影片
以上資料只供參考, 請與餐廳確認詳情
是日跟舊友聚會，來到這家酒吧餐廳。先來炸洋葱圈、雞翼、薯條等配凍啤。再試了Carbonara, creamy有蛋香，麵身稍硬身合我心水，要 encore。最驚喜係羊架及乳猪。羊架系皮香肉嫩，非一般平價羊扒可比。乳豬係似西班牙乳猪做法，皮脆肉香，配自家辣辣地汁醬…… 當我快快口想食第二件時已被清哂，可惡!服務是迅速、有禮及親切。跟負責人談了兩句，知道他們會有新menu,期待。沒有嘈雜吵耳音樂，也沒有滿地花生殼。極適合談話，relax 一吓。推薦！
繼續閱讀
ekikita 香烤牛板腱配薯菜 @ $78-之前同男朋友去過呢個bar飲野，咁啱呢排係尖東係返工。見佢有lunch menu，d野又幾啱食，價錢又唔貴，俾個機會佢。-叫左個香烤牛板腱配薯菜，肉中間有條筋，但唔影響肉質，都係好腍。有兩大舊肉，lunchset黎講都叫大份。但敗筆係d 伴碟既配菜係凍既。翠玉瓜同西蘭花薯角唔熱，食落凍冰冰既。仲有，佢個汁係好稀，冇味既。佢lunch唔收加一，仲包餐湯同餐飲。都算係咁，can't ask for too much.-地址：河內道8號地舖-推介指數👍🏻👍🏻抵食指數👍🏻👍🏻👍🏻(5個👍🏻為滿分)-P.S 1點去食，成間餐廳得5張檯，生意好慘淡
繼續閱讀
收工約左朋友吹下水，原本打算去茶記，但又吾坐得好耐，所以就提議落bar。。。其實我都好少落bar,因為我都吾飲酒🍻。。。今次都係朋友帶我過泥，佢話呢間bar坐得舒服，食物都好食，又吾好多人好嘈，可以慢慢吹下水我地9點半過到去，可能仲係算早🤔🤔笑🤣，人吾算好多，三四枱甘。。點左杯雜果賓治同店員推薦既lemonade 加薄荷葉。。清清地，入口好fresh ....脆皮豬手:🐷呢個好好食！係呢度既招牌菜。。係原隻豬手斬件上，個皮係嫩脆！真係咬落去鬆化咖！肥瘦均匀，肉好juice。加上吾會過份醃制，所以係食到豬味咖！同最中意帶住小小嫩骨，所以好食！四重芝士pizza:🍕個店員推介呢個pizza入面有4種吾同芝士，所以味道好特別。甘就試下啦！pizza切開6件，有拉絲咖，滿滿芝士好邪惡！我覺得吾加材料就甘芝士既pizza就係最好食😍總括泥講，呢度坐得舒服，食物都吾差，又有音樂聽下，吹下水係幾舒服。重點吾會好嘈好迫好多人😝😝
繼續閱讀
尖沙咀平日辦公時間午餐， 價錢略高於，快餐店，茶餐廳。 但店內環境 比這兩者都好得多! 適合行政午餐， 可以同客傾下， 『Sales』以如此可控價錢 請客戶午飯， 肯定冇老細會詐型， 或懷疑你攞啲乜單返公司claim! 如果以為是『中伏』， 肯定是以在尖沙咀的酒店餐廳食午餐作定位。 不過如果我帶客去酒店餐廳 ，單『刁』肯定過一百萬啦!這裏價錢比酒店實惠好多! 但任何事情總有進步的空間! 此店亦還需努力，加強各方面的 競爭力! 總體還是不錯的!也試過黃昏去Freeflow 我哋呢啲『Sales 』絕對完全可控, 晚上朋友或客戶聚會， 環境舒適， 音樂不錯， 好處是地點方便，兩鐵交匯。好友們放工後聚會，完了後 各有各散 回家方便。 其實良朋歡聚，最麻煩的是要找到各人都方便的聚腳點。 這位置不錯! 另一亮點: Barmaid 出類拔萃
繼續閱讀
I visited with a few friends. We were in the area and was just looking for a place to hang out. We picked this place as other places felt too crowded and too noisy for us.I had their white ale and Mojito cocktail. We also shared fried small fish snack, golden fries and stir fried squid. They tasted good, but the fried food tend to be on oily side. If you like spicy, the squid may be a good choice.We hanged out for about 1.5 hours and this is a very comfortable space and relaxed. I think this is a very good spot for drinks and to have a good time with a few friends. We spent about 200 per person.We visited around 9 after dinner, they have lunch and dinner menu and looks pretty good. I will try it next time.Overall, I think this is a good place to hang out without all the noises like many other bars. I will return.
繼續閱讀