影片
港鐵尖沙咀/尖東站 L5 出口, 步行約3分鐘
繼續閱讀
營業時間
星期一至日
11:30 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
本身睇左comment同相都覺得好吸引，就同男朋友去左食，而家已經無最平果個，我地諗住燒野都要時間，就揀左90分鐘/198蚊.. 入去本身覺得無乜野，但一坐低. 成台面都係油.. (都算？好多都係咁） 但個冷氣真係好弱.. 未燒都熱到出曬汗.. 坐低就開始睇下有咩食.. 本身揀呢間係因為有我鐘意既豬皮同男友鐘意既護心肉.. 一望個menu.. 兩樣都無左！！ 咁我黎做咩？！ 都算啦.. 坐低左照食啦.. 可能其他都好好食呢？成個menu叫曬，得牛仔骨，牛五花同韓式牛肉係ok.. 豬五花我地都好鐘意食，但佢個五花肉上果時係成舊冰黎，無解凍，亦都無醃過，鹽都無粒，食落口係得陣雪味. 牛仔骨，牛五花同韓式牛肉好食係因為佢醃過，真係無諗過咁差.. 一半既食物都係未解凍就上台.. 其中7成食物係無味/有雪味.. 點個汁，麻油鹽果邊ok.. 辣醬果邊係酸酸地好怪..另外，野飲方面係太貴，一罐20蚊+1，但拎黎個可樂都唔係話好凍，水方面係10蚊+1，細水。配菜再加要錢，生菜要錢，盤邊蛋係無既。服務方面，係無服務可言，叫人起碼叫5分鐘先有人應你，換盤同落單係唯一可以讚，幾快！環境方面，周圍都油，抹得唔乾淨都算，冷氣弱都算.. 餐廳係無抽風，佢爐上面個抽風只係裝飾用，完全無開過，燒燒下成間餐廳白濛濛一片，然後成身超級臭咁出番黎。好老實講，我地都飲左2罐野飲1支水，最後埋單係49x。500蚊食呢餐係唔開心既，野食差，環境差，服務差。2個人比多少少去其他單點既韓燒會好好多。唔知點解d相up唔到!!!
繼續閱讀
本來今日諗住去hungry korean食個lunch, 點知有10幾個人排緊隊，大熱天時真係唔想排喺出面等，朋友就話不如去對面嗰間韓國嘢啦，本來我都有少少抗拒，因為未食過，佢就話嗰邊已經有位叫我過去，就係咁我就食咗呢一間韓國嘢，都幾多人食，都放心啲，咁熱天時都係唔好食辣嘅湯同嘢食，我最鍾意食炆牛肋骨咁，我就叫咗呢一個加$飲凍檸茶，個牛肋骨份量適中啱晒女士嘅胃口，都有三大嚿牛肋骨好多肉，而且好淋好厚D肉！個湯食得出有胡椒噴霧嘅味道，好濃好甜，而且甜甜地！又有蘿白，確實係我鐘意既味道！果然冇令我失望有下次
繼續閱讀
係尖沙咀行完街想食韓燒😍無意中搵到間任食韓燒就諗住去試下❗️佢Buffet有兩款$178 任食1小時另一款就係$198任食1.5小時😋今次揀左1.5小時🕐任食肉類就有豬牛雞但種類比預期少😟試過叫左唔同款既牛但都係黎一樣🤔個人推介辣五花腩唔會太肥🤤可能因為任食關係好多配菜都冇提供👎🏻例如燒肉必配既生菜係要另外加錢叫❗️泡菜都係冇得Refill的❗️不過佢有一個醬料好好食🤤就係韓國食生八爪魚🐙會點既個款麻油鹽😋推介👍🏼不過因爲冇乜配料所以就咁食肉會比較容易飽，所以食1小時都已經足夠❗️
繼續閱讀
本身見到間鋪咁多人讚又有buffet就諗住一試~點知好失望揀左$198任食90分鐘~點知之後先話其中2款冇貨~叫左幾款肉，但黎黎去去都係個款生菜，前菜，連水都要另外收錢
繼續閱讀
食店位於尖沙咀亞士厘道近盡頭地鋪, 旁邊有樓梯直達海防道, 所以地點也算是方便。那天同事介紹, 便去了午飯。內裏以長方臺為主, 幾張臺可以推在一起成為大臺, 另外亦有卡位, 但不是全部椅都有椅背。整體環境和洗手間也乾淨。我們到店時約是1310, 不需等位。同事和我總共有4人, 坐下便即送上6款小食, 是可以不斷叫店員重新裝滿的。分別是紅色的泡菜、芽菜、菠菜、沙律栗米, 另外2款不記得了。我選了第807號的石鍋雜錦飯。她們先奉送一碗白蘿蔔豬骨清湯。上臺時的石鍋很熱, 「咋咋」聲。我倒了小量湯到石鍋, 然後便趕緊把配料和飯伴勻。最後還是剩下了飯焦在石鍋底, 但同事的石鍋卻沒有形成飯焦。$65 沒有加一, 整體來說, 有小食和湯, 價錢算是公道的。其他罐裝飲品要另外加錢, 請看相片的餐牌。午飯1小時只拍了2張照, 請多多見諒。
繼續閱讀