影片
港鐵旺角站 E2 出口, 步行約2分鐘
繼續閱讀
營業時間
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
呢間榮哥煮場喺旺角都開咗一段時間，成日都有經過見到，原來晚市嘅二人餐都幾多款式，幾抵食喎👍🏼當日所見侍應都好熱心主動，而且上菜都好快~•🥢 二人套餐 $298 呢個二人套餐包咗一鍋湯、一款自選小菜、一碟前菜、兩碗白飯、兩碗甜品/飲品。當日前菜係醋香木耳，口感爽脆，酸酸哋好開胃👍🏼📸 濃湯花膠雞煲上菜嘅時候雞湯係微暖嘅，會附埋一個爐可以滾返起個湯先飲，夠熱之後就較細火啲暖住個湯，個湯好足料，除咗有好多花膠同埋雞件，仲有啲芹菜同雲耳～ 雞湯味道都幾濃郁，好重雞味，但唔會好鹹，仲標榜無味精！雞件係熟晒嘅，但肉質唔會嚡；花膠就偏向爽口，但完全唔會有腥味/怪味😛 呢個湯加白飯好好食😋•📸 柚子蝦球蝦球係新鮮炸起熱焫焫，而且每隻都幾大隻，口感爽彈👍🏼 柚子醬酸甜開胃，但略嫌啲醬撈得唔均勻，同埋炸皮厚咗啲啲~•📸 楊枝甘露📸 樽仔凍檸茶甜品同飲品每人只可揀其中一樣，我同朋友就叫咗一個甜品同一個飲品～當日甜品只有楊枝甘露，芒果味酸甜適中，椰汁味亦都好香，仲有唔少柚子肉同埋西米，但最特別嘅係仲有芒果味爆爆珠！🤩而呢到嘅凍檸茶係樽仔上，預設咗走冰少甜，非常貼心！茶味同檸檬味都大致恰到好處，只係飲到底有微微澀味
繼續閱讀
最近嚟旺角好似咩都食膩晒，突然惗起可以去食下家常菜🤣主要唔使用味精，原汁原味又健康，而且里面嘅員工都幾好人，有時候仲可以傾兩句，感覺幾舒服～二人套餐😍超抵選擇（4煲任選一款+24種小菜任選一款+白飯兩碗+前菜一碟+是日甜品兩位或飲品兩位或各一）🐟招牌酸菜魚煲料足到快滿寫，魚嘅份量都唔少哦🤣而且下面仲有🔥一直加熱，不過夠熱我就閂咗，咕嚕咕嚕咁驚燒底🤣淋上酸菜湯非常好送飯👻🦴酸甜藍莓骨咪睇佢黑鼆鼆咁，其實都系藍莓醬包裹著每一舊肉😋🍯楊枝甘露（凍）/話梅鹹柑桔（熱）我對糖水比較有興趣，朋友就想飲其他野，問咗一下可以選擇自己鍾意嘅😁楊枝甘露里面仲有爆珠，食著口感唔錯😆話梅記得要篤哦😉氛圍唔錯，服務好積極👍🏻四款煲任君選擇，搭配嘅小菜有24款可選，總有一款啱你😆對於飯量細嘅女生可能2人餐都可以3個人食咯🤣因為撈湯都好送飯，最後我地小菜都系打包走😝
繼續閱讀
同阿女慶祝生日，一家大細尼食飯，餐廳職員&唔知係咪老細既老細🤣態度熱情好客，令人食得好舒服，一直keep住有客人，都算多人食，上菜速度快，我地叫左兩個2人套餐，再加左d野飲，掛住食，冇點影相，小朋友比較細食，加上份量都幾足，所以都食到飽飽。老細好好人仲幫我地分埋雞湯，我飲湯都飲左3碗，覺得好滿足，不過可能我自己煲湯幾乎唔落鹽，所以覺得個湯稍為咸左少少，但都能接受，雞肉唔鞋身好食，同埋份量多！千島醬蝦球好食，大小朋友都好鍾意食，如果唔係飽，爭啲想叫多份😅煤炭飯特登跟套餐叫左個試下，樣子特別，味道亦唔錯！煙煙韌韌、少少甜，好啱我仔既口味👍🏼雖然到食生日蛋糕係唔會提供餐具服務，不過好彩有一早係電話問定，所以我地有自備餐具，不過佢地呢個做法我地都接受到，因為呢度始終唔係食蛋糕既地方，冇理由要人做多左野，而且佢地已冇收加一，我覺得讚👍🏼成餐飯食得開心，而家好少呢類型既餐廳啦，希望佢地保持到水準同服務態度！有機會一定再尼幫襯！
繼續閱讀
📍🇭🇰 榮哥煮場 Wing Gor Chef.玩完食雞，一於去食雞…煲！🤣來到旺角，見到有間食雞煲的地方，就入去食晚餐先！.我們馬上就點左個二人套餐 {HK$298}，有幾款套餐選擇！.大家都想養顏和增骨膠原，就點左個套餐C: 濃湯花膠雞煲。.這個套餐配：🍚兩碗白飯一個前菜-醃製酸木耳- 這個前菜十分開胃🤤，酸酸地帶點微辣，食完一啖又一啖，等主角出場！一個自選小菜- 有超過廿十多款選擇，最後揀左千島醬蝦球！呢個意外地有驚喜的一菜，大蝦🍤配上炸漿炸得皮脆肉嫩，與千島醬的味道十分夾，食完一件又一件，很適合餸飯！主菜-花膠雞煲- 主角終於出場，一個半熟的雞煲放上石油氣爐再慢慢滾起，煲上有滿滿厚肉的花膠及嫩滑的雞肉，啖啖入口，啖啖爽口，不知不覺我們就食完了！🍧飯後甜品-楊枝甘露- 最後食返碗糖水滋潤返，今晚餐飯真的食得很飽很滿足呀！.P.S. 最後發現原來食滿$200，就可抽獎一次，滿$400，就可抽獎兩次，如此類推，食得多就自然可以抽得多！100%中獎！
繼續閱讀
#20240422 📝📍 榮哥煮場 @winggorchef 旺角山東街55號地舖➖➖➖➖➖➖➖➖➖➖➖➖➖➖➖➖➖#二人套餐 $298 🥢 #前菜 💭 以為係好似平時酒樓啲花生咁細細兜，點知咁大兜，真係有啲嚇親😂雲耳好爽脆，用左陳醋同勁多蒜去整，酸酸地又帶啲惹味好開胃～. 🥢 #藥膳黃酒雞煲 💭 用台灣既一條根去整，一直以為一條根係用尼整藥貼敷，原來仲可以用尼煮野食，藥味比起酒味重啲，除左一條根，仲用左當歸同黑棗呢啲貴藥材去煲，可以驅寒祛濕，咁岩🐷去果日落大雨，一飲真係暖入心☔️啲雞件切到細細舊，方便上枱滾起就食得，每舊雞無論係咩部位都好滑，唔好睇佢細細舊，其實有好多件，食極都食唔晒咁🐔. 🥢 #柚子蝦球 💭 叫套餐除左有雞煲仲跟個小菜，有好多款可以揀，揀左啲出面少見啲既，其實味道想像到，近似柚子蜜既味道，不過值得一讚既係碟野望落好多，原來粒粒都係蝦球🦐唔似平時食開果啲會放啲燈籠椒呀菠蘿呀係度濫竽充數，堅貨真價實！. 🥢 #白飯 🥢 #甜品 💭 食藥膳雞個底通常係麵底，🐷第一次跟飯食，原來都幾夾，再連埋啲辣椒豉油滴啲落個飯度非常送飯🌶️食到尾個套餐仲可以揀跟野食定糖水，揀左楊枝甘露，花奶味偏重，食得出係自家製有heart💓見餐牌仲有啲散叫餐食，下次尼要試下先🤩.#旺角美食 #🐷在旺角 #🐷_食
繼續閱讀