影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
間嘢態度好好嘅，但係啲嘢食真係搞唔掂，我碗飯成碗都係水唔講以為我嗌咗湯撈飯。跟住換咗俾我第二碗有蛋殼。。。講真其實打蛋唔小心有蛋殼我真係完全接受到，但係佢第一碗已經成碗水真係好燥。。。本身冇寫評價嘅習慣，我個friend話好誇張叫我寫，仲要特登email認證真係第一次用。。。
繼續閱讀
Tonkichi 日本吉列豬扒尋晚路經沙田，去咗沙田新城市廣場揾食，老婆話好耐冇食過吉列豬扒，想試e間，老婆對吉列豬扒非常一般，因為有好多食肆做嘅炸漿粗硬嚡口兼油膩，吉列變成拮脷，食到成口傷痕纍累。七點左右已經好多人，睇到餐廳已經擺成Halloween佈置，好彩仲有幾張枱剩。太太order個傳統吉列豬扒飯，我喜歡有湯汁，蛋汁煑炸豬扒就最啱我，兩塊豬扒都炸熟炸透，略為乾身，好彩豬扒肉質好，咬落去好腍有肉味無柴皮，至於炸漿就乾身無油冧冧，日本人做嘅炸漿有水準，食完唔會有油膩感覺。醬汁就有三種選擇，紫菜，柚子及傳統味，我鍾意紫菜味同埋柚子味，傳統味就比較偏甜偏酸，好似加左糖嘅Worcester Sauce，伴碟椰菜絲冰涼爽口，食完仲可以免費再加，我較喜歡同紫菜醬汁一齊食，配豬扒飯常合襯，至於麵豉湯味道濃郁，仲有一隻蜆，但係飲唔到有海鮮味，都算不過不失，唔會得個鹹字。飯後仲有西瓜甜品同埋一杯玄米茶，西瓜同玄米茶就非常之一般，唯一可以講嘅就係杯玄米茶夠熱。俾錢時發現此食店要收$9一位茶錢，幾時食吉列豬扒會有咗去茶樓嘅規矩！至於服務員有禮貌，又會跟客人溝通傾偈，唔會木口木面，服務小哥工作勤快滿頭大汗，真係辛苦晒。餐廳室內及枱面都清潔乾淨，唯一有問題嘅係佢哋嘅公用洗手間，新城市廣場樓層越高就越缺洗手間，餐廳位處7樓，最近洗手間就係disable toilet ，要先通過數度走火門以及走火通道，未曾見過咁差嘅環境，地下佈滿食物渣滓以及嚴重積水，污糟邋遢兼臭味攻鼻，情況好似SARS以前深水埗後街後巷一模一樣，今時今日難以想像仲有如此景象！唔小心跣低就大鑊，隨時要打破傷風針。話時話如果有disable人士用洗手間，情況難以想像！
繼續閱讀
日式吉列豬扒專門店「Tonkichiとん吉」首家門店於1995年在銅鑼灣世貿中心開業，是香港唯一一家高級日式吉列豬排專門店，將最正宗的日式吉列文化引進香港，於過去廿多年間，在港九新界共開設了7間分店。今天光顧這家沙田分店位於港鐵沙田站上蓋的新城市廣場內，裝修相當舒適，服務員笑容好又殷勤招待，落完單後又細心介紹枱上醬汁如何配搭，上菜後經常問需否加飯或沙律菜，整體優良所以是食得開心又滿足的。唯最不滿是要收茶錢，從未聽過食日餐會收茶錢，亦沒有在餐牌裏面寫明，怪不得在上生果時服務員問要否換杯熱茶。員工更會熱情推介食物優惠券套票，買了$1200套票送$200回贈，覺得好抵所以買了，因為隨便散叫都要200幾至300幾一個餐，所以買套票很快會用完又多$200著數！文章及更多圖片
繼續閱讀
如果壞食物也有水準，那麼今天吃的無疑是王者！ 吃完飯後，我有舔盤子的衝動。 不是我餓得想吃盤子，而是這道菜給了我“美味”的新定義。食lunch使我成幾百蚊，真的不如去搶。 我不會再來了。
繼續閱讀
今日同老婆仔女行完沙田新城市廣場，就諗住食個晚飯先返屋企。見丼吉就腳就入咗去。一坐低就叫咗碟前菜拼盤，有枝豆、凍豆腐同八爪魚芥辣秋葵。枝豆熱辣辣，鹹鹹地好醒胃；凍豆腐好滑好香，配埋木魚絲同日式醬汁，食到停唔到口；八爪魚爽口，秋葵配埋芥辣一齊食，好爽脆。成個前菜拼盤都新鮮，做宵夜一流。跟住個主菜吉列豬柳定食，有漬物、味噌湯同生果。漬物開胃，甜到漏；吉列豬柳炸到金黃色，肉質軟綿，一咬就散；豬扒金黃香脆，食落爽口唔會太膩；豬柳同豬扒配埋芝麻、豬扒汁同海鹽一齊食，口感豐富。炸大蝦炸到金黃色，啖啖肉，有層次；定食配埋椰菜絲同白飯，椰菜絲新鮮爽口，白飯軟綿，仲可以任食添；味噌湯鹹度適中；最後個生果西瓜，清甜解膩。成個吉列豬柳定食材料足料，口感正。丼吉坐位闊落，嘢食好食，口感豐富，我哋一家四口食得好滋味。
繼續閱讀