影片
港鐵東涌站 B 出口, 步行約1分鐘
繼續閱讀
電話號碼
23828233
開飯介紹
主打北京菜，其中必試招牌北京烤鴨，即叫即燒，入口皮香肉滑；菜式融入各地美饌精髓，選擇多元化，加上典雅及充滿藝術感的裝潢，環境相當舒適。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
63折
精選套餐 4位用 (堂食) -北京人氣烤鴨店 特色中式美食！
$1,519
$2,418
66折
精選套餐 2位用 (堂食) -北京人氣烤鴨店 特色中式美食！
$799
$1,218
77折
$130 午市現金券(堂食)- 北京人氣烤鴨店 特色中式美食！
$100
$130
84折
$120 晚市現金券(堂食)- 北京人氣烤鴨店 特色中式美食！
$100
$120
我都算係一個片皮鴨fans，估唔到呢間中菜館嘅片皮鴨都幾impress 到我。我地4人點咗半隻片皮鴨。鴨肉片用發熱碟上，咁就唔驚凍咗影響肉質同味道，見到餐廳嘅細心。鴨肉方面，分咗三個唔同部位，三種唔同食法，點唔同嘅醬汁同配料。分別可以點甜醬、配青瓜、白蔥包起，或可以點爆炸糖、藍莓醬、山楂餅，仲可以配自家製芥末。除咗佢嘅烤鴨之外，呢度嘅點心同其他小炒都好唔錯。小籠包皮薄多湯汁，熱辣辣食好過癮。另外櫻花蝦蒸飯都好有風味，食落每啖都有淡淡的蝦香味，推介。冰梅骨脆卜卜，甜酸甜酸咁好開胃。另外叫咗酸菜魚，大大碟只係$268好抵食。佢嘅魚肉紮實，湯底係金湯可配上粉麵食。總括嚟講，幾個朋友嚟食上海菜都係一個唔錯嘅選擇。價錢尚算合理，座位舒適，會再回購。
繼續閱讀
喺東涌outlet行到攰，於是就搵吓有啲乜嘢餐廳可以試吓。見到呢間裝修幾典雅嘅中菜館，於是就決定入去解決晚餐。餐廳比我想像中大，我哋一行四人就被安排坐喺卡位，都闊落同坐得都舒服。我哋見餐牌都有好多選擇，我哋於是就嗌咗幾款去試吓。我哋首先嗌咗一個半套嘅義和馳名烤鴨。一上枱，份量都幾大同埋可以有三食，而侍應都好用心講解每一part嘅食法從而令到味道昇華。其中最特別嘅係可以點爆炸糖去食，好有創意。烤鴨嘅外皮烤得好乾脆，唔會太大油膩感，而肉質亦都保持juicy。最值得讚就係佢哋嘅烤鴨係仍然有一個保溫爐烘住，唔會驚佢哋變凍晒。而另外我哋都嗌咗小籠包、酸菜魚、鮑魚雞粒炆飯、櫻花蝦海味蒸飯同埋埋個冰梅骨。其中嗰兩個飯一上枱嘅時候，已經聞到好香，而且份量都頗大，味道亦都好香口，食落好滿足。而酸菜魚嘅酸味做得啱啱好，唔會太濃，而魚片嫩滑，入邊有啲粉絲，索埋個湯食幾正。而冰梅骨一上到嚟熱辣辣，炸到脆卜卜，酸酸甜甜，好開胃。整體嚟講，無論服務定係成個環境，都可以俾到我同朋友好舒服咁樣喺度傾偈，而食物嘅質素亦都實屬不錯，成個用餐體驗都好滿足。
繼續閱讀
係東涌瘋狂購物完，就梗係要搵地方醫肚。 行過呢間門口，見到片皮鴨同埋酸菜魚做緊特價，女人一見到特價就忍唔住會入去食。 同埋我哋幾個女人都好鍾意食中菜，因為可以傾偈高談闊論，唔使咁拘謹～小籠包多肉多汁，唔會好鹹片皮鴨兩食有師傅喺隔籬現場切開隻鴨，同埋片皮好新鮮！ 兩食揀左薑蔥爆炒，調味好惹味，會忍唔住食咗好多薑蔥鮑魚雞煲呢個正喎啲雞好嫩滑，鮑魚都唔少，唔係得幾粒仔咁酸菜魚佢裏面有啲粉絲，仲有萵筍，啲肉連啖湯一齊食好正最後覺得有少少唔係好夠喉，嗌多咗個冰梅骨，應該一乍起就上碟，好熱好脆，少少甜甜地，酸酸地，正！
繼續閱讀
今日同朋友去咗東薈城行街，行完見到呢一間片皮鴨做緊特價，上網見到片皮鴨有好多特色配料。所以就入咗去。馳名烤鴨 必叫佢同傳統嘅片皮鴨有啲唔同，除咗有甜醬，青瓜，白蔥之外佢仲有爆炸糖，藍莓醬，山楂餅，自家製芥末。肉質幾林，而且咬落去多汁。塊皮都好薄，師傅分咗唔同部位放啲片皮鴨。所以有啲咬落去油香好重，一咬啲油標晒出嚟。有啲就係薄薄地嘅鴨皮下面有一大塊鴨肉，配合啲特色醬汁，好滿足。京式小籠包四個包子裡面裝滿熱騰騰嘅湯汁同肉餡，一口咬落去，湯汁爆曬出黎，皮薄餡多，正！冰梅小肉排 特色係一個好特色嘅菜，小肉排外脆內嫩，配上酸酸甜甜嘅冰梅醬汁，味道清新開胃，而且佢上面有少少脆皮黃心番薯，非常特色！櫻花蝦海皇炒飯炒飯有鑊氣，櫻花蝦鮮甜多汁火候啱啱好唔會太乾櫻花蝦唔會太硬，而且啲飯粒粒分明。 紅棗雪耳羮女性恩物，我估佢嘅湯底係少少薑汁所以食落去小小辛口，不過紅棗中和左所以整體淡淡嘅甜味，幾健康！ 整體價錢性價比高，服務都唔錯，值得一試。
繼續閱讀
喺東薈城行咗陣街，嚟羲和小館食晏叉電，準備再買過冰梅小肉排($118) - 豬扒軟腍，切咗件掛到更多酸甜嘅梅醬，好開胃好好食，伴碟用咗甜薯，味道好夾籠仔櫻花蝦海味蒸飯($118) - 好驚喜，飯係炒過先蒸，有蛋香，荷葉味亦好香口，加埋櫻花蝦同海鮮，口感同味道都好豐富蒜香雞翼($68) - 皮脆肉嫩，熱辣辣，加埋炸蒜好香口宮廷紅豆糕($38) - 凍冰冰好清涼，口感特別，紅豆味香濃，甜度剛剛好，清新之選茶芥$12/位，鐵觀音好香，用小火爐熱住好貼心，醃青瓜醋酸味好開胃裝修古典風格，應該優雅，座位乾淨闊落，坐得好舒服套餐同單點嘅選擇都多，圖文並茂好吸引，亦有唔同嘅優惠，服務亦唔錯，值得一試
繼續閱讀