦粗粗長長，厚身得黎肉質爽彈唔嚡口，火腿碎有效地添上咸香！松茸罐燒和牛臉肉伴抽皮：厚厚嘅柚皮軟腍冇渣，簡單黏上紅燒醬汁已經好好味；左邊兩條和牛臉肉脂肪唔多，肉質雖則唔算乾嚡，但又冇乜牛味肉香，反而最好食係條翠綠清脆嘅西蘭花苗。沙田脆皮妙齡鴿：如相所示，鴿鴿皺哂皮，咬落層皮乾爭爭仲好韌，皮下嘅鴿肉又有啲老，食唔到有任何軟骨，完全唔似妙齡BB囉！魚腐百合鳳眼果酥豆腐：全枱人都誤以為橙亮金美嘅菜式係甜品，得知為魚腐拼炸豆腐當然係嘩嘩聲啦！頂面球白色波波乃鬆爽嘅魚腐，下面則為脆皮嘅炸豆腐，碗中嘅芡汁用上百合同鳳眼果打出，綿滑芳香中帶出甘甜，飲完都唔覺溜。五彩炒魚麵：妹妹仔介紹招牌魚麵為師傅用魚肉手打而成，絕不含麵粉，固每條嘅粗幼不一，且形狀有異。單尾乾炒魚麵極富彈性，唔洗加點醬油已夠清甜，連同蛋絲、芽菜、荀絲、菇絲及蔥碎食足以增添爽潤嘅口感。蛋白燉鮮奶：熱辣辣嘅燉鮮奶一人一盅，微甜嘅甜品滑嫩滋潤且相當暖胃。尖沙咀名酒店之中餐廳「彤福軒」環境高雅有氣派，有靚景睇嘅私人廂房尤其舒適，服務生專業周到，無奈食物質素就略為參差，但又唔可以話難食嘅，只係估計六星級酒店價格唔會平，福盡享在眼裡，性價比低而已。
繼續閱讀
今天中午和家人來這間餐廳吃午餐，這是我第一次在香港來這種高級餐廳包箱吃午餐，用餐環境非常好，服務亦很好。今次我們點了小菜，亦叫了幾款點心，全部的食物都很美味。順德拆魚餃：餃子的賣相十分精美，內裡的配料亦很出色，是必點的點心之一。海參燒賣：這款是一個相當矜貴的點心，海參內包了豬肉和蝦，是全場最美味的點心。至於小籠包和香芋包的味道都相當不錯。蜜汁鮮梅頭叉燒：叉燒的質感嫩滑可口，而且充滿著濃濃的肉汁，肥瘦適中，這道菜式很美味。北京烤鴨：烤鴨油而不膩，挺好吃的。豉椒炒龍蝦球：龍蝦球的口感十分彈牙，醬汁亦很美味。瑤柱炒龍蝦：對比其他菜式，這款明顯清淡得多，送飯一流。魚鰾勝瓜：魚鰾入口即溶，勝瓜滲透濃濃的湯汁，連不喜歡吃菜的我都吃得津津有味。脆皮糯米雞：這款和糯米雞翼很相似，不過變了整隻雞，雞肉和糯米真的是絕配，很美味。生菜片鴨鬆：鴨鬆的味道十分鹹香，送飯一流。甜品拼盤和燉奶：對比主菜和點心，甜品的味道相對失色很多，全部甜品都沒有什麼特別。總結來說，這間餐廳無論是環境，食物，抑或服務都相當出色，當然價錢是昂貴的，所以特別日子來這裏吃飯是不錯的選擇。
繼續閱讀
呢年為咗食得好啲特別啲，屋企決定去瑰麗酒店嘅彤福軒享用精緻中菜。呢度嘅環境非常chill，係全海景景觀，令用餐體驗更添愉悅，服務亦有星級質素，一流體驗。我哋一行八人叫咗幾款點心，全部都好睇又好食。首先係原隻鮑魚黑豚肉燒賣，鮮甜嘅黑豚肉配上軟滑嘅鮑魚，口感層次豐富，每一口都充滿驚喜。果仁牛肉粒亦非常出色，牛肉粒外脆內嫩，果仁嘅香脆加上牛肉嘅嫩滑，完美結合，味道一流。片皮鴨就更加唔使講，鴨皮薄脆，肉質鮮嫩，配上甜麵醬同蔥絲，每一口都係極致享受。整個用餐過程非常愉快，大家都食得好滿足。如果你同家人或朋友想享受一頓特別嘅精緻中菜，彤福軒絕對係你嘅不二之選！🥢🍴🌟
繼續閱讀
之前同奶奶飲茶，第一次嚟Rosewood中菜廳。點心做得唔錯，老人家都好喜歡。前菜都好精緻。主菜熱辣辣上枱，整體食物都好好。比較奇怪嘅係，想點撞奶，點知服務生回覆過來話今日師傅話撞唔起。有點費解。坐咗喺一個semi private 嘅枱。可以安靜一家四口飲茶，係好舒服嘅選擇。
繼續閱讀
朋友鐘意食中菜 揀咗尖沙咀高質中菜館有環境 有質素 食物精製又有心思⭐️⭐️⭐️⭐️值得一試 很服都好好👍今日我地叫左個點心套餐$680/位先尼一籠精製點心 海參同埋 蝦餃入面有蟹籽 皮薄入口蝦味濃郁👍加埋蟹籽好正另外嗰隻係素菇 鍾意食菇嘅人一定鐘意 好香👍海境午餐下一款係魚羹 下面有蠟燭 可以一路熱住食之後係24年陳皮芋蓉香酥鴨皮好鬆脆 仲有陳皮養生 食完不膩瑤柱蝦乾煮茭白 五彤炒魚麵 用魚肉加麵粉打成麵 好彈口 有驚喜最後係呢個香芋布甸 唔會太甜 又有香芋嘅味道 每一道菜都好鐘意 ⭐️⭐️⭐️⭐️⭐️值得再去～
繼續閱讀