影片
港鐵尖沙咀/尖東站 B1 出口, 步行約7分鐘
繼續閱讀
營業時間
星期一至日
12:00 - 01:00
以上資料只供參考, 請與餐廳確認詳情
老友請食飯, 選了我最提不起興趣的鐵板燒 (比佢睇到, 實嬲咗我...). 其實我一早都講咗, 對廚師表演, 一點興趣也沒有, 尤其是在香港看港式日廚表演, 溢價奇高, 一點也不值, 例不如去日本旅遊時看過飽...Stella Artois, 夠凍, 一口氣, 半杯落肚, 透...心涼, 全日倦和悶氣盡消.季節沙律, 開胃菜, 無太大特別, 唔差啦...餐前小食三味, 魚干仔, 酸蒜, 牛旁, 都好好.魚子蒸蛋, 無太大興趣的點心, 蒸蛋加上黑魚子..... 吃了一口, 分了一半給老友.鮑魚, 切片, 廚師炒得起勁, 未入口, 看見, 已經感覺到其彈牙的肉身, 一入口, 三幾塊, 真係唔多夠喉.銀雪魚, 最愛之選, 煎得唔夠我喜歡的香口(燶度), 醬汁也唔夠我喜歡的甜度.大海蝦, 廚師把蝦頭切後, 將蝦身反來反去, 很快就脫殼了. 蝦肉, 唔使問, 一定係彈牙啦....香煎鵝肝, 煎得外皮未夠香口, 所以表皮脆度不足, 但內裡卻是十分軟滑, 似食熱雪糕一樣.雪花牛扒, 雪花程度不算太高, 牛肉口感滿意, 未算入口快溶的感覺, 但合我心意, 我喜歡有纖維口感多於軟棉棉, 正是我喜愛西冷多於牛柳的原因.師傅在鐵板上炒飯時, 專誠為客人擺置出特別款式, 眼前的圖案, 據聞係咸蛋超人.... 真係....唔講真係唔知...哈哈.. 另外的 Hello Kitty, 就一眼望出了.炒飯, 以碗盛到前面, 看得出飯身一粒粒分別, 不算油, 味道香, 一口, 非常好食.豆沙燒餅, 師傅即做, 味道不算太甜, 口感也軟滑.友人付款請客, 不知價錢, 根據在店外的餐牌, 略估, 大概七百一位吧.© 2014 Microsoft 使用規定 隱私權與 Cookie 開發人員 繁體中文
繼續閱讀
朋友生日食飯，唔知食乜好。知佢鐘意鬆弛熊，剛好又見到又人介紹有一間舖有廚師用鬆弛熊即場做個炒飯。所以即管去試試。打電話去訂位，店員已經表示每日最低消費$600。兩個人即係最少$1200。不過既然係生日飯，最緊要吃得開心，價錢都唔係最大問題。我在致電預約時已表明與友人食生日飯。所以已經問定會唔會有蛋糕呀，同講定個炒飯整咩卡通人物同寫乜字。店員表示會為我同師傅講，準備定個炒飯。另外會送我小蛋糕同會寫名等。我在預約時間到達。店員帶了我們到店內其中一個鐵板爐檯坐下，一爐坐了7人。其餘5位是操普通話的內地人。其實一坐低都心知不妙。廚師一邊同呢班客有說有笑，相信佢地當中應該係熟客。我們叫了一個鐵板海鮮2人份 $638位＋ 10﹪charge。餐裡面包括，前菜，沙律，龍蝦，鮑魚，牛，鵝肝，炒翠肉瓜,，炒飯. 仲有甜品雪糕一球。1.前菜(魚仔乾，鮮淮山，)2.我地既鮑魚製作中…..3.鮑魚配櫻花蝦，肉質爽口，的確係新鮮。4.龍蝦製作中…..5.龍蝦 完成，一隻煮埋得兩啖。6.牛就係薄薄三塊7.牛完成 , 有好重蒜味完全蓋過牛味。8.煎鵝肝，普通過普通。9.龍蝦拆肉後，拎左個殼做湯。普通麵鼓湯。無龍蝦味！10.炒翠肉瓜， hea 到飛起！！！！11.期待的鬆弛熊炒飯，你地覺得似嗎？？12.鬆弛熊炒飯成品，好鹹呀！！！13.鬆弛熊炒飯加生日快樂字句，我覺得完全無誠意。14.呢個就係送的蛋糕，一塊細過iphone 5的蛋糕，之前話過幫我寫名的Happy Birthday 不翼而飛？？？15.店內的食客隨意的在抽煙，店員不但看見沒有左止，廚師還替食客點煙！！！！16.還有人抽起雪卡來呢!!!!結果，生日的朋友全晚黑面。當然負責請客的我都不是味兒。
繼續閱讀
1610 瀏覽
1個鉄板燒爐- 除了我們5位慶祝Christmas外，仲來了2 pair 慶祝週年記念的情侶。 因Christmas， 食得太多，而且食量不大，起初諗住叫2個set再散叫，點知原來有min charge。 最後叫2個熊本set 加至5位。 餐前小吃有 糊麻醬鮮茄蕃沙律 麻醬配新鮮蔬菜好醒胃。 鵝肝魚子蒸蛋 上面有魚子，蒸蛋清甜又滑溜，食到最底原來有一塊鵝肝， 令到平凡的蒸蛋変得不平凡。 師傅捧了一盤鮑魚及龍蝦。活生生的......好殘忍但好味! 師傅先燒原隻活鮑魚 師傅好細心，燒左好耐，終於有得食!! 肉爽而不韌 而且碟鋪滿蝦乾仔，非常香口。 燒原隻龍蝦 先將龍蝦膏攞出備用，一陣做個芡汁。 龍蝦十分生猛，所以師父煎既時候要好大力按實佢地，再拆肉。 煎到差不多熟，再散上烈酒，用大火使龍蝦的肉質更加彈牙 。 龍蝦肉放回龍蝦殻內，再淋回龍蝦膏做的芡汁。賣相吸引而且份量不少。 龍蝦肉彈牙，爽口，龍蝦味濃，好鮮甜，芡汁好香蝦膏牛油蒜容味。正!! 師傅接著把龍蝦頭放好圍圈，叫我們預備好相機，再散上烈酒，著火啦!!!! 表演後，便把龍蝦頭拿回廚房做湯。 酒燒後的龍蝦頭用作熬湯，湯的龍蝦味就欠奉，似麵鼓湯，龍蝦味不太重。當作一個表演還不錯的。 師傅接著捧來澳洲和牛 澳洲和牛已薄切薄，牛肉既嫩又有肉汁，有牛味，夾著蒜片來吃，滋味無窮。 招牌秋田炒飯 客人到了這個環節都是相當興奮，無不舉機拍照，這店子的特色和吸引人的地方。向師傅要求畫聖誕老人，最後畫了隻鬆弛熊，都幾可愛。由於同枱有2對情侶，每人畫了不同圖案。拍照後，師傅再用蛋畫了心心及寫上週年紀念日•••雖然好特別，但攪左成半個鐘，見每個客人都坐到發呆。都係less is more.大家一輪拍照後，師傅就可以炒個真正的飯。這客櫻花蝦煙肉炒飯，炒得乾身。 ok!鵝肝多士 鵝干就真的遜色，燒過火，口感偏“鞋”，鵝干不夠香，麻麻。蒜容脆肉瓜食到好飽又多肉，有菜食十分好。 清甜既脆肉瓜配上濃郁惹味既蒜蓉，好味！最後有甜品！除了雪糕(芝麻或綠茶），配豆沙燒餅或pancake。 豆沙燒餅及pancake都是師傅即做。味道不太甜，配上雪糕，正！總結：師傅會同客人交流, 有得睇又有得食, 整餐飯既氣氛都好好, 食得好開心~ 最適合情侶及慶祝紀念日。
繼續閱讀
知道情人節周圍的餐廳都full，所以我和男朋友决定在情人節後一天去朋友介紹的紅葉炭燒慶祝情人節。一進入餐廳覺得很靜，可能係我們太早到，因當時只有七時多，但到八時客人就開始多了。環境不太嘈雜，可以給我們靜靜地談天…我們看了menu很久，侍應就很細心地問我們"想食甚麼！？可以介紹一些食品給你們"因我們兩個都想食少許刺身和熟食…刺身放面我們選擇了一個竹刺身併盤…可以嘗試唔同款式的刺身…原來併盤上有海膽和牛肉…海膽的味道非常新鮮和帶有一點點的海水味…其他魚生都好新鮮…我看見有一款魚生是紅紅的帶有少少甜…原來叫金目鯛是日本的大眼雞(侍應講解給我知)。炭燒聖子：十分爽甜，另外點少許的柚子醬是更加帶出其的鮮味。炭燒廣島蠔：多汁再點少許的柚子醬更加美味！本來唔太愛食蠔的男朋友都稱讚好味！炭燒日本雞肉：以為同平日的雞一樣沒什麼分別…但一食就好多汁又彈牙…原全係兩種口感！炭燒日本雞頸肉：平時我都食雞頸，口感是滑和沒有太多肉，但這個炭燒日本雞頸肉又滑又彈牙又多汁。豬腩肉：用西京燒的放法，唔會太甜而且肉質唔會太肥又唔會太瘦…燒牛舌：燒得剛剛好，唔會太乾…十分多汁和彈牙。燒魔鬼魚魚翅：燒出來非常香口和肉質好滑，而且軟骨都可以食，因為多骨膠原，對皮膚好好的…所以我們把整件魚翅都吃光了。值得一試！燒粟米：燒得唔會太乾，並且牛油不會蓋過粟米的香甜味…到最後我們點了一個燒蕃薯作為我們的甜品，而去結束今晚的晚餐…燒蕃薯：原來是一口日本蕃薯，不同平日我們看見的蕃薯那麼大。份量剛剛好而且好甜。侍應還請我們食燒一口朱古力，雖然我們都很飽了，但都想試下和情人節可以好像朱古力一樣甜甜蜜蜜！燒一口朱古力：好像朱古力蛋糕一樣，咬下去好鬆軟，有好濃的朱古力味，但我覺得好像欠缺了一點點…就是如果在燒朱古力面加上少許朱古力醬 或在燒朱古力內有朱古力流出，像心太軟那就非常完美！P.s:因為掛住食，忘記了影相！下次再去食一定要影返一些美味的串燒！
繼續閱讀
本身有睇開飲食男女 自己又鐘意周圍食野 見到雜誌介紹呢間新開既日本菜餐廳 加上情人節再加上男朋友仔好鐘意食日本野 就同佢一齊去試下 其實之前都有黎過諾仕佛階食日本餐 係天文台圍果邊 食鐵板燒 果次好滿足 今次就試下呢間新野 好彩一個禮拜前BOOK定檯 果日一去到已經差唔多FULL晒 個環境好舒服 佢地有個位放海鮮 D海鮮好新鮮 我地果日ORDER左套 二人套餐 個套餐好抵呀 包好多野食 ARM晒我大食既男朋友仔好等我逐一介紹下D FODD先 首先頭盤係凍盤既田園蕃茄沙律 蕃茄好JUICY另外個菜沙好FRESH 另外就係龍蝦刺身拼盤 隻龍蝦仲識郁架 仲好生猛 果度既STAFF好細心同我地講解每款既剌身 因為我地剩係識龍蝦一款同三文魚刺身 D龍蝦刺身真係好新鮮 D魚生好好食食完凍盤之後到熱盤 首先係呢個炭燒海鮮拼盤 佢裡面有生蠔 帶子 海蝦 象拔蚌 同聖子 D海鮮真係好好食 同埋第一次食用炭燒既方法食海鮮 真係好鮮味 之後到澳洲和牛肉拼牛舌拼盤 澳洲和牛ARM晒我大食既男朋友仔 再加上唔韌既牛舌 男朋友仔都唔係好夠喉 >_< 佢真係好大食>_< 好彩之後到串燒拼盤 我地揀左朱腩肉同雞肉棒 朱腩肉好香同埋好甜 好食 之後到焗牛油什菌露荀 個露荀好香 好好食 但男朋友仔佢就麻麻好菜類 我差唔多食晒咁滯 呢個真係好ARM女仕食架!! 到最後一款FOOD 龍蝦海鮮粥 果度D STAFF 同我地講 原來用我地頭先食果個龍蝦頭黎煲粥 唔怪知得咁新鮮喇!!!個粥好好食 但我真係好飽 反觀男朋友仔仲好似未夠喉 之後到甜品炭燒朱古力 真係好得意 一口咬落去舊朱古力好軟 同埋好似蛋糕 之後果度既STAFF 問我地COMMENT 又問我地夠唔夠飽 之後仲請左我地食雪糕同SOBERT今餐真係好滿足 我男朋友仔話 下次再黎試其他野 ANYWAY 呢間餐廳 無論食物 環境 服務都唔錯 有時間一定會再去幫襯!!
繼續閱讀